Azərbaycan döVLƏT İQTİsad universiteti «magistratura məRKƏZİ»
Yüklə 0,66 Mb. Pdf görüntüsü
|
22
İnnovasiya texnologiyaları isə yeniliyin reallaşdırma mərhələlərinə kömək edən üsul və vasitələr toplumudur. İnnovasiya texnologiyalarının belə növlərini fərqləndirirlər: həyata keçirmə, təlim, konsaltinq, transfer (köçürmə), audit, mühəndislik. İnnovasiya texnologiyalarının tətbiqi üçün müvafiq innovativ infrastruktur olmalıdır.İnnovasiya infrastrukturu innovasiya fəaliyyətinin reallaşdırılmasına xidmət edən, onları təmin edən və qarşılıqlı əlaqədə olan strukturlar kompleksidir.İnnovasiya-investisiya infrastrukturu dedikdə isə innovasiya- investisiya proseslərinin reallaşdırılmasına xidmət edən, onları təmin edən və qarşılıqlı əlaqədə olan strukturlar kompleksi başa düşülür.
Dövlət innovasiya siyasətinin nəzəri əsasları Dövlətin innovasiya siyasəti innovasiya fəaliyyətinin inkişafına və
stimullaşdırılmasına yönəldilmiş sosial-iqtisadi siyasətin tərkib hissəsi olub, elmi tədqiqatlardan, işləmələrdən, təcrübi
konstruktor işlərindən,elmi-texniki nailiyyətlərdən istifadə etməklə iqtisadi dövriyyədə reallaşdırılan yeni məhsulların, habelə texnoloji prosesin yaradılması deməkdir. Bu siyasət yerli məhsullara mövcud rəqabət qabiliyyətliliyinin yüksəldilməsi, dayanıqlı iqtisadi artımın təmin olunması, əhalinin həyat səviyyəsi və keyfiyyətinin, ölkənin müdafiə texnoloji və ekoloji təhlükəsizliyinin təmin
edilməsi üçün innovasiya fəaliyyəti prioritetliyi razılaşdırılmaqla formalaşdırılır və həyata keçirilir. Dövlətin innovasiya siyasətinin əsas məqsədləri aşağıdakılardan ibarətdir: -yerli məhsulların rəqabətqabiliyyətliliyinin artımını təmin edən innovasiya fəaliyyəti üçün iqtisadi, hüquqi və təşkilati şəraitin yaradılması ilə yanaşı elmi- texniki nəticələrin effektiv ifadəsi, sosial-iqtisadi məsələlərinin həlli; - elmi-texniki potensialın inkişafı səmərəli yerləşdirilməsi və effektiv istifadəsi onun strukturunun formalaşdırılması; - elm və texnikanın ölkə iqtisadiyyatının inkişafına, ən mühüm sosial vəzifələrin reallaşdırılmasına, maddi istehsal sferasında mütərəqqi struktur dəyişikliklərinin
23
təmin olunmasına təsirinin artırılması, onun effektivliyinin və rəqabətqabiliyyətinin yüksəldilməsi; - ölkənin müdafiə qabiliyyətinin və şəxsiyyət, cəmiyyət və dövlət təhlükəsizliyinin möhkəmləndirilməsi. Məqsədə nail olmaq üçün dövlət innovasiya siyasətinin aşağıdakı vəzifələrini həll etməlidir: -dövlət innovasiya siyasəti prioritetlərinin müəyyən edilməsi və reallaşdırılması; - iqtisadiyyatda mütərəqqi struktur dəyişikliklərinin təmin edilməsi; - innovasiya fəaliyyəti infrastrukturunun yaradılması və onun inkişafı; - beynəlxalq bazarda yerli innovasiya məhsullarının qorunması və xarici iqtisadi innovasiya fəaliyyətinin inkişafı üzrə tədbirlərin həyata keçirilməsi təmin edilməsi; - innovasiya fəaliyyətinin inkişafında elm, təhsil, istehsal və maliyyə-kredit sferalarının qarşılıqlı təsirinin