49
qazının istifadəsi deyil, həm də Türkmənistan qazının İran ərazisindən
daşınmasıyla bağlı planlar pozmuşdur. Avropa İrana qarşı tətbiq etdiyi
sanksiyaları ləğv edərsə, İran TANAP və Nabucco West kimi transregional
layihələrə qoşula bilər. İŞİD-lə bağlı hökm sürən qeyri-sabitlik İraqın da bu
layihədə iştirakına mane olur.
Azərbaycanda Abşeron və Ümid kimi yeni qaz yataqlarının istifadəyə
verilməsi gözlənilsə də, layihənin ümidini Ümidə bağlamaq düzgün olmaz.
Qeyd olunan yataqlar uzunmüddətli perspektivdə kifayət etməyə bilər. Nabucco
layihəsinin dirçəldilməsi ideyası yalnız Azərbaycanda yeni yataqların istifadəyə
verilməsiylə deyil, həm də İran və Türkmənistanın layihəyə qoşularaq, öz təbii
qaz resurslarının kəmərə istiqamətləndirilməsi nəticəsində reallaşa bilər.
Əgər Nabucco layihəsi davam etdirilərsə əvvəlkinə nisbətən daha ucuz başa
gələcək. Çünki Türkiyə ərazisindən keçən TANAP layihəsini Türkiyə özü
maliyyələşdirəcək, Azərbaycan isə yalnız kəmərin öz ərazisindən keçən hissəsini.
Təkcə Nabucco layihəsinin əsas tərkib hissələrindən olan Xəzərin dənizinin
dibindən keçəcək TransXəzər boru kəməri hissəsi mübahisə doğurur. Xəzərin
statusu müəyyənləşmiyənədək TransXəzər boru kəməri də reallaşa bilməyəcək. Bu
məsələdə əsas problemi Rusiya və İran tərəf yaradır. Bu layihənin ilk ideyası 1997-
ci ildə Türkiyənin Türkmənistan qazını alması məqsədilə əlaqədar meydana gəlib.
Türkmənistandan Azərbaycanadək uzanacaq boru kəmərinin uzunluğu 300 km-ə
yaxın olacaq. Zaman keçdikcə layihənin gələcək planları daha da genişlənərək,
təbii qazın yalnız Türkiyəyə çatdırılmasıyla məhdudlaşmamış, əsas perspektiv
bazar kimi Avropaya nəql olunması da nəzərdə tutulmuşdur. Qeyd etmək lazımdır
ki, layihənin gecikməsində Azərbaycanın da təsiri olmuşdur. Belə ki, Şah-Dəniz
yatağındakı zəngin ehtiyatların olması müəyyənləşdikdən sonra Azərbaycan 32
mlrd. kubmetr ötürmə həcmi olan kəmərdə illik 16 mlrd. kvota tələb etsə də,
Türkmənistan tərəf bu şərtlə razılaşmamışdır. Bununla bərabər Kəpəz yatağıyla
bağlı mübahisələr də iki ölkə arasında narazılıqları artırdı. Türkmənistan 2011-ci
ildə uzunluğu 1000 km və dəyəri 2 mlrd. dollar olan daxili Şərq-Qərb qaz
50
kəmərinin inşasına başlayıb. Bu kəmər ölkənin Eloten şərq regionu ilə Xəzər
sahillərindəki yataqların ehtiyatlarını vahid nəqliyyat şəbəkəsinə birləşdirəcək. Bu
layihənin davamı kimi TransXəzər kəmərinin əhəmiyyəti də artacaq.
Regionda investisiya siyasətindən danışarkən qeyd etmək lazımdır ki,
Gürcüstanda investisiyaların ümumi həcmi 3 mlrd. dollara çatıb. SOCAR
Rumıniya istiqamətində AGRI qaz layihəsinin, Balkana çıxmaqla Trans-Adriatik
boru kəməri layihəsinin reallaşmasında, həmçinin Yunanıstan, Ukrayna,
Moldovanın yanacaq infrastrukturunun inkişafında iştirak edir. Azərbaycan
həmçinin Serbiya, Gürcüstanda da böyük layihələrə kredit ayırır.
