55
hər iki şagird diqqətlə dinləyəməli, fikirləri izləməli və ardıcıl oxumalıdırlar. Bu metodun
tətbiqi nəticəsində əməkdaşlıq və bir-birini gözləmək tələb olunur.
Məndən sonra de metodu ilə müəllim istənilən bir mətni qısa şəkildə söyləyir və
bitdikdən sonra şagirdlər mətni yadda saxladıqları kimi şərh edirlər. Bunun üçün şagirdlər
mətni diqqətlə dinləməli və məlumatı anlamalıdırlar.
Səhvimi düzəlt ən uğurlu dinləyib-anlama metodlarından biridir. Müəllim və ya hər
hansı bir şagird mətni bir-iki dəfə oxuyur, şagirdlərin diqqətini sual-cavab və mətnə uyğun
şəkillərlə yoxlayır. Sonra qəsdən mətni səhvlərlə deyir, diqqətlə qulaq asan şagirdlər
səhvləri düzəldir.
Şəkilli imla bu metod xarici dilin vizual vasitələrlə mənimsənilməsində çox böyük
rol oynayır və şagirdlərin düşüncə, məntiqi təfəkkürünü möhkəmləndirir. Müəllim mətni
oxuduqdan sonra ona aid şəkilləri qarışıq formada lövhəyə düzür, diqqətlə dinləyən
şagirdlər şəkilləri hadisələri baş verməsi ardıcıllığı ilə sıraya düzür.
Musiqili imla istənilən bir musiqi parçasını səsləndirir və şagirdlər dinləyərək yadda
qalan şəkildə onu təkrar edir və ya verilmiş vərəqlərdə yazırlar. Şagirdlərin musiqi
parçasının sözlərini tam mənimsəyənə qədər bu fəaliyyət bir neçə dəfə təkrar edilir.
Yarımçıq hekayə müəllim mətni oxuduqdan sonra yarımçıq hekayəni şagirdlərə iş
vərəqlərində paylayır və ikinci mərhələdə şagirdlər mətni yadda saxladıqları kimi
tamamlayırlar. Qrupların təqdimatında düzgün cavablar uzlaşdırılır və ən yaxşı
tamamlanmış mətni təqdim edən qrup oyunun qalibi olur. Bu metodla şagirdlər çoxlu yeni
söz öyrənirlər.
Təsvir et və şəklini çək bu üsul ilə müəllim mətni asta şəkildə oxuyur və şagirdlər
diqqətlə dinləyərək mətni verilmiş ağ vərəqlərdə təsvir edirlər, ən yaxşı cavablar təqdim
edilir və düzgün şəkilli mətn çəkən qrup oyunun qalibi olur.
Kim çox səhv tapar? üsulu ilə müəllim hansısa məşhur bir hekayəni götürüb
şagirdlərlə birgə oxuyur. Hər hansı bir şagird hekayəni bildiyi kimi söyləyir və digər kiçik
qruplar onun etdiyi səhvləri sayır. Hansı qrup çox səhv tapsa, o qrup oyunun qalibi hesab
edilir. Bu üsul nəticəsində şagirdlər izah, şərh, təsvir və illüstrasiya etməyi, fikir söyləməyi
öyrənirlər.
Zəncirli hekayə bu üsul vasitəsilə şagirdlər bir sıraya düzülərək hər hansı bir mövzu
ətrafında ardıcıl hekayə qururlar: 1-ci şagird iki söz, 2-ci şagird 3 söz, 4-cü şagird 4 söz və
56
belə davam edərək cümlələr qurur və hekayəni tamamlayırlar. Bunun uğurla başa çatması
üçün şagirdlər bir-birlərini diqqətlə dinləməlidirlər ki, mətni mənaca ardıcıl və düzgün
tamamlasınlar.
Auksion üsulundan əşya və hadisələrin xüsusiyyətlərini öyrənməklə dinləyib-
anlama bacarıqlarının inkişafı üçün istifadə olunur. Bu üsul, əsasən, təlimin ilk
mərhələsində tətbiq edilir. Məsələn, müəllim əşya və ya hadisəni təqdim edir, hamı növbə
ilə onun xüsusiyyətləri barədə fikir söyləyir. Fikir söyləmək üçün 2-yə qədər sayılır. Əgər
2-dən sonra şagirdlər tərəfindən heç bir xüsusiyyət deyilmirsə, əşya “satılmış” hesab
olunur. Bu üsuldan dərsin motivasiya və nəticələrin çıxarılması mərhələsində daha səmərəli
istifadə oluna bilər.
Fiziki hərəkətlə çağırış. Bu, dinləyib-anlama və danışıq fəaliyyətinin ən uğurlu
üsullarından biridir. Əvvəlcə, müəllim mətni oxuyaraq məzmunu hərəkətlərlə nümayiş
etdirir. Sonra şagirdlərə komanda verilir ki, bu hərəkətləri mətni oxuyarkən yerinə
yetirsinlər. İkinci mərhələdə şagirdlər iki qrupa bölünür və birinci qrup mətni oxuyaraq
ikinci qrupa məzmunu hərəkətlərlə göstərmək barədə komanda verir və ya əksinə, ikinci
qrup hərəkətləri nümayiş etdirir, birinci qrup hərəkətləri adlandırır və ifadə edir. Bu üsul
yaddaşın möhkəmlənməsinə kömək edir və fiziki tərbiyə fənninə inteqrasiya olunaraq
şagirdlərin mövzunu bütöv şəkildə mənimsəməsinə xidmət göstərir.
Danışma fəaliyyəti
Danışma fəaliyyəti vərdişləri xarici dildə kommunikasiya yaradaraq axıcı, bəsit və
uyğunluğu ilə şagirdlərə sərbəst düşüncə və güc verir. Düzgün, səliqəli danışıq dilində
şagirdlər lüğət və qrammatikanı düzgün işlətməli, qarşılıqlı düzgün əlaqə yaratmalı, dəqiq
vaxt müəyyənləşdirməlidirlər. Axıcı danışıq isə əksinə, heç bir vaxt qoymadan, qrammatik
və lüğət düzgünlüyünə əsaslanmayan, sürətli danışıq dilidir. Bu gün hər bir müəllim
şagirdlərdə əvvəlcə səliqəli, düzgün, sonra axıcı danışıq vərdişlərini aşılamalıdır. Burada
fəaliyyət növü və şagirdin səviyyəsi də nəzərə alınmalıdır.
Danışma fəaliyyəti ilə bağlı texnologiyalar aşağıdakılardır:
“Cütlükdə düşün və paylaş”, “Daxildə və xaricdə” , “Ziqzaq”, “Rollu oyun”,
“Söhbət kartları”, “Müsahibə”, “Müzakirə”, “Mətbuat“, “Debat“, “Dialoq“, “Şəkillərin
təsviri“, “İnformasiya boşluqları“, “Dəyirmi masa“, “Dairəvi söhbət “ və s. Xarici dil
təlimində standart dərs formaları ilə yanaşı, dərs – müzakirə, dərs – konfrans, dərs – tok-
Dostları ilə paylaş: |