69
ların əldə olunmasına, uşağın davranışı, rəftarı, münasibətləri ilə
bağlı fikir və mülahizələrin bölüşdürülməsinə, ən əsası, uşağın
böyüməsi və inkişafı üçün daha əlverişli şəraitin yaradılmasına
yönəldilir.
Ailə uşağın doğulduğu, böyüdüyü və tərbiyə aldığı ilk ictimai-
mədəni ocaq olduğundan tərbiyəçilər hər bir ailənin mədəni
dəyərlərinə də hörmətlə yanaşır, öz münasibətlərində bu amili diqqət
mərkəzində saxlayır. Tərbiyəçilər uşaqların ailəsi və yaxınlarının
demoqrafik
problemləri, ailə üzvlərinin məşğuliyyəti, maraqları
haqqında məlumatlar əldə edirlər.
Valideynlər uşaqlarla keçirilən bütün kütləvi tədbirlərdə,
təlimdə, problemlərin həllində iştirak etməyə cəlb edilirlər.
Valideynlər tərbiyəçilərlə birlikdə uşağın inkişafının stimullaşdırıl-
masında fəal iştirak edir, səy göstərirlər. Bunun üçün, ilk növbədə,
qruplarda mənimsənilən bilik və bacarıqlar ailədə möhkəmləndirilir.
Belə bir qarşılıqlı əməkdaşlıq uşağın əqli fəaliyyətinin zənginləş-
məsinə, özünəinamın yaranmasına, nəticə etibarilə, məktəb həyatına
daha rahat uyğunlaşma dövrünü keçməyə təsir göstərir. Valideynlər
uşaqların təlim fəaliyyətində iştirak etdikləri təqdirdə onların təlim
nailiyyətləri yüksəlir. Belə bir əməkdaşlıq
şəraitində valideynlər
aşağıdakı məsələlərlə tanış olmalıdırlar:
• uşaqların yaş xüsusiyyətləri;
• təlim-tərbiyə işinin əhəmiyyəti;
• uşaqların fəaliyyətlərini stimullaşdıran öyrədici
mühitin
vacibliyi;
• fiziki, emosional müdafiənin təmin edilməsi, mühitin
təhlükəsizliyinin zəruriliyi;
• uşaqların fəallığı.
Valideynlər öz uşaqlarının inkişafı haqqında tərbiyəçidən mə-
lumat alır, uşağın inkişafını təmin etmək məqsədilə tərbiyəçilərlə
əməkdaşlıq edirlər.
Ailə ilə məktəbəqədər müəssisənin birgə fəaliyyətində aşağı-
dakıların nəzərə alınması tövsiyə olunur:
70
1.
Tərbiyəçi və valideynlərin uşaqların təlim-tərbiyəsində
tərəfdaş olması;
2.
Tərbiyəçi və valideynlərin uşaqların
təlim-tərbiyəsinin
məqsəd və vəzifələrini bilməsi;
3.
Tərbiyəçi və valideynlər tərəfindən uşağa kömək, hörmət və
inamın göstərilməsi;
4.
Tərbiyəçi və valideynlərin uşaqların tərbiyəsində kollektiv
və ailənin tərbiyəvi imkanlarını bilməsi, uşaqlarla birgə iş zamanı
tərbiyəvi potensialdan maksimum istifadə edilməsi;
5.
Məktəbəqədər müəssisələr və ailənin qarşılıqlı fəaliyyətinin,
onun aralıq və son nəticələrinin daim təhlil edilməsi.
Tərbiyəçi öz qrupunun valideynlərini yaxşı tanımalı
və hər
ailənin, hətta hər bir ailə üzvünün fərdi xüsusiyyətlərini nəzərə
almalıdır. Valideynlərin müsbət keyfiyyətlərini, güclü tərəflərini
müəyyən etmək, bu cəhətlərdən istifadə etmək işdə müvəffəqiyyəti
təmin edir. Qarşılıqlı münasibətlər inamı möhkəmləndirir və
valideynlər uşağın təhsili üçün zəruri
olan imkan və vasitələrdən
istifadə edərək müəyyən səlahiyyət əldə edirlər.
Uşaq bağçasının əsas vəzifələrindən biri uşaqların emosional
əhvali-ruhiyyəsinin yaxşılaşması, valideynlərin tərbiyəedici təcrübə-
lərini zənginləşdirərək uşaqların məktəbə hazırlanması zamanı
valideynlərin pedaqoji kompetensiyalarının yüksəlməsi məqsədilə
ailələrin tərbiyə-təhsil prosesinə cəlb edilməsidir. Uşağın tərbiyəsin-
də həm bağçanın, həm də ailənin bərabər iştirakına sosial əməkdaş-
lıq kimi baxmaq lazımdır.
Uşaq bağçalarında valideynlərlə işin səmərəli təşkili nəticəsin-
də uşaqlarda intellektual bacarıqlar formalaşmış olur. Praktiki olaraq
bütün uşaqlar fəaliyyətin məqsədini dərk edir, onun planını nəzərdə
tutur, adekvat üsullar seçir, nəticəni yoxlayır, işdə qarşıya çıxan
çətinlikləri dəf edir və işi müvəffəqiyyətlə sona çatdıra bilirlər.
Dostları ilə paylaş: