19
edən Azərbaycanın baş verəcək qələbədə çox böyük payı olduğuna işarə
etmişdir.
Adolf Hitler haqqında oxşar təsvirlərə alman yazarı K.Haynın
“Villenbrok” (“Willenbrock”, 2000) romanında da rast gəlirik: “Onun
yaxşı, maraqlı ideyaları var idi. O, iyirmi ildə elə şeylər etmişdi ki, əvvəlki
siyasətçilərin yuxusuna da girməmişdi. Onun haqqında nə demələrinə
baxmayaraq, o, banditləri çox yaxşı idarə edirdi”
1
.
S.Əhmədovun müstəqillik dövrünün məhsulu olan “Axirət sevdası”,
“Kef”, “Ömür urası”, A.Abbasın “Dolu” “Allahını qatil edənlər”, Nigarın
“Daş hasar”, G.Lətifxanın “Azər və Aida”, F.Güneyin “Qara qan”,
S.Səxavətin “Nekroloq”, M.Süleymanlının “Erməni əlifbasındakı hərflər”,
F.Qocanın “Ölüm ayrılıq deyil”, M.Abdullanın “Əvvəl. Axır” romanlarında
isə Qarabağ müharibəsi bədii tədqiqat obyektinə çevrilmişdir. Bu
yarımfəsildə Elçinin “Ağ dəvə” romanında bir məhəllənin timsalında
müharibənin müxtəlif ailələrə gətirdiyi fəlakətlər təhlil edilmiş, müharibə
qlobal faciə kimi dəyərləndirilmişdir. Azərbyacan yazıçısının romanı alman
nasiri B.Şlinkin əsəri ilə analoji təhlidə təqdim edilmişdir. Bu yarımfəsildə
H.Krausserin “Zəngin dünya”, V.Şnurrenin “Yabançı”, M.Maronun
“Animal triste”, K.Kraxtın “Faserland”, U.Timmin romanları S.Əhmədlinin
“Axirət sevdası”, “Ömür urası”, Anarın “Otel otağı”, Nigarın “Daş asar”
əsərləri ilə müqayisəli tədqiqdə araşdırılmış, müharibə mövzusundə
Azərbaycan və alman ədəbiyyatındakı uyğun və fərqli cəhətlər meydana
çıxarılmışdır. Qarabağ müharibəsinin dəhşətlərini əks etdirən S.Əhmədlinin
“Axirət sevdası”, “Ömür urası” romanlarında milli tariximizin çox yaxın
dövrlərində baş verən fəlakətlər, şəhid ailələrinin faciələri bu bölmədə
geniş şəkildə təhlil olunmuşdur.
III fəslin ikinci yarımfəsli “Müasir roman yaradıcılığında sosial-
mənəvi həyatın dərki” adlanır. XX əsrin sonu XXI əsrin əvvəllərində
Azərbaycan və alman romançılığında bir canlanma hiss olunur. Azərbaycan
ədəbiyyatının heç bir zaman kəsiyində bu qədər roman yazılmamışdır.
İ.Hüseynovun “İdeal”, “Əbədiyyət”, “Cəhənnəm”, İ.Şıxlının “Ölən
dünyam”, Anarın “Otel otağı”, “Ağ qoç, qara qoç”, Elçinin “Mahmud və
Məryəm”, K.Abdullanın “Yarımçıq əlyazma”, “Sehrbazlar dərəsi”,
“Unutmağa kimsə yox”, A.Rəhimovun “Kabus”, N.Əbdülrəhmanlının
“Yalqız”, “Yolçu”, “Könül elçisi”, İ.Fəhminin “Akvarium”, “Aktrisa,
“Qarğa yuvası”, “Bakı haqqında kollaj”, “Akvalanq, yaxud Yüngül bir yay
oyunu”, E.Hüseynbəylinin “Balıq adam”, “Tut ağacı boyunca”, “Yovşan
1
Hein Chr. Willenbrock. Frankfurt a/ M: Suhrkamp. 2000. 199 S.
