(Dissertant)
Azərbaycan Elmi Tədqiqat Əkinçilik İnstitutu, Tərtər BTS,
AZ 4351 Tərtər rayonu, Zolgörən kəndi, Tel: 0506115152; E-mail:
n.bahruz@mail.ru
Təqdim edilən məqalədə 2013-2014-cü tədqiqat ilində kompleks əlamətləri ilə seçilmiş
yumşaq buğdanın yerli və introduksiya olunmuş sort nümunələri üzərində növdaxili hibridləşmə
apararaq əldə edilmiş yumşaq buğdanın birinci nəsil (F
1
) hibrid kombinasiyaların bəzi kəmiyyət
əlamətlərinin tədqiqinə dair nəticələr qeyd olunmuşdur. Tədqiqatın nəticəsində yumşaq
buğdanın 56 növdaxili hibrid kombinasiyasında bitkinin boyu, sünbülün uzunluğu, sünbüldə
dənlərin sayı, sünbüldə dənin kütləsi və 1000 dənin kütləsi valideyn formalarla müqayisəli
öyrənilərək, heterozis və dominantlıq dərəcəsi müəyyən edilmişdir.
Açar sözlər: yumşaq buğda, seleksiya, sort, introduksiya, kombinasiya, heterozis,
dominantlıq, irsiyyət, hibrid, xətt,
depresiya, valideyn forma
Ключевые слова: мягкая пшеница, селекция, сорт, интродукция, комбинация,
гетерозис, доминирование, наследование, гибрид, линия, депрессия, родительская
форма
Key words: bread wheat, breeding, variety, introduction, combination, heterozis,
domination, heredity, hybrid, line,
depression, parental form
Azərbaycan əhalisinin etibarlı ərzaq təminatı buğda məhsullarının istehsalından, onun
keyfiyyətindən, lazımı məhsuldarlığından keçir. Bitkinin aqrotexnikası, sort yaradılması,
xəstəlik, zərərverici və alaq otları ilə elmə söykənən mübarizə tədbirləri sisteminin işlənməsi və
s. bu təminatın əsas şaxələridir. Azərbaycanın torpaq-iqlim şəraitini nəzərə almaqla, hər
bir bölgə
şəraitində becərilə bilən sortların yaradılması vacibdir. Bu problemin həlli yollarından biri
kolleksiya materiallarının genetik potensialından səmərəli istifadə etmək, yerli və dünyanın
müxtəlif ölkələrində yaradılmış sortnümunələrin məhsuldarlığı, keyfiyyət və digər göstəricilərini
müəyyənləşdirmək, onlardan hibridləşmədə geniş istifadə etməkdir. Yüksək keyfiyyətli,
məhsuldar, xəstəliyə və yatmaya qarşı davamlı intensiv sortların yaradılmasında hibridləşdirmə
üçün valideyn formalarının hərtərəfli öyrənilməsinin və onların müxtəlif əlamətlərə görə
donorluq qabiliyyətinin müəyyənləşdirilməsinin böyük əhəmiyyəti vardır [1; 2].
Qarşıya qoyulmuş problemin müvəffəqiyyətli həlli ilk növbədə yeni intensiv tipli yüksək
məhsuldar və keyfiyyətli, akademik C.Ə.Əliyevin təklif etdiyi “İdeal buğda” modelinin testlərinə
cavab verən buğda bitkisinin yaradılmasını və istehsalata tətbiqini tələb edir [5].
P.P.Lukyanenko hesab edirdi ki, məhsuldarlığın əsas elementi bir sünbüldə olan dənin
kütləsidir. Onun modelinə görə sort möhkəm gövdəyə, qısa (70-80 sm) boya, kütləvi səpinlərdə
(normal olaraq 1m
2
-də 500-600 məhsuldar gövdə) yüksək məhsuldar sünbülə (bir
sünbüldə dənin
kütləsi 2,0 q-dan az olmayaraq) malik olmalıdır [9]. Onun apardığı tədqiqatlarda məhsuldarlıqla
sünbülün orta məhsuldarlığı arasında yüksək müsbət korrelyativ (r=0,70) əlaqənin olduğu
müəyyənləşdirilmişdir. Ancaq bu əlaqə daimi deyildir. Əksər hallarda bir sünbüldə dənlərin sayı
ilə kütləsi arasında müsbət əlaqə müşahidə edilir.
Məhsuldarlıq bir çox komponentlərdən (1m
2
-də məhsuldar gövdələrin sayından, bir
bitkinin məhsuldarlığından, bu da öz növbəsində bir sünbüldə olan sünbülcüklərin və dənlərin
sayından, bir sünbüldə olan dənin kütləsindən təşkil olunmuşdur) asılıdır [8]. Buğda
hibridlərində kəmiyyət əlamətlərinin irsən nəslə keçirilməsini bir çox tədqiqatçılar öyrənmişlər.
N.İ.Vavilova (1934) görə yüksək heterozis gücünə malik hibridlərin alınması üçün birinci
növbədə valideyn formaları düzgün seçilməlidir [10].
Apardığımız tədqiqatlarda 2012-2013-cü illərdə Azərbaycan Elmi-Tədqiqat Əkinçilik
İnstitutunun Tərtər Bölgə Təcrübə Stansiyasında suvarma şəraitində kompleks əlamətləri ilə
seçilmiş yumşaq buğdanın yerli və introduksiya olunmuş 19 sortnümunəsinin iştirakı ilə
yaradılmış 56 növdaxili birinci nəsil (F
1
) hibrid kombinasiyası tədqiq olunmuşdur.