təmin edilməsi; - xalq təsərrüfatının inkişafı strategiyasını, temp və proporsiyalarını müəyyən edən başlıca istiqamətlərdə iqtisadiyyatın inkişafının stabilləşdirilməsi üçün elmi-texniki potensialın effektiv istifadəsinin və onun strukur tarazlığının təmin olunması. Innovasiya sferasında dövlət orqanlarının əsas funksiyalarına aşağıdakılardır: -dövlət innovasiya siyasətinin formalaşdırılması; - innovasiya proseslərinin hüquqi bazasının yaradılması, xüsusilə innovatorların müəlliflik hüquqlarının qorunması və intellektual mülkiyyətin mühafizəsi; - bu sferada innovasiyanın, rəqabətin stimullaşdırılması, innovasiya risklərinin sığortası, köhnəlmiş məhsulların buraxılışına görə dövlət sanksiyasının tətbiqi; - innovasiya sferası infrastrukturunun formalaşdırılmasında iştirak; - innovasiyanın sosial və ekoloji yönümlüyü təmin olunmaqla elm, texnika və texnologiyanın prioritet istiqamətlərinin müəyyən edilməsi; -prioritet elmi tədqiqatlara və innovasiyalara resursların ayrılması; - dövlət sektorunun təşkilatlarında innovasiya proseslərinin institusional təminatı; - innovasiya və elmi-texniki fəaliyyət ilə məşğul olan şəxslərin ictimai statusunun yüksəldilməsi; 24
- innovasiya sferası üçün kadrların hazırlanması; - Azərbaycan regionlarında innovasiya proseslərinin tənzimlənməsi; - innovasiya proseslərinin beynəlxalq aspektlərinin tənzimlənməsi; - milli innovasiya sahibkarlığının maraqlarının müdafiə edilməsi. Dövlətin innovasiya siyasətinin ən mühüm prinsipləri aşağıdakılardır: -milli elmi potensiala dayaq olmaq; - elmi yaradıcılıq azadlığı, elmi sferanın ardıcıl demokratikləşdirilməsi, elmi siyasətin formalaşması və reallaşması zamanı açıqlıq və aşkarlıq; - fundamental elmi tədqiqatların inkişafının stimullaşdırılması; - aparıcı milli elmi məktəblərin inkişafı; - elm və texnika sferasında sağlam, rəqabət və sahibkarlıq üçün şərait yaradılması, innovasiya fəaliyyətinin stimullaşdırılması və ona köməklik göstərilməsi; - ölkənin zəruri müdafiə qabiliyyətinin və milli təhlükəsizliyin təmin edilməsi məqsədilə elmi tədqiqatların və işləmələrin təşkili üçün şərait yaradılması; - elm və təhsilin inteqrasiyası, bütün səviyyələrdə ixtisaslaşmış elmi kadrların hazırlanmasının bütöv sisteminin inkişafı; - tədqiqatçının, təşkilatın və dövlətin intellektual mülkiyyət hüquqlarının müdafiəsi; - açıq informasiyaya maneəsiz girişinin və onunla azad mübadilə hüququnun təmin olunması; - müxtəlif mülkiyyət formasına malik elmi-tədqiqat və təcrübi-konstruktor təşkilatlarının inkişafı; - elmin nailiyyətlərindən geniş istifadə üçün iqtisadi şəraitin formalaşdırılması Azərbaycan iqtisadiyyatı üçün əsas elmi-texniki nailiyyətlərin yayılmasına yardım göstərilməsi; - elmi əməyin nüfuzunun yüksəldilməsi, alim və mütəxəssislər üçün layiqli həyat və iş şəraitinin yaradılması; - müasir elmi nailiyyətlərinin, onların Azərbaycanın gələcəyi üçün əhəmiyyətin tətbiqi.
Yüklə 0,66 Mb. Dostları ilə paylaş:
|