Azərbaycan respublikasi naziRLƏr kabineti
Yüklə 242,94 Kb. Pdf görüntüsü
|
- Bu səhifədəki naviqasiya:
- Ali məktəbin nəzdindəki elmi-tədqiqat institutu və elmi-tədqiqat mərkəzi haqqında Ə S A S N A M Ə
- ALİ MƏKTƏBLƏRİN “ELMİ-TƏDQİQAT ŞÖBƏSİ” HAQQINDA MÜVƏQQƏTİ ƏSASNAMƏ
18
12. TKB və LTB-yə onların rəhbərləri başçılıq edir. TKB və LTB rəhbəri ali məktəbin təqdimatına əsasən təsisçi nazirlik (idarə) tərəfindən təyin və azad edilir. 13. TKB və LTB-nin rəhbəri respublika qanunvericiliyinin normativ hüquqi aktların icra olunmasını və intizamın qorunmasını təmin edir. TKB və LTB adından bütün təsərrüfat və maliyyə əməliyyatlarını həyata keçirir, təcrübə- konstruktor işlərinin yerinə yetirilməsi üçün müqavilələr bağlayır, bölmələrin iş planlarını təsdiq edir, onların əsasında iş həcmini və ehtiyatları bölür, TKB və LTB üzrə əmrlər verir, əmək qanunvericiliyinə müvafiq işçiləri işə qəbul və işdən azad edir, işçilərin əmək şəraitinin və məişətinin yaxşılaşdırılması və onların mükafatlandırılması məqsədilə TKB və LTB-nin iqtisadi həvəsləndirmə fondundan istifadə edir. 14. TKB və LTB-nin əsas məsələlərinin müzakirəsi üçün onun elmi-texniki şurası yaradılır. Şuranın tərkibi mövcud qaydada TKB və LTB əməkdaşlarından, qismən də ali məktəbin müvafiq kafedralarının üzvlərindən təşkil olunur və rektor tərəfindən təsdiq edilir. Elmi-texniki şuraya TKB və LTB-nin rəhbəri sədrlik edir. Şuranın Əsasnaməsi TKB və LTB-nin rəhbərinin təqdimatı əsasında ali məktəbin rektoru tərəfindən təsdiq edilir.
Azərbaycan Respublikası Nazirlər Kabinetinin 1995-ci il 6 noyabr tarixli 242 nömrəli qərarı ilə təsdiq edilmişdir 6 №-li Əlavə
1. Ali məktəbin nəzdindəki Elmi-tədqiqat institutu (ETİ) və Elmi-tədqiqat mərkəzi (ETM) elmi təşkilat olmaqla, müstəqil balansa və hüquqi şəxs statusuna malikdir. 2. ETİ respublikada sənayenin, iqtisadiyyatın və digər təsərrüfat sahələrinin mühüm elmi-texniki problemlərinin həlli məqsədilə yaradılır. Onun təşkili, yenidən təşkili və ləğvi Dövlət Elm və Texniki Komitəsi ilə razılaşdırılmaqla ali məktəbin tabe olduğu nazirliyin vəsatəti əsasında Azərbaycan Respublikasının Nazirlər Kabineti tərəfindən aparılır. 3. ETİ-nin və ETM-in fəaliyyəti nəzdində olduğu ali məktəbin, təkimlləşdirmə institutularının elmi və tədris fəaliyyəti ilə sıx bağlı olub, Təhsil Nazirliyinin Dövlət Elm və Texnika Komitəsinin və tabeliyində ali məktəb olan nazirliklərin müvafiq qərar, əmr və sərəncamları ilə tənzimlənir.
