71
uşaq bağçası mühiti xaricində ailələrlə uşaqların qarşılıqlı
əlaqənin saxlanılması;
geniş perspektivlər barədə fikrini bildirmək üçün valideyn-
lərin
həvəsləndirilməsi;
valideynlərin məktəbəqədər təhsil müəssisədəki fəaliyyətlə
əlaqəsi olan və evdə istifadə edilməli resurslarla təmin edilməsi;
tərbiyəçilərin ailələri öyrənməsi
üçün imkan daxilində
ailələrə səfərlər etmələri və valideynlərlə maarifləndirici iş
aparmaları;
uşağın sağlamlığa dair qabaqlayıcı
tədbirlər və xidmətlərlə
(qayğı da daxil olmaqla) təmin edilməsi;
həssas ailələrə diqqət yetirilməsi.
valideynlərin uşaqlarının inkişafı haqqında mütəmadı
məlumatlandırılması.
3. UŞAQ İNKIŞAFININ İZLƏNİLMƏSİ VƏ
DƏYƏRLƏNDİRİLMƏSİ
3.1.Uşaq inkişafının izlənilməsi
Məktəbəqədər təhsilin proqramının (kurikulumunun) tətbiqində
tərbiyəçilərin ən mühüm funksiyalarından
biri müşahidəçi kimi
fəaliyyət göstərməsidir. Müşahidəçi funksiyasını yerinə yetirmək
üçün tərbiyəçi müşahidəyə vaxt ayırmalı və onun aparılmasında
lazımi vasitələrə malik olmalıdır.
Uşağın inkişafının izlənilməsi üçün
ən səmərəli yollardan biri
təbii şəraitdə - evdə, məktəbəqədər müəssisədə, məktəbəqədər
müəssisədən kənar mühitdə uşağın müşahidə edilməsi
və
müşahidə
etdiklərinə dair qeydlərin aparılmasıdır. Müşahidə və qeydlərin
aparılması yolu ilə tərbiyəçilər uşaqlar haqqında məlumat əldə edib
onun fəaliyyətini planlaşdırmalı, uşaqların ailəsi ilə paylaşmaq üçün
ondan istifadə etməlidirlər.
72
Müşahidə nədir? Müşahidə uşağın məşğuliyyətinə müdaxilə
etmədən tərbiyəçi tərəfindən seyr edilməsi prosesidir.
Tərbiyəçilər qeydə aldıqları davranışları dəqiq təsvir etməlidir-
lər. Müşahidə olunmuş fəaliyyət və davranış nümunələri mütəmadi
halda qeyd olunmalıdır. Bu, sənədləşdirmə
prosesidir və uşaqlar
haqqında sistemli biliklərin toplamasına şərait yaradır. Müşahidələr
sistematik halda aparılmalıdır. Sistematik yanaşma uşaqların
müəyyən müddət ərzində bir çox fərqli fəaliyyətlərdə iştirakı zamanı
onların inkişafının izlənilməsinə imkan yaradır.
Dostları ilə paylaş: 
