Dədə Qorqud ● 2015/I 154
həmişə uyğun gəlmir. Əgər hadisələr arasındakı fasilə illərlə, onillərlə hesabla-
narsa, bu, özünü daha aydın göstərir. Məsələn, İsa kişinin danışdığı “Şah İsmayıl
Xətai” hadisə-rəvayətində kitab müəllifi M.Çəmənli Teymurləngin oğlu Miran-
şahla bağlı söylənən əhvalata (səh.53) və yenə həmin yazıda Şeyx Cüneydlə
bağlı danışılanlara(səh.54) elmi-tarixi baxımdan yanaşır və tarixi faktların uyğun
rəvayətlər fonunda təhrif olunmasına yol vermir, elmi dəlillərlə, tarixi faktlarla
belə meyllərin qarşısını alır. Oxşar məqama “İş ilahi deyəndi eyy!”(səh.63) yazı-
sında da rast gəlmək olar. Müəyyən məqamlarda xatirə-rəvayət müəllifinin dərin
həyat təcrübəsi əldə etməsi, eləcə də cəmiyyətdə baş verən müxtəlif ictimai-
siyasi hadisələr bəzən xatirə müəllifini bu hadisələrə əvvəlkinə nisbətən ayrı
aspektdə yanaşmağa vadar edir. Xatirə-rəvayətlərin əhəmiyyəti yalnız onların
obyektiv qiymətləndirilməsi ilə deyil, təsvir edilən hadisələrin əsl mahiyyətinin
şərhi ilə nəticələnir. Bu baxımdan belə yazılar çox böyük əhəmiyyətə malik olur
və əlavə mənbə, fakt, bəzən tarixi sənəd səviyyəsində – zəngin informasiya
mənbəyi kimi qiymətləndirilir.
Xatirə-rəvayətləin, memuarların əsas şəkli nişanəsi yaddaşdır. Bir termin
kimi «memuar» tərcüməsi «yaddaş» olan fransız sözü «memoire»dir ki, bu da
sözün rusca transkripsiyasından ibarətdir. Lakin məsələ yalnız etimoloji qay-
danın nəzərə alınmasında deyil. Səciyyə etibarilə memuarların, xatirələrin bir
qaynaq kimi keçmişə aid özünəməxsus xüsusiyyəti, onun ilk mənbə kimi qəbul
edilməsidir. Hələ Aristotel yaddaş və xatirə haqqında fikir yürüdərək belə hesab
edirdi ki, yaddaş keçmiş təəssüratların dərk edilməsidir. Xatirə isə öz növbə-
sində, şəxsi, obyektiv, bəzən isə subyektiv düşüncədir. Yaddaş abstrakt təfək-
kürlə qismən şəkil vasitəsilə bağlıdır. Xatirə isə şəklin mühitə müəyyən dərə-
cədə aid edilməsinin dərk olunmasıdır. Bu mənada “Burdan bir atlı keçdi”
kitabında yer alan “Qarabağın maralı”, “Azərbaycan”, “Yurd həsrəti”, “Paxılın
qəlbi qandır”, “Hacı belə Hacıydı”, ”Müdrik qoca”,”Halallıq” yazıları daha çox
vətənə məhəbbət hissləri, Azərbaycançılıq ideyası daşıyır və ibratamiz həyati
notlara köklənir. Adı keçən yazılardakı yaddaş idraki-psixoloji bir proses olub,
bu və ya başqa dərəcədə insan şüurunun bütün aktlarında iştirak edir. Çünki
yaddaşsız insan, cəmiyyət, mədəniyyət, eləcə də ədəbiyyat yoxdur.
Məlum həqiqətdir ki, bəzən böyük bir şəxsiyyət, tanınmış bir insan, şah,
padşah, bəy, xan, ağa yaxşı vətəndaş ola bilmir. Pis vətəndaşın isə, sözün bütün
anlamlarında və mənalarında, “Yaxşı İnsan” olması mümkün deyil. Ən azından
ona görə ki, əsl vətəndaşda isani keyfiyyətlər – ləyaqət, mənəvi saflıq, Vətənə,
xalqa məhəbbət hissləri qabarıq görünməli, bu anlayışlar onun üçün həyat
amalına çevrilməlidir. Əks halda bu insanın cəmiyyətdəki hadisələrə, hər hansı
sosial-siyasi naqisliklərə, baş verən əyintilərə, ümumiyyətlə, ictimai münasibət-
lərə baxışları ya birtərəfli, subyektiv olacaq, ya da heç olmayacaq. Çünki insan-
cəmiyyət münasibətlərindəki gizli riyakarlığı, saxtakarlığı heç bir zahiri parıltı
ilə pərdələmək, gizlətmək mümkün deyil.
