20
hər qismini bir tərəfdə vuruşmaya buraxdı. Bu
bölgidən istifadə edən qullar Əbdullah Əfifi qəsrə
tərəf apardılar. Əbdullahı qəsrin içinə salub qapusını
bağladılar. İbn Ziyad dəxi bir saət vuruşmadan sonra
qəsrə gəldi. Əbdullahın Bənu Əzd qəbiləsilə İbn Ziyad
əskərləri şama qədər vuruşdılar. Şam vəqti hər qövm
öz yerinə müraciət etdi. O gün o müharibədə dört bin
İbn Ziyad əskərlərindən tələf, üç yüz Bənu Əzd
qəbiləsindən şəhid olmışdı.
İbn Ziyad qəsrə gedüb Kufənin ə`yanını Bəni
Üməyyənin əşrafını izhar edərək dedi:
- Bu gün dört bin nəfər dostlarımızdan qətl
edildi. Bu nagəhzühur faciədən bən xəbərsiz idim.
Lakin bunların hamusını sizdən bilürəm, zira bana
imdad etmədiniz. Bunun əvəzini Yəziddən
gözləməlisiniz.
Cəvabındə dedilər:
- Hörmətli əmirimiz! Bu iş bizim xahişimizlə
olmamış və heç bir şeydən dəxi xəbərimiz yoxdır.
Burasını bilməlisiniz, bunlar Cəməl, Süffeyn
müharibəsində Əbdullah ilə olan qəhrəmanlardır.
Bunlardan əlavə Bənu Əzd qəbiləsi təmamilə ona
bağlıdır. Zira o, Bəni Əzdin böyüklərindən məhsubdır.
Bin nəfər pul ilə alınmış qulları dəxi vardır. Əgər onın
gözləri olmış olseydi, onı duta bilərdinizmi? Haşa,
sümmə haşa. Bu xəyali-xamdır.
İbn Ziyad bu sözləri eşitdikdə bədəninə lərzə
düşüb başını aşağı saldı. Ondan sonra başını qaldırub
dedi:
21
- Bəli, böylədir, siz bana bu nəsihətləri məhəbbət
yüzindən edirsiniz və onlara dustdar olmadığınızı
dəxi bilürəm. Əlhal, o kişiyə nə etməliyəm?
Dedilər:
- Onı həbs etməlisən. Əgər Bənu Əzd qəbiləsi
üsyanə qalxışar isə, o vəqt onları bunun qətlilə təhdid
edərsən. Onlar dəxi bunın səbəbilə də`vanı tərk
edərlər.
İbn Ziyad dərhal hökm edüb Əbdullahı
gətürdilər. Əbdullah sufiyanə geyinmiş, başına ağ
xəzdən əmmamə qoymuş, ağ səqqal göbəginə qədər
çəkilmiş, Qur`an həmail etmiş, əlində xurma
ağacından, çox yerinə “Lailahəilləlah, Mühəmmədən
Rəsulullah və Əliyyən Vəliyullah” yazılmış bir əsa,
nəhayət dərəcədə nurani bir kişi idi. İbn Ziyad
Əbdullahı gördikdə:
- “Dutın bağlıyın” - deyə bağırınca, piyadələr
tökülüb Əbdullahı zəncirə çəkdilər.
Əbdullah:
- Ey məl`un, bəni zəncirə çəkməklə bəni
qorxudursan? And olsun Allaha, İmam Hüseynin (ə)
qətlindən sonra dirilik bana həramdır. Lakin sana bir
iş edim ki: “Bir kor kişi Ali-Rəsulın (ə) məhəbbətində
düşmənlərinə nələr etdi” - deyə illər ilə söyləsinlər,
tələsmə, saətbəsaət görəcəksən.
İbn Ziyad onın etdigi sərzənişlərə dəvam edə
bilməyüb əlində olan əsa ilə vurub əlini yaraladı, qan
axmağa başladı.
Əbdullah dedi:
22
- Ey həramzadə, Peyğəmbər (s) Övladını (ə)
öldürməkdən qorxmadın, bəni öldürməkdən nə
qorxacaqsan.
