153
Bu metodun ehtiyyat zülalı olan hordeinin müxtəlif formalarının sintezi və toplanmasının
öyrənilməsi üçün çox əlverişli olduğunu da göstərilmişlər [8;4]. Qeyd edək ki, hordein taxıl
bitkilərində qida keyfiyyətinin yaxşılaşdırılması məqsədilə hər zaman geniş öyrənilirdi.
İzolə edilmiş sünbül kulturası metodu azot qidalanmasının nəzarətinə və endospermin
müxtəlif inkişaf mərhələlərində impulsla nişanlanma tədqiqatlarının kecirilməsinə imkan verir.
Bu yolla bitki ilə müəyyən inkişaf dövrundə mənimsənilmiş azotun miqdarinı nəzərə alaraq,
elektroforez və onun ardınca aparılmış flüoroqrafiya üsulları vasitəsilə sintez olan polipeptidlərin
miqdarının dəqiq təyin edilməsi mümkündür.
Metod həmçinin hibridləşmə üsulu kimi də istifadə oluna bilər. Məlumdur ki, yad hibridlər
yeni bitki növü alınmasında qiymətli ilkin materialdır. Lakin hibrid bitkilərin seleksiyada
istifadəsi müəyyən çətinliklərlə üzləşir. Ən çox rast gəlinən hall hibrid toxumlarının zəif
tozlanması və bunun nəticəsi kimi hibrid rüşeyimin müxtəlif inkişaf mərhələlərində məhvidir
[1]. Çiçəklənmə mərhələsində izolə olunmuş sünbül kulturasından istifadə vasitəsilə distal
çiçəklərdən toxumlar alınmışdır [2], halbuki
Tr. aestivum-un distal çiçəklərində toxumlar adətən
çox çətinliklə əmələ gəlirlər. Bu toxumların alınmasında kritik amil sünbülun izolə edilmə vaxtı
və əlavə, qidalanmasıdır. Qidanın çatışmamazlığı dənin dolması prosesini tormozlayır.
Buğda, arpa və covdar sünbüllərinin müvəffəqiyyətlə izolə edilməsi Xaak və onun
əməkdaşları tərəfindən [9] aparılmışdır. Alınmış nəticələrə əsasən müəlliflər bu metodun
seleksiya işlərində istifadə edilməsini tövsiyə etmişlər. Bununla da müəlliflər təsdiq etmişlər ki,
izolə edilmiş sünbül kulturası metodunun dənin yetişməsi, zülal, nişasta və digər maddələrin
sintezi və toplanması proseslərinin istiqamətləndirilmiş öyrənilməsindən başqa, həm də seleksiya
işləri üçün çox böyük əhəmiyyəti ola bilər.
Bundan əlavə, izolə olunmuş sünbülllərin süni qida mühitində becərilməsi dənin
çiçəklənmə fazasından tam yetişmə fazasına gədər gedən proseslərin öyrənməsi üçün də mühüm
rol oynaya bilər, çünki bu üsul vasitəsilə in vitro şəraitində dənin formalaşması və inkişafına
müxtəlif amillərin təsir dərəcəsinin aşkar edilməsi mümkün olur. Bu cür yanaşma azot və
saxaroza tərkibli müxtəlif qatılıqlı mühitlərdə becərilən taxıl və arpa sünbüllərində zülalların
sintez və toplanma proseslərinin gedişini nəzarət altında saxlamağa da imkan yaradır.
İlkin material kimi bərk və yumşaq buğda sortlarının müxtəlif genotiplərindən istifadə
olunmuşdur.
Təcrübi bitkilər istixanada gündəlik suvarma şəraitində becərilmişlər. İstixanada
temperatur 22-26C
0
, fotoperiod -16/8 saat həddində saxlanılmışdır. Sünbüllər tozlanmadan 1-2
gün keçəndən sonra kəsilmişlər. Bitkinin 15-25 sm uzunluğunda olan gövdəsi 5 dəqiqə ərzində
5% natrium hipoxlorid məhlulunda TWEENZO əlavə etməklə səthi sterilizə edilib, bir
neçə dəfə
distilə suyu ilə yuyulub, yelkən yarpağın düyün hissəsindən kəsilmişdir. Bütun sterilizə işləri
laminar boksda aseptik şəraitdə kecirilmşdir. Bundan sonra gövdə pambıq tıxacdan keçirilərək
kultivasiya etmək üçün əvvəlcədən avtoklavlaşdırılmış 60-70ml qida mühiti olan sınaq qablarına
(həcmi 100ml) yerləşdirilmişdir.
Əsas qida mühitinin makroelementləri Donovan və Lee-yə [5] görə CaCl
2
– 8,8q/l,
KHPO
4
- 24q/l, MgSO
4
-7,4 q/l
tərkibli olmuşdur . Bundan başqa qida mühitinə Murasiqe və
Skuqun [10] tərtib etdikləri qida mühitinin mikroelementləri 16,8 mq/l MnSO
4
.4H
2
O ; 6,2 mq/l
H
3
BO
3
; 8,6 mq/l ZnSO
4
.7H
2
O ; 0,83 mq/l KJ ; 0,025 mq/l CuSO
4
.5H
2
O ; 0,25 mq/l Na
2
MoO
4
;
0,025 mq/l CoCl
2
.6H
2
O və 5mq/l dəmir xelatı (FeSO
4
. 5H
2
O-27,8 mq/l, Na
2
EDTA -37,2mq/l)
əlavə edilmişdir.
