90
Pərdə açılan kimi səhnənin ümumi tərtibatı Göytürk
çadırlarının içini xatırladırdı. Çadırların arxa tərəfi qalxdıqda
meydan, meşəlik və qayalıq mənzərəsi görünürdü. İki çadırın
ucları arasında iri bir ekran var idi. Ekranda slayd vasitəsilə
Göytürklərin Juan-juanları qovması təsvir olunurdu. Qələbəni əks
etdirən musiqi sədaları altında tamaşa başlayırdı.
Tamaşanın quruluşçu rejissoru, əməkdar incəsənət xadimi
Ağakişi Kazımovun işi yalnız rejissorluq qabiliyyətinə, nikbin
əhval-ruhiyyəli, monumental, tarixi qəhrəmanlıq tamaşası
yaratmaq bacarığına görə deyil, həm də məhz xeyrin şərə nisbətən
çox güclü olduğunu göstərmək iqtidarına görə müsbət
qiymətləndirildi. Ümumi ictimai rəyə görə, o, tamaşa yaradıcıları
ilə əlbir yaradıcılıq səyi nəticəsində müəllif fikrini tamaşaçıya
dəqiq və aydın çatdırmağa nail oldu. Tamaşanın quruluşçu rəssamı
İsmayıl Əsədoğlu və bəstəkar Cavanşir Quliyev tarixi-ictimai
faciənin sənət dili ilə açılması üçün bütün imkan və
istedadlarından yetərincə istifadə etmişdilər.
Heydər Əliyev tamaşadan razı qaldığını bildirərək demişdi:
“Sizin hamınız öz rolunuzu o qədər gözəl ifa etdiniz ki, birinizi o
birinizdən seçə bilmərəm. Hamınız çox gözəl ifa etdiniz. Hər
biriniz öz ifanızla çox gözəl təsir bağışladınız. Xüsusən əsərin
mənasını, məzmununu çatdırdınız. Ona görə mən sizi təbrik
edirəm. Bu əsəri gözəl yaratdığınıza görə sizi yüksək
qiymətləndirirəm” (86). Heydər Əliyev həmçinin qeyd etmişdi ki,
“Bu əsərin xüsusiyyəti ondan ibarətdir ki, burada hansı rolun baş
rol olduğunu demək çətindir” (86). Ustad teatrşünas kimi
söylənilən bu fikrin məna və mahiyyəti olduqca dərindir. Əslində,
burada söhbət həm əsərin, həm tamaşanın dramaturji
quruluşundan, həm də ansambl bütövlüyündən gedirdi. Obrazlar
bədii materialla taraz yüklənmiş, həm də tamaşada mükəmməl
ansambl
vasitəsilə
əsas məqsədin “Türkün gücü onun
birliyindədir” - fikrinin həyata keçməsinə xidmət edirdi.
Rejissor quruluşunda təqdirəlayiq cəhətlərdən biri də
tamaşanın klassik üslubda qurulması idi. Ağac öz kökləri üstə
dayanıb, qol-budağı isə ətrafa şaxələnmişdi. Yəni əsərdəki
91
hadisələr tarixi qatda saxlanılır, VI-VII əsrlərdəki Göytürk özülü
üzərində baş verənlər bu gün də müasirlik ruhunu qoruyub-
saxlayırdı. Əsərin böyük müvəffəqiyyətlə keçən ilk tamaşasını
ictimaiyyətlə yanaşı, teatr tənqidi də yüksək qiymətləndirmişdi.
İnqilab Kərimov, Hüseyn Abbaszadə, Şahmar Əkbərzadə, Fəridə
Səfiyeva tamaşaya öz müsbət münasibətlərini bildirmişdilər
İnqilab Kərimov “Panorama” qəzetində dərc olunan
məqaləsində yazırdı: “Rejissor tamaşanın bu günlə daha yaxşı
səsləşməsi üçün əsərin konfliktini, kompozisiyasını və ana xəttini
əsas hadisələr xətti ilə bağlı şəkildə açmaqla, obrazların bir-birinə
olan münasibətlərini müəyyən edən məqamları aydın göstərməyə
çalışmışdır. Quruluşçu rejissor bədii tərtibatdan da, musiqidən də
yerli-yerində istifadə etmişdir” (59). Tənqidçi öz məqaləsində
tamaşanın pozitiv cəhətlərini göstərməklə yanaşı, öz iradlarını da
qeyd etmişdi: “Əvvəla tamaşanın ümumi səhnə mədəniyyətinə
irad tutmaq olar. (Hətta bir də görürsən ki, Qara Xaqanın
hüzurunda duran sərkərdə əlini belinə vurub).İfaçıların danışıq və
tələffüzündə tamaşaçını razı salmayan hallar nəzərə çarpır. Bəzi
aktyorlar öz xarici görkəminə, müəyyən səhnə təcrübəsinə arxayın
olub, yersiz ədalara, məşrut hərəkətlərə, patetikaya uyur” (58).
