60
suallar vermək, sinonim və ya antonimi tapmaq, səhv fikirləri tapmaq və s. kimi
texnologiyalardan istifadə olunur.
Venn diaqramı üsulu əşya və hadisələrin müqayisəsində, onların fərqli və oxşar
cəhətlərinin diaqramlaşdırılmasinda istifadə olunur.
İnsert (interaktiv qeydetmə sistemi) üsulu şagirdlərin tənqidi təfəkkürünün, oxu
bacarıqlarının inkişaf etdirilməsi üçün nəzərdə tutulmuş bir texnologiyadır.
Xarici dil dərslərində informasiya xarakterli mətnlərin oxunması və oradakı zəruri
informasiyanın seçilməsi mühüm əhəmiyyət kəsb edir. Oxu prosesində şagirdlər hər abzası
aşağıdakı kimi işarələyir:
məlumat başa düşülmür – (?)
bildiyim məlumat – (√)
yeni məlumat – (+)
əvvəlkiləri inkar edən məlumat – (-)
Bu yolla bütün siniflə ümumiləşdirmələr aparılır, hansı məlumatın şagirdlərə nə
dərəcədə aydın olmadığı, onların hansı məlumatı bilmədikləri müəyyənləşdirilir və izahat
işləri aparılır.
Kəsiklərlə oxu prosesində müəllim verilmiş mətni kağız üzərində kiçik hissələrə
bölür və şagirdlər arasında paylaşdırır, hər kəs öz kəsiyində olan məlumatı bir neçə şagird
arasında bölür və eyni zamanda dostlarının kəsiyində olan məlumatları da öyrənir. Bu
üsulla şagirdlər mətni qısa müddət ərzində əməkdaşlıq şəraitində mənimsəyirlər.
Qarışıq cümlələr üsulundan istifadə zamanı mətndəki cümlələr qarışıq formada
verilir və şagirdlər qruplarda birgə fəaliyyət nəticəsində mətndən götürülmüş qarışdırılmış
abzas və ya cümlələri baş verən hadisələrin məntiqi ardıcıllığına uyğun sıraya düzürlər.
Əks mənada oxu üsulu ilə iş şagirdlərin tənqidi və məntiqi təfəkkürlərini gücləndirir,
mətndə verilmiş bütün cümlə üzvlərini əksinə qoyub oxuyurlar. Məsələn: “Qoca qadın
balaca itini parka gəzməyə apardı”. Əks məna: “Gənc oğlan böyük pişiyi ilə birlikdə evdə
qaldı”. Bu metodla şagirdlər həmçinin zəngin lüğət ehtiyatına malik olur və məntiqi
tamamlama qabiliyyəti qazanırlar.
Cümləni tap üsulunda müəllim mətni oxuyarkən şagirdlər aşağıdakı tələblərə uyğun
fəaliyyət göstərir və müvafiq tapşırığı yerinə yetirirlər
61
a) ən gözəl cümləni seç; b) ən maraqlı fikri müəyyənləşdir; c) təəccüblü fikir ifadə
edən cümləni seç; d) mətndəki əsas ideyanı ifadə edən cümləni tap; e) anlamadığın
cümləni göstər; f) rast gəldiyin fakt və hadisələri xatırladan cümləni göstər; g) razılaşdığın
və ya razılaşmadığın fikirləri ifadə edən cümləni göstər.
BİBÖ (KWL ) bu üsuldan yeni bilik öyrədən, ümumiləşdirici və yekunlaşdırıcı dərs
tiplərində şagirdlərin oxu, dinləyib-anlama və sual qurma bacarıqlarının formalaşdırılması
üçün daha çox istifadə edilir. Əsas məqsəd qazanılmış bilik və təcrübə ilə yeni biliklər
arasında əlaqə yaratmaqdır. Bu zaman həm qrup, həm də cütlərlə işləmək mümkün olur.
Yazı üzrə
Yazı daha ciddi və dilin qanunlarına tabe olan bir fəaliyyət növü kimi başa düşülür.
