Nikpur Cabbarlı
10
Belə ki, Məhəmməd Altunbayın iki dəfə (1974 və
1980-ci illərdə) İstanbulda kiçik kitabça şəklində nəşr
edilmiş «Düşmən gəlir» adlı uşaqlıq xatirələri istisna
olmaqla, sözügedən dövrdə mühacirət nəsrimizin başqa
mətbu örnəyinə rast gəlmirik. Həmin müəllifin 1989-cu
ildə Ankarada işıq üzü görmüş «Hürriyyətə uçan türk»
əsəri isə, Azərbaycan mühacirət nəsrinin bizə məlum
olan, hələlik, sonuncu mətbu örnəyidir.
Yuxarıda adlarını qeyd etdiyimiz əsərlərlə yanaşı,
mühacir müəlliflərin mətbu və qeyri-mətbu (bitmiş, ya-
xud natamam, avtoqraf, yaxud makina yazısı halında)
nəsr əsərlərinin mövcud ola biləcəyini də istisna etmirik
və bu yöndə axtarışların gələcəkdə də davam etdirilmə-
sini məqsədəuyğun sayırıq.
***
Məlum səbəblərdən Azərbaycan mühacirət nəsrinin
vətəndə tədqiqi yalnız müstəqillik illərində mümkün ol-
muşdur. Əziz Mirəhmədov, Bəkir Nəbiyev, Şamil Qur-
banov, Vaqif Sultanlı, Əbülfəs Qarayev, Asif Rüstəmli
və b. öz araşdırmalarında mühacirət nəsrimizin ayrı-ayrı
örnəklərindən bəhs etmişlər və biz araşdırmamızda, yeri
gəldikcə, onların fikirlərinə istinad edəcək, münasibət
bildirəcəyik. Bununla belə, Azərbaycan mühacirət nəs-
rinə dair indiyədək sistemli monoqrafik araşdırma apa-
rılmamışdır. Elmi ictimaiyyətin diqqətinə təqdim edilən
bu monoqrafiya həmin yöndə ilk addımdır. Əsərdə mü-
hacirət nəsri örnəkləri aşağıdakı problemlər üzrə araş-
dırılmışdır:
Azərbaycan mühacirət nəsri
11
1.
Milli istiqlal hərəkatının inikası
2.
Azərbaycanlıların soyqırımı ümumbəşəri faciə
kimi
3.
Totalitar sovet rejiminin ifşası
4.
Vətəndaş cəmiyyəti probleminin bədii-fəlsəfi dər-
ki
5.
Atatürkün bədii-sənədli obrazı
Bəzi müəlliflərin (N.Şeyxzamanlı, M.Altunbay)
əsərlərini təhlil edərkən mövzu ilə bağlı onların tərcü-
meyi-hallarını verməyi lazım bilmişik. A. Dağlı, T.Atəş-
li kimi mühacir sənətkarların ömür yolundan əvvəlki
araşdırmalarımızda bəhs etdiyimizdən burada təkrara
yol verməmək üçün mətn daxilində həmin araşdırmalara
istinadlar verilmişdir. M.Ə. Rəsulzadə, Ə. Ağaoğlu,
M.B. Məhəmmədzadə, F. Əmircan kimi tanınmış siyasi
mühacirlərin tərcümeyi-halı müxtəlif dövri nəşrlərdə və
araşdırmalarda dəfələrlə verildiyi üçün təkrara lüzum
görmədik. Dəyərli oxucular onların ömür yolu barədə
bu mənbələrə müraciət edə bilərlər:
Mövsüm Əliyev. Əhməd bəy Ağayev. «Ədəbiyyat
və incəsənət» q., 10 iyun 1988; Mövsüm Əliyev. Məm-
məd Əmin Rəsulzadə. «Odlar yurdu» q., iyun 1990,
№11; Asif Rüstəmli. İstiqlal fədaisi (M.B. Məhəmməd-
zadənin həyat və yaradıcılığından ştrixlər). «Ədəbi istiq-
lalımız» (Bakı, Elm, 2004) kitabında. s. 51-72; Fuat
Emircan (1911- 8.5.1995) nekroloq. «Azerbaycan Türk
Kültür Dergisi», Ankara, 1995, sayı 304, s. 24-29.
Lakin mühacirət nəsrinin bilavasitə təhlilinə keç-
məzdən öncə «Azərbaycan mühacirət ədəbiyyatı» anla-
yışının məzmununu aydınlaşdırmağı, bu ədəbiyyatın el-
mi-nəzəri statusunu və xronoloji sərhədlərini müəyyən-
ləşdirməyi zəruri sayırıq.
