Nikpur Cabbarlı
22
də qeyri-korrekt davranışı barədə məlumatlara rast gəli-
nir. Səməd Ağaoğlu «Həyat bir macəra! Çocuqluq və
gənclik xatirələri» adlı kitabında anasının uzaq qohumu
olan Y. Vəzir barədə yazır: «Yusif bəy iyi salon adamı,
əcəmi, bacarıqsız politikaçıydı. Anadoluda başlamış
milli mücadiləyə qarşı soyuq davranıyor, hətta onu kü-
çümsəyən sözləri qəzetələrə keçiyordu. Annəmin birkaç
dəfə yapdığı uyarılara aldırış etmədi. Fəqət dostları da
yavaş-yavaş azaldı sonunda, Azərbaycana kommunist
idarə gəlincə işsiz, ancaq sığınmış adam olaraq İstanbul-
da qaldığı zaman səfarətin salonları çoxdan boşalmışdı.
Səfarətdə oturan, həyəcanlı, əl-qol hərəkətləri bol bir
baş katiblə gənc gözəl qarısından başqa kimsəylə görüş-
müyordu. Zəfərdən sonra Ankaranın İstanbuldan uzaq-
laşması üçün ilk işarət verdiyi adamlardan biri də Yusif
bəy oldu. Bir daha nə üzünü gördüm, nə ismini eşitdim»
(60, s. 95).
1923-cü ilin əvvəllərində Türkiyə hökumətinin tələ-
bi ilə İstanbulu tərk edərək Fransaya gedən Y. Vəzir bu
ölkədə yaşadığı üç il ərzində qürbət həyatının ağrı-acıla-
rını bol-bol dadmış, Paris yaxınlığındakı Klişi şəhərində
mexanika zavodunda fəhləlik etmiş və özünün yazdığı
kimi, «kapitalizm əsiri olan işçilərlə boyunduruq yoldaşı
olaraq dünyaya başqa nəzərlə baxmağa başlamışdır»
(34, s. 80-81). Fransada yaşadığı dövrdə 1917-ci ildən
bəri üzvü olduğu Müsavat partiyasını «xalqı aldadan və
soyan rəzillər yığıncağı» adlandıraraq onun sıralarından
çıxan Y.Vəzir Fransa Kommunist Partiyasının orqanı
olan «Paris xəbərləri» qəzetində əməkdaşlığa başlamış
və bu qəzetin səhifələrində dərc etdirdiyi yazılardan
Azərbaycan mühacirət nəsri
23
birində kommunizm ideyalarına rəğbətini bildirərək
yazmışdır: «Mənim əqidəm həmişə kommunist əqidəsi
ilə düz gəlibdir» (34, s. 81). Azərbaycan siyasi mühaci-
rətinin mətbu orqanı olan «Yeni Kafkasya» məcmuəsi
Y.Vəzirin «Müsavat» partiyasına və onun liderlərinə
qarşı təhqirlərinə «Şərəfsiz bir aqibət» məqaləsi ilə mü-
nasibət bildirmişdir. Bu məqalənin müqabilində ədib
1925-ci ildə məşhur ««Müsavatçı»ya cavab»ını yazaraq,
Parisdən Bakıya, «Kommunist» qəzetinə göndərmişdir
(34, s. 81-82).
««Müsavatçı»ya cavab» Y.V. Çəmənzəminlinin bir
tərəfdən, Azərbaycan siyasi mühacirəti və onun liderləri
ilə arasında olan bütün körpüləri yandırdığını, digər tə-
rəfdən isə, 1917-1919-cu illər arasında qələmə aldığı
publisistik məqalələrdə («Azərbaycan muxtariyyəti»,
«Xarici siyasətimiz», «Milli və mədəni işlərimiz») əksi-
ni tapmış ideoloji-siyasi baxışlardan geri çəkildiyini
göstərir. Belə ki, bolşeviksayağı təhqir və ittihamlarla
dolu olan cavabında o yazır: «Əgər Məhəmməd Əmin-
lər Azərbaycanda feodalizmin ehyasına və qolçomaqla-
rın təkrar iş başına gəlməsinə inanırlarsa, əmin olsunlar
ki, bu olmayacaqdır. Bütün Azərbaycan gəncləri ölərlər,
lakin əskimiş idarənin təkrar hökm sürməsinə razı ol-
mazlar. Çünki böyük inqilabın feyzləri geri alınmaz»
(18, s. 191).
Əslində mənsub olduğu xalqın milli-mənəvi dəyər-
lərinə, tarix, ədəbiyyat və mədəniyyətinə bağlı vətənpər-
vər bir ziyalı olan Yusif Vəzirin siyasi baxışlarındakı bu
kəskin təbəddülatın köklərini, səbəbini onun öz xarakte-
rində axtarmaq lazımdır. Siyasətlə məşğul olduğu illəri
Nikpur Cabbarlı
24
«həyatının ən kədərli dövrü» adlandıran ədib etiraf edir
ki, «Mən təbiətcə maarif və mədəniyyət adamıyam.
