87
hər biri canlandırdıqları obrazları ürək yanğısı ilə tamaşaçılara
çatdırırdılar.
Azərbaycanın
suverenliyi, torpaqlarımız uğrunda
mübarizədə həlak olmuş şəhidlərə həsr olunmuş tamaşa nikbin
notlarla başa çatırdı. Amma tamaşanın sonunda heç kim əl
çalmırdı, hamı ayağa qalxıb yumruqlarını düyünləyir və
deyirdilər: ”Allah şəhidlərimizə rəhmət eləsin.”
2.2. Tarixi keçmiĢimizin anatomiyasını əks etdirən əsər
Azərbaycan Respublikası müstəqillik əldə etdikdən sonra,
milli vətəndaşlıq mövqeyi ilə həmişə seçilmiş B.Vahabzadə
yaradıcılığında yeni mövzular geniş yer aldı. Milli tarixin əvvəllər
qadağa qoyulmuş səhifələrinə baş vuran şair-dramaturq
Azərbaycan varlığınının dərin qatlarına nüfuz etdi. Məhz bu
yaradıcılıq axtarışlarının bəhrəsi olan “Özümüzü kəsən qılınc”
(“Göytürklər”) tarixi pyesi meydana gəldi və ilk tamaşası 1998-ci
il aprelin 10-da rejissor Ağakişi Kazımovun quruluşunda
Akademik Milli Dram Teatrında göstərildi. Azərbaycan
Demokratik Cümhuriyyətinin 80 illiyinə həsr olunan bu pyesdəki
hadisələr 1450 (1368) il bundan əvvəl ulu əcdadlarımız Birinci
Göytürk dövlətinin istiqlal uğrunda Çinə qarşı apardığı
mübarizədən bəhs edir.
Azərbaycan tarixinin yeni səhifələrinin yazıldığı bir zamanda
yaradıcılığında daha çox monumentallığa üstünlük verən
quruluşçu rejissor Ağakişi Kazımovun bu əsəri də klassik üslubda
səhnəyə gətirməsi qanunauyğun idi. Material da buna tam cavab
verirdi. Tarixi sənədlər əsasında yazılan, 2 hissədən və 12 şəkildən
ibarət olan pyesdə tarixi şəxsiyyət olan Gur Şadın Birinci Göytürk
dövlətinin istiqlalı uğrunda mübarizəsindən söz açılırdı.
“Özümüzü kəsən qılınc” (“Göytürklər”) faciəsində Bumin
Xaqanla onun qardaşı İstemi Xaqanın hakimiyyətlərindən sonra
zəifləmiş, dağılmaq təhlükəsi qarşısında qalmış Göytürklər
dövlətinin ikinci dəfə yüksəlişi diqqət hədəfindədir.
Tamaşa barəsində təəssüratlarını qələmə almış xalq yazıçısı
Hüseyn Abbaszadə göstərir ki, “Faciənin mötərizədə yazılan ikinci
88
adı “Göytürklər”dir. Çoxları bilmir ki, nə üçün əcdadlarımıza
Göytürklər deyirdilər. Mən bunu dəqiqləşdirməkdən ötrü bir
mötəbər tarixçi alim dostumla söhbət elədim. O, dedi ki, qədim
türklər İslam dinini qəbul etməmişdən öncə Günəşə sitayiş
edərdilər. Onlar hər gün dan söküləndə yığışıb əllərini göyə
qaldırıb Günəşin doğmasını ibadət eləyə-eləyə qarşılıyır,
axşamüstü Günəş batanda onu eyni mərasimlə yola salırdılar.
Buna görə də onlara Göytürklər deyirdilər” (1).
Göytürk dövləti təhlükə qarşısındadır. Köhnə düşmənləri
çinlilər qohumluq əlaqəsindən istifadə edərək, Çulu xaqanın çinli
zövcəsinin əli ilə Göytürk dövlətini içindən parçalayıb dağıtmaq
üçün min hiyləyə əl atırlar. Əfsus ki, bu ağır, dövlətin
müqəddəratı həll olunan bir zamanda göytürklər yumruq kimi bir
olub, vətəni, dövləti qorumaq əvəzinə, saray adamları arasında
parçalanma baş verir, ölkənin müstəqilliyi, türkün şərəfi, ləyaqəti,
ulu əcdadın qoyduğu qanunlar unudulur. Təbiətən böyük olan türk
özündən uzaqlaşdıqca cılızlaşır, kiçilir və asanlıqla düşmən
tərəfindən məğlubiyyətə uğradılır. Pyesdə və tamaşada gərgin
dramatik hadisələr bu tarixi məqamı qeydə alır, o böyük həqiqəti
bir daha təsdiqləyir ki, türk özünə qayıdanda böyük və qüdrətli
olur və dövlət müstəqilliyini bərpa eləyir.
