Nizami Tağısoy
52
“bütün xalqların atası” İ.V.Stalin “Razıyam” dərkənarı qoymuş-
dur. Daha sonra İkinci Dünya Müharibəsi dövründə qaraçaylılar
və malkarlar guya alman qəsbkarlarına köməklik etmələri adı al-
tında təsdiqləndirilərək daha kəskin repressiyalara məruz qalmış-
lar. Stalinin ölümündən sonra qaraçaylılar reabilitasiya olunmuş
və 1957-ci ilin noyabrından doğma vətənə qayıtmağa başlamışlar.
Qaraçay-Çərkəz Respublikasının paytaxtı Çerkessk şəhəridir.
Onun əsası 1804-cü ildə qoyulmuşdur. Şəhərin ilkin adı Türkiyə
ordusunun komandanı Batal-Paşa ilə bağlıdır. 1787-1791-ci illər-
də Rus-Türk müharibəsi zamanı Batal-Paşa rus ordusuna məhz
bu yerdə məğlub olmuşdur.
1770-ci ilin sentyabrın sonunda 25 minlik türk ordusu və ona
qoşulan Kubanətrafı ərazilərdə yaşayan dağlılar (cəmi 40 min
nəfər) Anapadan müasir Çerkessk rayonuna yığışıb əvvəlcədən
bu dairədə Toxtamış hündürlüyünü tutsalar da, sonra rus ordusu
general-mayoru L.L.Germanın komandanlığı altında vuruşarkən
ruslar Batal-Paşa ordusuna qalib gəlmişlər .
1931-ci ildən stanitsa Batal-Paşa şəhər statusu almışdır. 1934-
cü ildən o RSSFR XKS sədri D.Y.Sulimovun şərəfinə Sulimov
adlandırılmışdır. D.Y.Sulimov “xalq düşməni” elan edildikdən
sonra şəhər 1937-ci ildən Yejevo-Çerkessk adlansa da, 1939-cu
ildən Yejov kütləvi repressiyalara rəhbərlik etməkdə təqsirləndi-
rildiyindən əvvəl cinayət məsuliyyətinə cəlb edilmiş, sonra gül-
lələnmişdir. Məhz bundan sonra şəhər Çerkessk adlandırılmışdır.
Qaraçay-Çərkəz Respublikasının ikinci şəhəri Karaçayevsk-
dir. Onun əsası 1926-cı ildə qoyulmuşdur. Bu, Qaraçay ərazisində
ilk şəhər idi. Böyük Vətən Müharibəsi dövrünə qədər Karaçayev-
sk bütün türklərin düşməni olmuş Mikoyanın adı ilə bağlı Miko-
yan-şəhər adlandırılmışdır. 1944-cü ildə qaraçaylıların deporta-
siyasından sonra şəhərə gürcü – Kluxori adı verilmişdir. 1957-ci
ildən isə ona yenidən Karaçayevsk adı qaytarılmışdır. Karaça-
yevsk kiçik olmasına baxmayaraq, onun gəzməli-görməli yerləri
Qaraçay ədəbiyyatı
53
çoxdur. Şəhərin görməli yerləri sırasında Siyasi repressiyalar qur-
banlarının şərəfinə ucaldılmış memorial kompleks, Şəhər Məsci-
di, Hökümət evi, müxtəlif kino-teatrlar və s. adlarını çəkmək olar.
Qarçay-Çərkəz – çoxmillətli respublikadır. Burada qaraçay-
lı, çərkəz, abazin, noğay və qeyriləri lap qədim zamanlardan bu
günə qədər çiyin-çiyinə yaşamaqdadırlar. Adları çəkilən xalqlar
bu ərazilərin əsas və qədim xalqları hesab olunurlar. Birləşmiş
Millətlər Təşkilatının müəyyən etdiyinə görə bu və ya digər əra-
zilərin qədim xalqı həmin ərazilərdə 500 ildən artıq yaşayanlara
şamil edilir.
Burada qaraçaylıların malkarlar və noğaylarla daha sıx, isti
münasibətləri olmuşdur. Qaraçaylılar və noğaylar tarix boyunca
son dərəcə çətin, əzablı və dramatik yol keçmişlər. Qədim dövr-
lərdə Böyük Noğay Ordasının tərkibində hətta polietnik tərkib-
dən ibarət qaraçaylı və noğayların dövlət birliyi də olmuşdur.