Mən ədəbiyyatla yaşayıram və xaricə getməyimə də o
bais olubdur. Müsavat dövründə mən Azərbaycanda cə-
mi-cümlətanı bir ay olmuşam və məndə belə bir inam
olub ki, özlərini ölkənin yiyəsi kimi aparan müsavat
başçılarının ağalığı müvəqqətidir. Müsavat hakimiyyə-
tinin nümayəndəsi olmağım da təsadüfi olub. Elə ona
görə də sovet hökuməti gələn kimi vəzifədən istefa ver-
mişəm...» (34, s. 79). Müsavatçı keçmişini lənətləyərək
1926-cı ilin aprelində Vətənə dönən Y. Vəzir çox keç-
mədən bu dəfə də siyasi oriyentasiyada səhvə yol verdi-
yini anlayır və nə qədər paradoksal olsa da, 1940-cı ildə
«əks-inqilabi millətçi-müsavatçı təşkilatın üzvü» kimi
8 il həbs cəzası alır (13, s. 203).
Beləliklə, XX əsr ədəbiyyatımızın və ədəbi-elmi
fikrimizin inkişafındakı xidmətləri üzərinə əsla kölgə
salmadan, bədii və elmi irsinin yüksək dəyərini bir daha
təsdiq edərək, vətənpərvər bir ziyalı olduğuna qətiyyən
şübhə etmədiyimizi vurğulayaraq, siyasi baxışlarındakı
təbəddülatların mənəvi-psixoloji səbəblərini anlamağa
çalışaraq bəyan edirik ki, Y.V. Çəmənzəminli Azərbay-
can mühacirət ədəbiyyatının nümayəndəsi deyildir. Ən
azı ona görə ki, ilk Cümhuriyyətimizin süqutundan son-
ra xaricdə yaşadığı dövrdə Vətənindəki bolşevik rejimi-
nə qarşı müxalifətdə olmamış, ədəbi, elmi, publisistik
fəaliyyəti ilə «Azərbaycan davası»nı dəstəkləməmiş, ək-
sinə, siyasi mühacirətimizə qarşı qərəzli çıxışlar etmiş-
dir. Vətəndəki siyasi rejimə qarşı müxalifət mövqeyi
Azərbaycan mühacirət nəsri
25
isə, yuxarıda göstərildiyi kimi, mühacirət ədəbiyyatının
universal xüsusiyyətləri sırasında birinci qeyd olunur.
V. Sultanlı araşdırmalarında Y.V. Çəmənzəminli ilə
yanaşı, Səməd Ağaoğludan (45,s. 45-47;37, s. 313-318),
Sürəyya Ağaoğludan (37, s. 318-321) və Aras Elmasdan
da (45, s. 16, 33-34; 37, s. 292, 301-302) mühacirət ədə-
biyyatımızın nümayəndələri kimi bəhs edir ki, bu da
çağdaş emiqrantologiyanın təməl müddəaları ilə ziddiy-
yət təşkil edir. İlk növbədə ona görə ki, bu şəxsiyyət-
lərin heç biri siyasi mühacir deyildir. Belə ki, Səməd
Ağaoğlu (1909-1982) və Sürəyya Ağaoğlu (1903-1989)
Bakıdan İstanbula, mühacirət həyatı seçmiş ataları
Ə. Ağaoğlunun yanına köçmüşdülər. Təbii ki, bu zaman
6 yaşında olan Sürəyyanın, südəmər çocuq olan Səmə-
din Vətəni tərk etmək üçün siyasi səbəbləri ola bilməz-
di. Bu köç onların anası Sitarə xanımın «harda və hansı
şərtlər içində olursa-olsun, ölüncəyə qədər əri ilə yanaşı
olmaq» (58, s. 25; 59, s. 217; 61, s. 8-9) istəyinin nəticə-
si idi. Sonralar Türkiyənin ictimai-siyasi həyatında fəal
iştirak edən, üç dəfə millət vəkili seçilən, dövlət qullu-
ğunda yüksək vəzifələrdə, o cümlədən nazir, baş nazir
müavini vəzifələrində çalışan, siyasi fəaliyyətinə görə
bir neçə il həbsdə olan Səməd Ağaoğlu, eləcə də onun
bacısı, Türkiyənin məşhur hüquqşünaslarından biri, bu
ölkənin ilk qadın vəkili Sürəyya Ağaoğlu obyektiv və
subyektiv səbəblərdən «Azərbaycan davası»na qatılma-
mışlar. Onların bədii irsi də mühacirət ədəbiyyatının yu-
xarıda qeyd olunan səciyyəsinə uyğun gəlmir. Səməd
Ağaoğlunun bədii nəsri 1940-1970-ci illər türk nəsrinin
kontekstində, onun tərkib hissəsi kimi nəzərdən keçirilə
Dostları ilə paylaş: |