19
4. ETİ-nin və ETM-nin fəaliyyətini gücləndirmək və elmi-tədqiqat işlərinin keyfiyyətini yüksəltmək məqsədilə ali məktəbin rəhbərliyi qiymətli, nadir tapılan zəruri avadanlıq və cihazları ETİ-nin, ETM-in bazasında yerləşdirilməlidir. 5. ETİ-nin və ETM-in direktoru, laboratoriya və kafedra müdirləri, eləcə də ayrı-ayrı mövzular üzrə elmi rəhbərlər, aparılan elmi-tədqiqat işlərinin keyfiyyəti və səviyyəsi üçün birbaşa məsuliyyət daşıyırlar. 6. Ali məktəbin ETİ-nin və ETM-in əsas vəzifələri: - təsdiq olunmuş elmi istiqamətlər üzrə fundamental və tətbiqi elmi tədqiqatların yerinə yetirilməsi; - öz göstəricilərinə görə elm və texnikanın ən yüksək nailiyyətlərinə uyğun gələn yeni maşın, avadanlıq, materiallar və digər sənaye məmulatlarının, texnoloji proseslərin, diaqnostika və müalicə metodlarının yaradılması məqsədilə, ayrı-ayrı problemlər üzrə elmi-tədqiqat, layihə-konstruktor və təcrübə-texnoloji işlərin nəticələrinin istehsalata tətbiq edilməsinə qədər işlənməsi; - tədqiqat və işlənmələrin nəticələrinin istehsalata, iqtisadiyyata və tədris prosesinə tətbiqi; - ali məktəbin elmi-pedaqoji kadrlarının elmi və ixtisas səviyyəsinin artırılması; - tələbə, aspirant və doktorantların elmi-tədqiqat və təcrübə-konstruktor işlərinin yerinə yetirilməsinə cəlb edilməsi. 7. Ali məktəbin ETİ-də və ETM-də elmi-tədqiqat, layihə-konstruktor və təcrübə-texnoloji işlər ali məktəbin təsdiq edilmiş elmi istiqamətlərinə uyğun tərtib olunmuş mövzu planına əsasən yerinə yetirilir. Bu planlar ali məktəbin müvafiq planlarına müstəqil bölmə kimi daxil edilir. 8. Ali məktəbin ETİ və ETM Azərbaycan Elmlər Akademiyasının elmi təşkilatları, başqa ali məktəblər, sahə nazirliklərinin müəssisə, təşkilat və idarələri ilə müxtəlif təşkilati formalarda, o cümlədən sahələrarası komplekslər, müvəqqəti- yaradıcı kollektivlər, tədrs, elm-istehsalat komplekslərində uzunmüddətli müqavilələr əsasında birgə tədqiqatlar aparır. 9. Ali məktəbin elmi-tədqiqat institutunun maliyyə mənbələrinin ali məktəbin tabe olduğu nazirlik tərəfindən eilmi-tədqiqat işləri üçün dövlət büdcəsindən ayrılan vəsait və təsərrüfat müqavilələri əsasında yerinə yetirilən elmi-tədqiqat, layihə-konstruktor və təcrübə-texnoloji işlərin yerinə yetirilməsi nəticəsində daxil olan vəsait təşkil edir. Dövlət büdcəsindən maliyyələşdirilən işlərin mövzuları DETK tərəfindən təsdiq edilir. 10. Ali məktəbin elmi-tədqiqat institutlarında elmi-tədqiqatlar aşağıdakılar tərəfindən yerinə yetirilir: - ştatda olan rəhbər, elmi, mühəndis-texniki işçilər, konstruktorlar, texnoloqlar və digər mütəxəssis, fəhlə və qulluqçular; - ştat əvəzçiliyi şərti ilə əvəz edilən vəzifənin 0,5 ştat vahidi həcmində əmək haqqı ödənilməklə əsas iş vaxtı daxilində ali məktəbin professor-müəllim və tədris üzrə köməkçi heyəti; - elmi-tədqiqat institutunun elmi axtarışlarına uyğun mövzuda dissertasiya üzərində işləyən aspirantlar və ordinatorlar, elmi-tədqiqat, kurs, diplom işləri və layihələri yerinə yetirilən zaman ali məktəblərin tələbələri, həm əlavə haqq
20
ödənilmədən, həm də təhsildən azad vaxtda ETİ-də tutulan vəzifənin 0,5 ştat vahidi həcmində əmək haqqı ödənilməklə. 11. Ali məktəbdə ETİ və ETM bu Əsasnaməyə uyğun tərtib edilmiş və rektor tərəfindən təsdiq olunmuş Nizamnamə əsasında fəaliyyət göstərir. Nizamnamədə aşağıdakılar göstərilməlidir: - institut və bilavasitə onun tabe olduğu ali məktəbin adı, yerləşdiyi ünvan və onun banklarda olan hesablarının rerkvizitləri; - instituta tapşırılmış əsas məsələlər və onun fəaliyyətinin istiqamətləri; ETİ-nin fəaliyyətinin indiki Əsasnaməyə müvafiq aparılması və hüquqi şəxs statusuna malik olması. Nizamnaməyə ali
məktəbin elmi-tədqiqşat institutunun səciyyəvi xüsusiyyətlərinə aid olan digər qaydalar da daxil edilə bilər. 12. ETİ və ETM ona tapşırılmış vəzifələrə müvafiq olaraq aşağıdakı funksiyaları həyata keçirir. Elmi-tədqiqatların planlaşdırılması və təşkili sahəsində: - elmi-tədqiqat, layihə-konstruktor, təcrübə-texnoloji və müalicə-profilaktika işəlrinin planlarının layihəsini tərtib edir; - təsdiq edilmiş texniki təpşırıq və proqramlara müvafiq olaraq, elmi-tədqiqat işlərinin vaxtında və keyfiyyətli yerinə yetirilməsini, onların səmərəliliyini təmin edir; - tədqiqat və işlənmələrin dövlət qeydiyyatını həyata keçirir; - elmi-tədqiqat işlərinin nəticələrinin xalq təsərrüfatında tətbiqi sahəsində işlər aparır.
