mərhumun ən yaxın qohumu olmalı idi. Şəriətə görə mərhum kişi
cinsindən olardısa, onun oğlu və ya qardaşı, qadın cinsindən olardısa,
əri, qardaşı, yaxudda qızının əri məzara düşüb ona son borclarını
verərdilər. Şəriətə görə məzara düşən adam başıaçıq və ayaqyalın
olmalı idi. [83] Cənazə nizamlanandan sonra molla mərhumun təlqinini
verməyə başlardı. Molla təlqin verdikcə mərhumun sağ çiynindən
yavaşca silkələyərdi ki, onun ruhu deyilənləri eşitsin. Mərhum qadın
olduqda cənazə nizamlanan və təlqin verilən vaxt qəbrin üstünə bir pərə
tutulardı. Təlqin bitdikdən sonra məzara düşən şəxs cənazənni ayaq
tərəfindən qəbirdən çıxmalı idi. O qəbirdən çıxdıqdan sonra mollanın
köməyilə: “Biz hamımız Allaha məxsusuq və onun yanına qayıdırıq”-
sözlərini deyib məzara bir ovuc torpaq atırdı. Sonra qəbrin içində
əhlətin üstünə ağac, yaxud daş lövhələr düzərək cənazənin üstünü
örtərdilər. Lənkəran bölgəsində ağac lövhələr üzərinə həsir də sərilirdi
ki, torpaq əhlətin içinə tökülməsin. Digər bölgələrdə isə əhlətin içinə
torpaq tökülməsin deyə bütün deşiklər ot, yaxud küləşlə tutulur,
palçıqla suvanırdı. Sonra dəfn mərasimini iştirakçıları növbə ilə bir neçə
bel torpaq tökməklə qəbrin üstünü basdırırdılar. Bəzi bölgələrdə,
xüsusislə torpağı möhkəm olan qəbristanlıqlarda əhlət qəbirini sağ
divarını dibində taxca kimi qazılırdı. “Sapma” adlanan belə qəbirlərdə
cənazə əhlətə yerlşdirildikdən sonra əhlətin sol tərəfi örtülür və qəbir
torpaq ilə doldurulurdu. Qəbrə torpaq tökərkən bel əldən-ələ verilmirdi
və yerə atılırdı. Cavanlar bu adəti bilmədikdə ona deyərdilər ki, beli
yerə atın. İnama görə beli əldən ələ vermək pis əlamət sayılırdı. Qəbri
torpaqla doldurduqdan sonra onu baş tərəfinə mərhumun soyadı, adı,
atasını adı yazılmış müvəqqət baş ağacı basıdırdılar. Müvəqqəti baş
ağacı basıdırıldıqdan sonra qəbrin üstündəki torpaq qalağı hamarlanır,
qutu şəklinə salınır və ortasına dayaz nov açılır. Həmin nova bir bardaq
su tökülür, bardaq isə qəbrin üstünə qoyulurdu.
Qəbrin üstünə başdaşı bəzi bölgələrdə mərhumun qırx, bəzi
bölgələrdə isə ili tamam olanda qoyulurdu. İslam dini qəbirüstü
abidələri təqdir etmədiyinə görə, keçmişdə mərhum üçün qiymətli baş
daşları qoyulmurdu. Bir qayda olaraq qəbrin üstü düzəldilir və baş
daşına mərhumun soyadı, adı, atasını adı, anadan olduğu və vəfat etdiyi
tarixlər yazılırdı. Yalnız övliyaların və din xadimlərinin üzərində
məqbərələr tikilirdi.
Mərhum torpağa tapşırılqdıqdan sonra molla “Quran”ın və
“Yasın” surəsini oxuyur və Allahın, peyğəmbərin bu yolla hamı üçün
seçdiyini təlqin edən dualar oxumaqla dəfn mərasiminin başa çatdığını
bildirirdi. Dəfn mərasiminin iştirakçıları qəbirstanlıqdan çıxarkən də
onun kənarında dayanaraq mollanın başçılığı atında bütün qəbirstanlıq
əhlinin ruhuna rəhmət oxuyub mərhumun həyətinə qayıdardılar.
Qəbiristanlıqdan qayıdanlara mərhumun həyətində gülab
paylanır və mola tərəfindən son fatihə oxunurdu. Molla ənənəyə uyğun
olaraq mərhumun yas mərasiminin yeddi gün davam edəcəyini, üçü,
yeddisi və qırxı günlərinin nə vaxta düşdüyünü və həmin günlər
hamının ehsana dəvət olnuduğunu bildirərdi. Molla eyni zamanda elan
edirdi ki, mərhumun qırxına qədər hər cümə axşamı məclis olacaqdır.
