41
Müzakirəyə qədər və ondan sonra qiymətləndirmə arasında fərqin
yaranmasının iki səbəbi ola bilər, ya müzakirə prosesində əvvəl nəzərə
alınmayan yeni informasiya əldə edilmişdir, ya da ekspert qrupun təsirinə məruz
qalmışdır. Birinci hal müsbət haldır, ikinci isə arzuolunmazdır və qeyri-obyektiv
qiymətləndirməyə gətirib çıxarır.
Ekspertlərin verdikləri qiymətlərdəki fərqin əsl səbəbini müəyyənləşdirmək
üçün konformluq ölçüsünün təyin edilməsi təklif olunur [8].
Ekspert üsulu ilə istehlak mallarının keyfiyyətinin qiymətləndirməsi metodu
xüsusilə o hallar üçün müvəffəqiyyətlə tətbiq oluna bilər ki, məmulatın tək-tək
texniki-iqtisadi göstəricilərinə görə onun istehlak xassələri haqda tam fikir
söyləmək mümkün olmur.
Yuxarıda istehlak mallarının keyfiyyətinin ekspert qiymətləndirməsinin əsas
mərhələləri və xüsusiyyətləri şərh edilmişdir, lakin belə “tam” qiymətləndirmə
nadir hallarda tətbiq edilir. Daha çox etibarlı nəticələri təmin edəcək qədər
məhdudlaşdırılmış qiymətləndirmədən istifadə olunur.
7. İstehlak mallarının keyfiyyət səviyyəsinin və çeşidinin
proqnozlaşdırılması
Yeni istehlak malları
yaradılarkən onun keyfiyyət göstəricilərinin
optimallaşdırılması üçün əvvəlcə məmulatın keyfiyyət səviyyəsini xarakterizə edən
kompleks göstəricini proqnozlaşdırırlar. Bundan sonra, keyfiyyətin kompleks baza
göstəriciləri işlənib hazırlanır. Yalnız bunlardan sonra müvafiq keyfiyyət səviyyəli
yeni məmulatın konstruksiyasının və hazırlanma texnologiyasının işlənib
hazırlanmasına başlayırlar.
İstehlak mallarının keyfiyyət səviyyəsinin proqnozlaşdırılması keyfiyyət
haqqında keçmiş vaxt intervalında alınmış məlumatların təhlilinə əsaslanaraq gələcək
dövr üçün (perspektiv) keyfiyyət göstəricilərinin mümkün qiymətlərinin təyinidir.
Başqa sözlə, məhsulun keyfiyyətinin proqnozlaşdırılması keyfiyyəti xarakterizə edən
ümumi göstəricilərin zamana görə dinamikası və ehtimal olunan qiymətidir.
42
Keyfiyyətin proqnozlaşdırılmasının əsas metodiki üsulları tədqiqat və normativ
proqnozlaşdırma üsullarıdır [4].
Tədqiqat (və ya axtarış) proqnozlaşdırılması əldə olunan potensial imkanlara
əsaslanır. O, eynitipli məmulatın keyfiyyət göstəricilərinin zamana görə dəyişməsinin
mövcud qaydalarının təhlilini tələb edir. Tədqiqat proqnozunun məqsədi
proqnozlaşdırılan keyfiyyət göstəriciləri haqqında əldə edilmiş məlumatlara
əsaslanaraq keyfiyyətin alternativ qiymətinin təyin edilməsindən ibarətdir.
Normativ proqnozlaşdırmada məqsəd hazırda və gələcəkdə baş verə biləcək
(gözlənilən) məsələləri həll etməkdir. O, həll olunacaq məsələnin məqsəd və
vəzifəsinin formalaşmasına imkan yaradır.
Normativ proqnozlaşdırmada keyfiyyət göstəricilərinin normativ bazaya malik
olması vacibdir. Belə normativ göstəricilər standartların müvafiq tələblərinə, texniki
şərtlərə və digər normativ-texniki sənədlərə əsaslanır. Elmi-texniki tərəqqinin
nailiyyətlərini əks etdirən normativlərin qəbulu və istehsal imkanlarının nəzərə
alınması perspektivdə mümkün olan keyfiyyət səviyyəsini proqnozlaşdırmağa imkan
yaradır.
