352
VII FƏSİL
MÜASİR KİMYA MÜƏLLİMİNİN PEŞƏKAR HAZIRLIĞINA QOYULAN
TƏLƏBLƏR, ONUN FUNKSİYA VƏ VƏZİFƏLƏRİ
Müasir kimya müəllimi öz fənninə aid biliklərə, metodik üsullara və müasir
pedaqoji texnologiyalara malik olmaqla yanaşı, həm də bunları müxtəlif pedaqoji
situasiyalarda tətbiq etməlidir.
Təhsilin əsas məsələsi onun keyfiyyətinin artırılması və asanlığı ilə müəyyən
edilir. Bu hal yalnız böyük həcmli struktur, təşkilati-iqtisadi dəyişikliklər deyil, həm
də ilk növbədə, ümumi təhsilin məzmununun zamanın tələblərinə müvafiq
əhəmiyyətli dərəcədə yenilənməsini nəzərdə tutur.
Kimyanın tədrisində nailiyyətlərə çatmaq üçün kimya müəllimi bütün
mərhələlər üzrə tədris prosesini yaxşı başa düşməlidir. Kimyanın tədrisinin əsas
komponentlərinə aşağıdakılar aid edilir: tədrisin məqsəd və vəzifələri, kimyanın
tədrisinin məzmunu, tədris üsulları və vasitələri, kimya müəlliminin fəaliyyəti,
kimyanı öyrənən şagirdin fəaliyyəti.
7.1. Müasir kimya müəlliminin funksiya və vəzifələri
Kimya müəlliminin funksiyaları
1. Qnostik (idraki) funksiya:
Kimya fənninin məzmununa aid əsas məlumatları ayırmaq, problem
xarakterli mövzuları müəyyələşdirmək, ortaya çıxacaq çətinlikləri qabaqcadan
görmək;
Tədris materialının şagirdlər tərəfindən mənimsənilməsinin fərdi-psixoloji
xüsusiyyətlərini nəzərə almaq;
Şagirdlərin inkişaf prosesini həm koqnutiv, həm də ümumpsixoloji planda
diaqnozlaşdırmaq.
353
2. Konstruktiv funksiya:
Pedaqoji prosesin məqsəd və vəzifələrini formalaşdırmaq;
Kimya dərslərində və dərsdənkənar işlərdə pedaqoji fəaliyyət sistemini
planlaşdırmaq;
Planın reallaşdırılmasının məzmun, forma və üsullarının seçilməsi.
3. Kommunikativ funksiya:
Kimya fənni üzrə tədris materialının şagirdlərin qavramaları üçün idrakın
psixoloji qanunlarından istifadə edilməsi;
Məzmun və xarakterini nəzərə almaqla verilən məlumatların şagirdlərin başa
düşəcəyi şəkildə optimal təqdim edilməsi;
Ünsiyyət yaradılması;
İnformasiyaların
hansı
formada
çatdırılmasının
sistemləşdirilməsi,
nizamlanması (təlimin texniki vasitələrinin, cədvəllərin və s-nin istifadəsi);
İnformasiyaya emosional dəyərli münasibətin formalaşdırılması;
Dialoji münasibətlərin yaradılması;
Ünsiyyət prosesinin stimullaşdırılması;
Ünsiyyət üçün ifadəli (verbal və qeyri-verbal) vasitələrdən istifadə edilməsi.
4.Təşkilatçılıq funksiyası:
Kimya dərslərində şagirdlərin işinin təşkili;
Funksiyaların bir qisminin şagirdlərə həvalə edilməsi;
Sinifdə şagirdlər arasında funksiya və vəzifələrin bölüşdürülməsi;
İşin gedişatı və nəticələrinin obyektiv qiymətləndirilməsi;
Dərsdə ciddi işçi intizamın təşkili;
Dərsdə işin yerinə yetirilməsinin kiçik summativ və yekun yoxlanılması.
