18
Sadak və başqa yaxın adamların məsləhətilə müstəqillik göstərmək qərarına gəldi
1
.
Sultan Mahmud xəlifənin bu sərbəstliyinə yubanmadan tədbir gördü. O, ordu ilə
hücuma keçdi və xəlifənin müqavimətinə rast gəlmədən tezliklə Bağdada girdi.
Sultan Mahmud Bağdadda olarkən Böyük Su ltan Səncərə qarşı xəlifə ilə ittifaq
bağladı. Bundan xəbər tutan Səncər Mahmuda belə b ir məktub göndərdi: "Sən
mən im sağ əlimsən, Xəlifəyə gəlincə, o mənə və sənə qarşı fıtnə düzəltməyi
kəsdirmişdi. Əgər siz onunla birlikdə mənə qarşı çıxsanız, o, məndən qurtular və
sonra isə sənə qarşı çıxar. Sən ona fıkir vermə! A xı, sən bilirsən ki, mən im
vəliəhdim yo xdur. Sən mənimlə döyüşdün, mən sənə üstün gəlsəm də, sənə
yamanlıq etmədim. Mən o adamları edam etdim ki, onlar bizim aramızda müharibə
törətmişdilər. Mən səni yenidən sultanlıq taxtına qaytardım. Mən səni taxt-tacın
vəliəhdi etdim, mənim qızım sənin birinci xatının A llah ın dərgahına qayıdandan
sonra, mən o biri qızımı sənə ərə verd im. Mənim sənə münasibətdə niyyətim,
atanın [oğula] [n iyyəti - red.] kimidir. Sən qoşun götürüb, Bağdada yola düşməli,
xəlifən in vəziri İbn Sadakı tutmalı, orda olan bütün kürdləri qırmalı, bütün [yol]
azuqələrini və hərəkət vasitələrini müsadirə etməli və xəlifəyə deməlisən: "Mən
sənin qılıncın və xidmətçinəm! Sən, atalarımızın etdiyi kimi, öz evinə qayıt və mən səni
sıxışdırmağa bir kimsəni qoymaram"
2
.
Göründüyü kimi, bu məktubda bir növ qəti tələb vardır. Səncər tələb edir ki,
Mahmud xəlifə əl-Müstərşidə münasibətində Səncərin özünə məxsus sərt siyasət
yürütməlidir. Səncər Mahmudu xəlifə ilə yaxınlaşmaqdan saqındıraraq, ona verilmiş
bütün nemət və xoşbəxtlikləri sadalayır və üstüörtülü də olsa, xatırladır ki, əgər
Mahmud xəlifə ilə sazişə girərsə, bütün bunları həmin anda itirə bilər. Eyni
zamanda Səncər Mahmuda anladır ki, İraq sultanlığının daxili işləri yalnız Mahmudun
ixtiyarındadır. Sultan Səncərin sözünə görə, xəlifə hələ Böyük Səlcuq sultanı Toğrulun
(1040-1063) dövründə statusları müəyyənləşdirilmiş öz sələflərinin siyasətini davam
etdirməlidir.
Mahmudun xəlifə ilə barışığından narazı qalan Səncər hicri 521-ci ilin zilhiccə
ayında (dekabr, 1127) qoşunla Reyə gəldi və Mahmudu oraya çağırdı. O, Mahmuda
xəlifə ilə özünü necə aparması haqqında göstəriş verib, əyalət canişinləri arasında
yerdəyişmə aparılmasmı tələb etdi. Ancaq mənbələrin məlu matlarından görünür ki,
Mahmud Səncərin göstərişlərini yerinə yetirməkdən boyun qaçırmışdı. Buna görə də
Səncər İraq sultanlığının taxtı uğrunda Mahmuda qarşı qardaşlarının apardığı ara
çəkişmələrinə mane olmaqdan əl çəkdi. Bundan xəbər tutan Mahmud Səncərin
iradəsinin ziddinə olaraq, əmirlərin və yaxın adamlarının müdafiəsinə arxalanıb, oğlu
Davudu vəliəhd elan etdi. O, xəlifədən tələb etdi ki, Davudun adı xütbələrdə
1
İbn əl-Əsir, VIII, səh.321; İbn əl-Cövzi, IX, səh.253-254; İbn Xaldun, V, səh.109.
2
Məktubun məzmunu İbn əl-Cövzinin əsərində (IX,səh.254-255) verilmişdir. Həmçinin
bax: əl-Hüseyni, vər.55a.