20
qağayılar”, “Metro vadisi”, “Don Juan, yaxud On üçüncü Havari” və
onlarla yazıçının romanları yalnız məhsuldarlıq cəhətdən fərqlənmir, həm
də də mövzu, problematika, obraz, süjet xətti baxımından yeni meyilləri
ortaya çıxarırdı.
Alman ədəbiyyatında da eyni mənzərə müşahidə olunur.
K.Byöldlinin “Kristilizasiyanın tədqiqi” (“Studie in Kristallbildung”,
1991), “Abiskodan Cənuba” (“Sudlich von Abisko”, 2000), K.Kraxtın
“Faserland” (1999), “1979”, M.Maronun “Animal triste”, F.Xenninqin
“Hər şey oğurlanmışdı” (“Alles nur geklaut”, 1999), G. Osvaldın “Hər şey
hesaba alınır” (“Alles was zählt”, 2000), E.Yelenikin “Pianoçu” (“Die
Klavierspieleren”, 2002), S.Lagerin “Fosfor” (“Phosphor”, 2000),
T.Dyukersin “Oyun zonası” (“Spielzone“, 2002), M.Billerin “Qızım” (“Die
Tochter”, 2000), və s. romanlarda dünya və insan probleminə geniş yer
verilmişdir. Bu problemlərin bədii həllində postmodernist düşüncənin
təşəkkülü əsas rol oynayırdı.
Postmodernist roman hər şeydən əvvəl yeni üslubların meydana
gəlməsi ilə şərtlənir. Postmodernist düşüncədə estetik-bədii meyarlar
dəyişir, obrazlar yeni rakursda göstərilir, tarixi hadisə və şəxsiyyətlərə
birmənalı münasibət bildirilmir və bununla yanaşı müəllif oyunları ilə
müşahidə edilir. Postmodernizm alman ədəbiyyatında bir qədər gec, 80-ci
illərdə təşəkkül tapmağa başlamışdır. İlk dəfə B.Ştrausun “Gənc adam”
(1984), P.Züskindin “Ətriyyatçı” (“Das Parfum”, 1985), X.Ransmayrın
“Sonuncu dünya” romanlarında interperetasiyadan istifadə olunmuşdur. Bu
əsərlərin ardınca B. Morsxoyzerin “Berlin imitasiyası” (1989), T.Xetkenin
“Lüdovik əvvəl ölməlidi” (1989), U.Vidmerin “Mavi sifon” (1992),
M.Kyölmayerin “Telemax” (1995), E. Xaklyanın “Sara və Simon” (1995)
və s. romanları yazıldı. Bu cəhətdən 90-cı illər alman xalqının yeni
dünyada və yeniləşən Avropada özünütəsdiq istiqamətində aparılan gərgin
axtarış illəri idi. Bu müəlliflərdən T.Brussiq, K.Ransmayr, İ.Şulç, B.fon
Ştukrad-Barre, K.Kraxt, T.Dyukers, B.Lebertin adlarını çəkmək olar.
Həmin müəlliflər öz əsərlərində həyat və cəmiyyət haqqında düşüncələrini
sistemləşdirmiş, sözün əsl mənasında, zamanın “sinirlərinə” toxuna
bilmişdilər. Bu yarımfəsildə K.Kraxtın “Faserland” romanı Elçinin
“Mahmud və Məryəm”, İ.Fəhminin “Akvarium”, “Aktrisa”, “Akvalanq”,
N.Əbdürrəhmanlının
“Yalqız”,
“Yolsuz”
əsərləri
ilə
müqayisədəaraşdırılmış, qlobal anlamda mənəvi böhran təhlil edilmiş, saf
cəmiyyət arzuları ifadə olunmuşdur. N.Əbdülrəhmanlının “Yalqız” və
“Yolsuz” romanlarında tənhalıq, yolsuzluq problemi Nobel mükafatı
laureatı Yelfrida Yelenikin “Sevgililər” (1975), “Bağlı qapı arxasında”,