Ondan sonra yüzini səmayə döndərüb dedi:
- Pərvərdigara, səlamü sələvat həqqü
həqqaniyyət qurbanı Hüseynə (ə) olsun ki, şəriəti-
müqəddəseyi-Mühəmmədiyyə (s) bəqası üçün Kərbəla
çöli kibi bir atəşgahi-qəmdə durub Yəzidə bey`ət
etmədi. Qaçmağa dəxi namusı riza vermədi. Lakin
təəssüflər olsun! Bəni aciz edən kor olmağımdır. Ey
kaş, gözlərim olaydı bu insaniyyət düşmənlərindən
intiqam alaydım.
Hazirun qoca Əbdullahı İbn Ziyadın əlində əsir
oldığı halda cəsarətlə söylədigi bu sözlərinə heyran
qaldılar. O vəqt İbn Ziyad hökm edüb Əbdullahı
həbsxanəyə apardılar. Səbahı güni Kufənin
böyüklərini ehzar edüb bir qədər əskər gətürməklə
küçələrdə Bənu Əzd qəbiləsindən hər kəsi gördiklərini
qətl etməgə fərman verdi. Onlar dəxi igirmi bin
müsəlləh əskərlər ilə hər kibi məzkur qəbilədən
görürdilər, filfövr qətl edirdilər. Bənu Əzd qəbiləsi bu
halın müşahidəsindən toplanub silahbədəst oldılar ki,
Əbdullahı həbsxanədən azad etsünlər.
Əbdürrəhman bin Səid dedi ki:
- Məsləhət odur ki, gecənin yarısına qədər səbr
edək, sonra kəmənd vasitəsilə çalışub özümizi ikinci
qəsrə yetürək, bəlkə Əbdullahı bu zalımın zülmindən
azad eyliyək.
23
Əbdürrəhman Səid Əbdullahın damadı idi. Gecə
yarıdan keçdikdən sonra atası Səid Mixnəfə bir
məktub yazdı. Bə`d Tariq və Əbdürrəhman Zəhir ilə
dışarı çıxub İbn Ziyadın qəsrinə yürüş eylədilər. Gecə
nəhayət dərəcədə qaranlıq oldığı kibi yağmur dəxi
şiddətlə yağırdı. Öylə qaranlıq idi ki, kimsə kimsəyi
görməyürdi.
Əbdürrəhman dedi:
- Kəməndləri açın, qəsrin yuxarısına ataq.
Dərhal kəməndləri açdılar, atub qəsrin yuxarısına
bənd etdilər. Ən əvvəl Əbdürrəhman Səid, sonra
digərləri yuxarı çıxdılar. Qaraqullar qəsrin damı
kənarında yatmışdılar. Əbdürrəhman dedi:
- Hərəmiz qara qulların birini öldürməliyik.
Dərhal hərə birini boğazlayub o qədər sıxdılar ki,
həyati-ariyələrini tərk etdilər. O vəqt onların başlarını
kəsüb qəsrin kənarına qoydılar. Aşağı enüb qəsrin
qapusından baxdılar. Gördilər bütün növbətdarlar və
xassəkiyanlar yatmış və heç bir şeydən xəbərdar
degildirlər. Hər qədər sağa və sola baxdılar,
Əbdullahdan bir əsər tapmadılar. Bir qədər gəzəndən
sonra qəsrin qabağında ali bir eyvanə yetişdilər.
Üzərindən böyük qiymətdar pərdələr asılmışdı. Orada
İbn Ziyad yatmışdı. Növbətçiləri isə əllərini başlarının
altına qoyub yatmışlardı.
Əbdürrəhman Səid iləri yeriyüb İbn Ziyadın
silahını götürüb qayıtdı. Yoldaşları müntəzir
durmuşdılar, əgər bir iş vaqe` olsa, lazımeyi-
iqdamatdə olsunlar və İbn Ziyadı parə-parə etsünlər.
Dostları ilə paylaş: |