64
3.2. Xarici investisiyaların transregional layihələrin həyata keçirilməsinə təsiri
Keçid
dövründə
dövlət
iqtisadiyyatına
investisiya
vəsaitlərinin
yönləndirilməsi Azərbaycanın əsas hədəflərindən olub. Azərbaycanın iqtisadi
təhlükəsizliyi və inkişaf perspektivləri daha çox enerji sahəsi ilə bağlıdır. Bu
səbəbdən ilk zamanlardan ölkəyə yatırılan investisiyalar məhz bu sahənin inkişafı
istiqamətində olmuşdur.
Təbii resurslarla zəngin olan Azərbaycanının xarici investisiyaların cəlbi
üçün böyük iqtisadi potensialı vardır. Ölkəyə xarici investisiyaların axınına
müxtəlif amillər təsir edir ki, onlar ümumilikdə investisiya şəraitini təşkil edir.
Buraya sosial sabitlik, mədəniyyət, ölkə iqtisadiyyatının vəziyyəti və s. aiddir.
İnvestisiya mühitinə ölkələrin obyektiv imkanları (investisiya potensialı – təbii
resurslar, işçi qüvvəsi, infrastrukturun mövcudluğu) və investorun fəaliyyətinin
şəraiti də (investisiya riski) aiddir.
BMT ticarət və inkişaf hesabatlarına görə Azərbaycan dünyada dünyada
investisiya cəlb ediciliyinə görə qabaqcıl ölkələrdən biridir. İnvestisiya
cəlbediciliyi ÜDM-in və birbaşa investisiyaların adambaşına düşən həcminə əsasən
müəyyənləşdirilir. Bu göstərici ilə ölkənin xarici investisiyalara açıqlığını ifadə
olunur.
İnteqrasiyada iştirak edən ölkədəki iş adamlarının buna marağını artırmaq
lazımdır. Bu üsulla, yerli müəssisələrin Qərb və Şərqin təşkilatları ilə daha güclü
əməkdaşlıq əlaqələrinin qurulması üçün maddi, infrastruktur və digər imkanlar
yaradılmış olacaq. Eyni zamanda Şərq-Qərb nəqliyyat dəhlizlərinin yaradılması
digər infrastruktur layihələriylə birgə xammal, emal kimi müxtəlif sahələrdə
genişmiqyaslı transkontinental əməkdaşlıqlar üçün maddi bünövrəsini qoyardı. Bu
layihələrin reallaşdırılması Azərbaycanın strateji maraqlarının həyata keçirilməsini
təmin etməyə imkan verəcək.
65
Azərbaycan iqtisadiyyatına qoyulan investisiyaların həcmi əsasən “Əsrin
Müqaviləsinin” imzalanmasından sonra sürətlə artmağa başlayıb və bu günə kimi
böyük həcmdə investisiyalar yatırılıb. Keçid dövrünün ilk illərində dərinləşən
iqtisadi böhran vəziyyətində olan Azərbaycan geriləmə prosesinin qarşısını tam
almış və başlanılmış yeni transregional layihələr vasitəsilə sabit inkişaf
istiqamətində dönüş yarada bilmişdir.
2010-cu ildə əvvəlki illərlə müqayisədə iqtisadiyyata daha çox investisitya
yatırılıb. Və bu ildən sonra investisiyaların artım tempi əvvəl olduğu kimi artan
istiqamətə yönəlmişdir. Cəmi yatırılan investisiyalar həmin il ərzində 3.5 mlrd.
AZN artıb, bu isə ötən illə müqayisədə 33% artım deməkdir. Ümumi investisiya
həcmində artım olsa da, neft şirkətlərinin investisiyalarının nisbətən azalması
müşahidə olunur. Gələcəkdə xarici investisiyaların dövlət iqtisadiyyatına, müxtəlif
layihələrə yönləndirilməsi üçün iqtisadi islahatlar apararaq, onlara əlverişli biznes
mühitinin yaradılması vacibdir.
Qrafik 3. İqtisadiyyata yönəldilən investisiyalar (mln. AZN)
Mənbə: Azərbaycan Respublikasının Dövlət Statistika Komitəsi
0
5000
10000
15000
20000
25000
2005
2008
2009
2010
2011
2012
2013
Xarici inv.
Daxili inv.
66
İnvestisiyaların həcmi adətən artan istiqamətdə getsə də, azalma yalnız
2009-cu ildə (3 mlrd. AZN-ə yaxın) müşahidə olunur. Bu azalmanın əsas səbəbi
həmin dövrdə dünyada baş verən qlobal iqtisadi böhran, Avropa və ABŞ-da
bankların iflası, qlobal maliyyə bazarlarındakı qeyri-müəyyənliklə bağlı olub.
Həmin ildə azalma yalnız Azərbaycan iqtisadiyyatında deyil, bütün dünyada qeydə
alınmışdı. Qeyd etmək lazımdır ki, həmin azalma kəskin olmamışdır. Bu böhran
zamanı neft sektoruna yatırılan həm daxili, həm də xarici investisiyalar (1 mlrd.
ABŞ dollarınadək) azalmışdır.
Qrafikdən də görə bilərik ki, böhrandan sonraki dövrdə Azərbaycan
iqtisadiyyatına qoyulan investisiyaların həcmi artmaqda davam edir. Bu artımın
daxilində həm daxili, həm də xarici investistisiyalar artsa da, artımın əsas hissəsi
daxili investisiyalar hesabınadır. 2005-ci illə 2013-cü ili müqayisədə ümumi
investisiya həcmi 3 dəfə artıb. 2005-ci ildə yatırılan 6733,4 mln. AZN-in 68,74%-i
xarixi investisiya idisə, 2013-cü ildə 21974,2 mln. AZN-in yalnız 37,63%-i xarici
investisiya olub. Bu müddətdə xarici investisiyanın həcmi təqribən 2 dəfə, daxili
isə 6 dəfə artmışdır. 2012-ci illə müqayisədə isə 12,82% artım olmuşdur.
2013-cü ildə Azərbaycana yatırılan investisiyalar arasında Dünya Bankı,
Asiya İnkişaf Bankı, İslam İnkişaf Bankı, Avropa Yenidənqurma və İnkişaf Bankı,
Avropa Birliyi maliyyə yardımı, Avropa Şurası kimi beynəlxq təşkilatlar da yer
alıb.
Azərbaycan iqtisadiyyatına əsas investisiya yatıran ölklər ABŞ, Böyük
Britaniya, Türkiyə, BƏƏ və Niderlanddır. Bu ölkələrin daha çox investisiya
yatırmalarına səbəb Azərbaycandakı neft və qaz resurslarının əsasən həmin
ölkələrin şirkətləri tərəfindən çıxarılmasıdır. Böyük Britaniyaya məxsus BP,
Türkiyəyə məxsus BOTAŞ, Türkiyə petrolleri və s kimi şirkətləri misal göstərmək
olar.