Elmi-tədqiqatların təminatı sahəsində: - dövlət elmi-texniki informasiya orqanları vasitəsi ilə elmi işlərin informasiya xidmətini təşkil edir; - elmi-tədqiqatların və işlənmələrin texniki-iqtisadi qiymətləndirilməsini, patent təmizliyi və yüksək elmi-texniki səviyyəsini təmin etmək məqsədi ilə patent tədqiqatlarını aparır, ixtiralar (kəşflər) üzrə təqdimatlar tərtib edir; - tabeliyində olduğu nazirliyə ETİ-nin cihazlarla, avadanlıqlarla, material və reaktivlərlə təchiz olunması haqqında, qiymətli və nadir avadanlıq, hesablama texnikası vasitələrinin səmərəli istifadəsi üzrə təkliflər hazırlayır; - istifadə edilən ölçmə vasitələri və metodlarının, buraxılan elmi-texniki, konstruktor və texnoloji sənədlərin qüvvədə olan dövlət standartları, texniki şərtlər və başqa normativlərə uyğunluğunu təmin edir, ölçmə vasitələrini dövlət yoxlamasına təqdim edir. Elmi-tədqiqatların tədris prosesi ilə əlaqəsi sahəsində: - ali təhsilin elmi problemlərinin həllində və təkmilləşdirilməsində iştirak edir; - elmi işçiləri tələbə və aspirantların elmi işlərinə rəhbərliyə cəlb edir; - ETİ-nin və ETM-nin ştatında olan elmi əməkdaşları işdən kənar vaxtda əvəzçilik və əmək haqqının saat hesabı ödənilməsi şərti ilə mühazirələr oxumağa və digər tədris işlərinə cəlb edir; - öz laboratoriya bazasını tələbələr, aspirantlar, klinik ordinatorlar və doktorantlara tədqiqatlar aparmaq üçün, o cümlədən kurs və diplom layihələrinin
21
(işlərinin), tədris-tədqiqat işləri və istehsalat təcrübəsinin keçirilməsinə təqdim edir;
- ali məktəbin mövcud tədris laboratoriyalarının təkmilləşdirilməsi və yenisinin təşkilində iştirak edir, tədris prosesində elmi tədqiqatların nəticələrinin istifadə edilməsinə köməklik göstərir. Əməyin təşkili, tədqiqatların və əmək haqqının maliyyələşdirilməsi sahəsində: - ayrılmış vəsait dairəsində ştat sayının, stimullaşdırıcı xarakter daşıyan ödəmələrin məbləğini müəyyən edir, eləcə də gəlir və xərclər smetasını və ayrılmış ştat sayı daxilində ştat cədvəlini təsdiq edir; - bank kreditindən istifadə edir və onun məqsədyönlü istifadəsi və vaxtında qaytarılmasını təmin edir; - ETİ-nin və ETM-in elmi işçilərin, konstruktorların, texnoloqların və digər mütəxəssislərin, attestasiyasını keçirir, daha mürəkkəb və məsuliyyətli işləri yerinə yetirən əməkdaşlara əlavə əmək haqqı müəyyən edir. 13. ETİ-nin və ETM-nin strukturu onun direktoru tərəfindən hazırlanır və rektor tərəfindən təsdiq edilir. ETİ-nin və ETM-nin direktoru tutduğu vəzifəyə görə ali məktəbin elmi şurasının tərkibinə daxil edilir. ETİ-nin və ETM-in əsas hissələri - elmi şöbələr, laboratoriyalar və bölmələrdir. ETİ-nin və ETM-nin tərkibində konstruktor büroları, klinik şöbələr, hesablama mərkəzləri, təcrübə istehsalat sahələri, sınaq stansiyaları, sahə elmi- tədqiqat laboratoriyaları, digər elmi bölmələr, tədqiqatların yerinə yetirilməsini təmin edən funksional və inzibati təsərrüfat bölmələri, eləcə də tələbələrin elmi və konstruktor bölmələri yaradıla bilər. Lazım gəldikdə ali məktəb ETİ-nin və ETM- nin strukturunda müəyyən edilmiş qaydada filiallar yarada bilər. Bölmələr haqqında qaydalar, rəhbər işçilər və qulluçuların vəzifə təminatları direktor tərəfindən təsdiq edilir. 