Nizami Tağısoy
46
nın məğlubiyyətinin şərəfinə həmin yerə, yuxarıda söylədiyimiz
kimi, ruslar Batal Paşa adını verirlər.
Bu zamanlardan Osmanlılar Krım və Tamanın Rusiyaya aid
olduğunu təsdiqləmiş, ruslar Kubanın sağ tərəfinə çəkilərək bu
yerlərdə Buğ çayı ərazisindən gətirilən kazakların köməyi ilə
güclü istehkamlar qurmuşlar. Buna baxmayaraq, Qaraçay-mal-
kar türkləri Rusiyanı dəstəkləyən Kabardin-Çərkəz bəylərinin
Bahsan qrupunda yer almamışlar. Osmanlı və Krımı dəstəkləyən
Kaşha Tau qrupunda yer almış və 1804-cü ildə bütün qafqazlılarla
ruslar arasında cərəyan edən Cegem meydan döyüşlərində onlar
ruslara qarşı ön sırada döyüşmüşlər. 1806-1812-ci illər Osman-
lı-Rusiya müharibəsindən sonra imzalanan Belqrad anlaşması-
na görə Osmanlı-Rusiya sərhədləri yenidən çəkilmişdir. Bundan
sonra Kuban çayının sol sahilində qalan Qaraçay türklərinin di-
gər hissəsi Rusiyanın hakimiyyəti altına düşmüşdür. 1822-ci ildə
Rusiya Qaraçay türklərinin öz tabeliyində olduğunu elan etdikdə
qaraçaylılar üsyan etmiş və osmanlıların Anapa mühafizəsini hə-
yata keçirən Həsən Paşadan kömək istəmişlər. Həsən Paşa onları
anladığını, onlara sadiq qalacağını və İslam Krımşamxalı oraya
vali təyin etməklə Qaraçay türklərinə yardım edəcəyini vəd et-
mişdir. Lakin rus ordusu generalı Emanuelin Qaraçay torpaqlarını
təhdid etdiyindən Həsən Paşa 1826-cı ildə onlara heç bir kömək-
lik göstərə bilməmişdir.
Qaraçay diyarı Qafqazın ortalarında dərin vadilərdə dağlarla
əhatələndiyindən onlar ruslara qarşı vur-qaç taktikasından istifa-
də etməklə vuruşmuşlar. Qaraçay diyarının belə strateji önəmini
duymuş Çar Rusiyası bu əraziləri çoxdan öz hakimiyyəti altına
qatmaqda israrlı olmuşdur. 1828-ci ildə üç müxtəlif tərəfdən Qa-
raçaya doğru hərəkət edən general Emanyelin komandanlığı al-
tındakı rus ordusu Qaraçay bəyi Duda oğlu Tengizbəy və kabar-
din bəyi Atajuk oğlu Atajukun rəhbərliyi ilə gizli dağ yollarından
keçərək Hasavkaya soxulduqları halda qaraçaylılar onların gəli-
şini bu istiqamətdən gözləmədiklərindən məğlub olmuşlar. Bun-
Qaraçay ədəbiyyatı
47
dan sonra Qaraçaylılar Çar Rusiyasının himayəsini yazılı şəkildə
qəbul etmək zorunda qalmışlar.
Sonrakı dövrlədə Qaraçay türkləri 1835-1853-cü illər arasın-
da Çar Rusiyasına qarşı davamlı üsyanlar etsələr də, bu səylər
heç bir konkret nəticə verməmişdir. Bu istiqamətdə Qazi Məhəm-
məd Xubinin başçılığı altında aparılan mübarizə də qan bahasına
basdırılmışdır.
1861-ci ildən Çar Rusiyası Qafqazı əyalətlərə bölməyə baş-
lamışdır. Bunun nəticəsində Qaraçay Kuban əyalətinə, Malka-
riya Terek əyalətinə birləşdirilmişdir. Bununla Qaraçay-malkar
türkləri rus hakimiyyəti dövründə iki dəfə iki yerə ayrılmışlar.
