57
şou, dərs – ekskursiya, inteqrativ dərs və s. kimi aşağıdakı qeyri-standart formalardan
səmərəli istifadə edilə bilər:
Şəkillərlə suallar və komanda
Şəkilli hekayə
Səhvimi tap
Müzakirədə olan obyektlərin rəsmini çəkmək
Söz assossasiyaları
Cümlələri şəkillərlə uzlaşdırmaq
Obyektləri şəkillərdə seçmək
Rollu oyun
Fərqi tap
Şifahi təsvirdən obyektlərin adlarını tapmaq
Tap görüm kim …
Bitməmiş hekayə
Problem vərəqlər
Müsahibə
Debat
Şifahi təqdimatlar
Mətnlərdə problemin həlli
Müzakirə öyrənilən dil materiallarının düzgün tətbiq edilməsinə real şərait yaradır.
Müzakirənin səmərəli olmasında əsas şərt iştirakçıların hamısının müzakirədə fəal iştirakı,
məsələyə maraq göstərməsidir. Burada mövzu seçimi mühüm məsələdir. O, aktual olmalı
və müzakirə doğurmalıdır. Müzakirə formasının əhəmiyyəti ondan ibarətdir ki, bu prosesdə
şagirdlərdə dialoq aparma, ünsiyyət qurma bacarıqları inkişaf edir, müəllim-şagird
münasibətləri əməkdaşlıq xarakteri alır, sinifdə demokratik mühit formalaşır. Şagirdlərə öz
fikir və mülahizələrini xarici dildə ifadə etmək üçün əlverişli şərait yaranır.
Müzakirə, əsasən, hər hansı bir bölmə yekunlaşdırıldıqdan sonra aparılır. Müzakirə
zamanı şagirdlərin bilik səviyyəsi və lüğət ehtiyatı nəzərə alınmalıdır.
Dərs–mətbuat konfransı tipli dərslərin keçirilməsində məqsəd şagirdlərin nitqini,
sual vermək, mülahizə yürütmək, fikir mübadiləsi aparmaq bacarıqlarını inkişaf etdirmək,
58
onların dünyagörüşlərini genişləndirməkdir. Bu dərslərdə şagirdlərin bir qismi jurnalist,
digərləri isə qonaq kimi iştirak edirlər. Müəllim proses ərzində şagirdlərin fəaliyyətini
müşahidə edir və dərsin sonunda onları qiymətləndirir.
Tok-şou formalı dərslər şagirdlərin nitq, müstəqil və yaradıcı işləmək bacarıqlarının
inkişaf etdirilməsində əhəmiyyətli rol oynayır. Əvvəlcədən sinifdə hazırlıq işləri aparılır,
mövzu elan edilir. Şagirdlərdən bir neçəsi mövzu ilə bağlı müəyyən araşdırmalar aparmış
“alimlər” kimi çıxış edərək problemlərə aid fikirlərini əsaslandırırlar. Sonra “alimlərin”
nitqlərində işlətdikləri sözlərin mənaları üzərində iş aparılır, şagirdlərlə birlikdə problemin
həlli yolları araşdırılır və ümumi nəticələr çıxarılır. Bu prosesdə müəllim, əsasən,
istiqamətverici rolda çıxış edir.
Dərs–ekskursiya belə dərslərdə şagirdlər öyrəndiklərini təkrar edir, sadə
ümumiləşdirmələr aparırlar. Diqqət mərkəzində, onların nitq bacarıqlarının inkişafı
dayanır. Proses isə belə aparılır: müəllim mövzunu elan edir, ayrı-ayrı şagirdlər gələn
“qonaqlara” öz məktəblərini, şəhərlərini təqdim edir, digər şagirdlər isə yeri gəldikcə
əlavələr edirlər. Müəllim şagirdləri müşahidə edir və qiymətləndirir.
Klaster üsulundan hər dərsin əvvəlində şagirdlərin mövzu ilə bağlı hansı sözləri
bildiklərini, həm də dərsin sonunda onların hansı yeni sözləri öyrəndiklərini aşkara
çıxarmaq məqsədilə istifadə edilir. Bu üsulun tətbiqi şagirdləri mövzu haqqında açıq və
sərbəst düşünməyə, verilmiş əsas anlayışa aid söz assosiasiyalarını tapmağa, onların lüğət
ehtiyatının zənginləşməsinə əhəmiyyətli təsir göstərir.