5. Özünüreallaşdırma funksiyası:
Özünün pedaqoji ustalıq təcrübəsini ümumiləşdirməsi, təhlili və
dəqiqləşdirməsi;
354
Digər müəllimlərin səmərəli metodiki üsullarından öz pedaqoji fəaliyyətində
məqsədəuyğun istifadə etməsi;
Kimya müəlliminin vəzifələri
Tədris müəssisələrinin cəmiyyətdə rolunu, müəllimin konkret fəaliyət
sahəsinə aid olan fənnin əsas problemlərini başa düşməsi;
Təhsil sisteminə, tədris prosesinin subyektlərinin (müəllimlərin, şagirdlərin
və onların valideynlərinin) vəzifələrinə aid əsas qanunvericilik sənədlərini bilməsi;
Kimyanın fənn kimi konseptual əsaslarını, ümumi bilik və dəyərlər
sistemində, məktəb tədris planında yerini bilməsi;
Pedaqoji fəaliyyətdə fərdi fərqləri, həmçinin yaş, sosial, psixoloji və mədəni
fərqliliyi nəzərə alması;
Şagirdlərin hazırlıq səviyyəsinə, onların, eləcə də cəmiyyətin tələblərinə
uyğun tədris proqramının reallaşdırılması, seçilməsi və analitik dəyərləndirməsi üçün
fənni dərindən bilməsi.
Kimya müəllimi həmçinin aşağıdakıları bilməlidir:
Təlim və tərbiyə proseslərinin, onların psixoloji əsaslarının mahiyyətini,
pedaqoji tədqiqatların təşkilinin ümumi məsələlərini, tədqiqat üsullarını və onların
imkanlarını, tədqiqatın nəticələrinin ümumiləşdirilməsi və tərtibi üsullarını;
Müəllimin peşəkarlığının təkmilləşdirilməsi yolları və özünütəkmilləşdirmə
üsullarını;
Öz fənninin tədrisi metodikasını;
Məktəb tədris planlarının, proqramlarının və dərsliklərin məzmunu və
quruluşunu;
Kimya üzrə məktəb kursunun özünə məxsus metodikalarını;
Məktəb kimya kursunun əsas mövzularının öyrənilməsinə müxtəlif
yanaşmaları;
355
Müstəqil iş aparmaq vərdişlərinin formalaşdırılmasını, şagirdlərin yaradıcılıq
qabiliyyətlərinin və məntiqi təfəkkürünün inkişaf etdirilməsi üsullarını;
Kimyanın elmi əsaslarını, elmin müvafiq sahəsinin tarixini və
metodologiyasını;
İnformasiyaların (məlumatların) kompüter vasitəsi ilə əldə edilməsi
üsullarını.
Kimya müəllimi aşağıdakıları bacarmalıdır:
Öz pedaqoji fəaliyyətini təhlil, təşkil etməyi və layihələşdirməyi;
Tədris
planına uyğun və onun strategiyası əsasında dərslərin
planlaşdırılmasını;
Hər hansı bir materialın təqdimatının ardıcıllığını təmin etməyi və fənlərarası
inteqrasiya yaratmağı;
Proqramın müvafiq mövzularının və bölmələrinin öyrədilməsi zamanı
şagirdlərin bilik səviyyələrinə uyğun müxtəlif formalı daha effektiv məşğələlərin
hazırlanmasını;
Təlimin texnolojiləşdirilməsi üçün müvafiq resursların seçilməsi və
istifadəsini;
Tədris və tədris-metodiki ədəbiyyatları araşdırmağı və ondan dərsə
hazırlaşan zaman istifadə etməyi;
Tədris-metodiki materialların hazırlanmasında xidmət proqramlarından,
tətbiqi proqram paketlərindən və qurğu vasitələrindən istifadə etməyi, kompüter tətbiq
etməklə məşğələlərin keçirilməsi metodikasına yiyələnməyi;
Tədrisin məqsədlərinə nail olmaq üçün əlverişli təlim mühiti yaratmağı;
Dərsdə motivasiya və əks-əlaqə yaratmağı.
Dostları ilə paylaş: |