Dədə Qorqud ● 2015/I 141
Hudaýa ýalbar ýyldyz,
Sapara giden adam jan
Aman gelsin, daň ýyldyz.
Depämizde bir guş bar
Ganatynda kümüş bar,
Öz didämiň dukanynda
Dürli-dürli iýmiş bar.
Gaýradan Aly gelýär
Dünýäniň maly gelýär,
Öňünden çyk gelneje,
Sowgady haly gelýär.
Eý, dogan-a, eý dogan
Mawut donuň geý dogan,
Eýläk-beýläk geçende
Meň joramy gör, dogan.
Sülgün uçup barýar-la
Perin seçip barýar-la,
Meniň doganym Bäşimjan
Gelniň geçip barýar-la.
Aý aýdyňdyr ýagtydyr
Öýmemiziň wagtydyr,
Joramyzyň ejesi
Goýberäýse, ýagşydyr.
Akyp ýatan akar suwuň
Sakasy men läle jan!
Topar-topar gyzlaryň
Bikesi men, läle jan!
Aýa, Güne bakar men
Gülýakamy dakar men,
Eziz joram Aýsoltan
Eliňe ýüzük dakar men.
Baga girene gurban
Gülün tirene gurban,
Gyýmaz, dözmez boýdaşlar
Sizi görene gurban.
Aý gyz, saçyň sarymy?
Tamdyranyň tarymy?
Bilýänlerden sorasam
Öz didämiň ýarymy?
Açylmadyk sandygyň,
Gulpy men-ä, jora jan!
Geýilmedik gyrmyz donuň
Gapysy men jora jan!
Biz obanyň gyzlary
Haly-horjun ýüzleri,
Öňüne tabak gelende
Süzülip otyr özleri.
Bu daglar bolmasady
Geýenim solmasady,
Bir ölüm, bir aýralyk
Hiç biri bolmasady.
Derwezäniň kilidi
Aýlanýar-la, jora jan,
Meniň didäm Baýmyrat
Öýlenyär-le, jora jan.
Gaýradan atly gelýär
Telpegi batly gelýär,
Meniň joram aý, gyzlar
Daragy batly gelýär.
Geýilmedik çabydyň
Höwesi men, jora jan!
Alty ganat ak öýüň
Çyrasy men, jora jan!
Dədə Qorqud ● 2015/I 142
Geliň gyzlar, oýnalyň
Oýun gurap ýaýnalyň,
Oýnumyzy il görsün
Oýnajak saýlanyň.
Gyzlar kakalyň läle
Ekinmiz ýaşyl-ala,
Gyzyl güller açylar
Ýetişse bahar-ýaza.
Haly kesdim gowuja
Salan nagşym göllüje,
Gel, boýdaşym Gülälek
Ýüregiň hyýallyja.
Keýik gelýär böke-böke
Ak süýdüni döke-döke,
Meniň joram Orazbike
O-da gelýär böke-böke.
Kümüş saçy bilinde
Altyn sagat elinde,
Jandan eziz jan joram
Magtymgulyň ilinde.
Meniň joram gelsene
Keten köýnek geýsene,
Keten köýnek bukjada
Bökejen köwüş tekjede.
Ýaglyk ýuwdum açyldy
Seçekleri seçildi,
Öz joramyň toýunda
Gamgyn göwnüm açyldy.
Sary gawun bişipdir
Sapagyndan düşüpdir,
Meniň joram, aý gyzlar
Ýat illere düşüpdir.
Ýel öwser-ä, ýel öwser
Bulut oýnar, ýel öwser,
Meniň joram Aýsoltan
Aýa meňzär, gülöwser.
Agaçlar nar getirdi
Guşlar habar getirdi,
Gelmän geçen ganymlar
Agalarymy ýitirdi.
Akar suwuň balygy
Ak düýäniň halygy
Enem-atam sag bolsa
Men öýmüziň läligi.
Ala dagyň arçasy
Mawut donuň parçasy,
Atam-enem gül bolsa
Men ol gülüň gunçasy.
Arabadan at bolmaz
Ýorunjadan ot bolmaz,
Ilimize gideliň
Gaýry ýurtdan ýurt bolmaz.
Ata gazyk kakarlar
Sowuk süýtden ýakarlar,
Dogry gelen myhmana
Gujak açyp çykarlar.
Çarwadyr ilimiz
Guşaklydyr bilimiz,
Meýdanda ot bolmasa
Hor-homsudyr malymyz.
Çykdym çynar başyna
Oturdym güneşine,
Her elimde bir ýaglyk
Iberdim deň-duşuma.
Dədə Qorqud ● 2015/I 143
Ekin bize nan berer
Egnimize don berer,
Yhlas bilen işlesek
Şöhrat berer, şan berer.
Gaýrada maýa bozlar
Maýa köşegin gözlär,
Köşegini tapmasa
Kesip bagryny duzlar.
Gaýramyzda suw akar
Aýlanyp serhoş akar,
Janym çarwanyň gyzy
Gözenekden gaş kakar.
Geliň gyzlar üýşeliň
Dokmamyzdan düşeliň,
Deň-duş gyzlarmyz bilen
Jak-jaklaşyp gülşeliň.
Görseň iliň merdini
Süpüriň, ýol gerdini,
Musulmana salmasyn
Aýralygyň derdini.
Güýz aýlary gaz geçer
Bamyň suwundan içer,
Üç aý gyşy geçirip
Ýene-de gaýra geçer.
Güýz bolsa köşek bozlar
Çopan yzyndan gözlär,
Asly nardan gelinler
Ýaşmak astyndan sözlär.
Güýz ýapraklar döküler
Arpa-bugdaý ekiler,
Sowuk düşer yzyndan
Öýlerde ot ýakylar.
Gyzlar, daga çykalyň
Gülüp-oýnap bökeliň,
Derdimiz egismäge
Geliň, läle kakalyň.
Illalla darak-darak
Ýykyldy köne derek,
Hywadan gelýän sowgat
Aýna bilen başdarak.
Läle kakasym gelýär
Oýnap bökesim gelýär,
Eziz käbäm ejeme
Içim dökesim gelýär.
Läle kakyp oýnalyň
Şady-horram ýaýnalyň,
Geliň tomaşa kylyň
Ile şatlyk paýlalyň.
Öz obamyň gyzlary
Sypaýydyr sözleri,
Galadan adam gelse,
Edeplidir özleri.
Yhymmyl bada-bada
Gyzyňy berme ýada,
Synçy gelip synlanda
Sülmürär, asylzada.
Yhymmyl bada-bada
Gyzy berdiler ýada,
Iki atly, bir pyýada
Özüň gidersiň dada.
Ýagyş ýagar, ýaz eder
Bulut oýnar, saz eder,
Güller açylan çagy
Bilbil hoş owaz eder.
Dostları ilə paylaş: |