96
düşünməyə vadar edirdi: “Qılıncımız nə vaxtacan özümüzü
kəsəcək???”.
Xalq artisti Ramiz Məlik Dulu Xaqanı bütün əqli və mənəvi
ziddiyyətləri ilə tamaşaçıya təqdim edirdi. Dulu Xaqan ilk səhnədə
atasının intiqamını almaq istədiyini söyləsə də, əslində bu intriqa
hər şeydən əvvəl vəliəhdlik haqqına çatmaq, taxt-taca yiyələnmək
üçün bir vasitə idi. Dulu Xaqan - R.Məlik vətənə xəyanət edir,
İçgen Xatuna satılaraq doğma qardaşına dönük çıxır. Öz şəxsi
mənafeyi üçün xalqına xain çıxan Dulu Xaqandan arvadı Banu
Çiçək də üz döndərir. Ögey anası və ögey dayısının təhrikinə uyub
çinlilərin tərəfinə keçərək, öz soydaşlarına qarşı vuruşur.
Düşmənlər vətəni işğal etdikdən sonra bu satqınlığın əvəzində onu
Göytürk xaqanlığının taxtında əyləşdirirlər. Şəxsi mənafeyi,
hakimiyyətə yiyələnmək naminə dədə-baba torpaqlarını, millətini
düşmənin tapdağına atan Dulu Xaqanın gec də olsa vicdanı oyanır.
“Dulu Xaqan - atamdan sonra bu qılınca mən sahib
olmalıydım. Amma bu qılınc özümüzü kəsməyə başladı. Cinayət
yolu ilə ona əmim Qara Xaqan sahib oldu. Mən də xəyanətlə bu
qılıncı onun əlindən aldım. Artıq bu cinayətlərə, bu xəyanətlərə
son qoymaq üçün indi bu qılıncın sahibi nə mən ola bilərəm, nə də
mənim övladım. Çünki xəyanətlə əlimə keçən bu qılınca mən
layiq deyiləmsə, mənim övladım da layiq ola bilməz” (129, 223) -
deyərək əlindəki qılıncla özünü vurmaq istəyir. Bu anda Gur Şad
qardaşına mane olaraq deyirdi, sən bu böyük günahlarını öz
gələcək namuslu işlərinlə vətənə, millətə sədaqətlə xidmət etməklə
yumalısan. R.Məlik obrazı daxilən təşəkkül prosesi keçirən,
dəyişən, dinamik bir obraz kimi yaradırdı. “Ramiz Məlik Dulu
Xaqanın xarakterindəki dönüş anlarını, məqsədinə nail olmaq
üçün inadlı hərəkətlərini və bu hərəkətlərində haqlı olmasında
daxili inamını ölçüsündə göstərir”di (1).
“Özümüzü kəsən qılınc” tamaşasında Göytürk dövlətinin
istiqlalı uğrunda mübarizədə əsl qəhrəmanlıq nümunəsi göstərən
obraz Gur Şaddır. Bu qeyrətli türk oğlu, pak insan qəsdən böhtana
salınır, təmiz adı ləkələnir, sevimli arvadı intihar edir, özü
nahaqdan zindana düşür. Milliyyətcə çin olan ögey anasının və
qardaşının xəyanəti nəticəsində məğlub olan Göytürk xaqanlığı
97
qonşu Çin xaqanlığına qatılır. Lakin Gur Şad əsirlikdə belə əsarətə
dözməyib, üsyan qaldırır, soydaşlarını düşmən əsarətindən azad
edərək
ana yurduna qayıdır və işğalçılarla ölüm-dirim
mübarizəsinə başlayır. Nurəddin Mehdixanlının oynadığı Gur Şad
obrazı sinəsində xalqına məhəbbət dolu bir ürək gəzdirən,
vətəninin xoş sabahı, azadlığı üçün canını belə əsirgəməyən, təmiz
ürəkli, mərd, cəsarətli, mənəvi-əxlaqi keyfiyyətlərə malik bir
gəncdir. Gur Şadı nə taxt-tac, nə var-dövlət, nə də atasının
vəsiyyəti maraqlandırmır. Onun ən yüksək amalı Göytürk
dövlətini azad və müstəqil görməkdir. “Mən həmişə demişəm,
yenə deyirəm, bu taxtda kimin oturmasının mənim üçün heç bir
fərqi yoxdur. Mənim üçün vacib olan vətənimin müstəqilliyidir”
(129, 222) deyən Gur Şad - N.Mehdixanlı sözləri ilə xarakterin
daxili bütövlüyünü, böyüklüyünü heykəlləşdirirdi. Güclü səs
tembri ilə seçilən, milli teatrımızda sanballı obrazlar yaradan
N.Mehdixanlı səhnədə olduğunu sanki unudurdu. Vəzifə
hərislərinə bir vətəndaş kimi sübut edirdi ki, dövlətin mənafeyi
şəxsi mənafedən qat-qat yüksəkdir. Sevimli arvadı Selcanın
ölümündən sonra Gur Şadın baxımsız qalan südəmər oğlunu
öldürmək istəməsi epizodunda N.Mehdixanlı çıxılmaz vəziyyətdə
qalan bədbəxt atanın iztirablarını xüsusən inandırıcı cizgilərlə
təqdim edirdi. Tamaşanın sonunda Birinci Göytürk dövlətinin
süqutundan sonra ilk dəfə onun gözlərində ümid işığı yanırdı.
