53
3.2. Azərbaycan iqtisadiyyatının inkişafında qiymətli kağızlar
bazarının rolu.
İqtisadiyyatın inkişafı üçün qiymətli kağızlar bazarının hər iki qolu, yəni həm
borc, həm də pay qiymətli kağızlar bazarı mühüm rol oynayır. Pay qiymətli
kağızlar bazarı səhm bazarıdır. Müasir şəraitdə ölkə daxilində səhm bazarının
yaradılması və onun hüquqi qanunvericiliyinin möhkəmləndirilməsi şirkətlərə və
müəssisələrə nəinki milli səviyyədə, həmçinin beynəlxalq iqtisadiyyatda öz
payları ilə çıxış etməyə və qloballaşmağa imkan verir. Şirkət və fimaların
kapital bazarlarında maliyyə vəsaiti cəlb etməsinin mühüm və nisbətən yeni bir
yolu da onların buraxdıqları pay sənədlərini, yəni səhmləri həmin bazarlara
satışa çıxarmalarıdır. Bu yolla vəsait cəlb olunması müəssisə və firmalara ,
ümumiyyətlə səhmdarlara bəzi üstünlüklər verir ki, bunlara göstərilənləri aid
etmək olar: pay sənədləri fondu sahəsində riskin bölüşdürülməsi - səhm sahibləri
malik olduqları səhm qiymətli kağızlarının növündən və onlar üzrə səhmdarlara
verilən hüquqlardan asılı olaraq səhmdar cəmiyyətinin fəaliyyətində məsuliyyət
daşıyırlar. Səhmdarlar mənfəət və əmlak bölgüsündə iştrak etmək hüququ ilə
yanaşı müəssisənin fəaliyyət risklərinin bir hissəsini də öz üzərinə götürür;
səhm bazarlarında pay sənədlərinin satışı yeni səhmdarlar cəlb edərək
cəmiyyətin səhmlərinə olan tələbatın və müvafiq olaraq onların qiymətlərinin
artmasına səbəb olur. Səhmdarlar sahib olduqları səhm qiymətli kağızlarının
açıq və ya qapalı bazarda satışı vasitəsilə səhmdar cəmiyyətinə yeni ortaqlar
cəlb edə, eləcə də səhm paketini artırmaqla səhmdar cəmiyyətinin nizamnamə
kapitalında dəyşiklik edə blərlər; pay sənədlərinin istər milli, istərsə də
beynəlxalq səhm bazarlarında satılması müəssisənin həm ölkə daxilində, həm də
beynəlxalq miqyasda tanınmasına şərait yaradır.
Səhm bazarının inkişafı bazar iqtisadiyyatı sisteminə qədəm qoymuş
respublikamızın iqtisadiyyatı üçün də mühün əhəmiyyət kəsb edir. Bu hər şeydən
əvvəl özünü özəlləşdirmə prosesinin daha məqsədəuyğun və qısa vaxt ərzində
keçirilməsinə şərait yaratmasında göstərir.
54
Bazar iqtisadiyyatı və ona keçid şəraitində olan ölkələrdə iqtisadiyyat
qarşısında duran əsas vəzifələrdən biri də qarşılıqlı borc problemlərinin,
həmçinin müssisələr arasında ödəməmələr məsələsinin həll olunmasıdır. Çünki,
qarşılıqlı borc probleminin mövcudluğu özuylə bərabər yeni-yeni problemlər də
doğurur. Müəssisə vergiləri ödəyə bilmir, çünki mal alıcıları aldıqları mala
görə borclarını ödəmirlər. Dövlət isə öz növbəsində vergi daxilolmalarının
azlığından büdcə planını yerinə yrtirə bilmir və iqtisadiyyatın bəzi sahələrinə
dövlət yardımı gecikdirilir və ya ümumiyyətlə yardım edilmir. Bütün bunlar isə
ümumilikdə iqtisadi həyata öz təsirini göstərir və dövlət istər iqtisadi, istər
siyasi, istərsə də digər sahələr üzrə gücünü itirir.
