Nikpur Cabbarlı
14
C. Hacıbəyli, M. Mirmehdiyev (sonralar bəzi mənbələr-
də Mehdizadə), A. Atamalıbəyov idi.
Azərbaycan Xalq Cümhuriyyəti hökumətinin ali
təhsil almaq üçün xarici ölkələrə göndərdiyi gənclərdən
bir qismi də bolşevik işğalından sonra Vətənə dönməyə-
rək mühacirət həyatını seçmişdir. Həmin gənclərdən biri
olan Hilal Münşi mühacirətdə fəal siyasi xadim və pub-
lisist kimi tanınmış, «Müsavat» partiyasının Divan üzvü
və Azərbaycan Milli Mərkəzinin Berlin təmsilçisi ol-
muşdur (97, s. 61, 258, 274-277).
İkinci Dünya müharibəsindən sonra da siyasi səbəb-
lərlə əlaqədar (almanlara əsir düşdüklərinə, yaxud Vətə-
nin qurtuluşu uğrunda milli hərbi birliklərin tərkibində
sovet qoşunlarına qarşı döyüşdüklərinə görə) cəbhədən
geriyə qayıda bilməyən soydaşlarımızın hesabına Azər-
baycan mühacirətinin sıraları növbəti dəfə sıxlaşdı. Belə
ki, Vətənə qayıdıb NKVD zindanının zirzəmisində
edam olunmaqdan, yaxud Sibirə sürgün edilməkdənsə,
xarici ölkələrdə qalmağı üstün tutan milliyyətçi azərbay-
canlıların bir qismi mühacirətimizin siyasi qanadına qo-
şuldu və istiqlal savaşını bu yolla davam etdirməyə baş-
ladı. Hərb meydanından siyasi mühacirətin sıralarına
qatılanlardan A.Dağlı, T.Atəşli, S.Təkinər 1950-1970-ci
illərdə Azərbaycan mühacirət ədəbiyyatının və ədəbi-
tənqidi fikrinin inkişafında mühüm xidmətlər göstərdi-
lər.
Bu məqamları xüsusi vurğulamaqda məqsədimiz
diqqəti Azərbaycan siyasi mühacirətinin (eləcə də mü-
hacirət ədəbiyyatının) təşəkkülünü və inkişafını şərtlən-
dirən amillərin müxtəlifliyinə yönəltmək və bununla da
Azərbaycan mühacirət nəsri
15
«mühacir» və «mühacirət» sözlərinin, təcrübədə, müxtə-
lif lüğət və ensiklopediyalarda onlara verilən izahlardan
daha geniş məna yükü daşıdıqlarını təsbit etməkdir. Yə-
ni siyasi mühacirət insanların yalnız siyasi motivlərlə öz
ölkəsini tərk edib başqa ölkəyə köçməsinin nəticəsində
deyil, eyni zamanda onların müxtəlif münasibətlərlə
getdikləri ölkələrdən yenə də siyasi motivlərlə əlaqədar
geriyə – vətənə dönməmələri nəticəsində də yarana bilir.
Azərbaycan siyasi mühacirətinin tarixi ilə bağlı yuxarı-
da xatırlatdığımız faktlar bunun əyani sübutu, bariz
təsdiqidir.
XX əsrdə baş verən iki dünya müharibəsi, çoxsaylı
regional hərbi əməliyyatlar, irqi, dini və milli zəmində
törəyən münaqişələr, inqilablar, iqtisadi böhranlar və s.
mühacirətin əvvəlki yüzilliklərlə müqayisədə xüsusilə
geniş miqyas almasına səbəb olmuşdur. Bu isə öz növ-
bəsində dünyada gedən sosial-siyasi proseslərdə, ayrı-
ayrı millətlərin və dövlətlərin tarixi taleyində müha-
cirətin, özəlliklə, siyasi mühacirətin rolunun əhəmiyyətli
dərəcədə artmasını, bir sıra hallarda isə həlledici amilə
çevrilməsini şərtləndirmişdir. XX əsrin 80-ci illərindən
başlayaraq mühacirətşünaslığın müstəqil bir elm sahəsi
kimi formalaşması da məhz bu yüzillikdə mühacirətin
durmadan artan sosial-siyasi çəkisi, çoxşaxəli fəaliyyət
istiqamətləri ilə əlaqədardır.
Emiqrantologiya (mühacirətşünaslıq) mühacirət
prosesinin subyekti olan insan tipi, mühacirətin axın-
ları və istiqamətləri, insanın qürbətdəki həyatının özəl-
likləri, yeni sosial mühitə uyğunlaşması prosesi, ha-
belə mühacirətin yaradıcılığı və bu yaradıcılığın xüsu-
Nikpur Cabbarlı
16
siyyətləri haqqında elmdir (94, s. 6-7). «Emiqrantolo-
giya» termini ilk dəfə olaraq Polşanın Yaqillon Uni-
versitetinin professoru Lyusian Suxanek tərəfindən sla-
vistlərin 1998-ci ildə Krakovda keçirilmiş XΙΙ Ümum-
dünya konqresi çərçivəsində təşkil olunmuş dəyirmi
masa müzakirələri zamanı irəli sürülmüşdür (94, s. 6;
105, s. 129).
