70
3.3. Azərbaycanda yeni transregional layihələrin həyata keçirilməsi
istiqamətləri və onların reallaşdırılma perspektivləri
Transregional layihələrin özəllikləri ondan ibarətdir ki, böyük bir coğrafi
ərazini əhatə etməklə yanaşı, adətən müxtəlif siyasi və iqtisadi maraqların
toqquşma nöqtələrindən də keçir. Təbii ki, dövlət və regionların maraqları üst-üstə
düşə bilməz. Bu səbəbdəndir ki, yuxarıda qeyd edilmiş bir neçə transregional
layihələrdə olduğu müxtəlif problemlərlə üzləşilir. Bu problemlər bəzən layihələrin
reallaşmasının ləngildilməsinə (Bakı-Tbilisi-Qars dəmiryolu xətti və s. layihələr),
bəzənsə onunla rəqabətə girən yeni alternativlərin meydana gəlməsinə, hətta təxirə
salınmasına (Nabucco) kimi gətirib çıxara bilir. Layihənin həyata keçirilməsi
vaxtının ləngiməsinin bütün iştirakçılar üçün mənfi təsirləri böyükdür. Həm
layihəyə yatırılan vəsait baxımından, investorlar üçün yatırdıqları vəsaitlərin
səmərəliliyi azalır. Həm də qeyd etdiyimiz enerji resurslarıyla bağlı transregional
layihələrdə gecikdirlən müddət ərzində istənməyən (siyasi baxımdan) və daha az
səmərəli olan alternativlərdən istifadə etməyə məcbur qalınır.
Dünya təcrübəsinə əsasən, böyük həcmli layihələrin dəyəri maksimum 15%
artırıla bilər. Qiymət artımı 15 %-dən çox olduğu təqdirdə, artımın səbəbi kimi
yalnız iqtisadi deyil, başqa amillərin təsirlərini də izləmək lazımdır.
Transregional layihələr böyük coğrafi ərazilərdən keçməklə bərabər, həm də
böyük bazarlara çıxışları da təmin edir. Azərbaycan nümunəsində görə bilərik ki,
burada reallaşdırılan və reallaşdırılması planlaşdırılan əsas hədəf Avropa bazarına
çıxış əldə etmək olmuşdur. Bu layihələrə yalnız enerji resurslarının ixracı kimi
baxmaq düzgün deyil. Çünki bu transregional layihələr şərq və qərblə ilkin iqtisadi
münasibətlər qurularaq, gələcəkdə daha nəhəng və fərqli istiqamətlər üzrə
çoxtərəfli layihələrin həyata keçirilməsində təməl rolunu oynayacaqlar.
Başqa bir problem layihənin gedişatı zamanı sadalanmış səbəblərdən və ya
əvvəlcədən hesaba alınmamış amillərlə bağlı icrasının bahalaşması, daha doğrusu
71
reallaşdırılması üçün nəzərdə tutulmamış vəsaitlərin tələb olunmasıdır. Bəzən
layihənin ilkin mərhələsində iştirakını bildirmiş tərəfin müəyyən səbəblərdən
iştirakdan imtina etməsi vəziyyəti daha da gərginləşdirə bilər.
Bu yaxınlarda Petrocas Energy Limited şirkətinin 49% səhmlərinin
“Rosneft”-ə satılması haqda məlumatlar yayılıb. Bununla Rusiya Poti və Batumi
limanlarındakı neftdoldurma terminallarıyla yanaşı, Cənubi Qafqaz və Mərkəzi
Asiya bazarlarındakı neft məhsullarının satışına giriş əldə edir. Həmçinin, rus
şirkəti Gürcüstan bazarında SOCAR-ın əsas böyük rəqibinə çevrilmiş olur.
Gürcüstan Qara dəniz sahilində Supsada böyük energetika mərkəzinin yaradılması
üçün Rusiya və Qərbi əməkdaşlğa cəlb etmək fikrindədir. Layihənin
reallaşdırılması isə Supsada neft emalı zavodunun tikintisiylə başlayacaq. Daha
sonra isə orada böyük gücə malik unikal neft-kimya kompleksinin tikintisi də
planlaşdırılır. Bəzi Gürcüstan rəsmilərinin fikrincə, bu sahədə “Nabukko”
layihəsini “öldürmüş” ziddiyətlərdənsə, əməkdaşlıq daha faydalıdır.
