11
Tədqiq olunan əsərlərdəki ktematonimlərin bir sıra özünəməxsus
xüsusiyyətləri vardır: 1.Ktematonimlər, əsasən, müvafiq orqanlar,
təşkilatlar tərəfindən qərarlaşdırılır və rəsmi ad kimi çıxış edir. 2.
Ktematonimlər əks etdirdiyi obyektin mahiyyətinə uyğun yaranır. Məs;
bədii əsər adlarının, idarə və təşkilat və s. 3. Ktematonimlərin bir qrupu
simvolik xarakter daşıyır. Musiqi, rəqs kollektivlərinin adları məhz bu
tiplidir.
Bundan başqa Elçinin Əfəndiyevin yaradıcılığında işlənmiş digər
qrup onomastik vahidlər: hidronimlər, etnonimlər, zoonimlər və s. də
tədqiqata cəlb edilmişdir.
II fəsil “Elçin Əfəndiyevin yaradıcılığındakı onomastik
vahidlərin leksik- semantik xüsusiyyətləri” adlanır və dörd yarımfəsildə
antroponim, toponim, ktematonim və onomastik vahidlərin digər qrupları
tədqiq edilmişdir.
Birinci
yarımfəsildə
antroponimlərin
leksik-semantik
xüsusiyyətləri araşdırılır. Elçinin yaradıcılığında işlənmiş adlar konkret
müəyyən məqsədə xidmət edir. Ad bədii obrazı adlandırmaq, yeri gəldikdə,
onu səciyyələndir- mək üçün işlənir. Buraya bütün dram, roman,
hekayələrdə və s. işlənən adları daxil etmək olar. Yazılı ədəbiyyatda
sənətkarlar adlardan iki istiqamətdə istifadə edirlər:1. Xalq tərəfindən
yaranan dövlət sənədlərində əks olunan real onomastik vahidlər; 2. Ancaq
yazıçının öz yaradıcılığının məhsulu olan poetik onomastik vahidlər.
Şəxs adları vasitəsilə müəyyən tarixi hadisələr, yerlər, şəxslər
haqqında oxucuda real təsəvvür yaradılır.“Əzizimin cəfası” romanında həm
real, həm də qeyri-real, uydurma antroponimlər işlənmişdir. Burada Murad
İldırımlı yazıçı təxəyyülünün məhsuludursa, Aleksandr Sergeyeviç Puşkin,
Leonid İliç Brejnev, Sov.İKP MK Siyasi Bürosu üzvlüyünə namizəd,
Sov.İKP.MK. katibi K.U.Çernenko, Büronun üzvləri: V.V.Qrişin,
A.N.Kosigin, K.T.Mazurov, A.Y.Pelşe, M.A.Suslov və başqaları real tarixi
şəxsiyyətlərin adlarıdır.
Elçinin əsərlərində represiya dövrünün tarixi şəxsiyyətləri dönə-
dönə xatırlanmışdır.
Elçin “Mahmud və Məryəm” əsərində ənənəyə sadiq qalmış,
simvolik qoşa işlənən adlardan istifadə etmişdir “Əsli və Kərəm”in
motivləri əsasında Elçinin qələmə aldığı “Mahmud və Məryəm” romanı
realist yazıçının yaratdığı dastandır. Romanın bütün strukturuna hopmuş
aydınlıq, sadiqlik, xəlqilik, humanizm, bəşərilik, kamillik “Mahmud və
Məryəm” i dastan adlandırmağa imkan verir.
12
Antroponimik vahidlərin bir hissəsi ləqəblərdən ibarətdir. Ləqəblər
antroponimik sistemdə köməkçi adlar qrupuna daxildir. Antroponimik
vahidlərin bir hissəsi də öz növbəsində ləqəblərdən ibarətdir. Elçin
yaradıcılığında da obrazlara maraqlı ləqəblər verilmişdir: “Qarabağ
Şikəstəsi” hekayəsində-Qızıldiş Cümşüd, Malıbəyli Köhnə Qaval İsgəndər,
Bolelşik Bufetçi, İbadulla, Avtobus Ağadadaş; “Sürpriz kababı” əsərində -
Gümüş Malik, Qızıl Malik, Kitabxanaçı Nəcəf, Qəssab Ağakişi,
kitabxanaçı Nəcəfin anası Əlibaba arvad, Hambal İsrafil...
Ədibin yaradıcılığında antroponimik sistemin bir qolunu təşkil edən
təxəllüslər də özünəməxsus yer tutur. Antroponimlərin leksik-semantik
xüsusuiyyətlərinin tədqiqi zamanı Elçin yaradıcılığında 7500- dən yuxarı
təkrar olunan antroponimə rast gəldik.
İkinci fəslin ikinci yarımfəsli “Toponimlərin leksik-semantik
xüsusiyyətləri” adlanır.
Bu yarımfəsildə
bizim məqsədimiz Elçinin
yaradıcılığı boyu istifadə etdiyi və üslubi məqsədlə özünün yaratdığı
toponimləri tədqiq etməkdir. A.Qurbanov toponimlərin bir neçə qrupunu
müəyyən etmişdir: 1.Oykonimlər; 2.Oronimlər; 3.Xoronimlər; 4.Urba-
nonimlər; 5. Dromonimlər.
D.Əliyeva toponimləri xarakterizə edərək demişdir: “Keçmişin
şahidi olan toponimlər uzaq dövrlərin əks-sədası kimi ən qiymətli tarixi
abidələr içərisində şərəfli yer tutmaqla yanaşı, etnogenez məsələlərinin
araşdırılmasında çox qiymətli mənbə, tarix elmi üçün arxeoloji material
timsalı, dəyərli maddi mədəniyyət qalığıdır”
1
. Azərbaycanlı toponimist
T.M.Əhmədov isə “... toponimlər bizim keçmişimizdir....” fikrini
söyləmişdir
2
.
L.Piriyevanın isə məsələyə bir qədər fərqli münasibəti vardır. O,
toponimləri reallığına və qeyri-reallığına görə qruplaşdıraraq aşağıdakı
kimi təsnifat aparır. a) real toponimlər, b) real bədii toponimlər, c) qeyri-
real (uydurma) bədii toponimlər. Əslində, bədii əsərlərdə toponimlərin real
və qeyri-real olmasına görə tədqiqi ən ağlabatan üsuldur.
Elçinin
yaradıcılığı boyu onun istər hekayələrində, istər povest və romanlarında
1
Əliyev K. Bədii adların üslubi xüsusiyyətləri. AOP elmi-onomastik jurnal, , I bur,
Bakı, 1987;
Əliyeva D. Toponimlərin üslubi-linqvistik xüsusiyyətləri. Bakı,
Maarif, 2008; Əliyeva D. M. S.Ordubadinin romanlarında onomastik vahidlərin
linqvistik xüsusiyyətləri. Bakı, 1996, Nam.dis.
2
Əhmədov T. Azərbaycan coğrafi nomenli hidronimlərin yaradılmasında sifət, feli
sifət və saylardan istifadə. Azərbaycan dili monoqrafiyasının aktual problemləri.
Bakı, 1987, s.5.