322
natiqlik məharəti;
hakimlik və ya qərarları necə qəbul etməli.
Alqoritm:
1.
Mövzunun müəyyənləşdirilməsi. Çarpaz müzakirə mətndə qaldırılan məsələni
açıqlayan, birmənalı cavab tələb edən sual hazırlanmasını tələb edir. “Debatlarda”
mövzu sual yox, təsdiq formasında ifadə edilir.
2.
Rolların müəyyənləşdirilməsi (“A” və “B” spiker komandaları, hakim,
“taym-kipper”). Debat iştirakçıları çıxış zamanı spiker adlanır. Debatlar üçüncü tərəfi
təmsil edən hakimlər qarşısında spiker komandaları (“A” mövqeyi və “B” mövqeyi)
arasında keçirilir.
I.
Təsdiqedici “A” mövqeyinin spikerləri debatların mövzusunu onun ifadə
etdiyi kimi təsdiq edirlər.
II.
Təkzibedici “B” mövqeyinin spikerləri “A” mövqeyini təkzib etməyə
borcludurlar. Həm də onlar təkzibetmədən sonra öz meyar və dəlillərini təklif edirlər.
III.
Hakimin vəzifəsi bu mövqelərdən hansının daha inandırıcı olduğunu öz şəxsi
mövqeyindən asılı olmayaraq müəyyən etməkdir.
IV.
Debatlar prosesində çıxışların vaxt rejimini təmin edən “taym-kipperlər”
iştirak edirlər.
b)
Dəlillərin hazırlanması.Arqument (dəlil) faktlar əsasında çıxarılan nəticələr,
mövzunun tədqiqinin nəticəsidir, iştirakçılar-spikerlər (cütlər və ya kiçik qruplar)
sualın müzakirəsinə başlayır və əvvəlcə müsbət, sonra isə mənfi cavabları
əsaslandıran 4-5 dəlil göstərilir. Tərəflər öz mövqelərinin müdafiəsi üçün ən güclü
arqumentləri toplamalıdırlar. Hər qrupa özlərinin ən yaxşı arqumentlərini müəyyən
etmək üçün 7-8 dəqiqə vaxt ayrılır.
Arqument üzərində iş prosesi aşağıdakı hərəkətlərdən ibarətdir:
arqument irəli sürülür;
arqument izah edilir;
arqument sübut edilir;
323
nəticə çıxarılır.
Hər iki cavaba dair dəlillərin siyahıları tamamlandıqdan dərhal sonra
qrupların hər biri digər qrupla öz siyahılarını tutuşdurur və hər iki qəbildən olan
dəlilləri nəzərdən keçirirlər.
c)
Debat və çarpaz suallar. Sonra iştirakçılardan öz dəqiq mövqelərini
müəyyən etmək və iki böyük qrupa bölünmək xahiş edilir. Hər iki tərəf arasında
polemika (müzakirə) aparılır. Debatlar zamanı bir mövqeyin spikerlərinin
suallarından və digər mövqeyin spikerlərinin cavablarından ibarət olan və xüsusi
fərqləndirilən raunddur. Debatların spikerləri arqumentləri irəli sürərkən, sübut-
dəlilləri, onların mövqeyini təsdiq edən faktları, statistik göstəriciləri, mütəxəssislərin
ekspert rəylərini də təqdim etməlidirlər.
d)
Nəticə çıxarma və qiymətləndirmə. Hakim daha inandırıcı mövqelərdən çıxış
edən komandanı seçir. O, yalnız eşitdikləri əsasında nəticə çıxarır, öz seçimini edir və
onu əsaslandırır. Verilən sualların və alınan cavabların keyfiyyəti iştirakçıların
debatların mövzusunu nə dərəcədə dərindən və hərtərəfli mənimsədiklərindən asılıdır.
Bu zaman spikerin alınmış cavabları nə dərəcədə ustalıqla, opponentin mövqeyini
zəiflətmək və öz mövqeyini gücləndirmək üçün istifadə edə bilməsi də
qiymətləndirilir.
Şərtlər:
Qrupda şagirdlərin sayı 20 nəfərdən çox olmamalıdır.
Mövzu qısaca ifadə edilən zaman aşağıdakı prinsiplərə riayət olunmalıdır:
mövzu aktual olmalıdır;
mövzu maraqlı olmalıdır;
mövzu “münaqişəli” olmalıdır, məsələn əgər A mövqeyi mövcuddursa, bu o
deməkdir ki, əks fikir də (B mövqeyi) mövcuddur;
mövzu elə ifadə olunmalıdır ki, heç bir mövqeyin üstünlüyü hiss edilməsin;
mövzu nə çox dar, nə də çox geniş olmalıdır.
324
Hazırlıq prosesində debatçılar idrak prosesinin mühüm ünsürlərindən olan
sualların ifadə texnikası və məharətinə yiyələnməlidirlər.
Şagirdlərin mənbələrlə işləyə bilməsi, dəstək və sübutların məntiqi, mövzuya
və problemə uyğun seçilməsi vacibdir.
Vasitələr: Müzakirə üçün əvvəlcədən hazırlanmış suallar, müxtəlif məlumat
mənbələri.
Yarana biləcək problemlər:
Ünsiyyətlə bağlı problemlər
Müzakirənin uzanması
Artıq səs-küy, aqressivlik
Tolerantlığın olmaması
Mövzudan yayınmaq və yayındırmaq
Şagirdlərdə mövzu ilə bağlı məlumatın azlığı
Hakimin qərar çıxarma bacarığının zəifliyi.
6.2.7. Kimyanın tədrisində fəal təlimin üsullarının tətbiqi imkanları
Kimyanın tədrisində demək olar ki, əksər mövzularda fəal təlimin üsullarından
istifadə etmək olar. Lakin, interaktiv təlim metodlarından həmişə istifadə etmək onun
təsirini azalda bilər. Həqiqi təlim üçün metod qarşıya qoyulmuş məqsəd və şəraitdən
asılı olaraq seçilməlidir. Fəal təlimin metodları da məqsəd və şəraitə, mövzuya,
şagirdlərin təcrübə və bilik səviyyəsinə uyğun seçilməlidir.
Fəal təlimin bəzi üsullarına aid konkret misalları nəzərdən keçirdək.
Beyin həmləsi üsulundan kimyanın əksər mövzularına aid dərslərdə istifadə
etmək olar. Bu metod daha çox yeni mövzunun öyrənilməsinə başlanan giriş
müsahibəsində təşkil olunur. Bu zaman yeni mövzuya maraq oyanır. Şagirdlər
Dostları ilə paylaş: |