Göründüyü kimi, müəllif tarixə müraciət etməklə, eyni
zamanda bu günümüzlə səsləşən məqamlara, müstəqillik uğrunda
çarpışmalara əngəl olan yaxın tarixin hadisələrinə də ayna tutur,
yaltaqlıq, tax-tac viruslarının genetik kodlarını açmağa çalışır.
Doğma qardaşı Çulu Xaqanın meyidi üstündə hakimiyyətə gələn
Qara Xaqan xalqa arxalanmayan bir hakimiyyətin zəif, gücsüz
olmasının fərqində deyil. Məğlubiyyətlərə son qoyan Gur Şad isə
Bumin və İstemi xaqanların qurduqları səltənətin yolunda sıravi
döyüşçü kimi vuruşmağı xaqanlıqdan üstün tutur. Əsərin əsas
ideyası da elə özümüzü kəsən gözəgörünməz qılıncların kimlərin
əlində olduğunu üzə çıxarmaqdır. Göytürk dövlətini dağıtmaq
üçün Çin imperiyasının əl atdığı üsullar qılıncdan daha təhlükəli
və kəsərlidir. Bunun məhz fitnəkarlıq, hiylə, riyakarlıq, xəyanət,
siyasətdən ibarət
olması pyesdən də, yaxın tariximizin
hadisələrindən də bizə yaxşı bəllidir. Millətin qanını, dinini, dilini,
89
əlifbasını dəyişməklə, düşüncəsini, mədəniyyətini dəyişmək, onu
özünə yadlaşdırmaq bu günümüzlə çox səsləşir.
Ədəbiyyata, mədəniyyətə, incəsənətə yüksək qiymət verən,
teatra bağlı bir şəxsiyyət olan ümummilli liderimiz Heydər Əlirza
oğlu Əliyev teatr və mədəniyyət haqqında deyirdi: “Teatr
müqəddəs yerdir; tərbiyə ocağıdır. Orada çalışanlar fədakardırlar,
fədaidirlər… Teatr xadimləri tamaşaçıya bir söz demək üçün,
mədəni səviyyəsini yüksəltmək üçün, irəliləyişimizə mane
olanlara qarşı mübarizəyə qaldırmaq üçün nə qədər çalışırlar. Heç
kim bilmir ki, artist səhnəyə çıxıb rolu tamaşaçı qarşısında
oynadığı vaxta kimi nə qədər həyacan, sevinc keçirir. Mən həmişə
teatra yaxın və bağlı olmuşam. Bu ötəri hiss deyil, içimdən gələn
bir məhəbbətdir. Teatrı çox sevirəm. Teatra məhəbbət mənim
içimdə var” (58, 36). “Mədəniyyət başqa aləmdir. Mədəniyyət
uşaq kimidir; həmişə tumar, qayğı istər. O, həssasdır; əlinin
tumarı, ürəyinin qayğısı azca azalan kimi o hiss edir, küsür,
inciyir. Siyasi rəhbər, dövlət xadimi bunu bilməlidir, bir an
yadından çıxarmamalıdır” (58, 5).
“Özümüzü kəsən qılınc” pyesinin ilk tamaşasında iştirak
edən Heydər Əliyev əsərə və tamaşaya yüksək qiymət vermişdi:
“Tariximizi araşdırıb bu gün üçün əhəmiyyətli, dəyərli olan
səhifələrini indiki və gələcək nəsillərə çatdırmağın özü xalq,
millət, tarix və gələcək nəsillər qarşısında böyük xidmətdir. Bu
xidmətə görə mən Bəxtiyar Vahabzadəyə xüsusi təşəkkür edirəm
və hesab edirəm ki, millətimiz, xalqımız, cəmiyyətimiz də bu
təşəkkür sözlərimə qoşulacaqlar və daim ona minnətdar olacaqlar”
(86).
Tamaşa əsarətə, yadelli işğalçılara qarşı mübarizə aparan
xalqın istək və arzularının təcəssümü idi. Əqidə bütövlüyü,
vətənpərvərlik, mənəvi yenilməzlik tamaşada olduqca aktual və
müasir səslənirdi. Tamaşaçının gözü qarşısında cərəyan edən
hadisələr, səslənən fikirlər, obrazların hərəkət və əməlləri səhnədə
gördüyü ilə 1988-ci ildən bəri yaşadığı neçə-neçə fəlakət və
faciələri üzləşdirməyə, xalqımıza, torpağımıza edilən erməni
təcavüzünü göz önünə gətirməyə imkan verirdi.
Dostları ilə paylaş: |