14
- təklif edilən sahə laboratoriyasının yaradılmasının məqsəd və vəzifələri
(laboratoriyanın elmi istiqamətləri və tədqiqatların gözlənilən nəticələrinin texniki-
iqtisadi dəyəri);
- təklif olunan elmi rəhbər;
- ali məktəbdə və ya sifarişçi nazirliyin (idarənin) müəssisə və təşkilatlarında
laboratoriyanın normal fəaliyyəti üçün ayrılan sahə haqqında məlumat;
- yeni yaradılacaq sahə laboratoriyasına elmi himayədarlıq edəcək kafedranın
adı, onun professor-müəllim heyəti haqda məlumat;
- sifarişçi tərəfindən sahə laboratoriyasında görüləcək elmi-tədqiqat işlərinin
dəyərinin ödənilməsi məqsədilə ayrılan maliyyə vəsaitin həcmi.
12. Sahə laboratoriyasının mühasibat uçotu və maliyyə əməliyyatları ali
məktəbin mühasibatlığı tərəfindən həyata keçirilir.
13. Sahə laboratoriyasının fəaliyyətinə nəzarət ali məktəbin tabe olduğu
nazirlik (idarə) və sifarişçi nazirlik (idarə) tərəfindən həyata keçirilir.
14. Sahə laboratoriyası ali məktəbin tabe olduğu nazirlik (idarə) və sifarişçi
nazirliklərin (idarələrin) birgə qərarına əsasən ali məktəbin tabe olduğu nazirliyin
əmri ilə ləğv və yenidən təşkil edilə bilər. Sahə laboratoriyasının ləğv edilməsi
haqqında qərar qəbul edildikdən sonra bu barədə ali məktəbə məlumat verilməli və
həmin sahə laboratoriyasının fəaliyyəti üç aydan gec olmayaraq dayandırılmalıdır.
Laboratoriya ləğv edildikdən sonra avadanlıq və başqa əmlak ali məktəbin
balansında saxlanılıb, müvafiq elmi-tədqiqat (sahə) laboratoriyalarına və ya
kafedralara verilir.
15. Sahə laboratoriyasının fəaliyyəti ilə bağlı bu Əsasnamədə nəzərdə
tutulmayan bütün məsələlər, ali məktəbin tabe olduğu nazirlik tərəfindən həll
edilir.
Azərbaycan Respublikası Nazirlər
Kabinetinin 1995-ci il 6 noyabr tarixli
242 nömrəli qərarı ilə təsdiq edilmişdir
4 №-li Əlavə
Təsərrüfat hesablı elmi-tədqiqat işləri haqqında
Ə S A S N A M Ə
1. Ali məktəbin elmi tədqiqatlar aparan bölmələri (icraçı) istehsalat və elmi-
tədqiqat birlikləri, müəssisə və təşkilatlar ilə (sifarişçi təşkilat) təsərrüfat
müqavilələri fundamental, axtarış və tətbiqi tədqiqatlar, təcrübə-konstruktor və
texnoloji xidmətlərin, bundan əlavə təsərrüfat müqavilələri ali məktəbdə aparılan
elmi tədqiqatların nəticələrini, ixtiralarını xalq təsərrüfatına tətbiq etmək,
elmtutumlu və aztonnajlı, xırda seriyalı məhsulun istehsalı, proqram vəsaitlərinin
yaradılması və elmi-texniki xidmətlərin göstərilməsi üçün bağlana bilər.
15
2. Elmi təşkilatlar təsərrüfat müqavilələri əsasında sahədaxili və sahələrarası
problemlərin həll edilməsi məqsədilə, ali məktəbin ixtisas istiqamtlərinə müvafiq,
xalq təsərrüfatı üçün hazırladığı mütəxəssislərin profilinə uyğun və ali məktəbdə
alınmış fundamental tədqiqatların nəticələrinə əsaslanaraq elmi-tədqiqat və
konstruktor texnoloji işlər aparırlar.
3. Təsərrüfat hesablı elmi-tədqiqat işləri icraçı bölmələrin ştat işçiləri, ali
məktəbin professor-müəllim heyəti, rəhbər, mühəndis-texniki işçiləri və başqa
mütəxəssisləri, tədris-köməkçi heyəti, aspirant və tələbələri, daxili ştat əvəzçiliyi
şərtləri ilə və qismən əməkdaşlıq haqqında razılıq əsasında kənardan cəlb edilmiş
mütəxəssislər tərəifndən yerinə yetirilir.
4. Təsərrüfat hesablı elmi-tədqiqat işləri ali məktəblərdə elmi-tədqiqat
işlərinin təşkili və planlaşdırılması haqqında Əsasnaməyə müvafiq həyata keçirilir.
5. Müqavilədə xüsusi şərt olmadıqda təsərrüfat hesablı elmi-tədqiqat işlərinin
aparılması üçün lazım olan sahə, avadanlıq, elektrik enerjisi və s. icraçı tərəifndən
təmin edilir.
6. Təsərrüfat hesablı müqavilənin icrası müddətində ayrılan vəsait hesabına
əldə edilən avadanlıq, ləvazimat və s. iş başa çatdıqdan sonra icraçı müəsisənin
balansında qalır.
7. Elmi təşkilatların müqavilələr əsasında alınmış elmi-texniki məhsulları
əmtəədir.
8. Elmi-texniki məhsula aşağıdakılar aiddir:
- elmi-tədqiqat, konstruktor, texnoloji və layihə işləri və onların mərhələləri;
- elmtutumlu tədqiqatlar sahəsində elmi-texniki layihələr;
- elmi-texniki və təcrübə-konstruktor işlərinin nəticələri əsasında yaradılmış
materialların, yeni cihaz və texnikanın sınaq nümunələri;
- ali məktəbin sınaq bazasında yaradılmış xırda seriyalı və aztonnajlı
elmtutumlu məhsullar;
- hesablama texnikası üçün yaradılmış proqram vasitələri, elm-istehsalat
xiddmətləri, həmçinin informasiya, informatika, metrologiya, patent-lisenziya
sahələrində görülən xidmətlər;
- elmi-texniki, iqtisadi, idarəetmə və s. sahələrdə məsləhətverici və ekspert
xidmətləri.
9. Təsərrüfat müqaviləsi ali məktəbin rektoru, elmi işlər üzrə prorektor və
yaxud məktəbin nəzdindəki hüquqi şəxs statusuna malik olan elmi-tədqiqat
təşkilatının rəhbəri tərəifndən təsdiq edilir.
10. Bağlanmış müqavilə elmi-texniki məhsulun sifarişçisi və icraçısı arasında
münasibətləri tənzimləyən, götürülmüş öhdəliklər və onların yerinə yetirilməsi
üzrə qarşılıqlı iqtisadi məsuliyyəti müəyyənləşdirən əsas hüquqi və maliyyə
sənədidir.