Nikpur Cabbarlı
50
Murada gəlincə isə, onun döyüş meydanında öldü-
rüldüyü barədə xəbərlər dolaşır, lakin Çekanın bütün
səylərinə baxmayaraq, meyitini tapmaq mümkün olmur-
du. Əksinə, o bir kölgə kimi müxtəlif yerlərdə görünür,
partlayışlar, qətllər törədərək, rus hərbçilərinə böyük itki-
lər verirdi. Nəhayət, bir gün düşmənə əsir düşməkdənsə,
şərəfli ölümü intixab edən Murad rus hərbçi və çekistləri-
nin zəfər mərasiminə toplaşdıqları binaya daxil olaraq,
əlindəki iki bombanı salonun ortasına atmış, düşmənləri
məhv etmiş, binanı isə göyə sovurmuşdu. «Kölgə intiqa-
mını almış, qəhrəman Murad da şəhid düşmüşdü ...» (66,
b), s. 15).
Bütövlükdə, F. Əmircanın «İntiqam alan kölgə» he-
kayəsi ilə istiqlalçı Azərbaycan gəncliyinə aşılamaq
istədiyi qənaət budur ki, Murad və Leyla kimi minlərlə
rəşadətli övladı olan millət gec-tez düşməndən intiqamı-
nı alacaq, zaman-zaman şəhid qanı ilə suvarılan Vətən
torpağı nəhayət azad olacaqdır.
Mirzə Bala Məhəmmədzadənin istiqlal mücadiləsi-
nin ağrılı anlarını əks etdirən «Vətən qaldı!..» hekayəsi
Azərbaycan mühacirət ədəbiyyatında kiçik janrın ən
parlaq örnəyi sayılmağa layiqdir. Bu hekayədə Mirzə
Bala «mənfur istilanın müdhiş dalğası ilə atıldığı» Rəşt
şəhərində (İranın Gilan vilayətinin mərkəzi – N.C.) mü-
hacir həyatı yaşadığı ilk aylarda baş verən bir hadisəni –
məktəb arkadaşı Rəşidlə qəhvəxanaların birindəki təsa-
düfi görüşünü təsvir edir. Sevinc və həyəcandan gözləri
yaşarmış Rəşid təbii olaraq Vətəndəki hadisələr barədə
Mirzə Balanı sorğu-suala tutur və ürəkparçalayan xəbər-
lər eşidir:
Azərbaycan mühacirət nəsri
51
–
Şimdi söylə bakalım, vətəndə nə var? Kimlər sağ-
dır, kimlər ölmüş?
–
Ölən ölmüş, qalan qalmışdır, dedim.
–
General Səlimov sağmıdır?
–
Öldürdülər...
–
Ah...qatillər! ... Pəki, general İbrahim Ağa?
–
Onu da...
–
Qaydabaşı?
–
Onu da öldürdülər...
–
General Haşım bəy nerədə?
–
Onu da qətletdilər...
–
General Delhas?
–
Onu da...
–
Süleyman paşa?
–
Onu da... Onu da...
Bir az susdu... Dərin-dərin nəfəs alıyordu... Sonra
yenə müraciət etdi:
−
Nəsib bəy nerədə?
−
Bəlli deyil...
−
Həsən bəy, Fətəli xan?..
−
Öldürmüşlər.
O qızdı:
– Həp öldürmüşlər... Nə var öldürmüşlər... O halda
kim qaldı!!.
Üzünə baxdım. Sıtmadan solmuş yanaqlarında göz
yaşı vardı.
– Sağ qalan, dedim. Çoxdur...
– Bütün rəisləri məhv etmişlər, bir kimsə ki qalma-
mış!..
– Xeyir, qalmışdır...
Nikpur Cabbarlı
52
– Kim?..
– Onları yetişdirən Millət... Milləti yaşadan Və-
tən!..(78, s. 14-15).
Mirzə Bala hekayəni simvolik bir sonluqla bitirir.
Rəşidlə söhbətləri bu yerə yetincə: «Dışarda yenə günəş
çıxmışdı. Bulud keçmiş, yağmur bitmiş, ətraf yenə ay-
dınlanmış, bahara dönmüşdü». Kiçik bir epizodu bədii
ümumiləşdirmə gücüylə Azərbaycan istiqlalı ideyası ilə
müvəffəqiyyətlə əlaqələndirən müəllif arkadaşı Rəşidin
dili ilə belə bir inamını ifadə edir ki, «... İstila bu bulud
gibi keçicidir. Madam ki, vətən qalmışdır, İstiqlal ümidi
də qalmışdır!» (78, s. 15).