Layihənin zəif tərəfləri nəticəsində Nabuccoya əlavə kimi Cənub dəhlizi
konsepsiyası halhazırda Avropa Biriyi bazarına qaz nəqlinin müxtəlif variantlarını
nəzərdə tutur. ITGI (Türkiyə Yunanıstan birləşdirici boru kəməri), TAP
(Transadriatik
qaz
kəməri),
AGRI
(Azərbaycan-Gürcüstan-Rumınıiya
Interconnector), Ağ axın (Gürcüstan-Ukrayna). Boru kəmərlərin müxtəlif
variantlarının bəzi elementləri yarışırsa da, digərləri bir-birilərini tamamlayır. Boru
kəmərinin seçimində Azərbaycanın rolu həlledici məna daşıyır. Çünki Azərbaycan
həm qaz yatağının sahibidir, həm də eyni zamanda ARDNŞ Şahdəniz
konsorsiumunun səhmdarıdır. Azərbaycan və Türkiyə öz məqsədlərinə nəqliyyat
marşrutları seçimində başqa həll yolu təklif etməklə çatmaq istəyirlər – Trans
Anadolu boru kəməri (Trans Anatolian pipeline - TANAP). Yeni layihə
müşahidəçilər tərəfindən yüksək qiymətləndirildi. Bu təklif həm Xəzərdəki enerji
təhlükəsizliyinin təmin olunmasındakı əsas iki subyektin – Azərbaycan (istehsalçı
ölkə) və Türkiyənin (tranzit ölkə) maraqların özündə əks etdirir. Bundan əlavə
Nabuccodan daha az maliyyə tələb edən, kommersiya cəhətdən daha cəlbedici
variant təklif edir. Yalnız, bütün strateji əhəmiyyətli şeylər kimi, bu layihə də
yüksək siyasi risklərlə bağlıdır. Çünki Rusiyanın dəstəklədiyi Cənub cərəyanı ilə
rəqabətdədir.
Azərbaycanın Avropaya qaz tədarükçüsü kimi təsiri artmasıyla bərabər,
Rusiya tərəfindən Avropa qaz bazarına siyasi nəzarət layihədə Rusiya tərəfindən
51
dominantlığına təhlükə kimi qəbul edib layihədə problemlər yaratmaq ehtimalı var.
Rusiyayla bağlı risklərin azaldılması baxımından daha real boru kəməri layihəsi,
BP şirkəti tərəfindən 2011-ci ildə təklif olunan Cənub Şərqi Avropa boru
kəməridir (South East Europe Pipeline – SEEP). SEEP layihəsi Avropa
(Yunanıstan, Bolqarıstan, Rumıniya, Serbiya və Macarıstan) və Türkiyədə
mövcud olan infrastrukturdan istifadə edildiyi üçün kommersiya cəhətdən cəlb
edicidir. Daha etibarlı və ITGI / TAP – Bolqarıstan, Rumıniya, Macarıstan,
Xorvatiya kimi 2 dəfə daha çox ölkə bazarından keçərək, ümumi həcmində
Nabuccodan daha kiçik miqyaslı bir layihədir. Azərbaycan rəsmi olaraq öz
seçimində boru kəmərin kommersiya xüsusiyyətlərini rəhbər tutsa da, belə çətin bir
regionda bu seçim də siyasi faktorlardan azad deyil. Azərbaycana təsir edən
regiondakı belə siyasi faktorlardan biri və ən əsası isə Ermənistanla olan Dağlıq
Qarabağ məsələsidir. Belə bir mühitdə Azərbaycan öz neft və qaz siyasətini
müvəffəqiyyətlə manevr edə bilir.
Qeyd olunan bütün layihələrdə Azərbaycan yalnız qaz ixracatçısı yox, həm
də tranzit ölkə kimi də çıxış edir. Bu isə Azərbaycanın Avropa ölkələri ilə yanaşı,
region dövlətləri üçün də cəlbediciliyini artırır. Avropa Birliyi ölkələrinin enerji
təhlükəsizliyinin təminatında mühüm rol oynayan Bakı-Tbilisi-Ceyhan neft
kəmərinin etibarlı işləməsi bu qənaətə gəlməyə əsas verir. Avropa da öz
münasibətlərində Rusiya kimi böyük təsir gücünə malik dövlətlə müqayisədə,
Azərbaycana daha çox üstünlük verir.
Dostları ilə paylaş: |