29
ayrı-ayrı kəmiyyətlərin qarşılıqlı əlaqə formaları, həmçinin onların qiymətləri
sonradan dəqiqləşdirilməli və təcrübi yoxlamadan keçirilməlidir.
4. Məhsulun estetik keyfiyyət göstəricilərinin mahiyyəti
İstehlak mallarının keyfiyyət səviyyəsinin kompleks qiymətləndirilməsi
sisteminin müxtəlifliyinə baxmayaraq buraya hökmən estetik keyfiyyət
göstəricisi daxil edilir. Estetik göstəricilər məmulatın formasının rasionallığını
(formanın təyinata, konstruktiv həllə, istehsal texnologiyasının xüsusiyyətlərinə və
tətbiq olunan materiallara uyğunluğu), kompozisiyasının bütövlüyünü
(plastikliyini, qrafiki təsvir elementlərinin gözəlliyini), bədii ifadəliliyini
(funksionallığını, stil uyğunluğunu, dəbə uyğunluğunu) xarakterizə edir.
Məxsusi keyfiyyət göstəricilərindən biri olmaqla estetik xassə səviyyəsi
məmulatın ümumi keyfiyyət səviyyəsi ilə dərindən və qanunauyğun şəkildə
bağlıdır. Estetik qiymətləndirmə bir tərəfdən məmulatın insanların estetik
tələbatını bilavasitə ödəmək xüsusiyyətini qiymətləndirmək kimi, digər tərəfdən
məmulatın keyfiyyətinin özünəməxsus inteqral qiymətləndirilməsi kimi iştirak
edir.
Müasir dövrdə bədii tərtibatın estetik mahiyyəti tez-tez əşyaların
formasında onların mənasının, xarakterinin, rolunun və dəyərinin ifadə olunması
ilə əlaqələndirilir. Bu zaman estetik təsir verilən əşyanın mükəmməlliyinin və
məqsədəuyğunluğunun qəbul edilməsi kimi başa düşülür. Əşya müəyyən maddi
tələbatı təmin etməklə maddi -mədəni hadisə kimi çıxış edir; maddi dəyər
olmaqla o, eyni zamanda mənəvi, estetik dəyəri təmsil edir.
Beləliklə, estetik dəyər daşıyıcısı bütün təbii xassələrin məcmusu ilə
sadəcə təbii əşya olmayıb, ictimai mahiyyəti ilə insanı ətraf gerçəkliyə spesifik
münasibəti ilə qiymətləndirilən əşyadır. Əşyanın estetik dəyəri insan
fəaliyyətindən asılı olmadan mövcud deyildir. O, müəyyən zaman və məkan
daxilində ictimai münasibətlər sistemində əşyanın özünün funksiyası ilə
müəyyən olunur.
30
Bu konsepsiya üçün mühüm məsələ əşyaların estetik dəyəri ilə onun
inteqral ictimai dəyəri arasında əlaqənin qəbul edilməsidir: maddi istehsal
əşyalarının forması estetik dəyərə o ölçüdə malik olur ki, bu ölçüdə o əşyaların
ictimai dəyərini hissetmə və qəbuletmə formalarında üzə çıxarmağa və əks
etdirməyə qabildir.
Burada ifadə olunan estetika anlayışını belə izah etmək olar: estetika –
insanın maddi ətrafının və əşyaların ictimai dəyərinin hiss etməklə qəbul
edilən ölçüsüdür. O, əşyaların formalarında əks olunmaqla hissiyatla qəbul edilir
və emosional təsir edir. Bu halda forma estetik ifadə olunma xassəsi qazanır.
Estetik qəbuletmə əşyanın xarici əlamətlərində ifadə olunan ictimai
dəyərlərin mahiyyətinə nüfuz etməkdir.
Estetik qəbuletmənin əsas xassələrindən biri onun qiymətləndirilmə
xarakteridir. Bu xassəyə görə insan məntiqi təhlil aparatından istifadə etmədən
əşyanın mahiyyətini dərk edir. İnformasiyanın həcminin artması ilə, həmçinin
insanı əhatə edən aləmin təkmilləşməsi ilə gündəlik fəaliyyət prosesində hər bir
əşyanın əsaslı surətdə analiz olunması imkanları məhdudlaşır. Estetik qəbuletmə
isə təcrübəyə əsaslanaraq faydalı analiz prosesinin müddətini qısaltmağa imkan
verir, onu hissiyyatla dərk etməklə əvəz edir. Beləliklə, estetik qəbuletmə
katalizator kimi çıxış edərək gözəlliyin və faydalılığın intuitiv sintezinin
köməyi ilə əşyanın dəyəri haqda tez təsəvvürün yaranmasını təmin edir.