Müasir dövrdə bu problemlərin həlli üçün dövlət borc bazarının inkişafını
daha məqsədəuyğun hesab edir. Bu bazar müəssisənin əsas və dövriyyə
vəsaitlərinə olan ehtiyacının təmin olunmasında böyük rol oynayır. Bazarda
dövr edən borc qiymətli kağızları ehtiyacı olan sahələri təmin edən qiymətli
kağızlar qismində çıxış edir. Borc bazarının əsas elementi olan veksel və
istiqrazların hərəkəti zamanı maliyyə resurslarının az effektli sahələrdən çox
effektli sahələrə axını baş verir. Bu baxımdan ölkədə borc bazarının inkişafı
bütövlükdə müəssisə daxilində olan bir çox problemlərin həllinə kömək edir,
resursların səmərəli paylanması təmin olunur. Bu bazarda dövr edən əsas
qiymətli kağızlar müxtəlif növ veksellər, korporasiya və dövlət istiqrazları,
dövlətin xəzinə öhdəlikləri, əmanət sertifikatları və s. qiymətli kağızlardır.
Veksel qarşılqlı borcların ödənilməsində mühüm əhəmiyyət kəsb edir.
Müxtəlif hüquqi və fiziki şəxslər veksel buraxmaqla özünə lazım olan vəsaiti
cəlb edə bilər, aldığı malın və ya göstərilən xidmətin müqabilində veksellə
hesablaşa bilər, borclarını veksellə rəsmiləşdirə bilər və qarşılıqlı borcları
velsellə ödəyə bilər. Bazar münasibətləri şəraitində veksel həm də təminatlı
borcların verilməsində girov elementi kimi çıxış edir. Hazırda banklar vekselin
girov aləti olmasını qəbul edərək ondan geniş istifadə edirlər. Müəyyən iqtisaqi
fəaliyyətə başlamaq istəyən, lakin girov üçün daşınmaz əmlaka və ya digər
55
aktivlərə malik olmayan fiziki və hüquqi şəxslər bankdan kredit götürərkən öz
öhdəliklərinə veksel vasitsilə təminat vermələri həm bank üçün, həm də borc
alanlar üçün əlverişlidir. Bir çox qabaqcıl ölkələrdə banklar veksel
dövriyyəsində daha fəal iştirak edirlər. Banklar vekselləri uçota götürmək,
veksellərin girov qoyulması müqabilində kredit vermək, vekselə zamin durmaq
və s. kimi əməliyyatları aparmaqla bir tərəfdən onların dövriyyəsini
genişləndirir, digər tərəfdən vəsaitlərini daha az riskli əməliyyatlara cəlb
etməklə gəlir əldə edirlər.
Respublikamızda da veksel bazarının inkişaf etdirilməsinə mühüm əhəmiyyət
verilir. Xüsusilə də ölkənin əsas sahəsi olan neft sektorunda emal və istehsalın
çoxpilləliyi, bu sahədə maşınqayırma, hasilat, emal və s. üzrə ayrı-ayrı müəssisələrin
fəaliyyəti onlar arasında qarşılıqlı hesablaşmaların da çoxalmasına gətirib çıxarır.
Belə mühüm bir sahədə qarşılıqlı hesablaşmalar üzrə öhdəliklərin vaxtlı-vaxtında
yerinə yetirilməsi əsas məsələlərdən biridir ki, bunun da aradan qaldırılmasının ən
yaxşı yollarından biri veksel bazarının inkişaf etdirilməsidir. Bununla bağlı QKDK 2
fevral 2000-ci ildə “Azəbaycan respublikasında veksellərin dövriyyəsi haqqında”
Əsasnaməni təsdiq etmişdir. Bunun qəbul edilməsini zəruri edən mühüm şərtlərdən
biri ölkədə olan ödəməmələr probleminin uzun müddət inzibati yolla həll edilə
bilməməsidir.
Borc bazarında dövr edən digər qiymətli kağız istiqrazlardır. Bu qiymətli
kağızlar vəsait cəlb olunmasında hökumət, müxtəlif dövlət qurumları və
bələdiyyələrin əsas alətidir. İstiqrazlar korporasiyalar və dövlət tərəfindən
buraxılır. Dövlət istiqrazının sahibi kreditor, dövlət isə borc alan kimi çıxış
edir. Borc bazarında hərəkət edən qiymətli kağızlar içərisində dövlət istiqrazları
ən az riskli qiymətli kağızlara aiddir. Bu onunla bağlıdır ki, dövlət iqtsadi
subyektlər arasında ən etibarlısı sayılır.
Qeyd etdiyimiz kimi respublikamızda qiymətli kağızlar bazarının rolu ilk
növbədə onun bazar iqtisadiyyatı inkişaf yolunu seçməsi ilə müəyyən olunur. Bazar
iqtisadiyyatı isə azad sahibkarlığa əsaslanır. Buna nail olmağın əsas üsulu isə dünya
Dostları ilə paylaş: |