Tədqiqi və normativ proqnozlaşdırma aşağıdakı əsas metodlarla həyata keçirilir:
1) ekstrapolyasiya;
2) çoxfaktorlu proqnozlaşdırma;
3) ekspert;
4) qarışıq.
Ekstrapolyasiya dedikdə ümumi mənada müşahidə sahəsindən və kənardan
alınmış məlumatların yayılma proseduru başa düşülür. Ekstrapolyasiya metodu
proqnozlaşdırılma dövrü üçün müəyyən olunmuş əlavə məlumatlardan ibarətdir.
Deməli, ekstrapolyasiya metodu prosesin gələcək inkişaf tendensiyasının
(qanunauyğunluqların) toplanıb saxlanması hipotezinə əsaslanır.
Ekstrapolyasiya metodu ilə proqnoz qiymətin təyini üçün baza dövrünün
məlumatları əsasında alınmış y = f (t) tənliyində vaxta müvafiq qiymətlər verməklə
funksiyanın axtarılan (proqnoz) qiymətini tapırlar.
43
Proqnozlaşdırılan keyfiyyət göstəricilərinin zamandan asılılığının tapılması üçün
bu asılılığı təsvir edən riyazi tənliyin tipi təyin olunmalıdır. Bu asılılıqlar xətti,
parabolik, hiperbolik, üstlu, loqarifmik və s. ola bilər [4].
Funksiyanın dəyişmə xarakterini əks etdirən tənliyin müəyyən olunması vahid
arqument üzrə prosesin modelləşdirilməsidir. Bu nisbətən sadədir.
Çoxfaktorlu proqnozlaşdırma metodu ekstrapolyasiya metodundan ancaq onunla
fərqlənir ki, burada çoxfaktorlu təhlildən istifadə edilir.
Çoxfaktorlu proqnozlaşdırma metodundan istifadənin zəruriliyi axtarılan
kompleks (ümumi) keyfiyyət göstəricisinin bir çox amillərdən (məsələn, fərdi
göstəricilərdən) asılı olduğu hallarda meydana çıxır.
Çoxfaktorlu
reqressiya
modelinin
istifadəsi
əsasında
çoxfaktorlu
proqnozlaşdırmanın ümumi struktur sxemi aşağıdakı əsas mərhələlərdən ibarətdir:
• öyrənilən göstəricilərə təsir edən ümumi faktorların təyini, yaxud onların daha
mühümlərinin seçilməsi;
• əlamətlər (keyfiyyətin səviyyə göstəriciləri) arasındakı əlaqə və onların
amillərə təsir formasının müəyyən edilməsi, hər amilin mənasını əks etdirən
əmsalların ədədi qiymətinin təyin edilməsi;
• bütün nəzəri və praktiki məhdudiyyətləri nəzərə almaqla reqressiya analizi
əsasında çoxfaktorlu reqressiya modelinin yekun variantının alınması;
• aydınlaşdırılan amillərin qarşılıqlı əlaqəsi və əlamətin ekstrapolyasiyası, yəni
keyfiyyət səviyyəsinin yüksəldilməsinin seçilən amillərin dinamikliyindən asılı
olaraq proqnozlaşdırılması.
Keyfiyyətin çoxfaktorlu reqressiya modelinin qurulması müxtəlif formada olur.
Ekspert proqnozu metodundan da tez-tez istifadə olunur, lakin burada əlavə
olaraq patent materialları və elmi-texniki informasiyalar da təhlil edilir.
Proqnozlaşdırmanın ekspert metodu əsasən istehlak mallarının keyfiyyət səviyyəsi
göstəricilərinin perspektiv qiymətini və elmin, texnikanın təkamül xarakterli
inkişafında məhsulun keyfiyyət məsələsini həll etməyə imkan verir.
İstehlak mallarının keyfiyyət səviyyəsinin və məmulata tələbatın dəyişmə
tsiklinin, istehsal və istehlak həcminin təhlili əsasında məməmulatın keyfiyyətinin
Dostları ilə paylaş: |