Aydındır ki, insanı fayda və mənfəət gözlənilən fəaliyyətdə ilk növbədə
forma yox, maddi substrat maraqlandırır. Əşya ilə ilk tanışlıq zamanı o, formaya
qarşı biganə ola bilər. Əşya ona bu və ya digər tələbatı ödəmək üçün lazımdır.
Yalnız əşyanın bu dəyərini o aşkar etməyə və istehlak prosesində istifadə
etməyə cəhd edir. Sonra isə oxşar situasiyalar təkrar olunduqda insan bu
əşyanın nə qədər özü üçün dəyərli olduğunu əvvəlcədən müəyyən etməyə
çalışır. Bu zaman o, analoji təyinatlı yaxşı əşyalarda qabaqlar müşahidə etdiyi
bir sıra əlamətlərə istinad edir. Əşya insana bu qiymətli əlamətlərə görə xoş
gəlir. Hissiyatla qəbul edilən əşyanın forması onun dəyərli xassələrinin ayrılmaz
əlaməti olduğu üçün insana yalnız əşya yox, onun forması da xoş gəlir.
31
Faydalı fəaliyyət təcrübəsi ilə əşyaların bilavasitə hissiyyatla qəbul
edilməsini birləşdirməklə insan əşyanın ayrı-ayrı dəyər xarakteristikalarının onun
dəyərli forma əlamətlərinə görə çevrilməsini müşahidə edir. Faydalı, mükəmməl,
məqsədəuyğun əşyalar faydalı, mükəmməl, məqsədəuyğun forma alır və əşyaların
dəyərlilik dərəcəsini xarakterizə edən xarici elementlər və dəst - xətlər
kompleksi haqda təsəvvür yaradır. Artıq insan yaxşı və pis əşyanın necə
göründüyünü bilməklə yanaşı, xarici əlamətlərinə görə məmulatları dəyərlilik
sırasında yerləşdirə bilir. Beləliklə, məmulatın dəyərlilik səviyyəsi məmulatın
formasının informasiya - işarə elementləri ilə möhkəmlənir.
Məmulatın formasını təhlil edərək insan ilk növbədə bu məmulatın
hazırlanma keyfiyyətini göstərən müxtəlif əlamətləri ayırır (ayrı-ayrı texnoloji
proseslərin tam yerinə yetirilməsi, bütövlükdə tətbiq olunan texnologiyanın
mütərəqqi olması).
Digər kateqoriyaya formanın elə əlamətləri aid edilir ki, onlar əşyanın
keyfiyyəti ilə möhkəm və birmənalı əlaqədə olmur, ancaq əşyalardan praktiki
istifadə zamanı bu neytral əlamətlər insanın şüurunda məmulatın faydalılığı ilə
birləşərək onun ictimai dəyərlilik nişanəsi kimi özünü göstərir.
Üçüncü qrup əlamətlər məmulatın müəyyən üslub və dəbə uyğunluğunu
göstərən əlamətlərdir.
Məmulatın formasının bütövlüyünü (tamlığını) xarakterizə edən əlamətləri
dördüncü kateqoriyaya aid etmək olar. Bu əlamətlər müxtəlif əlamətlərin vahid
kompozisiya ideyasına tabe olmasını xarakterizə edir. Odur ki, onlar öz –
özlüyündə bu və ya digər növ məmulat üçün spesifik deyildir və hər bir əşya
formasında müşahidə oluna bilər. Bu əlamətlər kompozisiya əlamətləri adlanır.
İstehlak mallarının
forması insana onu əşyanın həqiqi ictimai faydalığı
haqda biliklərindən asılı olmayaraq estetik təsir edə bilər. Lakin məmulatın
keyfiyyətinin tam və dəqiq qiymətləndirilməsinə formasının mükəmməllik
dərəcəsi ilə təhlil olunan məmulatın dəyəri arasında uyğunluğu yoxlanması
daxil edilməlidir. Məsələyə belə yanaşma göstərir ki, sənaye məmulatlarının
estetik qiymətləndirilməsi zamanı həm əşyanın həqiqi mükəmməlliyi, həm də
Dostları ilə paylaş: |