84
qədər məmnun edirdi. Oğul itirmiş atanın əsil faciəsi isə oğlunu
təzədən sağ-salamat gördükdən sonra başlayırdı. Oğlunun
xəyanətini öz əli ilə cəzalandırmalı olan Zahidi - M.Mirzə bir anın
içində bir neçə xarakterdə göstərirdi. Ruhən nəsimiçilərə doğmalıq
göstərib, onlara qoşulan oğlu Dəyanətin (Ramiz Məlik) barəsində
Zahidin hakim Əmirdən özünə əhv, övladına ölüm dilədiyi epizod
“Fəryad” tamaşasının ən təsirli səhnələrindən idi. Obrazın xarakter
mürəkkəbliyini aktyor xüsusi məharətlə nümayiş etdirirdi.
Pyesdəki Əmir kütbeyin və qəddar bir obrazdır. Səməndər
Rzayev bu obrazı elə-belə də təqdim etməyə nail olmuşdu. Bütün
saray adamlarının ona tabe olmasına baxmayaraq, müstəqil düşünə
bilməmək, dəhşətli dərəcədə inadkar nadan mövqe obrazı
səciyyələndirən əsas xüsusiyyətlərindəndir. Hürufiliyin kökünü
kəsmək üçün mükafatlar təsis edən Əmir obrazını Səməndər
Rzayev sonda nəsimiləşmiş sarayın müti hökmdarı kimi göstərirdi.
Öz doğma oğlunun əqidə dönüklüyü onun da “fəryadı”na səbəb
olurdu. Səhnə korifeylərimizdən olan S.Rzayev bu obrazı məhz
alçaqlıqla “ucalan” bir obraz kimi təqdim etmişdi.
Tamaşaçı Zahid və Əmir obrazlarının daxilən puçluğunu
Loğman obrazı ilə müqayisədə daha aydın duyurdu. Loğman
(Ramiz Novruzov) surəti saxtalığa qarşı həqiqətin, heçliyə qarşı
haqqın təmsilçisidir. R.Novruzovun yaratdığı Loğman obrazı
insan əxlaqının, mənəviyyatının dərinliklərini nümayiş etdirirdi.
Həm quruluşçu rejissor H.Atakişiyev, həm də R.Novruzov
Loğman obrazını tamaşaçıya arif, bilici kimi təqdim etməyə nail
olmuşdular.
Tamaşadakı bütün obrazlar fərdilikdən çox, ümumi ideyanın,
ümumi nəticənin əldə olunmasına çalışırdılar. Belə ki, tamaşa bu
və ya digər əsas qəhrəmanlar, obrazlar üzərində deyil, mükəmməl,
yetkin, bütöv qurululuşu ilə uğur qazanmışdı. Rejissor təfsiri,
aktyor oyunu, bəstəkar musiqisi, rəssam tərtibatı və ümumən
teatrın bütün kollektivinin işi vəhdət yaradaraq, uzaq keçmişimizi
bu günümüzlə bağlayan gözəl bir tamaşanın ortaya çıxmasına
səbəb olmuşdu.
“Fəryad”» müvəffəqiyyətli tamaşa olmaqla yanaşı, təbii ki,
müəyyən xırda nöqsanlardan da xali deyildi. Zamanında teatr
85
tənqidi bu məqama diqqət yönəltmişdi: “Pyesdə əl hərəkətləri ilə
bütün tamaşa boyu haqsızlığa üsyan edən obrazın səhnə
dinamikası nə isə bir qədər sünilik yaradır və tamaşaçını yorur.
Bəzən isə tək-tək olsa da, ifaçılar sözlərin sonunu aydın tələffüz
etmirlər” (110). Teatrşünas Məryəm Əlizadə tamaşanın xırda
nöqsanlarını göstərməklə, ümumən bunun tamaşanın ruhuna xələl
gətirmədiyini vurğulayırdı: “Düzdür, bir sıra aktyorlar pyesin şeir
dilinə tam yiyələnə bilməsələr də, tamaşada fəlsəfi-romantik
poeziyanın məişət həddinə enmək qorxusu yoxdur. Buradakı
poetik xarakterlər böyük məsləkin daşıyıcıları kimi inandırıcı və
canlıdır” (36).