Saxarozanın miqdarı 40 q/l olmuşdur. Azot mənbəyi kimi əsas mühitə 57 mq/l alanin; 87
mq/l arginin HCl; 75 mq/l asparagin; 66 mq/l asparagin turşusu; 46 mq/l sistein; 444 mq/l
qlütamin turşusu; 441 mq/l qlütamin; 96 mq/l qlisin; 54 mq/l histidin; 21 mq/l hidroksiprolin; -
115 mq/l izoleysin; 167 mq/l leysin; 44 mq/l lizin; 39 mq/l metionin; 191 mq/l fenilalanin; 290
mq/l prolin; 113 mq/l serin; 57 mq/l treonin; 102 mq/l triptofan; 87 mq/l tirozin və 103 mq/l
valin aminturşuları əlavə olunmuşlar.
154
Mühitin turşuluğu pH 5,0-5,2 təşkil etmişdir. Qida mühiti 0,7-0,8 atm. 30
dəqiqə ərzində
avtoklavda sterilizə edilmişdir.
Ilkin inkişaf fazasında tozlanmadan sonra izolə edilmiş sünbüllərin kultivasiyası
məqsədilə qida mühiti və onun komponentlərinin seçilməsi və optimallaşdırılmasına dair
təqiqatlar aparılmışdır.
Nəticələr göstərdi ki, süni qida mühitlərinə azot mənbəyi rolunu oynayan hidroksiprolin,
qlütamin,
histidin,
fenilalanin, valin kimi amin turşularının əlavə edilməsi vacibdir.
Sünbüllərin izolə edilməsi müddətinə dair ilkin tədqiqatlara əsasən demək olar ki, ən
yaxşı nəticələr sünbüllərdə yelkən yarpaq düyününün əmələ gəlməsi zamanı alınmışdır. Belə ki,
sünbüldə yelkən yarpağın olması ilkin mərhələlərdə kultivasiya müddətini artırırdı.
Təcrübələrdə qida mühitinin optimallaşdıralması ilə əlaqədər izolə edilmiş sünbüllərin
becərilməsi süd fazasına qedər aparılmışdır. Təcrübələrin ilk mərhələsində əsas məqsəd
becərilmə şəraitinin optimallaşdırılması və izolə edilmiş sünbüllərdən dənin alınması idi.
Təcrübələr hər bir genotipin xüsusiyyətlərinə uyğun bəcərilmə şəraitinin, əsasən də qida
mühitinin optimallaşdırılması zərurətini göstərmişdir.
Alınan nəticələrdən müəyyən edilmişdir ki, izolə olunmuş sünbüllərdə toxumların əmələ
gəlməsi tezliyi orta hesabla nəzarət bitkilərindən az fərqlənir.
Mayalanmadan sonra 10-15 gün müddətində tam dolğunluğa çatan dənlər intakt dənlərlə
müqaisədə əhəmiyyətli fərq göstərməmişlər. Müəyyən olmuşdur ki, izolə edilmiş sünbülün in
vitro şəraitdə becərilməsi genotipi kompetentliyinə təsir edirdi. Hələ ilk təcrübələr göstərmişdi
ki, izolə olunmuş kultura səraitində bərk və yumşaq buğda sortlarının müxtəlif nümayəndələri
inkişaf prosesinin gedişinə görə biri-birindən fərqlənirlər.
Beləliklə, aparilan təcrübələr in vitro şəraitində müxtəlif buğda qenotiplərindən izolə
olunmuş sünbüllərin becərilməsinin mümkün olduğunu və bu istiqamətin seleksiya işləri üçün
perspektivliyini göstərmişdir.
ƏDƏBİYYAT
1. Коновалов Ю.Б., Рудиков И.Л., Гибридизация ячменя и яровой пшеницы на срезанных
побегах. Изв. ТСХА. 1985. Вып. 1. С. 66-73.
2. Armstrong Toni A., Song Tai-Sen, Hinchee Maud A.W. Culture of detached spikes and the
early development of fourth floret caryopsis in wheat. J.Plant. Physiol.1987. Vol. 131. P. 305 -
314.
3. Barlow E.W.R., Donovan G.R., Lee I.W/ Water relations and composition of wheat ears
grown in liquid culture. Effect of carbon and nitrogen. Aust. J. Plant Physiol. 1983. Vol.10.
P. 99 -108.
4. Bottacin A., Smith K., Miflin B.,I, e.a. Regulation of storage protein synthesis by sulphur and
nitrogen nutrition in cultured immature caryopses of barley. J.Exp. Bot. 1985. Vol 36. P. 140-
148.
5. Donovan G.R., Lee J.W. The qrowth of detached wheat heads in liquid culture. Plant. Sci.
Lett. 1977. Vol.9. P.107.
6. Donovan G.R., Lee J.W. Effect of the nitrogen source on grain development in detached
heads in liquid culture. Aust. J. Plant Physiol. 1978. Vol.5. P.81-87.
7. Donovan G.R., Lee J.W., Longhurts T.I., Martin P. Effect of temperature on grain qrowth and
protein accumulation
in cultured wheat ears, Aust. J. Plant Physiol. 1983. Vol. 10. P. 445 -450.
8. Giese H., Andersen B., Doll H.
Synthesis of major storage, hordein, in barley. Pulmelabellings
study of grain filling in liquid cultured detached spikes. Planta. 1983. Vol. 159. P. 60-65.
9. Haack A., Kappler E., Zenke G. Kultivirung von Gersten und Roggennahren in Nahrlosungen
(Kurzmitt). Arch. Zuchtungsforsch. 1987. Bd. 17. S.59-62.
10. Murashige T., Skoog F. A revised medium for rapid growth and bicassays with tobacco
tissue cultures. Physiol. Plant.1 962. Vol. 15. P. 473 -497.