İnsan kapitalının inkişafı: nəzəri aspektləri və qiymətləndirmə metodologiyası
15
İPİ həm milli, həm də beynəlxalq cəhətləri özündə birləşdirir. Belə ki, ayrı-ayrı
ölkələrdə insan potensialının inkişafı üçün müvafiq şəraitin təmin edilməsi, sosial
tərəqqinin əsas şərti olan insan faktorunun adekvat olaraq yaxşılaşmasına imkan yaradır.
Yaxud beynəlxalq qurumların, o cümlədən BMT-nin davamlı inkişaf modelinə keçilməsi,
dünya ölkələrinə təklif etməsi İPİ-nin beynəlmiləl xarakter daşıdığını göstərir. Bu
baxımdan insan inkişafının yaxşılaşdırılması yolunda mövcud potensialı göstərən bu
inkişaf göstəricilərinin qiymətləndirilməsi hər bir ölkənin sosial-iqtisadi və siyasi
inkişafında mühüm rol oynayır.
İNSAN KAPİTALININ İNKİŞAFININ QİYMƏTLƏNDİRİLMƏSİ
METODOLOGİYASI
Uzun illər cəmiyyətin iqtisadi inkişafı və ayrı-ayrı ölkələrdə tərəqqinin kriteriyası
ÜDM-in və ÜMM-in adambaşına düşən həcmi ilə ölçülürdü. İnkişafın bu göstəriciləri ikinci
dünya müharibəsindən sonra BMT, Dünya Bankı və Beynəlxalq Valyuta Fondu tərəfindən
təklif edilmişdir.
Lakin ictimai inkişafın gedişində məlum oldu ki, ÜDM-in adambaşına düşən həcmi
əsas göstəricilər sistemi kimi insan inkişafının real vəziyyətini tam əks etdirmir. Daha
doğrusu bu göstəricilər təbiət-cəmiyyət münasibətləri dairəsində mövcud sistemin yalnız
birinin iqtisadi tərəfini göstərir.
Bizim fikrimizcə insan inkişafının inteqral göstəriciləri üçün 1992-ci ildən (Rio
konfransından) bəri BMTİP tərəfindən tətbiq olunmuş insan inkişafı indeksi daha real və
perspektivli ola bilər.
Hazırda beynəlxalq təşkilatlar (BMTİP, DB) tərəfindən irəli sürülən və müxtəlif
səviyyəli ölkələrdə insan inkişafının əsas parametrlərini adekvat əks etdirən indikatorlar
şəbəkəsi aşağıdakı cədvəldə təqdim olunmuşdur. Cədvəldə təqdim olunan bu indeksləri
respublikamızın indiki şəraitində məqbul hesab etmək olar.
Göründüyü kimi bir çox sosial-iqtisadi göstəriciləri özündə birləşdirən bu
indikatorlar şəbəkəsi informativ xarakter daşıyır və burada hesablama mexanizmi
müxtəlif ölçü vahidlərini ayrı-ayrılıqda araşdırmağa imkan verir. Bu indekslər əsasən
gözlənilən ömür müddəti, yaşlı əhalinin savadlılıq dərəcəsini, ÜDM-in adambaşına düşən
həcmi indekslərini özündə əks etdirir.
Qeyd etdiyimiz kimi insan potensialının inkişafı səviyyəsinin qiymətləndirilməsi
üçün istifadə olunan göstəricilərdən biri də gözlənilən ömür müddəti indeksidir. Bütün
ömrü boyu əhalinin sağlamlığının hər bir sahəsini əhatə edən səhiyyə proqramlarının
İnsan kapitalının inkişafı: nəzəri aspektləri və qiymətləndirmə metodologiyası
16
işlənilməsi və həyata keçirilməsi əhalinin sağlamlığının qorunması və işçi qüvvəsinin
keyfiyyətli işini təmin etməklə bərabər ömür müddətinin uzadılmasına təkan verir.
Cədvəl 1
İnsan potensialının inkişafını müəyyənləşdirən əsas parametrlər
İndekslər
Orta ömür
müddəti
Təhsil
səviyyəsi
Həyat
səviyyəsi
İnsan potensialı
inkişafı
indeksi
Gözlənilən ömür
müddəti
Yaşlı əhalinin
təhsil
səviyyəsi
Əhalinin adambaşına düşən
dəqiq gəliri
Gender amili nə-
zərə alınmaqla
inkişaf indeksi
Qadın və ki-
şilərin göz-
lənilən ömür
müddəti
Qadın və
kişilərin təhsil
səviyyəsi
Qadın və kişilərin gəlir payı
İnkişaf etməkdə
olan ölkələr üçün
əhalinin
yoxsulluq indeksi
40 yaşa qədər
yaşaya
bilməyən
əhalinin faizi
Yaşlı əhalinin
təhsil
səviyyəsi
1.
tibbi xidmətlərdən və təmiz
içməli sudan əziyyət çəkən
əhalinin faizi
2. normal çəkisi olmayan 5
yaşa qədər uşaqların faizi
İnkişaf etmiş
ölkələr üçün
yoxsulluğun
indeksi
60-yaşa qədər
yaşaya
bilməyən
əhalinin faizi
Əhalinin
avropa
standartlarına
uyğun təhsil
səviyyəsi
Yoxsulluq səviyyəsi həddindən
aşağı olan əhalinin faizi
(adambaşı gəliri 20000 ABŞ
dollarından (AQP-ilə) aşağı
olan ölkələr üçün)
Qeyd edək ki, ömür müddətinin uzadılmasına olan maneələrə ana və uşaq ölümü,
xəstəlik dərəcələri baxımından, o cümlədən QİÇS (Qazanılmış İmmun Çatışmazlığı
Sindromu) və digər cinsi və reproduktiv səhiyyə problemlərinə, eləcə də endemik
yoluxucu xəstəliklər olan malyariya, vərəm, mədə-bağırsaq xəstəliklərinə, su vasitəsilə
keçən və keçici olmayan xroniki xəstəliklərə, xüsusi yoluxma meyli nəzərə alınmaqla hər
bir vətəndaşın sağlamlığının mühafizəsi yönümündə görülən tədbirlər baxımından bütün
dünya miqyasında inkişaf etmiş və kasıb ölkələr arasında fərq qoyulmadan həyata
keçirilir. Bəzi ölkələrdə bir növ endemik, yoluxucu xəstəliklər insanların həyatlarına
zərbə vurur, digər ölkələrdə isə yoluxucu olmayan ürək-damar, ciyər, hipertoniya və
degenerativ xəstəliklər insanların xəstələnmə və ölüm hallarına əsas səbəblər olaraq
qalır.
Qeyd edək ki, səhiyyə xidməti sistemlərində əsas diqqətin sağlamlığın optimal
saxlanılmasına deyil, xəstəliklərin müalicəsinə yönəldilməsi də bu sahəyə kompleks
yanaşmanın qarşısını alır. Bu baxımdan, ömür müddətinin uzadılmasında bir çox