1865-ci ildə qaraçaylıların yaşadıqları bölgəyə başçı kimi gene-
ral Nikolay Petruseviç gətirilmiş, o, burada Rus valisi adını al-
mış, Qaraçay türkcəsini öyrənməklə, insanlarla isti münasibət
qurmuş, özünü xalqa olduqca çox sevdirmişdir. Onun dövründə
Qaraçayda böyük yüksəliş baş vermişdir. O, Rus hökümətindən
qaraçaylılar üçün yeni torpaqlar almış, kəndlər arasında əlaqələri
gücləndirmək üçün yollar çəkdirmiş xeyli digər xeyirxah işlərə
imza atmışdır. Qaraçaydakı missiyasını başa vurduqdan sonra
1876-cı ildə N.Q.Petruseviç Türkmənistanın Göy-Təpə nahiyə-
sində cərəyan edən hadisələri yatırmaq üçün ora göndərilmiş,
döyüşlər zamanı həyatını itirmişdir. Lakin qaraçaylılar bundan
xeyli müddətdən sonra, 1881-ci ildə xəbər tutduqda çox üzülmüş-
lər. Qaraçay nümayəndə heyəti Türkmənistana gedərək N.Q.Pet-
ruseviçin nəşini oradan götürüb Qaraçaya gətirərək Batal Paşa
şəhərində onu yenidən torpağa tapşırmışlar. Qaraçaylıların və
malkarların noğaylarla xeyli birgə xüsusiyyətə malik olub yüksək
mədəniyyət daşıyıcıları olduqları məlumdur. Mənbələr birmə-
nalı şəkildə sübut edir ki, hələ orta əsrlər dövründə böyük
dövlətçilik və idarəçilik ənənələrinə malik olan noğayların yazı
nümunələri mövcud idi. Əlbəttə, bu gün bu mədəniyyətin daha
geniş çev rədə öyrənilməsinə ehtiyac duyulsa da, XX yüzillik
ərzin də bu istiqamətdə dərinləşdirilmiş tədqiqatlar aparmağa
Nizami Tağısoy
48
və onların doğru-dürüst tarixinin ortaya çıxarılmasına imkan
verilməmişdir. Bu gün çətin də olsa (çünki yenə də adlarını
çəkdiyimiz xalqlar Rusiyanın ictimai, siyasi, hərbi, mədəni,
ədəbi, mənəvi təsiri altında qalmaqdadırlar. Elə buna görə də
qaraçaylı və malkarlardan danışıldıqda bir tərəfli şəkildə rus-
ların Qaraçaylılara və malkarlara olan “qardaş”, “ dost” kömə-
yindən ağızdolusu söhbət açılır, bu təsir altında olduqları
müddət ərzində onların çəkdiyi tarixi əzablar isə dilə belə gə-
tirilmir), bəzi işlər görülməkdədir. Bunu biz qaraçaylı-malkar
alimləri-dilçiləri, folklorşünasları, ədəbiyyatşünasları ilə fikir
mübadiləsi edərkən dərindən hiss etmişik. Bu alimlərin fikri
birmənalı şəkildə Qaraçay və malkarların əksər tarixi dönəmlə-
rinin dramatik kolliziyalarla dolu olduğunu sübut edir. Çünki
vəziyyət elə olmuşdur ki, əksər hallarda bu xalqların mədəni
ənənələri amansız həmlələr nəticəsində qırılmağa, itirilib-ba-
tırılmağa məruz qoyulmuşdur. Bu, əvvəl Rus imperiyasının
ki çik xalqlara “köməyi” sayəsində baş tuturdusa, sonralar belə
“humanist missiyanı” uzun zaman kəsiyində bolşevik Rusiya-
sı, Qırmızı imperiya öz üzərinə götürmüş və bu “cəbhədə” xeyli
“müvəffəqiyyətlərdə”də əldə etmişdir. XIX əsrdə bu xalqla-
rın əlifba yaratmaq və maariflənmək cəhdləri onların təqib olun-
ması ucbatından real bir nəticə verməmişdir. Yalnız XX əsrin
20-ci illərində, daha doğrusu, 1924-cü ildə qaraçaylıların əlifba
əldə etmələri mümkün oldu. Elə Qaraçay-malkar ədəbiyyatının
doğma dildə yaranmasını da məhz bu dövrdən götürmək daha
düzgündür. Bundan sonra dövrü mətbuat, kitab nəşri işi, bir
qədər sonralar isə radio yayımı, teatr, televiziya fəaliyyətə
başlamışdır.
XX əsrin 20-ci illərindən yaranmağa başlayan Qaraçay-mal-
kar milli ədəbiyyatı olduqca ziqzaqlı, mürəkkəb təşəkkül və
inkişaf yolu keçdi. Elə Qaraçay-malkar yazıçı və şairləri mey-
dana çıxdı ki, onların yaradıcılığı nəinki öz milli sərhəd və
hədlərində qapanıb qaldı, həm də onların adı keçmiş Sovetlər
Dostları ilə paylaş: |