Dədə Qorqud ● 2015/I 131
Deyir, ürəyimdə yaram var,
Üsdə xal-xal qaram var.
Aç ürəyim başını,
Gör yammamış haram var.
Belə günnər olub. Anam seyit qızıydı, keşdi ürəhkeşmiyə. Ürəyi gedirdi,
yıxılırdı da yerə. Anamı gəlif biri soruşurdu: Ay Püstə xala, filan şey filan olacax?
Mənim o qardaşım diriləcəh? Nə dilnən danışırdı bilmirəm, qayıdıp deyirdi, yox,
öləcəh, gedəcəh. O əlini nəyə vurardı, Allahın bini bərəkəti... anası seydidiydi də-
dəsi yox. Dədəm də Abbasqulu bəynən xaloğluydu. İki bacı – biri gedib Abbas-
qulunun dədəsinə düşmüşdü, biri də mənim dədəmin dədəsinə düşmüşdü.
Abasqulu bəy hər vaxd yayda gəlirdi, çadır qururdu bağın altında. İki arvadı
varıydı. Biri Nazdı xanım, biri Maçan xanım. Maçan xanım kürd qızıydı, Nazdı
xanım bizdərdəniydi. Qızı Tacıxanım mənnən yaşıdıydı. Bir Səryəsi də varıydı,
onu heş görmədim.
Üş dənə də oğlu varıydı. Oğlannarın adı yadımnan çıxıf. Dədəmi, bax o
kəndi-zadı pütün sürgün elədilər tuttular, mənim dədəmə heş nə olmadı. Saxlıyır
da. Biri bir söz deyəndə deyridi, Abbasqulu bəy deyirdi, tapançanı takqıllatmağa
adam tapmırsınız, mənim üsdümə takqılladırsınız? Hər yay bağda çadır qurardı,
gəzərdi. Elə olurdu, bir həfdə gedirdi, arvad-uşağı qalırdı. Onnan sora gəlirdi.
Gələndə də həmməşə bir heyvan dədəm kəsərdi, arvad-uşağına verərdi.
Necənçi ildə öldüyü yadıma gəlmir. Onu vurdular da, Qəmlo vurdu. Qəmlo...
Ordan yol vardı, keçirdi. Bunların kəndi Baxçaçaya gəlmişdi. Dədəm həmməşə
deyirdi, Qəmlo mənim xalam oğlunu burda vurdu. Qəmlo vurmuşdu. Kalbay
İsmayıl varıydı. Getmişdi, Abbasqulu bəy gedir ki, Kalbay İsmayıl, gəl daşı
ətəyinnən dəvir, qalxoza gir. O da deyir, Abasqulu bəy, sənnən çörəy kəsmişəm.
Mən indi durum malımı, heyvanımı aparım verim qalxoza. Desinnər Kalbay İsma-
yılın malı, heyvanı belə oldu. Elə şey olmaz. Qəmlo, kinoda görmüşəm e, Kalvayı,
gəl, vurum bunu. Deyir, yox, onnan duz-çörəh kəsmişəm, olmaz. Duz-çörəyi itir-
mir. Elə ki, girriyir-girriyir, orda vurmuşdu.
Dədəm ordan keçəndə elə ağlıyırdı ki... Deyirdi mənim xalam oğlunu bax
burda vurdular, bax burda vurdular. Onnarın arvatdarını nə təhər görmüşəm, gəlir-
dilər. Hərəsi bir at minirdi, nə təhər paltar geyirdilərsə, əyağının uçunnan başına-
can. Bir dənə gözdəri qalırdı, qollu-kışdı. Atdan düşənnən soora onu soyunurdular.
Onda mən uşağıydım. Abbasqulu bəy də Vedidə olurdu. Mənim atam da Vedidə
olurdu. Soora köşdülər gəldilər Qarabağlar deyilən yerə.
Mənim, bəlkə, yazaydılar, on dənə kitav olardı, yadımnan çıxıp, bala.
Eləmi, bala dağı,
Bürüyüf lala dağı.
Bütün yaralar sağalsa,
Sağalmaz bala dağı.
Dədə Qorqud ● 2015/I 132
Ağ evlər, uca dağlar,
Qar yağar tarma bağlar.
Günnərim belə keşsə,
Ürəyim yara bağlar.
Yaralandım yanımnan,
Kuşdar doymaz qanımnan.
Elə dərdə tüşmüşəm,
Bezar oldum canımnan.
Mən yandım, ələm yandı,
Cibimdə qələm yandı.
Mən özümnən deyiləm,
Kirədə balam qaldı.
Deyri qəribəm, ağrir başım,
Yanımda yox qardaşım.
Vaxd gəldi, ötdü yaşım,
Ağla, ana, ağla.
Qərib gedər, yol itirər,
Başına bala gətirər.
Qərib ölsə, kim götürər,
Ağla, ana, ağla.
Qəribəm bu vətəndə,
Qərif quşdar ötəndə.
Qəribin vay halıdı
Baş yasdığa yetəndə.
