ağlı, zəkası, dünyagörüşü səviyyəsində onun izahına ça
lışmaqla, insanlığın gözünü açmağa səy etmişdir. Onun
«Yeddi gözəl» poemasındakı Çin qızının dili ilə söylənən
«Xeyir və şər» hekayəsi bu istiqamətdə tərbiyəvi-didaktik
əhəmiyyət kəsb edir1.
3.3. Dastanda mifik qüvvə və vasitələr.
(A t, quş, sehrli çubuq, sehrli qılınc, daş)
Mifik süjetli dastan və nağıllarda bir qayda olaraq ha
disələrin açılışında mifik qüvvə və vasitələr başlıca rol oy
nayır. Bu mifik qüvvə və vasitələr qəhrəman üçün məqsə
dinə yetməkdə həlledici rola malikdirlər. Onlar qəhrə
mana mübarizədə yenilməz qüvvə və cəsarət verərək, hə
rəkət istiqamətlərini tənzimləməkdə, hadisələrin gedişində
qarşıya çıxan maneə və sınaqlardan qeyri-adi məharətlə
qurtulmaqda fantastik formada kömək edirlər. «Ural ba
tır» dastanında da belə mifik qüvvə və vasitələrin geniş
planda təsviri var. Bu mifik qüvvələrdən biri qəhrəmanın
məqsədinə çatmasında başlıca rol oynayan, artıq kult sə
viyyəsinə qalxmış qeyri-adi güclü, ilahi qüdrətə malik
Ağboz atdır.
Ümumiyyətlə, at kultunun mənşəyini araşdırma baxı
mından qədim türk dastanları, eləcə də Ural batır abidəsi
çox zəngin məxəzdir. At kultunun mənşəyi barədə tədqi
qatçılar arasında fikir müxtəlifliyi mövcuddur. At kultu
nun ilk dəfə Hind-Avropa xalqlarında yarandığını iddia
edən tədqiqatçılara əsaslanan V.B.Kovolevskaya özünün
«At və atlı» kitabında yazır: «... Asiyaya atı Hind-Avro
palılar tanıtmış, at minməyə isə iranlılar öyrətmişlər»2
Qədim türk dastanlarındakı atm təsvirini izləməklə, bu
fikrin yanlışlığını təsdiqləmək mümkündür. Məlumdur ki,
hər hansı bir kultun mənşəyini araşdırmaq üçün dünya
1 N .Gəncəvi. «Yeddi gözəl», (M .Rahimin tərcüməsində). Bakı, 1962. səh. 78.
2 «Ulduz» jurnalı, Bakı, 1989, №12. səh.81.
122
xalqlarının qədim abidələrinə əsaslanmaq lazım gəlir.
Tədqiqatçı F.Ağası oğlu bu münasibətdən çıxış edərək,
V.B.Korolevskaya və onun söykəndiyi tədqiqatçılara ca
vab olaraq gəldiyi qənaət maraqlıdır. Onun fikrincə: «...
Arxeoloji qaynaqlarda, qaya üstü rasimlərdə əks olunmuş
türk atlısından çox-çox sonra süvariliyi mənimsəyən
Hind-Avropa mənşəli xalqlar türklərə at minməyə necə
öyrədə bilərdi?
... Əsl atçılığın dövrü böyük köçəriliyin ilk çağlarına
aiddir ki, bu da miladdan öncə 2-ci minilliyin ortalarına
düşür... At kultunun qərbə miqrasiyası da qədim atçı-kö-
çəri tayfaları ilə bağlıdır. Belə tayfalardan biri də Azər
baycan xalqının etnogenezisində iştirak edən, miladdan
öncəki minilliyin əvvəlində proazərbaycan soy köklərin
dən birini təşkil edən və qədim mənbələrdə skit, sak adları
ilə keçən köçəri atçılardır.»1
F.Ağası oğlu eyni zamanda çox düzgün olaraq atçılığın
iki çalarını göstərir: «Bu çalarlardan biri daha qədim
olub, hələ vəhşi atın ovlandığı çağlarda totemlə ilgili or
taya çıxmış, ikincisi isə çox-çox sonralar atın əhliləşdiril
diyi və təsərrüfatda atçılığın formalaşdığı çağlarda ya
ranmışdır»2
V.B.Korolevskayanın əsaslandığı hind xalqının qədim
abidəsi «Mahabharata»da əhliləşdirilmiş, cənk arabala
rına qoşulan xüsusi təlim görmüş döyüş atları təsvir olu
nur. Bu da F.Ağası oğlunun göstərdiyi ikinci çalara
uyğun gəlir. Lakin «Ural batır» dastanındakı Ağbozun
təsviri atın hələ yeni-yeni əhliləşdirildiyinə işarədir. Atın
hələ başqa xüsusiyyətlərini, keyfiyyətlərini üzə çıxar
mayan (yəni minik, qoşqu və s.), qədim insanlar tərəfin
dən onun qeyri-adi gücə malik olması kimi mədh edilmə
sini, ilahi qüvvələrə məxsusluğunu və şəxsləndirilməsini
animist baxışın nəticəsi kimi qiymətləndirmək olar.
