52
Ev tapşırıqları təlimin fərdi təşkili formasıdır. Onlar müxtəlif vəzifələri yerinə
yetirir: dərsdə keçilən materialları möhkəmlətmək, dərinləşdirmək, nəzəri biliyi tətbiq
etmək, növbəti mövzunu mənimsəməyə hazırlaşmaq və s.
fəndən və mövzudan asılı olaraq ev tapşırıqları şifahi, yazılı, əməli xarakterdə ola
bilər;
ev tapşırıqları bir sıra tələblərə uyğun olmalıdır;
tapşırığın məqsədi və icra qaydası şagirdlərə aydın olmalıdır;
tapşırıqlar məzmunca rəngarəng olmalıdır;
ev tapşırıqları mümkün qədər yaradıcı xarakter daşımalıdır;
tapşırıqların icrası müntəzəm yoxlanımalıdır.
Təlimin sinifdənxaric iş formaları dərslərdə öyrənilən bilikləri genişləndirmək,
təlimə maraq oyatmaq, fərdi meyl və qabiliyyətləri inkişaf etdirmək məqsədi güdür.
Sinifdənxaric işlər bir neçə növdə olur:
1) kollektiv işlər (onlayn layihələri, fənn olimpiadaları, təlim konfransları, şən
hazırcavabların yarışı, təlimi xidmət layihələri, müsabiqə və baxışlar, elmi mövzuda söhbət
və məruzələr, intellektual oyunlar və b.);
2) fərdi işlər (mütaliə, fərdi tapşırıqların icrası, əyani vəsait hazırlamaq, məruzə etmək,
referat yazmaq və s.).
Təlimin sinifdənxaric formalarını dərslərlə əlaqələndirmək, onların emosional təsirini
artırmaq vacib şərtdir.
Təlimin təşkilinin metod və üsulları
Müəllim seçdiyi standart və ona uyğun məzmun xəttinə əsasən təyin etdiyi
məqsədlərə çatmaq üçün mövzuya uyğun metod və üsulları təyin edir. Dərsin ilk
mərhələsində motivasiya xarakterli ən çox işlənən sinif qızdırıcılarıdır ki, bunlara bəzən
“
buzqıranlar
”
deyirlər.
“Buzqıranlar”. Müəllim bu metoddan sinfi tez ələ almaq, fəallaşdırmaq və gərginliyi
aradan götürmək, yeni dil mühiti yaratmaq üçün istifadə edir. “Buzqıranalar”a fiziki
hərəkətlərlə oyunlar, iştirakçıların bir-biri ilə tanışlığı, dairədə zarafatlar, komplimentlər
daxildir. Bu metoddan istifadə yorğunluğu, dərs prosesindəki mənfi enerjini azaldır.
53
Situasiyadan asılı olaraq onu “ Məndən sonra təkrar et”, “Mən elə insanlara heyranam
ki...”, “mən kiməm”, “Salamlama”, “Tanışlıq”, “Adlar və xarakterlər” və s. adlandırmaq
olar. Məsələn, “Adlar və xarakterlər” - dən istifadə zamanı iştirakçılar öz adlarının baş
hərfi ilə başlayan sifətdən istifadə edərək özlərini təqdim edirlər: “Ağıllı Ayaz”, “Peşəkar
Pərviz” və s.
Bu strategiya şagirdlərin bir-birinə hörmət və inamını inkişaf etdirir, sağlam ünsiyyət
və dəstəkverici şərait yaradır. Bu mərhələdə şagirdlər ən çox dinləyib-anlama və danışıq
vərdişləri qazanırlar.
“Əqli hücum”. Bəzən “Beyin fırtınası” kimi də adlandırılan bu üsulun üstünlüyü
ondadır ki, burada təcili sürətdə ümumi məqsədlə bağlı müxtəlif ideyalar yaradılır, əsasən,
dərsin motivasiya mərhələsində tətbiq olunur. Bu zaman cavablar bir-birini təkrar
etməməlidir. Bu metod istifadə etməklə şagirdlərdən verilən mövzu ətrafında ideyalar tez
bir zamanda toplanır, siyahıya alınır və ya “Əqli Xəritə”, “Hörümçək Toru”, “Salxım”,
“Balıq sümüyü” üzərində göstərilir. Təkliflər toplanarkən müzakirə və tənqidlər istisna
edilir. Bu fəaliyyət növü 5-10 dəqiqə çəkir. Məsələn, “Ətraf aləm nədir?”, “Sağlamlıq nə
deməkdir?” “İdman nə üçün lazımdır?”, “Məktəb sənə necə kömək edir?” və s.
Bu metodun tətbiqi zamanı müəllim şagirdlərin qabiliyyətlərini fərqləndirir, onların
verilən mövzu ətrafında nə düşündüklərini, nə dərəcədə məlumatlı olduqlarının üzə çıxarır.
Bu metod şagirdlərdə dinləyib-anlama və danışıq vərdişləri yaradır. Şagirdlər “bəli”,
“xeyr” cavablarından uzaqlaşmalı, dili geniş aspektdə işlətməlidirlər. Yadda saxlamaq
lazımdır ki, bu metoddan istifadə edərkən müəllim razılaşmalıdır ki, səhv fikir yoxdur,
müxtəlif fikir var. Bu üsulun tətbiqi ilə şagirdlər tədqiqat aparmaq yollarını öyrənir və
axtarışlar aparır, müstəqil düşünmə qabiliyyətlərini nümayiş etdirirlər. Bu onların tənqidi
təfəkkürlərinin inkişafına müsbət təsir göstərir.
Məsələn, şagirdlər konkret mövzu və ya problem haqqında ilk ideyalarını səsləndirir
və onları qeyd edirlər. Burada əsas məqsəd şagirdlərin mümkün qədər çox fikir
söyləməsinə nail olmaqdır. Fikirlər qeyd olunduqdan sonra onlar qruplarda təhlil və təsnif
edilir, seçilmiş ideyaların müzakirəsi aparılır.
Dinləyib-anlama üzrə
Dinləyib-anlama bacarıqları avtomatik inkişaf etdirilməlidir. Necə olur olsun,
dinləyb-anlama komunikativ prosesin ən mühüm aspekti olaraq praktikada tətbiq olunmağa
54
ehtiyacı vardır. Dinləyib-anlama fəaliyyəti zamanı müxtəlif produktiv vərdişlər qazanılır.
Dinləyib-anlamanın müxtəlif tiplərindən asılı olaraq metod və üsullar da müxtəlif olur.
Spesifik dinləmə zamanı şagirdlər cavabını bilmək istədikləri məlumat haqqında
spesifik suallar verirlər. “Sual-cavab”, “Səhvi tap”, “Məndən sonra de”, “İnformasiya
boşluqları”, “Fərqi tap”və s.
İntensiv dinləmə odur ki, şagirdlər müəyyən məlumat əldə etmək üçün hansısa bir
mühazirəyə qulaq asırlar və ya müəllim tərəfindən səsləndirilmiş hekayəni dinləyirlər.
Ekstensiv dinləmə zamanı isə şagirdlər disk, CD üzərində olan çalışmalara, musiqi
parçalarına və ya radioda hər hansı bir hekayəyə qulaq asırlar.
Şagirdlərin verilən qaydaları, elanları, filmləri, sualların cavablarını başa düşməyə
ehtiyacları vardır. Effektli dinləyib-anlama tədris prosesində düzgün canlı tələffüz və
intonasiyaya əsaslanır. Bunun üçün disk, CD çalışmaları bu vərdişin qazanılmasında
mühüm rol oynayır, onlar bu üsulla yazılı, şifahi tapşırıqları cəld yerinə yetirməyi
öyrənirlər. Dinləmənin mahiyyəti odur ki, müəllim hər hansı bir situasiyanın əsas ideyasını
öyrənmək istəyir. Bu zaman aşağıdakı texnologiyalardan istifadə olunması faydalı hesab
edilir:
İnformasiya boşluqları
Fiziki hərəkətə çağırış
Məndən sonra de
Səhvimi düzəlt
Şəkilli imla
Musiqili imla
Yarımçıq hekayə
Təsvir et və şəklini çək
Zəncirli hekayə
Səhvlərlə hekayə
Auksion
İnformasiya boşluqları eyni mətnin və ya məlumatın iki ayrı- ayrı vərəqdə
müəyyən boşluqlarla verilməsidir. Bu üsulun tətbiqi zamanı iki şagird iştirak edir və bir
şagirdin vərəqində verilməyən məlimat digər şagirdin vərəqində verilir. Bunun üçün mətni
Dostları ilə paylaş: |