Nikpur Cabbarlı
12
AZƏRBAYCAN MÜHACĠRƏT
ƏDƏBĠYYATI: ELMĠ-NƏZƏRĠ
STATUSU VƏ
XRONOLOJĠ SƏRHƏDLƏRĠ
zərbaycan mühacirət ədəbiyyatı» anlayışının
məzmununu açmaq üçün ilk növbədə ərəb
mənşəli mühacir və mühacirət sözlərinin mənasını aydın-
laşdırmaq zəruridir. «Azərbaycan dilinin izahlı lüğəti»ndə
mühacir – 1. siyasi, iqtisadi və ya dini səbəb üzündən və-
tənini tərk edib başqa ölkəyə köçən və orada yaşayan
adam; siyasi mühacir; 2. yeni yerə, yeni torpaqlara köçən
və köçürülən adam mənalarında izah olunur ki, bunlardan
birincisi bizim araşdırdığımız problem üçün əhəmiyyətli-
dir, ikincisi isə mübahisəlidir.
Yenə həmin lüğətdə mühacirət – 1. siyasi, iqtisadi
və ya dini səbəbdən məcburi və ya könüllü olaraq vətə-
nini tərk edib başqa ölkəyə köçmə; 2. mühacirət nəticə-
sində xaricdə yaşama kimi (5, s. 411) izah edilir ki, bu
izahların hər ikisi araşdırdığımız problem baxımından
bizi qane edir.
«Azərbaycan Sovet Ensiklopediyası»nda mühacir –
başqa yerə köçən; mühacirət – adamların iqtisadi (işsiz-
ik), siyasi (inqilab, müharibə) səbəblərdən ölkədən kö-
nüllü köçməsi və ya məcburi köçürülməsi; mühacirlər
isə – siyasi, iqtisadi, dini və s. səbəbdən öz ölkəsini kö-
nüllü, yaxud məcburən tərk edib başqa ölkəyə köçən və-
təndaşlar (8, s. 137) kimi təfsir edilir.
«A
Azərbaycan mühacirət nəsri
13
Rusca «Qısa siyasi lüğət»də mühacirət – iqtisadi,
siyasi, yaxud şəxsi səbəblərlə bağlı olaraq yaşadığı ölkə-
ni tərk edib, müvəqqəti, yaxud uzun müddətə xarici
dövlətdə məskunlaşmaq kimi şərh edilir (102, s. 469).
Rus və bir sıra Avropa dillərində olan lüğət və en-
siklopediyalarda da mühacir və mühacirət sözlərinə ve-
rilən izahlar, əsasən, yuxarıda qeyd etdiklərimizlə üst-
üstə düşür. Beləliklə, mühacirət dedikdə, siyasi, iqtisadi,
dini və s. motivlərlə könüllü, yaxud məcburi olaraq və-
təni tərk edib, xarici ölkəyə köçmək və orada məskunla-
şıb yaşamaq başa düşülür.
Lakin siyasi mühacirəti yaradan səbəblərdən danı-
şarkən mütləq bir incə məqamı da qeyd etməliyik. Bə-
zən siyasi mühacirət bu və ya digər işlə (məsələn: xid-
məti ezamiyyət, diplomatik missiya, hərbi xidmət, təhsil
almaq və s.) bağlı ölkədən getmiş insanların siyasi mo-
tivlərlə (vətəndə dövlət çevrilişinin baş verməsi, repres-
siya təhlükəsi və s.) əlaqədar geriyə dönə bilməməsi, ya-
xud dönmək istəməməsi nəticəsində də yaranır. Məsə-
lən, Azərbaycan Xalq Cümhuriyyəti parlamentinin
1919-cu ildə Paris sülh konfransına göndərdiyi nüma-
yəndə heyətinin üzvləri taleyin onlar üçün hazırladığı
sürprizdən xəbərsiz idilər. Azərbaycan istiqlalının de-
fakto tanınmasından ötrü misilsiz xidmətlər göstərmiş
bu ziyalılarımız (1919-cu ilin avqustunda Bakıya qayıt-
mış M.H. Hacınski istisna olmaqla) 1920-ci il 27 aprel
işğalından sonra Vətənə qayıtmayaraq, milli mücadiləni
xaricdə davam etdirməyə qərar verdilər. Bunlar Azər-
baycan siyasi mühacirətinin görkəmli xadimləri:
Ə. Topçubaşov, Ə. Şeyxülislamov, M. Məhərrəmov,
Dostları ilə paylaş: |