Qeyd edək ki, Noğay Ordasının hələ lap qədim dövrlərdə Bizans,
Yaxın Şərq, Ərəb dövlətləri, Xəzər xaqanlığı, Kiyev Rus dövləti
və digərləri ilə tarixi, sosial, iqtisadi, hərbi, mədəni və s. əlaqələri
mövcud olmuşdur.
Zaman keçdikcə çoxsaylı və çeşidli təbəddüatlar nəticəsin-
də qaraçaylılar və noğaylar Rusiyadan asılı vəziyyətə düşmüş və
məcburən onun tərkibinə qatılmışlar. Təbii ki, belə vəziyyət adları
çəkilən xalqların tarixində xeyli qara ləkələr qoymuşdur. Bu barə-
də ətraflı məlumatı biz qaraçaylıların və noğayların tarixini dərin-
dən öyrənərkən ala bilirik. Qaraçaylıların və noğayların Rusiya
İmperiyasının tərkibinə qatılması bu xalqların tarixində fəsadlar-
la müşayiət olunsa da, XIX əsrin sonları XX əsrin əvəllərindən
onun mütərəqqi əhəmiyyətini də qeyd etməmək düzgün olmazdı.
Belə ki, məhz qeyd edilən dövrdə bu xalqların sırasından çıxan
maarifçilər yeni əlifbanın işlənib hazırlanması, onun praktikada
tətbiqi, yeni məktəblərin açılması və s. istiqamətlərdə fəaliyyət
göstərmələri ilə milli tarixdə mühüm rol oynaya bilmişlər.
Yuxarıda göstərdik ki, qaraçaylılar və noğaylar orta əsrlər
Nizami Tağısoy
54
dövründə öz dövlətlərinə malik olmaqla, dünya sivilizasiyasının
tərkib hissəsini təşkil edirdilər. Belə olduğu halda qaraçaylıları
və noğayları çar Rusiyası rəsmi tarixşünaslığının dünyaya onları
barbar və vəhşi kimi təqdim etməsi də həqiqətə uyğun deyildir.
Əksinə, onların yüksək mədəniyyət daşıyıcıları olduğu tarixşünas-
lıqda çoxdan etiraf olunmaqdadır. Çünki dediklərimizi bu xalqların
qədim mədəniyyəti və zəngin mənəvi örnəkləri – şifahi və yazılı
ədəbiyyat nümunələri birmənalı şəkildə sübut etməkdədir.
Qaraçay, malkar və noğay xalqları, demək olar ki, vahid
dil, etnik tərkib və mədəniyyətə malik olmaqla, yuxarıda qeyd
etdiyimiz kimi, uzaq keçmişdən Şimali Qafqazın Terek və Ku-
ban çaylarının yuxarı hissəsini – Malkar (Balkar) respublikasının
Qaraçay-Çərkəz, digər tərəfdən, Kabardin-Malkar (Balkar) res-
publikasının müasir dövrdə formalaşmış sərhədlərində məskun-
laşmaqdadırlar.
Qaraçaylıların və malkarların etnogenezi ilə bağlı ümumi qə-
bul edilmiş vahid yetkin konsepsiya olmasa da, XX əsrin 50-ci
illərinin sonlarında Nalçik şəhərində “Malkar və qaraçaylıların
mənşəyi haqqında” keçirilmiş Ümummittifaq elmi sessiyasında
alimlər belə qərara gəlmişlər ki, bu iki xalq Şimali Qafqaz türk-
dilli və irandilli tayfalarının qarışığından əmələ gəlməklə, onların
yaranması prosesində qara bulqarlarla qərbi qıpçaq tayfalarının
rolu daha əhəmiyyətli idi (9, 310).
Əlimizdə olan materiallar onu deməyə əsas verir ki, qaraçay-
lıların və malkarların etnogenezi ilə bağlı iki istiqamətdə gedən
axtarış və tədqiqatların nəticəsi əsasən yuxarıda qeyd etdiyi-
miz sessiyasının başlıca müddəlarına söykənir. Bu, bir tərəfdən,
Y.P.Alekseyevanın, L.İ.Lavrovun, İ.M.Çeçenovun, V.M.Batçaye-
vin və başqalarının, digər tərəfdən isə yuxarıdakı konsepsiyanı
yenidən nəzərdən keçirməyə istiqamətlənən U.B.Əliyevin, K.T.
Laypanovun, X.M.Xacilayevin, M.A.Xabiçevin, İ.M.Miziyevin,
A.M.Bayramkulovun, S.Y.Bayçorovun, M.Ç.Jurtubayevin və
digərlərinin nəzər nöqtələridir. Birmənalı şəkildə təsdiqlənmişdir
Dostları ilə paylaş: |