Rollu oyun yeni problemə müxtəlif yanaşmaları əks etdirir. İştirakçılar cəmiyyətin
müxtəlif üzvlərinin timsalında konkret bir problemi öz mövqelərindən qiymətləndirirlər. Bu
üsulun tətbiqində əsas məqsəd şagirdlərin rəy söyləmək və fikirlərini əsaslandırmaq,
tənqidi təfəkkürlərini inkişaf etdirmək, əməkdaşlıq etmək, digərlərinin fikrinə münasibət
bəsləmək bacarıqlarının formalaşdırılmasıdır. Şagirdlərin bu oyunlardan əldə etdiyi başlıca
keyfiyyət – emosional təəssüratdır. Emosional təəssürat dərsin gedişində informasiyanın,
problemin səmərəli qavranılması üçün əsas rol oynayır.
Dəyirmi masa üsulundan şagirdlərin yaradıcı təfəkkürünü inkişaf etdirmək üçün
istifadə olunur. Sinif daxilində bölünən hər qrupa 1 cümlə paylanır və həmin cümlələr
qrupun digər üzvləri tərəfindən inkişaf etdirilir və nəticədə qrupların sayı qədər kiçik
mətnlər alınır. Sonra bu mətnlər dinlənilir, müzakirə edilir və qiymətləndirilir.
59
Dairəvi söhbət zamanı şagirdlər öz təcrübələrindən, hadisələrə münasibətlərindən və
real həyatda gördükləri gerçəkliklər haqqında danışırlar.
Tok-şou formalı dərslər şagirdlərin nitq, müstəqil və yaradıcı işləmək bacarıqlarının
inkişaf etdirilməsində əhəmiyyətli rol oynayır. Əvvəlcədən sinifdə hazırlıq işləri aparılır,
mövzu elan edilir. Şagirdlərdən bir neçəsi mövzu ilə bağlı müəyyən araşdırmalar aparmış
“alimlər” kimi çıxış edərək problemlərə aid fikirlərini əsaslandırırlar. Sonra “alimlərin”
nitqlərində işlətdikləri sözlərin mənaları üzərində iş aparılır, şagirdlərlə birlikdə problemin
həlli yolları araşdırılır və ümumi nəticələr çıxarılır. Bu prosesdə müəllim, əsasən,
istiqamətverici rolda çıxış edir.
Debat iki əks möqedə duran və çapraz suallar ətrafında hər bir tərəfin öz mühakiməsi
və özünü müdafiə etməsindən ibarətdir. Məsələn, Mən o vaxt şənlənirəm ki, Mən o vaxt
yoruluram ki, ..., Mən o insanları sevirəm ki , və s.
Tap gör kim. oyunu diskusiya xarakterli üsuldur. Bu oyun vasitəsilə şagirdlər sinifdə
üzərində Tap gör kim şəhərdə anadan olub, rəqs etməyi xoşlayır, yaxşı piano çalır, və s.
yazılmış vərəqi götürüb bir-birilərindən soruşub çoxlu ad yazırlar və sonda
ümumiləşdirərək ayrı-ayrı fərdlərin müxtəlif fəaliyyətlərini səsləndirirlər.
Kateqoriyalar oyununda şagirdlər axıcı nitqə və geniş lüğətə yiyələnirlər. Şagirdlərə
müxtəlif mövzular (uçan əşyalar, yaşıl əşyalar və s.) təqdim olunur bu mövzulara aid
fikirlər söyləmək tələb edilir. Şagirdlər müxtəlif kateqoriyaları ifadə edən bu mövzular
ətrafında fikirlərini söyləyir, münasibətlərini bildirirlər.
Fərqi tap şəkil üzrə söhbətdir. Bu üsulla iki şagird ayrı-ayrı vərəqlərdə olan
şəkillərdəki fərqi söyləyir və çoxlu söz öyrənir.
Qeybət üsulunda şagirdlər bir-birinin qulaqlarına hansısa bir qeybəti söyləyirlər.
Sonda söyləyən əvvəl söyləyənin dediyini düz söyləyirsə, oyunun qalibi olur. Bu oyun
zəncirvari şəkildə davam edir və s.
Oxu üzrə
Oxu nitq fəaliyyətinin növlərindən biridir. Oxu zamanı şagirdlər bilik qazanmaq
həyatı öyrənmək, asudə vaxtını səmərəli keçirmək üçün onun imkanlarından istifadə
edirlər. Sinifdə oxu məlumatverici xarakterdə olmalı, açar sözlər tapılmalı, şagird əsas
ideyanı başa düşərək oxumalı və mənanı anlamalıdır. Oxu prosesində qarışıq hekayə,
səhv-düz cavablar, bəli-xeyr cavablar, başlıq seçmək, cümləni tamamlamaq, xüsusi
Dostları ilə paylaş: |