75
“Fəryad” Zahid – Mikayıl Mirzə
Əmir – Səməndər Rzayev
Aypara – Firəngiz Mütəllimova
öz orijinallığı, yüksək bədiiliyi, qarşısına qoyduğu fəlsəfi
məqsədin dərinliyinə görə ədəbi tənqidin diqqətini cəlb etmiş,oxu-
cu və tamaşaçıların böyük maraq və rəğbətinə səbəb olmuşdur.
Xalq şairi Süleyman Rüstəm pyes haqqında öz fikirlərini belə
bildirirdi: “Səməd Vurğunun “Vaqif” dramından sonra “Fəryad”
pyesi dramaturgiyamızda olan böyük bir boşluğu doldurdu. Mən
təsadüfən “Fəryad»ı “Vaqif”lə müqayisə etmədim. Düzdür, ötən
illər ərzində Azərbaycan səhnəsinə xeyli sanballı əsərlər
gəlmişdir. Nəzmlə yazılmış dram əsərləri isə demək olar ki, yox
idi. Bu baxımdan Bəxtiyar Vahabzadə böyük iş görmüş,
Azərbaycan səhnəsinə yeni səs, yeni nəfəs gətirmişdir” (114).
“Fəryad” pyesində hadisələr fəlsəfi-psixoloji yönümdə
cərəyan edir. İnsanı-insan edən daxili-mənəvi ehtiyaclar, onu
76
alçaldan, yaxud da allahlıq səviyyəsinə qaldıran əxlaqi-vicdani
kateqoriyalar hədəfə gəlir, düşüncə predmeti olur. “Fəryad”
pyesinin qəhrəmanları - birinci və ikinci Nəsiminin və eləcə də
Bəxtiyar Vahabzadənin özünün də həyat barədə, xoşbəxtlik barədə
öz təsəvvürləri var. Və bu təsəvvürlər bəzən ümumi, qəbul
olunmuş təsəvvürlərlə üst-üstə düşmür. Ən yüksək, ən ali
dəyərlərlə ölçülür. Bu nöqteyi-nəzərdən ideya uğrunda ölüm
əslində ölməzlik deməkdir, səadət, xoşbəxtlik isə fədakarlıqla,
yüksək ideya uğrunda qurban getməkdir.
Əsərin mövzusu XIV əsrin sonu, XV əsrin əvvəllərində
(1369-1417) yaşamış Azərbaycan mütəfəkkiri Nəsimi dövründən,
hürufilikdən bəhs edir. Milli Dram Teatrında hazırlanan pyesin ilk
tamaşası 1984-cü il martın 24-də göstərilmişdir. Quruluşçu
rejissor Hüseynağa Atakişiyev səhnədə müəllif fikrinin düzgün
təhlilini vermiş, “Zülmətdən işığa, məhkumluqdan azadlığa doğru
mübarizə aparan insanların haqq səsini” (110), fəryadının
eşidilməsini tamaşanın ən ali məqsədinə çevirə bilmişdi.
Böyük Nəsiminin fikir və arzuları fonunda B.Vahabzadə
insanı sərbəst yazıb-yaradan, duyub-düşünən, azad düşüncəli,
sərbəst görmək istəyir. Nəsimi ideyaları, şairin işıqlı fikirləri,
ümumbəşəri arzuları indi də yaşayır. Bu ideyalara qarşı çıxan şər
qüvvələr də mövcudluğunu davam etdirir. Tamaşanın müasirliyi
də məhz burada özünü qabarıq şəkildə göstərirdi.
Şər qüvvələrin varlığı azad düşüncəni, sağlam fikri boğmaq
hesabına mümkündür, insanı azad düşündüyünə, sərbəst
əməllərinə görə zindana atır, dar ağacından asırlar. Dünyanın
dərdini çəkməyən hökmdar Əmir həyatın qayəsini kefdə-damaqda
görür. Yaltaqlığı, riyakarlığı peşə etmiş, yalanla, fitnə-fəsadla
həyat sürən şər qüvvələr hökmdarın qarşısında qul olmağı ən ali
şərəf bilir, ucalmaq üçün alçalır, yalana gerçək deyirlər.