Qədir Allah yazıları yazanda
Əvvəl başda mənimkini yazıfdı.
Dəryada balığa, havada kuşa,
Mənimkini belə qara yazıfdı.
Başına döndüyüm, ay Lələ Kərəm,
Gözdərim tor gətdi, ürəyim vərəm.
Dəryalar mürəkgəf, meşələr qələm,
Alimlər yazdıxca dərdim var mənim.
Dərdimi desəm dərt bilənə,
Dədə Qorqud ● 2015/I 133
Dərt başına gələnə.
Dedim, qızım, çox etibar eləmə
Hər üzünə gülənə.
Dağlar başı ala qar,
Alaçarpoy ala qar.
Nə qədər qar yağmışdı,
Yağmamışdı belə qar.
Ağca Əliyeva Namaz qızı, 1924, Vedi, 22 yaşına qədər Vedidə yaşayıb.
Salyan rayonu, Arbatan kəndi.
Dədə Qorqud ● 2015/I 134
Qardaş türk folkorundan
TÜRKMƏN LALƏLƏRİ
Türkmənlər VIII əsrdən sonra tarix səhnəsinə çıxan kınık, salur, qayı, ba-
yat, bəydilli boylarının birləşməsi ilə meydana gələn Oğuz qövmlərindəndirlər.
“Türkmən” etnik adı tarixi mənbələrə görə, V əsrdən bəlli olsa da, bu ad X əsrdə
kəsinlik qazanmışdır. Qərb tarixçiləri türkmənləri saf qanlı türk adlandırdıqları
kimi, bəzi müəlliflər də onları türk xalqlarının kökü olaraq qəbul edirlər. Çünki
Türkmənistan böyük tarixi Türküstanın ən qədim insan yaşayan bölgələrindən
biridir. Burada aparılan arxeoloji tədqiqatlar nəticəsində müəyyən olunmuşdur
ki, Türkmənistan ərazisində 300 min il bundan əvvəl insanlar yaşamışlar
13
.
Məşhur orta əsr tarixçisi Rəşidəddinə görə, “Oğuzların Mavəraünnəhr,
İran və Azərbaycanda nəsilləri çoxalmış, digər yerli türklərlə qaynayıb-qarışdı-
ğından taciklər onlara “türk-manənd”, yəni “türkə bənzər” adını vermişlər...
Oğuzlar “Türkmən” adı aldıqdan sonra digər Türk tayfaları olan qarluq, xələc,
qıpçaq, kanqlı və uyğurlardan ayrılmışlar”
14
. Mahmud Kaşğarlı isə müsəlman
olan qarluq, çigil və yağmalara da əvvəllər “türkmən” deyildiyini yazmışdır
15
.
Məşhur macar alimi, türkoloq Rasonyi türkmənləri “müsəlman Oğuzlar” deyə
adlandırmış və göstərmişdir ki: “İsık-göl tərəfində türkmənlər – müsəlman
Oğuzlar və qarluklar yerləşmişdilər... Bugünkü Türkmən oymaq adlarının bir
çoxu qədim Oğuz oymaq adları ilə eyniyyət təşkil etdikləri üçün türkmənləri də
oğuz saymamız gərəkir”
16
.
Türkmənləri dünyaya tanıtdıran ən böyük şəxsiyyət Səlcuq bəy və onun
övladları olmuşdur. İslam dinini qəbul edən Oğuz boylarına rəhbərliyi əlinə alan
Səlcuq bəy digər peçeneq türklərinin hücumlarından ölkəsini qorumuş, Qaraxan-
lılarla savaşmış, Qəznəviləri məğlub etdikdən sonra tarixdə məşhur Səlcuqilər
dövlətini qurmuşdur. XI əsrdən XIV əsrə qədər Türküstandan Aralıq dənizinə
qədər böyük bir ərazidə İmperatorluq quran Səlcuq bəyin oğulları Arslan, Yusif,
Musa, nəvələri Toğrul, Çağrı, nəticələri Alp Arslan, Məlik şah və başqaları bir
neçə dövlət qurmuş, bu dövlətlərdən bəziləri Böyük Səlcuqilər İmperatorluğuna
tam bağlı olmuş, bəziləri isə müstəqil dövlətlər olmuşlar.
Hal-hazırda türkmənlər Türkmənistan Respublikasının ərazisində məskun-
laşmışlar. Respublikasının ərazisi 488 100 kv.km, əhalisi təqribən 5 180 000 nə-
fərdir. Türkmənlərdən başqa ölkədə özbəklər (9,7%), qazaxlar (1,96%), tatarlar
13
İnternet saytı: http://az.wikipedia.org/wiki/Türkmənlər
14
Reşideddin. Cami üt-tevarih. Ankara 1960. səh. 352.
15
Mahmud Kaşğarlı. Divan, I, səh. 473.
16
Laszlo Rasonyi. Tarihte Türklük. Ankara 1971. səh. 137, 195, 196.
Dostları ilə paylaş: |