Bəxtiyar Vahabzadənin “Fəryad” pyesinin tamaşaçı marağı
qazanmasının başlıca səbəbi ideya-bədii mükəmməlliyi ilə yanaşı,
həm də aktuallığı, qoyulan problemin insanların qəlbinə yaxın
olması idi. Bu müvəffəqiyyət həmçinin sənətkarın teatr sənətinin
tələblərinə yaxından bələd olması ilə izah olunmalıdır. Dram əsəri
üçün vacib olan hərəkət və xarakter vəhdəti prinsipinə
B.Vahabzadə bu əsərində də sadiq qalmışdı. Belə ki, hərəkətlə
xarakterin vəhdəti dramatik məzmun və formanın əsas spesifik
xüsusiyyətini təşkil edir. Aristotel göstərir ki, “hərəkətsiz
ümumiyyətlə səhnə əsəri, xüsusilə də faciə yoxdur. Hərəkətin
Aristotel estetikasına xas olan absolyutlaşdırılması isə xaraterlərin
yeni dövrdəki kimi yüksək psixoloji inkişaf və sərbəstliyə malik
olmadığı antik ədəbiyyatının xüsusiyyətləri ilə şərtiləndirilir”
(142, 135). B.Vahabzadə hər bir əsərində bir daha Aristotel
estetikasına tapındığını nümayiş etdirmişdir.
“Fəryad” tamaşası alçalan və alçaldılan insanlıq fəlsəfəsinə
qarşı duran nəsimiçiliyin qələbəsi ilə bitirdi. Bununla da tamaşa
tamaşaçını haqq, ədalət yolunda fəal mübarizəyə səsləyirdi. Bu
müvəffəqiyyət həm sənətkarın, həm də teatrın uğuru kimi
qarşılandı və ictimai rəğbət qazandı. Bəxtiyar Vahabzadə
dramaturgiyasına xas şərtiliklə tarixiliyin üzvi vəhdəti
dramaturqun növbəti tarixi dramlarında da təcəssümünü tapdı.
***
1990-cı ildə onsuz da ictimai-siyasi böhran içində
yaşayan respublikamızın paytaxtında, Bakıda baş verən 20 yanvar
86
faciəsi bütün ölkəni sarsıtdı. Bir çox sənətkarlar ruhdan düşdü,
teatrlarımızda yaradıcılıq əhval-ruhiyyəsi zəiflədi. Lakin bunun
çıxış yolu olmadığını anlayan görkəmli sənət adamları özlərini
toparladı, işlərini yenidən qurmağa başladılar. Onlar başa
düşürdülər ki, Vətənin bu ağır günlərində xalqı ruh
düşgünlüyündən xilas etmək, onun vətənpərvərlik ruhunu
qaldırmaq üçün teatr əvəzsiz rol oynaya bilər. Bu məqsədlə də
həmin dövrdə teatrlarımızda vətənpərvərlik mövzusunda bir sıra
tamaşalar qoyuldu. Belə tamaşalardan biri də Bəxtiyar
Vahabzadənin “Şəhidlər” pyesi əsasında hazırlanmış tamaşa oldu.
20 yanvar şəhidlərinin il dönümü ərəfəsində görkəmli
dramaturqumuzun “Şəhidlər” mənzum pyesi Azərbaycan Dövlət
Gənc Tamaşaçılar Teatrında tamaşaya qoyuldu. İlk tamaşası 17
yanvar 1991-ci ildə göstərilən pyesin quruluşunu əməkdar
incəsənət
xadimi
Ağakişi
Kazımov
vermişdi.
Faktiki
materiallardan istifadə edən rejissor Kommunist Partiyası Mərkəzi
Komutəsinin
plenumlarının,
Ali
Sovetin
sessiyalarının
sənədlərindən, qərarlarından məharətlə istifadə etmişdi. O, siyasi
teatrın prinsiplərinə uyğun olaraq, hər bir vətəndaşın mövqeyinə
həssas yanaşaraq, hadisələrin emosional inkişafına rəvac verməklə
forma və məzmun bütövlüyünə nail ola bilmişdi.
Tamaşanın bəstəkarı olan Aydın Əzimovun faciənin
ruhuna uyğun yazılmış musiqisi, tamaşanın bədii yetkinliyinə,
təsir və təlqin gücünə, kompozisiya bütövlüyünə xidmət edirdi.
Rəssamlar Ramazan Bağırov və Azad Xəlilovun tamaşaya verdiyi
tərtibat da çox uğurlu idi. Belə ki, tərtibatdakı müxtəlif çeşidli
qəzetlər tamaşaçılara çox şeyi deyirdi.
Tamaşada əsas rollarda Qadın – Azərbaycanın xalq
artisti Firəngiz Şərifova, Kişi – Azərbaycanın xalq artisti
Süleyman Ələsgərov, Oğlanlar – Ədalət Məmmədov, Yasin
Qarayev, Cəfər Əhmədov, Qızlar – Almaz Mustafayeva, Şəfəq
Əliyeva, Kəmalə Əliyeva, Mehriban Abdullayeva, Ruslar -
əməkdar artist Firdovsi Naibov, Rahib Əliyev, Ələsgər
Qurbanəliyev, Ermənilər – Elxan Qurbanov, Azər Mirzəyev, Rafiq
Hüseynovun fərqli ifaları tamaşaçılara güclü təsir edirdi. Onların
Dostları ilə paylaş: |