Göytürk xaqanlığının qılıncının onun oğlu İltərişə verilməsi
gələcək yüksəlişdən xəbər verirdi.
Mubi Tərxan rolunu əməkdar artist Rafiq Əzimov ifa edirdi.
Qara Xaqanın vəziri olan Mubi Tərxan Çinlə barışıq əhdnaməsi
bağlamağa razı olmadığını bildirsə də Qara Xaqan onun sözlərinə
əhəmiyyət vermir. Yan-Çunqa orduda tümənbaşı rütbəsi verilməsi
təklifini rədd edir. “Ana yasa”nın buna yol vermədiyini deyir:
“Mubi Tərxan - Onda məni eşit! Bu kitab bizim
hamımızdan ucada durur. Çünki onu atalarımız yazıb. Hər sözünə
özləri əməl edib, bizə də bu yolla getməyi tapşırıblar. Onlar bizə
nəyi tövsiyə etdiklərini çox yaxşı biliblər. Biz nə Bumin, nə
İstəmi, nə də onlardan sonra gələn ulu xaqanlardan çox bilmirik.
98
Buna görə də bu kitabın bir bəndini belə dəyişməyə haqqımız
yoxdur” (129, 193).
Rafiq Əzimovun dediyi sözlərlə yanaşı, hərəkətləri, baxışı,
mimikası da hadisələrə və obrazlara münasibətini aydın göstərirdi.
“Adamın gözlərini hakimiyyət ehtirası tutanda doğmaca
qardaşının da başını kəsə bilər” - sözləri Qara Xaqana sillə kimi
dəyirdi. Qara Xaqanın səhvlərini söyləyən bu müdrik, elsevər
qocanın ürək döyüntülərini aktyor yaxşı duyub canlandırırdı.
“Özümüzü kəsən qılınc” tamaşası barədə yazılan məqalələrin
birində aktyor oyunu haqqında yazılıb: “Tamaşanı bütövlükdə
ürəyə bənzətsək, onun şah damarı truppadır. Xalq artisti Əlabbas
Qədirov (Qara Xaqan), Ramiz Məlik (Dulu Xaqan), Nurəddin
Mehdixanlı (Gur Şad), Rafiq Əzimov (Mubi Tərxan), Məcnun
Hacıbəyov (Salur xan) bəzən öz rollarını təbii ətə-qana gətirsələr
də, etiraf etməliyik ki, “Özümüzü kəsən qılınc»ın dəstəyi Laləzar
Mustafabəylinin (İçgen Xatun), Zemfira Nərimanovanın (Banu
Çiçək), Sənubər İsgəndərlinin (Siyan Şi) əllərindədir. Onlarsız
tamaşa tamaşa olmazdı” (29).
Lakin bizim fikrimizcə, şair-publisist Şahmar Əkbərzadənin
bu sözləri ilə razılaşmaq çətindir. Teatr tənqidçilərinin rəylərinə
əsaslanaraq qeyd etməliyik ki, Ə.Qədirov, R.Məlik, N.Mehdixanlı,
R.Əzimov, M.Hacıbəyov rollarının öhdəsindən çox məharətlə
gəlirdilər. Xalq artisti Ə.Qədirovun yaratdığı Qara Xaqan obrazı
bütün hadisələrin, vəziyyətlərin mərkəzi nöqtəsində olub,
obrazların arasında gedən konfliktdə iştirak edir. Qardaşı oğlu,
həm də kürəkəni Gur Şadla ilk söhbətlərində, qızı Selcanın onun
ittiham etdiyi anlarda belə Ə.Qədirov Qara Xaqana hər vəchlə
haqq qazandırmağa çalışırdı.
Bəxtiyar Vahabzadə dramaturgiyası üçün xarakterik olan
“ikinci səs” üsulundan “Özümüzü kəsən qılınc” pyesində
özünəməxsusluqla istifadə olunur. Qara Xaqanın üzləşdiyi mələk
və şeytan bir şəxsin daxilində bir-biri ilə mübarizə aparan yaxşı və
pisi təmsil edir. Şeytan onu qovmaq istəyən Qara Xaqana -
Ə.Qədirova istehza edir: “Ay yazıq mən hara gedirəm? Mən axı
sənin içindəyəm. Hələ bundan sonra mən sənə daha çox lazım
olacağam” (129, 176). Tamaşada Mələk və Şeytan yalnız Şərə
Dostları ilə paylaş: |