Şagirdlər yazı vasitəsilə öz fikirlərini daha geniş ifadə edirlər, qrammatik modellərdən və
birləşmələrdən istifadə edərək eşitdiklərini düzgün yazırlar. Sərbəstliyi, plan tərtib etməyi,
yeni proyektlər qurmağı, müxtəlif yazı nümunələrini tərtib etmək bacarığını əldə edirlər.
Orta məktəbdə yazı fəaliyyəti texnologiyaları bunlardır:
Təsviri yazılar
Hekayə, nağıl və şəkil üzrə yazılar
Analitik yazılar
Arqumentli yazı
Layihə yazıları
Məktublar
Məruzələr
Əməli yazılar
Təsviri yazılarda şagirdlər təbiət, bu və ya digər həyat hadisələrini özünəməxsus
tərzdə təsvir edir, bu zaman öyrəndiyi yeni söz və ifadələrdən, cümlə modellərindən
istifadə edir. Fikirlərini obrazlı ifadələrdən istifadə etməklə yazır.
Hekayə, nağıl və şəkil üzrə yazılar buraya macəra, nağıllar, fantaziya, tarixi
hadisələr, sirli hekayələr, elmi xəbərlər aiddir. Şagirdlər filmə tamaşa edib, yaxud başlarına
gələn macəra haqqında öz fikirlərini yazırlar.
Analitik yazılar bunlar ilkin və orta səviyyəli yazı bacarıqları əsasında mətndə səbəb
və onun nəticələri, müqayisə və ziddiyyəti, əsas ideya və kiçik detallar haqqında olan
yazılardır. Belə yazılarda şagirdlər özünün təhlil xarakterli fikirlərini müxtəlif formalarda
62
(beyin xəritəsi-“Mind Map”, qrafik cədvəllər-“Graphic organiser”, diaqramlar- “Diagrams”
) ümumiləşdirməklə ifadə edirlər.
Arqumentli yazı hər hansı bir müəllifin fikrindən, statistik məlumatdan, sitatlardan
istifadə olunmaqla hazırlanmış yazıdır. Belə yazılarda görkəmli şəxslərin kəlamlarından,
sitatlardan istifadə edilir.
Yaradıcı yazı strategiyalarını həyata keçirmək üçün müxtəlif texnologiyalar işlədilir:
Üç əlaqəsiz əşya
Səhvlərlə yazı
Şagirdən-şagirdə ötürülən yazı
Qrupdan-qrupa ötürülən yazı
Banan imlası
Sənin dediyin barədə mən nə düşünürəm
Şəkli yada sal
Arqument yazı
Üç əlaqəsiz əşya - üsulu ilə şagirdlər əlaqəsi olmayan üç əşyanın adını lövhədə yazır
və onları bir hekayədə əlaqələndirirlər. Qruplar bir-birlərinə öz yazdıqlarını oxuyur və
səhvlərini düzəldirlər. Bu strategiyalar şagirdlərdə düşüncə, qavrama, yaradıcılıq,
əlaqələndirmə, müqayisə etmə kimi bacarıqların formalaşmasına imkan yaradır.
Səhvlərlə yazı qrammatik bazanı möhkəmləndirən yazı texnologiyalarındandır. Bu
üsulda şagirdlər hər hansı bir mətndə verilmiş səhvləri düzəldərək qrammatik biliklərini
yada salır və yazı bacarıqlarını inkişaf etdirirlər.
Cümlə tamamlama texnologiyası ilə şagirdlərin həm mətn haqqında sərbəst tənqidi
təfəkkürü, həm də ətrafdakılar haqqında düşüncələri əks olunur.
Mən indi hiss edirəm ki, ...
Mənim ən qəmli günlərim ...
Mən dərsdən sonra ....xoşlayıram.
Mən arzu edirəm ki, ...
Mənim ... ehtiyacım var.
Ən vacib şey odur ki, ...
Mən o vaxt şənlənirəım ki, ...
Dostları ilə paylaş: |