Fəridə Səfiyeva isə tamaşadan razı qaldığını bildirirdi: “Haradan
gəlib, haraya getdiyini bilməyən, yaddaşını itirən, dünənini
unudan bir xalqın sabahı yoxdur. Və nə yaxşı ki, müəllifin bu
qənaəti tamaşanı hazırlayanların və ifa edənlərin ümumi
qənaətinə, vahid ideyasına çevrilə bilmişdir. Səhnədəki bütün
aktyorların oyunu bu fikri çatdırmağa, bu qənaəti möhkəmlətməyə
xidmət edir” (113).
Tamaşanın müvəffəqiyyətli alınmasında aktyor ansamblının
əməyi qeyd olunmalıdır. Əlabbas Qədirovun (Qara Xaqan), Ramiz
Məlikovun (Dulu Xaqan), Nurəddin Mehdixanlının (Gur Şad),
Laləzar Mustafabəylinin (İçgen Xatun), Məleykə Əsədovanın
(Selcan),Zemfira Nərimanovanın (Banu Çiçək), Sənubər
İsgəndər-
92
“Özümüzü kəsən qılınc” Qara Xaqan – Əlabbas Qədirov
İçgen Xatun – Laləzar Mustafabəyli
“Özümüzü kəsən qılınc” Qara Xaqan – Əlabbas Qədirov
Selcan – Məleykə Əsədova
93
“Özümüzü kəsən qılınc” İçgen Xatun – Laləzar Mustafabəyli
Siyan Şi – Sənubər İsgəndərli
94
“Özümüzü kəsən qılınc” Gur Şad – Nurəddin Mehdixanlı
Selcan – Məleykə Əsədova
95
ovanın (Siyan Şi), Rafiq Əzimovun (Mubi Tərxan), Məcnun
Hacıbəyovun (Salur xan), Rəsul Həsənzadənin (İltəriş), Aslan
Şirinovun (Şeytan), Mətanət Atakişiyevanın (Mələk) -dolğun
səhnə surətləri aktyorların böyük yaradıcılıq zəhmətinin, yeni
sənət axtarışlarının gözəl nümunəsi idi.
Əsərin əsas qəhrəmanlarından olan Qara Xaqan rolunu
Əlabbas Qədirov oynayırdı. Uzun illərin səhnə təcrübəsi aktyora
bu ağır və təzadlı obrazı dolğun yaratmağa kömək edirdi. Qara
Xaqan qardaşı Çulo Xaqanın səhvini təkrarlayır. Öz ərini
zəhərləyən məkrli İçgen Xatunu özünə arvad etməklə bütün
məğlubiyyətlərin və bədbəxtliklərin əsasını qoyur. Qara Xaqan
obrazı bütün hadisələrin, vəziyyətlərin keçid nöqtəsində dayanır,
bütün obrazlar arasında gedən konfliktdə iştirak edirdi. Xaqan
olduqdan sonra o, nəinki ölkənin vəziyyəti, xalqın güzəranı ilə
maraqlanmır, əksinə, xaqanlığa vəliəhd olan iki qardaş arasında
intriqa yaratmağa və bu yolla onları aradan götürməyə çalışır.
Xaqan taxtını əlində saxlamaqdan ötrü, hətta doğma qızının
ölümünə, onun ailəsinin dağılmasına, öz körpə nəvəsinin yetim
qalmasına bais olur. Qardaşı Çulu Xaqanın vaxtilə əliəyrilik,
dələduzluq üstündə işdən qovduğu Salur xanı yenidən ölkənin
xəzinədarı təyin edir. Qaynı Yan Çunqu əzizləyərək, orduda
yüksək rütbəyə çatdırmağa çalışır. Ə.Qədirov obrazı müstəqim
şəkildə oynayır, bədii materiala əsaslanaraq təsvirə üstünlük
verirdi. Hətta daxilində xeyirlə şərin timsalı kimi göstərilən Mələk
və
Şeytanla görüşdüyü anlarda da Ə.Qədirov obrazın
müstəqilliyini saxlayırdı. Qardaşı oğlu, həm də kürəkəni Gur
Şadla ilk söhbətlərində, qızı Selcanın onu ittiham etdiyi anlarda,
Mubi Tərxanın onunla razılaşmadığı məqamlarda belə Ə.Qədirov
Qara Xaqana hər vəchlə haqq qazandırmağa çalışırdı. Hadisələrə
İçgen Xatunun gözü ilə baxan Qara Xaqan - Ə.Qədirov tamaşanın
sonunda özünün səhv yolda olduğunu anlayır. O, başa düşür ki, bu
günün tələsik və düşünülməmiş hərəkətləri üçün gələcək nəsillər
qarşısında cavab verməli olacaq. Qara Xaqanın özünü qılıncla
öldürməsi səhnəsi tamaşanın ideyasının açılmasına xidmət
göstərirdi. Bu faciənin labüdlüyü məntiqi bir sualın cavabını
Dostları ilə paylaş: |