Azərbaycan mühacirət nəsri
33
kimi tanınması, erməni-daşnak canilərin Qarabağdakı
vəhşilikləri zamanı silah götürüb Xankəndindəki vuruş-
larda iştirak etməsi s.b.k. səbəblər ədibin Təbrizə müha-
cirətini labüd etmişdi. Lakin Arazın o tayında da şərait
yaradıcılıq və jurnalistika üçün yararsız idi» (36, s. V).
Əziz Mirəhmədovun bu mülahizələrinə əsaslanan
fil.e.d. Abid Tahirli Azərbaycan mühacirət mətbuatı
tarixinin «Molla Nəsrəddin»in Təbriz nömrələri ilə baş-
landığını iddia edir ( 47, s. 37, 44; 48, s. 14-15; 49; 50; 51,
s. 254-278).
Məlumdur ki, mühacirət mətbuatını və mühacirət
ədəbiyyatını siyasi mühacirət yaradır. Fəqət C. Məm-
mədquluzadənin həyat və fəaliyyətinin qısamüddətli
Təbriz dövrü bu böyük ədibi – siyasi mühacir, «Molla
Nəsrəddin» satirik jurnalını isə mühacirət mətbuatı or-
qanı kimi səciyyələndirməyə əsas vermir. Belə ki, Mirzə
Cəlil Şimali Azərbaycanı – Azərbaycan SSR-i siyasi ba-
xışlarına görə deyil, qardaşı Mirzə Ələkbərin təkidi nəti-
cəsində tərk etməyə məcbur olmuşdu. Mirzə Ələkbərin
niyyəti isə sovet hakimiyyətinin hələ möhkəmlənmə-
diyi, Azərbaycanın əyalətlərində, o cümlədən Qarabağ-
da qarışıqlığın, özbaşınalığın hökm sürdüyü bir şəraitdə
Mirzə Cəlilin və onun ailə üzvlərinin təhlükəsizliyini
təmin etmək, onların şərəf və ləyaqətini mümkün olan,
ehtimal edilən təhqirlərdən qorumaq idi. Bu məqam
Həmidə Məmmədquluzadənin xatirələrində də əksini
tapmışdır: «1920-ci ilin baharında biz Kəhrizlidə ya-
şayırdıq. May ayında xəbər yayıldı ki, Gəncədə üsyan
qaldırılmışdır. Şuşada və Ağdamda yerləşən qoşun dəs-
tələri Yevlax dəmiryol stansiyasına tərəf hərəkət edir-
Nikpur Cabbarlı
34
dilər. Fitnəkarlar xalq arasında şayiə yaymışdılar ki, gu-
ya bolşeviklər Bakını və Gəncəni tərk edirlər. Bir-biri-
nin arxasınca müxtəlif şayiələr yayılırdı. Fitnəkarlar öz
işlərini görməkdə idilər. Onların yaydığı ağlasığmaz şa-
yiələr camaatın içərisində vahimə doğurmuşdu. Aranın
qarışmasından istifadə edən qaçaq-quldur hər tərəfdə
müxtəlif hadisələr törədirdi. Özbaşınalıq hökm sürmək-
də idi. Bu zaman Mirzə Cəlilin qardaşı Mirzə Ələkbər
Naxçıvandan gəlib çıxdı. O, məsləhət gördü ki, yığışıb
müvəqqəti olaraq, Təbrizə köçək, ara sakitləşəndən son-
ra qayıdıb vətənə gələrik. Biz buna razılıq vermədik.
Mirzə Ələkbər öz fikrində israr edərək deyirdi:
«Hazırda Təbrizdə hökumət demokratların əlindədir,
onlar bizi sevinclə qarşılayacaqlar. Biz orada «Molla
Nəsrəddin» jurnalının nəşrini davam etdirərik və bu,
şübhəsiz, gözəl nəticələr verər. Sovet hökuməti Azər-
baycanda möhkəm bərqərar olduqdan sonra sizi yada
salıb, Molla Nəsrəddini dəvət edəcəkdir. İndi isə dayan-
mayıb getmək lazımdır, mən sizin təhlükəsizliyinizə ca-
vabdehəm».
Mirzə Ələkbər etiqadla inandığı hər şey haqqında
qəti inamla danışar, iradəsindən dönməz, kimsədən nə
qorxar, nə də çəkinərdi. Onun gətirdiyi sübutlar
nəticədə
bizi yerimizdən elədi, yığışıb yola düşdük. Uzun əzab-
əziyyətlərdən sonra Araz çayını Xudafərin körpüsündən
keçib, İran torpağına daxil olduq» (33, s. 66-67).
1920-ci ilin yayında Mirzə Cəlili Qarabağdan Təb-
rizə getməyə vadar edən şəraitin əyani əksi olan bu xa-
tirə parçasından da aydın görünür ki, yeni qurulmuş, fə-
qət hələ möhkəmlənməyə macal tapmamış sovet höku-