xətti eyni istiqamətdə Taran-Qobu, Abcit, Məzəmçay çaylarmm yatağı boyunca
Tinov-Rosso (11104 fut) dağ zirvəsi istiqamətində irəliləyir.
Sonra sərhəd xətti yenidən Şərqə dönür (Şimali Qafqaz Respublikasının
sərhəddi) və Qafqaz sıra dağları boyunca Quton (12500 fut) zirvəsinə qədər uzanır.
Daha sonra sərhəd xətti dağ yüksəkliklərindən şimal-şərq istiqamətində aşağı enir, bir
tərəfdən Avar-Koysu, Qara-Koysu, Qazıqumuq-Koysu, o biri tərəfdən isə Samur,
Çirançay və Uluçay çaylarının suayrıcını formalaşdıran ikinci sıra dağların boyunca
gedir və Kalanker-Katz (11488 fut), Kaşkharva (13083) Lakazani (11961 fut)
dağlarından, Dolti dağ aşırımından keçərək Viralqu (12611 fut), Nusadağ (12270 fut)
Alahundağ (12629 fut) istiqamətində uzanır.
Sonda sərhəd xətti İtsari kəndinin 2 km-də Taran-Qobu çayını keçir və
yuxarıda adları çəkilən çayların ayrıldığı yerdə 3 nömrəli zirvəyə doğru gedir, burada
şərqə dönür və Bakı-Petrovsk dəmir yolunun Buynak stansiyasından 20 km. cənubda
Xəzər dənizinə çatır.
II Şərq sərhəddi
Buynak stansiyasının 20 kilometrliyindən başlayan sərhəd xətti Xəzər dənizi
boyunca keçmiş Rusiya-İran sərhəddi yaxınlığındakı Astara (Qafqaz Astarası)
şəhərinə qədər uzanır.
III. Cənub sərhəddi
Astaradan başlanan sərhəd xətti Rusiya, İran və Türkiyə arasındakı keçmiş
sərhədlərin kəsişmə nöqtəsinə qədər davam edir, sonra keçmiş Rusiya-Türkiyə
sərhəddinə uyğun şəkildə Qara dənizdəki Kop-Mur burnuna qədər gedir.
IV. Qərb sərhəddi
Azərbaycanın qərb sərhəddi Kop-Murdan Solok çayının mənsəbinə qədər
Qara dəniz sahilləri boyu müəyyənləşir.
V. Qafqaz Ermənistanı ilə sərhəd
Azərbaycan və Ermənistan arasındada sərhəd qərbə doğru Ağlağan dağının
(6833 fut) zirvəsindən başlanır, Aleksandropol-Axalkələk şosse yolunu Qızıl Qoç
stansiyasından (Güllübulaq kəndi) 18 km. cənubda kəsib keçir və Dağ Körpü
kəndindən Arpaçay istiqamətinə gedir.
Sonra sərhəd xətti cənuba, Arpa-Fihui boyunca Qarakollu adlı kiçik
stansiyadan 2 km. şimalda yerləşən Qiyas-Kürdaşı kəndinə doğru gedir, daha sonra
isə şərqə, Qara Köynək dağının (9917 fut) zirvəsinə tərəf uzanır.
Buradan sərhəd xətti Aparan çayının qolu istiqamətində şimal-şərqə, Tiflis-
İrəvan dəmir yolunun 5 km-də yerləşən Zeynə kəndinə doğru gedir, sonra şərq
istiqamətinə dönür, dəmir yol xəttinə paralel şəkildə bu xətdən 7 km. şimalda yerləşən
Ağbaş kəndinə tərəf uzanır:
Qarni çayından keçən sərhəd xətti şimal-şərqdə Ağdağ (10906 fut),
Qaraqaya (11178 fut) Gözəldərə dağlarına qalxır, buradan qərb istiqamətinə burulur
və Göyçə gölünün şərq sahilində Zağalı kəndinə çatır.