14. ETİ-nə və ETM-ə ali məktəbin tabe olduğu nazirlik tərəfindən təyin edilən direktor, bir qayda olaraq, elmlər doktoru başçılıq edir. Direktorun təqdimatına əsasən, rektor tərəfindən elmi bölmələrin və yerinə yetirilən mövzuların rəhbərləri ETİ-nin və ETM-in ştatında olan işçilərdən, eləcə də ali məktəbin elmi dərəcəsi və elmi adları olan müəllimlərindən təyin edilir. 15. ETİ-nin və ETM-nin direktoru onun işinə rəhbərliyi, qanunvericiliyə və intizam qaydalarına riayət edilməsini, dövlət sirrlərinin qorunmasını təmin edir, təsərrüfat və maliyyə əməliyyatlarını həyata keçirir, elmi tədqiqat, layihə- konstruktor, təcrübə-texnoloji və müalicə-profilaktika işlərinin aparılması məqsədilə müqavilələr bağlayır, bölmələrin iş planlarını təsdiq edir, onların arasında tədqiqatların həcmini maliyyə və maddi-texniki vasitələri bölüşdürür, ştat cədvəlnini təsdiq edir, institut üzrə əmrlər verir, əmək qanunvericiliyinə müvafiq olaraq işçiləri işə qəbul və işdən azad edir, institutun iqtisadi həvəsləndirmə fondlarını maddi-texniki bazanın inkişafına, işçilərin əmək və məişət şəraitinin yaxşılaşdırılmasına istifadə edir. 16. Ali məktəbin rektoru ETİ-nin və ETM-in qarşısında duran vəzifələrin yerinə yetirilməsi ilə əlaqədar ali məktəbin səlahiyyəti daxilində ona əlavə hüquqlar verilə bilər.
22
17. Elmi və elmi-təşkilati məsələlərə baxılması məqsədilə ETİ-nin və ETM-in elmi şurası yaradılır və ona direktor rəhbərlik edir. Elmi şuranın tərkibi və onun əsasnaməsi direktorun təqdimatı əsasında ali məktəbin rektoru tərəfindən təsdiq edilir.
Azərbaycan Respublikası Təhsil Nazirliyinin 11oktyabr 1994-cü il tarixli 595 nömrəli əmrinə
Əlavə № 1
ALİ MƏKTƏBLƏRİN “ELMİ-TƏDQİQAT ŞÖBƏSİ” HAQQINDA MÜVƏQQƏTİ ƏSASNAMƏ 1.
Elmi-pedaqoji kadrların hazırlanması, elmi-tədqiqat işlərinin planlaşdırılması, yerinə yetirilməsi və onlara nəzarət, həmçinin elmi-tədqiqatların nəticələrinin xalq təsərrüfatına və tədris prosesinə tətbiq edilməsi məqsədilə ali məktəblərdə elmi-tədqiqat şöbəsi (ETŞ) yaradılır. Elmi-tədqiqat şöbəsi ali məktəbin elmi-tədqiqat işlərinin yerinə yetirilməsi sahəsində mövcud olan strukturları əhatə edən və özündə birləşdirən tərkib hissəsi olub, müstəqil balansa və hüquqi şəxs statusuna malik deyildir. Elmi-tədqiqat şöbəsi ali məktəbdə mövcud olan bütün elmi müəssisə və bölmələrin (patent-lisenziya və metrologiya şöbələri, elmi-tədqiqat və sahə laboratoriyaları, elmi-tədqiqat institutları və mərkəzləri, təcrübə və layihə-konstruktor büroları və s.) bazasında yaranır.