Dədə Qorqud ● 2015/I 155
Özünü “Əsl vətəndaş”, “Millət, xalq fədaisi” kimi göstərən, hər şeyi öz
çürük “alver” məntiqi ilə ölçən və beləliklə də xalqını, millətini yox, ancaq özü-
nü, ailəsini və onun toxunulmaz olduğunu təmin etdiyini düşünən adam əslində
yanılır. Çünki belələri çox vaxt müəyyən həssas məqamlarda özləri də bilməyə-
rəkdən cılız daxili aləmlərini açır və bununla da bir növ öz çirkin “mən”lərinin
qurbanına çevrilirlər. Lakin “Burdan bir atlı keçdi” kitabında adları keşən Mir
Möhsün Nəvvab, Məhəmməd ağa Müctəhidzadə, Xurşudbanu Natəvan, Üzeyir
Hacıbəyli, Molla Məhəmməd Qarabaği, Həmidə xanım, Nuru paşa, Əsədulla
bəy, Xan əmi, Novruzlu İsgəndər, Sokrat Musayev və onlarla başqaları Qarabağ,
eləcə də Azərbaycan tarixində əbədi olaraq qalan, silinməz izlər qoyan insanlar
olmuşlar. Onlara həsr olunan xatirə-rəvayətlər digər yazılı mənbələrdən keçmiş
illərin, hadisələrin, əhvalat və rəvayətlərin yaddaşda dəqiq əksolunma üsulu ilə
fərqlənir. Məhz yaddaşın köməyi ilə xatirə müəllifləri danışdıqları hadisələrin
incəliklərini və o insanların daxili aləminin dolğun təsviri vasitəsilə çox önəmli
tarixi faktları oxucuları çatdırmış olurlar.
Yaddaş insanın xarici aləmlə mürəkkəb əlaqəsinin nəticələrindən biridir.
Lakin bu, baş vermiş hadisələrin passiv inikası deyildir, o, həm də insanın
təcrübi fəaliyyəti ilə əlaqədardır. Bu mənada Mustafa Çəmənlinin “Burdan bir
atlı keçdi” kitabına daxil edilmiş xatirələrin və əhvalatların əsasını hadisələrin
yaddaş vasitəsilə əks olunmasının fəal xüsusiyyəti təşkil edir. Lakin bu əksolun-
ma keçmişin tamamilə eyni olan reproduksiyası deyil, xatirə, memuar müəllif-
lərinin – Kərbəlalı İsa Musayev (İsa kişi), Səlim Əzimov, Şəmil İsgəndərov və
Qulam Ağayevin təcrübi fəaliyyətinə yönəldilmiş məqsədidir. Keçmiş hadisələr
isə əski insan təfəkkürü ilə sıx bağlı bir proses olub şüurlu olaraq nəzərdə tu-
tulmuş müəyyən məqsəd və məramın nəticəsində meydana çıxır. Bu isə əslində
gələcəyi, gələcək arzu və amalları işarələmiş olur...
İnanırıq ki, istedadlı qələm sahibi, zəngin təxəyyülə, geniş intellektual
səviyyəyə malik olan Mustafa Çəmənli bundan sonra da bədii dəyəri yüksək,
eləcə də cəmiyyəti maraqlandıran, eyni zamanda narahat edən problem məsələ-
lərlə zəngin olan yeni-yeni əsərləri ilə oxucularının və geniş ədəbi ictimaiyyətin
görüşünə gələcək, onların bədii zövqünü oxşaya biləcəkdir.
Tahir Orucov
Filologiya üzrə fəlsəfə doktoru, dosent
AMEA Folklor İnstitutunun
aparıcı elmi işçisi
tahiroruclu@gmail.com
Dostları ilə paylaş: |