Qafqaz Ermənistanının sərhəddi Semyonovka kəndi istiqamətində gölün
səthini düz xətlə keçir, Yelizavetpol və İrəvan quberniyalarının keçmiş inzibati ərazi
bölgüsü üzrə Beçəkeçməz dağının (Yelizavetpol, İrəvan və Tiflis quberniyalarının
sərhədlərinin ortaq kəsişmə nöqtəsi) zirvəsinə qalxır, buradan Yelizavetpol və Tiflis
quberniyalarının inzibati sərhəddi boyunca şimala dönür və Çimal dağının (2465 fut)
zirvəsinə qalxır.
Son olaraq sərhəd xətti biri-birinin ardınca Şahəlhəm, Şahtaxtı, Lialvar,
Lecan dağlarından enir və iki ölkə arasında sərhəd olan Ağlağan dağının zirvəsinə
çatır.
QAFQAZ AZƏRBAYCANI CÜMHURİYYƏTİ
I
AZƏRBAYCANIN MƏNŞƏYİ - MÜSTƏQİL XANLIQLAR VƏ ONLARIN
TƏNƏZZÜLÜ
Mənşə
Qafqazın, daha dəqiq desək, Transqafqazın cənub-şərq bölgəsində ən qədim
zamanlardan etibarən əsasən türk, qismən də tatar tayfalarından ibarət xalqlar
yaşamışlar. Bu tayfalar, habelə bir sıra İran ünsürləri zaman keçdikcə daha çoxsaylı,
daha güclü və daha enerjili olan türklərlə qaynayıb-qovuşmuşlar. Həmin qaynayıb-
qarışma nəticəsində Qafqazın bu hissəsində yaşayan yerli əhali ölkələrinin adı ilə
Azərbaycan türkləri, yaxud daha çox azərbaycanlılar adlandırılmışlar.
Köçəri tayfaların hərəkət yolu üzərində yerləşən və onların işğalçı
müharibələrində hədəf rolunu oynayan Azərbaycan Qafqaz dağlarından Xəzər
dənizinə və Xəzər dənizi arxasında Urmiya gölünə qədər geniş bir ərazini əhatə edir.
Ölkəyə öz adını vermiş mərkəz onun Xəzər dənizi sahilindəki hissəsidir. İndi bu hissə
məşhur neft yataqlarına malik şəhərin adı ilə Bakı bölgəsi kimi tanınır.
Dərinliklərində təbii neft və qaz sərvəti gizlənmiş bu bölgə ən qədim
zamanlardan etibarən “əbədi odlar yurdu” kimi məşhurlaşmışdır. Kökü qədim fars
sözü olan “Azərpataqan”dan yaranan “Azərbaycan” yaxud da “Azəristan” adı da ilk
növbədə bu zəngin təbii sərvətilə əlaqədardır. Tarixə qədərki dövrdən məlum olan bu
ad yalnız özü haqqındakı rəvayətlərə əsaslanmır. Bakı regionundakı zəngin neft
yataqları Azərbaycanın mənşəyini hər hansı yazılı mənbədən daha yaxşı ifadə edir.
Sönməyən alov dilləri kimi Azərbaycan da taleyin oyunlarına, siyasi və sosial
çevrilişlərə, iqtisadi dəyişikliklərə baxmayaraq öz yoluna davam etmişdir.
Azərbaycan torpaqları Makedoniyalı İskəndərdən tutmuş Teymurləngə qədər bir çox
məşhur fatehlər görmüş, onun sakinləri ərəblər, farslar, osmanlı türkləri və başqaları
ilə üz-üzə gəlmişdilər. Bu çağırılmamış qonaqlar təbii ki, Azərbaycanın ərazi Və etnik
tərkibinin əsaslı surətdə dəyişilməsinə təsir göstərmişdilər. Ölkənin bir hissəsi hərbi
güc tətbiq edilməklə İrana birləşdirilmiş, digər hissəsi isə Qafqazın coğrafi sərhədləri
daxilində qalmışdır. Məhz bu şərait Azərbaycan xalqının taleyində mühüm rol
oynamışdır.
Müstəqil xanlıqlar
Qafqazdakı Azərbaycan regionu uzun müddət özünün tam siyasi
müstəqilliyini qoruyub saxlamışdır. XVII əsrdə ölkə müstəqil xanlıqlardan ibarət idi.
Yaranmış vəziyyətin təsiri ilə onlardan bəziləri İrandakı şah hakimiyyətini tanımağa
Dostları ilə paylaş: |