İlk vaxtlarda Azəri Çıraq Günəşli layihəi çərçivəsində Azərbaycanın hasil
etdiyi gəlirli neftin satışını layihənin operatoru BP həyata keçirirdi və satışdan
sonra SOCAR-ın hesabına köçürmə edirdi. 2008-ci ildənsə SOCAR Traiding
şirkətinin yaradılmasından sonra Azərbaycan neftinin birbaşa satışı ilə məşğul
olmağa başladı. Əgər o vaxtadək neftimiz əsasən Avropa dövlətlərinə (onun da
boyük hissəsi İtaliyanın payına düşürdü) satılırdısa, 2008-ci ildən sonra ixrac
xəritəsi genişlənməyə başladı. Son 5 ildə Azerilight markalı neft 36 ölkəyə ixrac
olunub. 2009-cu ildən sonra Azərbaycan neft ixracının coğrafiyasında ciddi
dəyişikliklər baş verdi. Daha dəqiq desək, baş ofisi Cenevrədə yerləşən SOCAR
Traiding şirkətinin Dubay və Sinqapurda ofisləri açıldıqdan sonra ölkəmizin neft
ixracında Avropa dövlətlərinin payı azalmağa, eyni zamanda Hindistan, Tayvan və
Vyetnam kimi Asiya ölkələrininsə payı artmağa başladı.
Azərbaycanın Dövlət Statistika Komitəsinin məlumatlarına görə əgər 2008-
ci ilədək neft ixracında payı 43% idisə, 2013-cü ildə bu göstərici 28,7%-dək
enmişdir. Eyni zamanda 2008-ci ildə İndoneziyanın payı 3,2% təşkil edirdisə,
72
2013-cü ildə bu 13,7%-dək yeksəlmişdir. 2013-cü ildə Azərbaycan neftinin ixrac
istiqamətləri arasında Tayland (8,2%), Hindistan (5,4%), Tayvan (2,3%), Vyetnam
(1,4%) və Malayziya kimi ölkələr yer tutur və son 4 ildə bu ölkələrə neft ixracının
həcmi sürətlə artır.
Digər bir diqqət çəkən məqam isə neft ixracında ABŞ, Fransa, İzrail kimi
əməkdaşların paylarının azalmasıdır. Əgər 2008-ci ildə ABŞ-ın payı 13,5% təşkil
edirdisə, son illər daim düşərək, 2013-cü ildə 4,8 faizədək enmişdir. Fransa ilə
məsələdəsə neft ixracı 2008-2011-ci illərdə ciddi artım müşahidə olunsa da (5,2%-
dən 17,6-dək), son illər tədricən enərək 2013-cü ildə bu göstərici 5,6% təşkil
etmişdir. Oxşar tendensiya İzrailə neft satışında da yer alır. 2008-ci ildə ixrac
payında İzrail 7,7%, 2009-cu ildə isə 10,1% yer tuturdusa da, sonrakı illər azalaraq
2013-cü ildə 6,2%-dək enmişdir.
Beləliklə, ABŞ və Avropanın əsas enerji partnyoru olan Azərbaycan son 5 il
ərzində neft ixracı vektorunu Asiya ölkələri istiqamətinə çevirib. Yekun olaraq,
əgər 2008-ci ildə Asiya ölkələri Azərbaycan neftinin ixracında 12,2% paya sahib
idilərsə, 2013-cü ildə bu göstərici 31%-a çatmışdır.
Həmçinin qeyd etmək lazımdır ki, Asiya ölkələrinə yalnız xam neft deyil,
həmçinin neft məhsulları da satılır. Belə ki, məsələn, ABŞ-la təhlükəsizlik sahəsi
üzrə əməkdaşlıq çərçivəsində 2013-cü ildə Əfqanıstana 105 mln. Dollarlıq kerosin
satılmışdır. Bu sahədə Azərbaycanın Asiyada daha 2 böyük əməkdaşı – Vyetnam
və Tacikistan da var. Gələcəkdə bu tendensiyanın daha da güclənəcəyi gözlənilir.
Məlum olduğu kimi, neftin satışı zamanı daşınma məsafəsinin artmasıyla
bərabər, nəqliyyat xərcləri də artmaqdadır. Bu isə neftin qiymətində də əks olunur.
Buna görə ilk baxışdan Azərbaycanın Asiya dövlətlərinə daha çox gəlir əldə etməsi
üçün üstünlük verməsi fikir yarana bilər. Lakin statistikaya əsasən Azərbaycanın
ixrac səbətinə təsir edən əsas ölkələr üzrə qiymətlərdə çox əhəmiyyətsiz fərqlər
var və çox güman ki, bu fərqlər nəqliyyat xərclərinin nəticəsi olaraq yaranıb. Əgər
2013-cü ildə Azərbaycan İtaliyaya xam neftin barelini 111,32 dollara, Almaniyaya
113,90 dollara satılmışdırsa, İndoneziya üçün bu göstərici 113,05 dollar, Tayland
Dostları ilə paylaş: |