Ali məktəbin elmi-tədqiqat şöbəsinin işçiləri rəhbər və elmi işçilər kateqoriyasına aid edilir. Onların vəzifə maaşları, məzuniyyət normaları və güzəştlərə dair digər qaydalar ali məktəblərdəki professor-müəllim və yardımçı heyət üçün tətbiq olunan prinsiplərə müvafiq müəyyənləşdirilir.
Elmi-tədqiqat şöbəsinin strukturu rektor tərəfindən təsdiq olunur. 2. Elmi-tədqiqat şöbəsinin qarşısında qoyulan əsas məsələlər aşağıdakılardır:
- fundamental və axtarış tədqiqatların, prinsipcə yeni texnika, texnologiya və materialların işlənib hazırlanması sahələrinin üstün istiqamətlərinin inkişafı;
- xalq təsərrüfatının inkişafının əsas problemlərini həll etmək məqsədilə ali məktəbin elmi potensialının səmərəli istifadə edilməsi; 23
- elmi tədqiqatların nəticələrinin tədris prosesinə tətbiq edilməsi;
- yüksək ixtisaslı elmi və elmi-pedaqoji kadrların hazırlanması, yenidən hazırlanması və xalq təsərrüfatı mütəxəssislərinin ixtisasartırılmasının təmin edilməsi;
- elmi nəticələrin istehsalatda istifadə edilməsinin genişləndirilməsi məqsədi ilə xalq təsərrüfatının müxtəlif sahələri ilə elmi-texniki əməkdaşlığın perspektiv formalarının inkişaf etdirilməsi;
- ali məktəbin xarici ölkələrlə elmi-texniki əməkdaşlığının inkişaf etdirilməsi.
3. ETŞ öz fəaliyyətində Azərbaycan Respublikasının qanunlarını, Azərbaycan Respublikası Prezidentinin təhsil və elm sahəsindəki fərmanlarını, Ali Sovetin qərarlarını, Nazirlər Kabinetinin qərar, sərəncam və göstərişlərini, Respublika Dövlət Elm və Texnika Komitəsinin, ali məktəbin tabe olduğu nazirliyin qərar, əmr və sərəncamlarını, ali məktəbdə elmi-tədqiqatların aparılması və elmi-pedaqoji kadrların hazırlanması sahələrində olan əsasnamələri rəhbər tutur.
4. ETŞ Respublika Elmlər Akademiyasının, sahə nazirlik və idarələrinin elmi təşkilatları, müəssisələri ilə birgə elmi-tədqiqat planları və proqramları əsasında elmi-tədqiqatların aparılmasını təşkil edir. Bunun üçün ali məktəb bazasında elmi, elmi-texniki və elm-tədris mərkəzlərinin, iki tabeli elmi-tədqiat institutlarının, müvəqqəti yaradıcı kollektivlərinin, tədris
elmi-istehsalat birliklərinin, sahələrarası elmi-texniki komplekslərin və onların filiallarının yaradılması haqqında tabe olduğu nazirliyə təkliflər hazırlayır.
5. Ali məktəb ETŞ-sinin idarəetmə və elmi-köməkçi xidmət işçilərinin əmək haqqı dövlət büdcəsi hesabına ödənilir.
6. ETŞ-yə elmlər doktoru və ya elmlər namizədi alimlik dərəcəsi olan alim rəhbərlik edir və bilavasitə elmi işlər üzrə prorektora tabedir. ETŞ-nin rəhbəri elmi işçilərin, konstruktor, texnoloq, mühəndis-texniki və digər mütəxəssislərinin attestasiyalarını təşkil edir, daha mürəkkəb və məsul işlər yerinə yetirən əməkdaşlara əlavə əmək haqqının verilməsi haqda rektorluq qarşısında məsələ qaldırır.
24
7. Ali məktəbdə aparılan elmi-tədqiqat işlərinin həcmindən asılı olaraq ehtiyac olduqda dekanların və kafedra müdirlərinin elmi işlər üzrə müavinləri təyin olunur. Onların vəzifələri fakültə Elmi şurasının qərarı ilə ştat cədvəlində və ya tədris yükünün hesablanmasında nəzərə alınır. Yüklə 242,94 Kb. Dostları ilə paylaş:
|