Mühacirətşünaslıq belə bir nəzəri başlanğıcdan çıxış
edir ki, «Vətəni tərk etmiş hər insan mühacir deyil. Mü-
hacirəti bədbəxtlik və ümid yaradır. Məhz buna görə də
Amerikaya, yaxud Hindistana köçmüş ingilis mühacir
olmur; o, olsa-olsa, yaşayış yerini dəyişmiş insandır.
Müstəqil Ukraynaya köçmüş rus-mühacir deyil, lakin
Fransaya və ABŞ-a köçən rus-mühacirdir. Xoşbəxt
ölkədən köçən şəxs mühacir olmur. Məhz buna görə də
ömürlərinin bir hissəsini vətəndən kənarda keçirmələri-
nə baxmayaraq, nə S. Moyem, nə E. Heminquey, nə də
A. Şveytser mühacir deyildilər. Amma A. Eynşteyn Al-
maniyadan olan mühacir idi. Bu gün avropalı üçün doğ-
ma ölkədən hətta uzun illərə köçmək mühacirət deyil,
adaptasiyanın çətinlikləri də daxil olmaqla bir yerdən
başqa yerə köçməkdir. Nə az, nə çox» (106, s. 465).
Mühacirətşünaslıq müstəqil bir elm sahəsi kimi
XX əsrin sonlarında təşəkkül tapsa da, mühacirətin, o
cümlədən Azərbaycan mühacirətinin öyrənilməsi tarixi
daha əvvəllərdən – həmin əsrin 20-30-cu illərindən baş-
layır. Biz M.B. Məhəmmədzadəni cəsarətlə Azərbaycan
mühacirətşünaslığının banisi saya bilərik. Belə ki, onun
mühacirət tariximizə dair çoxsaylı məqalələri, xüsusilə
«Milli Azərbaycan hərəkatı» adlı qiymətli araşdırması-
Azərbaycan mühacirət nəsri
17
nın müvafiq fəsilləri buna əsas verir. «Düşmən istilasına
uğramış yurdunu qurtarmaq, hürriyyət və istiqlalını qay-
tarmaq üçün yapdığı şanlı savaşda hər millət qəhrəman-
lıqlar, fədailər, mücahidlər, şəhidlər və məzlumlarla
yan-yana, bir də siyasi mühacirət yaradır» (81, s. 158) –
deyən Mirzə Bala sözügedən araşdırmasında dünya mü-
hacirət hərəkatının tarixindən, müxtəlif millətlərin mü-
qəddəratında siyasi mühacirətin şanlı rolundan müxtəsər
bəhs etmiş, Azərbaycan mühacirətinin tarixi kökləri,
inkişaf mərhələləri üzərində ətraflı dayanmış, onun
Azərbaycan Xalq Cümhuriyyətinin süqutundan sonra
formalaşan yeni mərhələsinin fəaliyyətini müfəssəl təh-
lil etmişdir. Milli mühacirətimizin sosial tərkibinin daim
dəyişdiyini, yeniləşdiyini, şəkildən-şəklə düşdüyünü, bu
toplum içərisində müxtəlif səviyyəli zümrələrin bir-biri-
nə qarışdığını, müxtəlif mənafelərin çarpışdığını qeyd
edən M.B. Məhəmmədzadə mühacirətimizi siyasi və
qeyri-siyasi olmaq üzrə iki qrupa ayırır (81, s. 163).
Milli istiqlal hərəkatını – «Azərbaycan davası»nı xarici
ölkələrdə yürüdən, təbii ki, mühacirətimizin siyasi qolu
idi. Azərbaycan mühacirət ədəbiyyatını yaradanlar da
məhz siyasi mühacirlərimiz idi. Bəs «mühacirət ədəbiy-
yatı» dedikdə biz hansı ədəbiyyatı nəzərdə tuturuq?
Mühacirət ədəbiyyatını, ümumiyyətlə, XX əsr hadi-
səsi kimi dəyərləndirən, onun vətəndə yaranan milli
ədəbiyyatla dil, ənənə və s. kimi ümumi cəhətlərə malik
olduğunu vurğulayan tanınmış ədəbiyyat nəzəriyyəçisi,
Rusiya EA A.M. Qorki adına Dünya Ədəbiyyatı İnsti-
tutunun qocaman əməkdaşı, professor Y.B. Borev bu
Dostları ilə paylaş: |