11 «Ulduz» jurnalı, Bakı, 1989, №12, səh.81-82
" Yenn orada, səh. 82
123
Bu onu göstərir ki, Ağboz atın təsviri, atın yeni-yeni
əhliləşdirildiyi, onun başqa keyfiyyətlərindən xəbərsiz
olan animist görüşlü insanların mifik təsəvvürünün nəticə
sində yaranmışdır.
Ağboz at ilahi qüvvələrə məxsusdur. Onu hələ yer
adamı tanımır. O, Günəşlə Samrau (Simurq) quşunun öv
ladı Humaya məxsusdur. Göylərdə yaşayır. Yer adamları
olan Yənbirdə, Yənbikə, Şulgen və Ural minik vasitəsi
kimi şirdən istifadə edirlər. Hələlik at müqəddəs varlıqdır.
Bəs onun ilahiliyini, müqəddəsliyini göstərən əlamətlər
hansılardır?
1.
İlk əvvəl o, ilahi qüvvələrin məskəni olan göylərdə
yaşayır, Humayın dediyinə görə bu atı ona anası hədiyyə
etmişdir.
Buz atım bar yırakta
Əsəm bir qən büləkkə. (s. 123)
Mənası: Boz atım var, uzaqda, anam mənə hədiyyə
edib.
2. Ağboz at qanadlıdır. Bildiyimiz kimi qanadlılıq ila
hilik əlamətidir, mələklər quşlar kimi qanadlı ola bilər.
3. Onun adındakı rəng çaları da müqəddəsliyini təsdiq
edir. M.Seyidova görə «... ağ rəng-tanrıya məxsusluğu
bildirir. Ağ, boz - xeyir tanrısı Ülgenin rəngidir. Xızırın
atının rəngi də boz olmuşdur» *.
Mən Xızırın quluyan
Boz atımın çuluyam
V.Y.Propp göstərir ki, «... hər hansı bir xalqın ina
mında at kultu varsa onun rəngi ağ olur.»2
1 M.Seyidov . Azərbaycan mifik təfəkkürünün qaynaqlan. Bakı, 1983. s..
115.
2 В.И.Пропп. Исторические корни волшебных сказок. Ленинград, 1986, стр.
174.
1 2 4
Oğuz Xaqanı Güntəkənin üç atından biri boz, ikisi ağ idi1.
Ağ rəngin ilahi səciyyəsi bir çox əfsanələrdə də əks
olunmuşdur. Belə ki, Yakut əfsanəsində deyilir: «Tanrı
ağappaq bir dağın başında oturur»2
Türk əfsanə, dastan və nağıllarında qəhrəmanların ək
səriyyətinin atının rəngi boz olur. Xızırın, Beyrəyin atla
rının rəngi bozdur, «Şan kızı» dastanındakı Bozbiy göy
lərdə yaşayır və s.
4.
Ağboz at özü ilahi qüdrətə malikdir. Belə ki, ona hər
adam sahib ola bilməz. Ona sahib ola bilən şəxslər qeyıi-
adi gücə malik olmalıdırlar, onun təyin etdiyi sınaqdan
çıxmalıdırlar, xeyrin xidmətçisi olmalıdırlar. Onun ilahi
qüdrəti qarşısında şər qüvvələr acizdirlər. Onlarla müba
rizədə Ağboz at sahibindən heç da az iş görmür.
Akbuzatı, uldarı
Kırğan deyeii, biitənde. (s., 141)
Mənası: Oğlanları ilə Ağboz at qalan divləri qırdılar.
Ağboz at ilahi qüdrətə malik olduğuna görə şər
qüvvələr nə qədər hiyləgər, güclü, sehrli olsalar da onun
qarşısında acizdirlər. Nağıl və dastanlarda yoxdan var
edən sehrli çubuq da bu ata təsir edə bilmir. Xeyirin təm
silçisi olduğuna görə Ağboz ata heç bir sehr təsir etmir.
Çünki həmin vasitələr şər qüvvələr tərəfindən xeyrə qarşı
istifadə edildiyi üçün kəsərsizdir. Atın şəxsləndirilərək da
nışması animist insanın dünyagörüşünün təzahürü kimi
meydana çıxır və bu da abidənin qədimliyini bir daha təs
diqləyir.
Dastanda ikinci bir atın, Sarısayın adı çəkilir. O, ayla
Samraunun qızı Ayxıluya məxsusdur. Bu ad rəmzi məna
daşıyır, belə ki, o, Ayın sarı şüaları şəklində hər tərəfə ça
1 C.H.Малов. Памятники древнетюркской писмснности. Москва, 1951, стр.
33.
2 Bahaəddin Ögol. Tiirk mitolojisi. İstanbul. 1971, salı. 291.
125