19
çəkilsin, ancaq xəlifə bu tələbi yerinə yetirməkdən boyun qaçırtdı və bildirdi ki, belə
əmrləri Səlcuqlar nəslinin böyüyü, həm də Böyük Sultan olduğu üçün yalnız və yalnız
Səncər verə bilər
1
.
Hicri 524-cü ilin zül-hiccə ayında (noyabr, 1130) Məsud qardaşı Mahmuda
qarşı yenidən qiyam qaldırdı. Ancaq qardaşlar Kirmanşahda görüşüb, dinc barışıqla
ayrıldılar. Məsud Gəncəni nahiyyələri ilə birlikdə iqta götürüb, 150 min dinarlıq
hədiyyə aldı və qoşunları ilə Gəncəyə qayıtdı
2
. Hələ hicri 521-ci ildən Arranı öz idarəsi
altına keçirən Qara Sunqur bu vaxt şahzadələrdən Məsudla Toğrulun atabəyi idi
3
.
Məsud tərəfdən öz təhlükəsizliyini təmin edən Sultan Mahmud Sultan Səncərə
qarşı münasibətində özünü daha müstəqil aparmağa başladı. O, Sultan Səncərin elçilərini
Həmədanda düşməncəsinə qarşılayıb, onlara demişdi: "Mən sultanam, bəs Səncər kimdir?"
Bundan sonra Mahmud vəziri Əbülqasım əl-Ənəsabadinin məsləhəti ilə bir sıra əmir və
canişinləri işdən götürdüb edam etdirdi və oğlu Davudun adına Azərbaycanda və Cibəldə
xütbə oxunması üçün əmr verdi
4
.
Daha sonra Sultan Mahmud xəlifə əl-Müstərşidi hakimiyyətdən salmaq qərarına
gəldi. Sultan Bağdada hücuma hazırlaşmaq haqqında əmr verdi, ancaq hicri 525-ci il şəvvəl
ayının 11 -də (6 sentyabr 1131) o öldü
5
. Vəzir əl-Ənəsabadi və şahzadə Davudun atabəyi
Marağa hakimi Ağ Sunqur əl-Əhmədili həmin an Davudu İraq sultanlığının taxtına
çıxartdılar. Ancaq Mahmudun hər üç qardaşı - Məsud, Toğrul və Səlcuq şah bununla
razılaşmadılar
6
.
Sultanlıq taxtına birinci olaraq öz iddias ını Məsud irəli sürdü. Hicri 525-ci ilin
zülqədə ayında (oktyabr, 1131) o, Gəncədən hücum edib, tezliklə Təbrizi tutdu.
Davudun qoşunu şəhəri mühasirəyə aldı. Buna baxmayaraq, hicri 526-cı il məhərrəm
ayının sonunda (22 dekabr 1131) Məsudla Davud arasında barışıq bağlandı. Bu barışığın
şərtləri haqqında mənbələr heç bir məlumat vermir
7
. Bundan sonra Davud öz adının
xütbələrdə oxunmasını xəlifədən tələb etdi, ancaq rədd cavabını alıb, taxt-tac uğrunda
mübarizəni müvəqqəti olaraq dayandırdı
8
.
Məsud isə Mosul hakimi atabəy İmadəddin Zəngiyə yardım üçün müraciət etdi və
onun vədinə arxalanıb, taxt-tacın daha real iddiaçısına çevrildi. O, əlavə olaraq, Şəhrəzur
hakimi əmir Qıpçaq ibn Arslan-Daşdan da hərbi kömək alıb, xəlifə əl-Müstərşidin ona
yardım göstərəcəyini də yəqin edib 10 min atlı ilə Bağdada yürüşə başladı
9
.
1
İbn əl-Cövzi, X, səh.20; Sibt ibn əl-Cövzi, XII, səh.169.
2
İbn əl-Əsir, VIII, səh.332; İbn əl-Cövzi, X, səh.21.
3
Əl-Hüseyni, vər.55a-b.
4
İbn əl-Əsir, VIII, səh.333; Sibt ibn əl-Cövzi. XII, səh.169.
5
İbn əl-Cövzi, X, səh.24; Ravəndi, səh.196; Sibt bin əl-Cövzi, XII, səh.170.
6
İbn əl-Əsir, VIII, səh.333; İbn əl-Cövzi, X, səh.29; əl-Hüseyni, vər.56a.
7
İbn əl-Əsir, VIII, səh.335; İbn əl-Cövzi, X, səh.24; əl-Bundari, səh.160.
8
İbn əl-Əsir, VIII, səh.335; İbn əl-Kalanisi (əl-Fariqi), səh.256.
9
İbn əl-Əsir. "Atabəylər", səh.43.
Dostları ilə paylaş: |