Sonra molla mərasim iştirakçılarını məclisə dəvət edərdi. Hüzrə
gələnlər üçün mərhum qəbirstanlığa yola salındıqdan sonra həyətdə
xüsusi olaraq qalmış adamalar tərəfindən düzəldilir və dəfn mərasim
iştirakçılarının qəbiristanlıqdan qayıtmalarına qədər sahmana salınırdı.
Hüzr üçün qurulmuş məclisə “yas yeri”, bəzi bölgələrdə, o cümlədən
Naxçıvan və Qazaxda “mərəkə” deyirdilər. Vaxt sarıdan imkanı
olmayanalar mərhumun ailə üzvlərinə üzrxahlıq edib bir daha başsağlığı
verərək dağılışır, imkanı olanlar isə keçib məclisdə oturur axundun və
yaxud mollanın oxuduğu “Quran” surələrinə və danışdığı hədislərə
qulaq asardılar.
El adətinə görə, mərhumun üçünə qədər yas yerində ehsan
verilməz və yemək bişirilməzdi, mərhumun yaxın qohumları öz
evlərində yemək bişirib hüzr yerinə gətirər və uzaq yerlərdən hüzr
yerinə gələnlərə ehsan yeməyi verirdilər. Bəzi bölgələrə mərhumun
ilinə qədər yalnız üçündə və qırxında, bəzi bölglərdə isə yeddisi və qırxı
günləri ehsan verilərdi. İmkanlı ailələr mərhumun qırxına qədər bütün
cümə axşamları da hüzrə gələnlərə ehsan verərdilər. Qeyd olunduğu
kimi Azərbaycanın bütün bölgələrindən ailənin maddi imkanından asılı
olmayaraq mərhumun ilində ehsan verilər və ənənəyə görə ehsana
adamalar dəvət olunardılar. Eyni zamanda mərhumun üçündə və
yeddisində, qırxına qədər hər cümə axşamında, qırxında, ilində və
bayram günlərində molla ilə birlikdə qəbirstanlığa gedər və mərhumun
qəbri üstündə yasin oxuyardılar.
Yas mərasimlərində kişi və qadın məclisləri ayrı olurdu. Qadın
məclisləri üçün bir qayda olaraq xüsusi mərək qoyulmazdı. Məclis
mərhumun evində, böyük otaqlardan birində təşkil olunardı. Qadın
məclislərində isə ehsan yeməkləri verilərdi. Qadın məclislərində adətən
molla olmazdı. Qadın məclisləri ağı deməklə, ağlaşma ilə həyata
keçirilərdi. Ağı deyən qadınlarla yanaşı, xüsusi mərsiyəxan qadınlar
Kərbəlan faciəsindən, imamaların başlarına gələn vaqiələrdən bəhs
edərn mərsiyələri avaz ilə oxumaqla mərasim iştirakçılarını
ağladardılar. Bəzi bölgələrdə, o cümlədən Quba bölgəsində qadınlar
yas məclislərində mərhumun xüsusən cavan yaşında ölən admalarını
paltarlarını evin ortasına sərər, yaxud xonçaya yığıb ağı deməklə
ağlaşardılar. Belə ağlaşmalar zamanı çox vaxt aşağıdakı səciyyəvi
ağılar deyiərdi:
Bu paltarın dəstinə,
Qırmızı düyməsinə,
Yığılın qurban olaq,
Paltarın yiyəsinə.
Azərbaycan əksər bölgələrində “ağı” adlanan belə mərasim
ağlaşmaları Naxçıvan bölgəsində “edi” adlanırdı. Naxçıvanda cana
oğulun ölümü ilə bağlı olan qadın mərasim ağlaşmaları “mələşmə”
adlanırdı. Görünür, xalq arasında işlədilən “anası mələr qaldı” ifadəsi
həmin mərasim ağlaşmasında götürülmüşdür. [85]
Mərhumun ruhuna hörmət əlaməti olaraq yaxın qonşular və
qohumlar ona qırx gün yas saxlayar, başlarını və üzlərini qırxdırmaz,
qırmızı paltar geyməz, evlərində səs-küylü, musiqili tədbirlər
keçirməzdilər. Mərhum cavan olduqda onun ailə üzvləri ili tamam
olanadək qara paltar geyər, şadyanalıq etməz və toylara getməzdilər.
Qohum və qonşular isə mərhumun ili çıxmamış toy etməli olduqda
onun ailəsindən icazə istəməli olurdular. Yaslı ailənin ağsaqqalı və
Dostları ilə paylaş: |