Nağı Keykurunun (Şeyxzamanlının) «Azərbaycan
istiqlal mücadiləsi xatirələri» milli hərəkatın
1905-1920-ci illər arası, yəni I rus inqilabının başlanma-
sından Azərbaycan Xalq Cümhuriyyətinin süqutuna qə-
dər olan dönəminin ən mühüm hadisələrinin bədii-sə-
nədli əksidir. İlk dəfə 1964-cü ildə İstanbulda nəşr edi-
lən bu əsər yalnız 33 il sonra Etibar Nəcəfovun türkcə-
dən çevirməsində müəllifin vətənində işıq üzü görmüş-
dür (46). 1998-ci ildə isə Ankarada bu xatirələrin türkcə
ikinci nəşri gerçəkləşdirilmişdir (73). Əsəri çapa hazır-
layan və müxtəsər ön söz yazan Tuncar Tuğcu birinci
nəşrdəki bir sıra texniki qüsurları aradan qaldırmış, türk
oxucusu üçün zəruri olan bəzi izahlar vermişdir.
Azərbaycan istiqlal mücadiləsi tarixində şərəfli yeri
olan Nağı Şeyxzamanlı 1883-cü ildə Gəncədə anadan ol-
muşdur. Gənc yaşlarından milli hərəkata qatılan N.Şeyx-
zamanlı öncə «Difai» partiyasının qurulmasında yaxın-
dan iştirak etmiş, daha sonra isə mücadiləni Gəncə
Azərbaycan mühacirət nəsri
53
«Gənclik» təşkilatının sədri və şəhərdəki Milli Komitənin
üzvü kimi davam etdirmiş, N. Yusifbəylinin yaratdığı
«Türk Ədəmi-Mərkəziyyət» partiyasının fəallarından ol-
muşdur. Sonuncu 1917-ci ilin aprelində «Müsavat» par-
tiyası ilə birləşdikdən sonra Nağı bəy «Müsavat»ın Gən-
cədəki təşkilatını yönəldənlərin sıralarında yer almış,
1918-ci ilin əvvəllərində Gəncə Milli Komitəsinin nüma-
yəndə heyəti ilə İstanbula gedərək, Osmanlı dövlətinin
Azərbaycana hərbi yardım göstərməsi üçün uğurlu danı-
şıqlar aparmışdır.
1919-cu ilin avqustundan 1920-ci ilin 27 aprelinə-
dək Azərbaycan Milli Təhlükəsizlik Təşkilatının rəisi
vəzifəsində çalışan N. Şeyxzamanlı Azərbaycan Xalq
Cümhuriyyətinin süqutundan sonra Türkiyəyə mühaci-
rət edərək, ömrünün sonunadək «Azərbaycan davası»nı
yürütmüş, siyasi və publisistik fəaliyyəti ilə daim istiqlal
mücadiləsinin ön sıralarında olmuşdur. O, 1967-ci ildə
İstanbulda dünyasını dəyişmişdir (72).
Müxtəsər tərcümeyi-halından da göründüyü kimi,
N. Şeyxzamanlı həyatının 60 ilindən çoxunu «Azərbay-
can davası»na həsr etsə də, əsas etibarilə, istiqlal müca-
diləsinin təqribən 15 ili – 1905-1920-ci illəri əhatə edən
ən qızğın dövrü ilə bağlı xatirələrini qələmə almışdır.
Özünün yazdığına görə, mühacirət həyatının xatirələrini
ayrıca qələmə almağı nəzərdə tuturmuş (73, s. 136).
Əsərin ilk fəsillərində müəllif «Difai» partiyasının
yaranması və fəaliyyətinə dair olduqca maraqlı hadisə-
ləri nəql edir, çarizmin devrilməsindən sonrakı dövrdə
Azərbaycanda milliyyətçi qüvvələrin fəallaşmasını, hər-
bi yardım göstərilməsi üçün Osmanlı hökuməti nüma-
Dostları ilə paylaş: |