59
Diaqram 3.3. Dövlət müəssisələri bazarında yaradılmış səhmdar
cəmiyyətlərinin sahələr üzrə bölgüsü
Dövlət əmlakının özəlləşdirilməsindən daxil olan vəsaitlərin illər üzrə bölgüsü
aşağıdakı kimidir:
Qrafik 3.4. Dövlət əmlakının özəlləşdirilməsindən daxil olan vəsaitlərin
illər üzrə bölgüsü
Bildiyimiz kimi respublika prezidentinin 11 fevral 2004-cü il Fərmanına əsasən
Azərbaycan Respublikası regionlarının sosial-iqtisadi inkişafı Dövlət Proqramı
(2004-2008-ci illər) qəbul olundu. Bu proqramda respublikamızın regionlarında
müxtəlif iqtisadi və sosial təsərrüfat sahələrinin inkişaf etdirilməsi və mərkəz ilə
60
regionlar arasında bu sahələrdə tarazlığın bərpası nəzərdə tutulmuşdur. Proqramda
yuxarıda göstərilənlərlə əlaqədar olaraq müxtəlif tədbirlər, onların məqsədi və
icraçıları müəyyən olunmuşdur. Proqramda müəssisələrin fəaliyyətinin bərpa
edilməsi, yeni iş yerlərinin açılması məqsədilə özəlləşdirmə prosesinin
sürətləndirilməsi, orta və iri müəssisələrin səhmdar cəmiyyətlərinə çevrilməsi və
onların səhmlərinin satışı bəndi nəzərdə tutulmuşdur ki, bu da özəlləşdirmə ilə bağlı
olaraq bu illər çərçivəsində, bu cür irimiqyaslı dövlət proqramının həyata
keçirilməsində qiymətli kağızlar bazarının nə dərəcədə böyük rol oynamasından
xəbər verir.
Qiymətli kağızlar bazarı yarandıqdan sonra onun ölkəmizin iqtisadiyyatında
rolunun artması ilə əlaqədar olaraq dövlət tərəfindən tənzimlənməsi vacibliyi
meydana çıxdı. Bununla əlaqədar 26 iyul 1999-cu il Fərmanına uyğun olaraq
tənzimləyici orqan olan QKDK təsis edildi.
2000-ci ildə isə Bakı Fond Birjası (BFB) yaradılması ilə ölkəmizdə fond
bazarının rolu daha da artdı. Çünki, bu qiymətli kağızlar bazarının mütəşəkkil forması
olmaqla mühüm əhəmiyyət kəsb edirdi. Qeyd etmək yerinə düşərdi ki,
respublikamızın fond məkanında ilk birja 1991-ci ildə yaradılan“Bakı Qiymətli
Kağızlar Birjası” idi. Ozaman fond birjasının fəaliyyəti Maliyyə Nazirliyinin
“Qiymətli kağızlar bazarında birja fəaliyyətinin lisenziyalaşdırılması haqqında”
Qanunu ilə tənzimlənirdi. Lakin həmin ərəfədə büdcə kəsiri və ardı kəsilməyən pul-
kredit emissiyası nəticəsində infilyasiya dərəcəsi 50%-i keçmişdi. Bundan sonra
ölkədə baş verən siyasi və iqtisadi böhran nəticəsində bu bazarın inkişafına əlverişli
şərait yaranmadı və onun fəaliyyəti dayandırıldı.
8 noyabr 1999-cu ildə “Qiymətli kağızlarla fəaliyyət sahəsində bəzi fəaliyyət
növlərinin lisenziyalaşdırılması Qaydaları” təsdiq edildi ki, bu da çox mühüm sənəd
olmaqla ölkədə sivil kapital bazarı infrastrukturunun yaranması, 12 fəailyyət növünün
tənzimlənməsi, korporativ kağızlar bazarını genişləndirmək və investisiya axınını
gücləndirmək məqsədilə onların dövlət tərəfindən nizamlanması yolunda yeni
prioritet addımlardan biri oldu. Məhz bu fərmandan sonra QKDK-nın təşəbbüsü və
61
yardımı nəticəsində ölkəmizdə “Bakı Fond Birjası” adı altında fond birjası yaradıldı.
2000-ci ilin fevral ayında BFB-nin nizamnamə kapitalı 5,4 mlrd. man. təşkil edirdi.
Onun təsisçilərinin tərkibinə maliyyə və investisiya institutları, bir neçə iri xarici
bank və investisiya şirkəti olmaqla aşağıdakılar daxil idi:
“TCFS Services” Ltd.; “Atabank”; “Uni Bank”; İlk Bank”; “Koçbank”
Azərbaycan; “Cİ Bank”; “Mostbank” Azərbacan; “United Kredit Bank”; “Mars
İnvestment”; “Azəriqazbank”; “Azərdəmiryolbank”; Qlobal Menkul Değerler”;
“BUS bank”; “Azərbaycan Beynəlxalq Bankı”; “İstanbul Fond Birjası”;
“Rabitəbank”; “Azəritürkbank”; “Kapital Menecment”. Onların hər birinin payı
300mln. man. təşkil edirdi. Hazırda birjanın üzvlərinin sayı18-dir. Onların sırasına
“Standard Kapital”, “BOB broker”, “Yapı Kredi Bank Azərbaycan” kimi üzvlər
qatılmışlar. Birjanın ali idarəetmə orqanı Səhmdarların Ümumi Yığıncağı hesab
olunur. O, Birja Şurası üzvlərini seçir. Birja Şurası aşağıdakı orqanlardan ibarətdir:
Müşahidə Şurası;
Maliyyə Təftiş Komissiyası;
Münsiflər Komissiyası;
İdarə Heyəti.
Birjanın ticarət zalı 30 komputerləşdirilmiş yerlə təmin edilmişdir. Onlardan
18-i birja təsisçilərinə, 12-si isə təsisçilərin tərkibinə daxil olmayan birja üzvlərinə
təqdim olunur. Birja üzvləri-fond bazarında professional fəaliyyətlə məşğul olan, bu
fəaliyyəti həyata keçirmək üçün QKDK tərəfindən lisenziyaya malik olan hüquqi və
fiziki şəxslər (bank, investisiya fondları, broker şirkətləri) ola bilərlər. Qiymətli
kağızların birjada siyahıya alınması üçün aşağıdakı tələblər yerinə yetirilməlidir:
emitentin şəxsi kapitalının həcmi 1mln. ABŞ dollarından az olmamalıdır;
emitentin müəyyən sahədə göstərdiyi fəaliyyət 5 ildən az olmamalıdır;
son hesabat dövrü və listinq olunma tarixindən sonrakı dövrlərə dair balans
mənfəətinin həcmi 100000 dollardan az olmamalıdır;
borc kapitalının şəxsi kapitala nisbəti əmsalı orta sahə gösrəricisinə
bərabər, ya da ondan çox olmalıdır;