Mütərəqqi, xeyir qüvvələr öz ideyaları və fəlsəfəsi ilə daha
güclüdürlər. Bu, həqiqət və sosial ədalət fəlsəfəsidir. Azad
düşüncəyə qol-qanad verən, insan ləyaqətini uca tutan cəmiyyət
uğrunda mübarizə aparmaq onların başlıca amalıdır. Əsərdə
Loğman, I Nəsimi, II Nəsimi, gənc şair, Rəhman, Dəyanət və s.
kimi müsbət qüvvələri təmsil edən obrazlar “bilənə bilməyənin
77
dərs verdiyi” cəmiyyəti, haqqa nahaq deyən, ağıllıların ağlına
sipər çəkən zəmanəni qeyri-insani hesab edir, həqiqətin hökmü,
yüksək poetik sözün kəsəri ilə qırmanclayırlar. Hər biri dərin
mənalı aforizm kimi səslənən, incə eyham, kinayə ilə deyilmiş
müdrik misralar və ifadələr tamaşaçıya müasir dövrdə də gücünü
itirməmiş həqiqətlərdən söz açır:
Yaşamaq xətrinə haqqı dananlar,
Qazana-qazana uduzur yenə.
Zülm üzərində qurulan bir səltənət,
İnsanı alçaltmasa, özü ucala bilməz.
Dünyada ağıllı adam “öz ağlıyla düşünüb, eşqi ilə yol
gedəndir”, “insan öz idrakı ilə elə uca deməkdir”, “bir kəlmə
həqiqət yüz kəlmə yalandan güclüdür” və s. xalq müdrikliyindən
gələn poetik ifadə və misralarda insan mərdliyi, mənəvi təmizlik
və saflıq Nəsimi və nəsimiçiliyin nümunəsində təqdir olunur.
Fikir və şəxsiyyət azadlığı – tamaşanın mərkəzi ideyasıdır.
Tamaşada “fəryad” anlamı geniş və çoxmənalı yozum kəsb edir.
Bu, hüquqsuzluğa, ədalətsizliyə məruz qalan, əzilən, haqqı
tapdanan insanların fəryadıdır. Həmin fəryadın səsi bizdən çox-
çox uzaq əsrlərin qaranlıq zindanlarından eşidildiyi kimi, müasir
dövrümüzün insan hüquqlarını tapdalayan, kiçik xalqları,
millətləri öz pəncəsində əzən imperialist və müstəmləkəçi
maraqlara qarşı da çevrilir. Pyes kimi tamaşanın da müasirliyi
məhz bundadır.
B.Vahabzadə “Fəryad” pyesində Nəsiminin insanda nəyi,
hansı keyfiyyətləri yüksək tutduğunu görmək, insana onun gözləri
ilə baxıb-qiymətləndirmək istəmişdir. Məhz belə bir ədəbi üsuldan
bəhrələnərək insan və zaman, insanın mənəvi-əxlaqi mahiyyəti
barədə fəlsəfi söhbət açmışdır. Həqiqət, haqq-ədalət son halda
qələbə çalır, - şair-dramaturq buna əmindir. Pyes dünyanın əşrəfi
olan insanın qüdrətinə tamaşaçıda dərin inam oyatmaqla, eyni
zamanda bəşəriyyətin xoş arzu və istəklərinin həyata keçməsinə
əngəl olan şər qüvvələrə nifrətlə səslənmişdir.
“Fəryad” fəlsəfi dramdır. Dramatik kolliziya burda başlıcası
insanın daxilində, düşüncə və mühakimələrində gedir. Əsərdə
müsbət surətlər saray çirkabına qarşı çıxır, qüvvətli bir sədd
Dostları ilə paylaş: |