35
isə baxılan halda etalon kimi qəbul edilən ən yaxşı məmulatın səviyyəsinə
uyğun olduqda alır.
Belə qiymətləndirmə özü iki mərhələdə aparıla bilər. Əvvəlcə ekspertlər
müstəqil olaraq məmulatın formasının mükəmməllik dərəcəsinin kəmiyyət
xarakteristikalarını təyin edirlər və qısa, lakin konkret yazılı əsaslandırma ilə
onları informasiya - hesablama qrupuna təqdim edirlər. Hesablama qrupu
qiymətləndirmənin nəticələri üzərində işləyərək ekspertlərin fikrinin uzlaşmasını
müəyyən edir, bu zaman variasiya əmsalından istifadə olunur. Əgər bu əmsalın
qiyməti verilmiş həddi aşmırsa, qiymətləndirmə məqsədəuyğun hesab edilir və
ekspert komissiyası qiymətləndirmənin növbəti fazasına keçir. Əgər əmsalın
ədədi qiyməti qəbul edilmiş hədd qiymətini aşırsa, komissiyasının sədri
qiymətləndirmənin ikinci mərhələsinə keçmək haqda qərar verir.
Qiymətləndirmənin ikinci mərhələsinin nəticələri yenidən ekspertlərin
fikrinin uzlaşmasını müəyyən etmək üçün işlənilir. Əgər razılaşmanın verilmiş
kriteri ödənmirsə, onda ekspert komissiyası analiz olunan məmulatın formasının
mükəmməllik dərəcəsinin əlavə kompleks qiymətləndirilməsini həyata keçirir.
Kompleks qiymətləndirməyə məmulatın forma yaradan əlamətlərinin təhlili
və çəki əmsallarının təyini daxil edilir.
Forma yaradan əlamətləri “ierarxiya ağacının” qurulması prinsipinə görə
yerləşdirirlər. Yuxarıda göstərildiyi kimi aşağı (birinci) səviyyəyə əşyanın
formasının hazırlanma keyfiyyətini xarakterizə edən əmtəə əlamətləri aid edilir.
İkinci səviyyəyə verilən məhsul növünün forma quruluşunun maddi
xüsusiyyətlərini xarakterizə edən əlamətlər daxildir. Üçüncü səviyyəni əşyanın və
ətraf aləmin üslubca vəhdətini müyyənləşdirən əlamətlər təşkil edir. Nəhayət,
dördüncü səviyyəni məmulatın formasının tamamlığının və kompozisiyasının
bütövlüyünün təhlili ilə əlaqəli əlamətlər yaradır.
Forma yaradan əlamətlərin siyahısı qiymətləndirilən istehlak mallarının
xarakterindən və mürəkkəbliyindən asılı olub, ekspert komissiyası tərəfindən hər
bir məhsul növü üçün ayrılıqda təyin olunur. Belə əlamətlər üçün çəki əmsalları
onların sayından asılı olaraq müəyyən edilir. Əgər əlamətlərin sayı 7 – 9-dan
36
çox deyildirsə, ekspertlər təhlil edilən bütün əlamətlərin çəki əmsallarının
cəminin vahidə bərabər olması şərti daxilində çəki əmsallarını təyin edirlər.
Əgər təsdiq olunmuş seriyada əlamətlərin sayı çoxdursa, ekspertlər onların
sayını 7 – 9-dan çox olmamaqla qruplara bölür, sonra hər bir qrup üçün ardıcıl
olaraq çəki əmsallarını tapırlar.
Forma yaradan əlamətlərin sayı qiymətləndirmənin sonrakı əməliyyatlarına
da təsir edir. Əgər əlamətlərin sayı yeddiyə bərabər və ya ondan kiçikdirsə
(
7
n
), əlamətlərin çəkiliyi müəyyən edildikdən sonra informasiya - hesablama
qrupu hər bir əlamət üçün variasiya əmsalını hesablayır. Əgər çəki əmsallarının
cəmi 0,75 – dən az olmayan əlamətlər toplusu variasiya əmsalının qəbul edilmiş
hədd qiymətini təmin edirsə, fikirlərin uzlaşması qənaətbəxş hesab edilir. Əks
halda ekspertlər yenidən bütün forma yaradan əlamətləri ranqlayır və onları
müzakirə etdikdən sonra çəki əmsallarının qiymətini yenidən tapırlar [8].
Forma yaradan əlamətlərin sayı 7 – 9-dan böyük olduqda ekspertlərin
fikrinin yekdilliyi konkordasiya əmsalı ilə təyin edilir. Əgər bu əmsalın qiyməti
verilmiş həddən kiçikdirsə, komissiyanın sədri çəki əmsallarını birlikdə müzakirə
etməklə dəqiqləşdirməyi ekspertlərə təklif edir.
Sonra ekspertlər qəbul edilmiş bal sistemi üzrə forma yaradan əlamətlərin
differensial qiymətləndirilməsinə başlayırlar.
Estetik qiymətləndirmənin üçüncü mərhələsinə estetik göstəricilərin
qiymətinin təyin edilməsi daxildir. Keyfiyyətin estetik göstəricisinin qiyməti
məmulatın formasının mükəmməllik dərəcəsinin qiyməti ilə onun faktiki
texniki-iqtisadi göstəricilərinin kompleks qiymətləndirilməsinin nəticələri ilə
müəyyənləşdirilən faktiki ictimai-dəyər səviyyəsinin müqayisəsi kimi təyin
edilir.
Beləliklə, sənaye məmulatının keyfiyyətinin estetik göstəricisinin
qiymətləndirilməsi iki qarşılıqlı əlaqəli əməliyyatın yerinə yetirilməsindən
ibarətdir. Bir tərəfdən məmulatın forması müəyyən maddiləşmiş dəyər kimi
qiymətləndirilir. Digər tərəfdən isə formada əks olunan məmulatın dəyər
cəhətinin onun faktiki ictimai dəyərinə uyğunluğu təhlil edilir. Alınmış nəticələr
37
ölçüsüz nisbi vahidlərlə ifadə olunur və sənaye məmulatının estetik
səviyyəsinin kəmiyyət ölçüsüdür.
İstehlak mallarının
estetik keyfiyyət göstəricisi təyin edilərkən formanın
inkişaf ənənələrinin analizinə də xüsusi diqqət verilir. Formanın perspektivliyini
qiymətləndirmək üçün xüsusi indekslərdən istifadə olunur. Bu indekslər
məmulatın bu gün qiymətləndirilən estetik səviyyəsinin dəyişməz qalacağı
müddəti nəzərə alır.
Qeyd etmək lazımdır ki, təcrübədə estetik göstəricilərin qiymətləndirilməsi
zamanı şərh olunan bütün mərhələlərin tətbiq edilməsi məcburi deyildir. Burada
qiymətləndirmənin bütün mümkün halları və variantları daxil edilən universal
sxem göstərilmişdir. Daha mürəkkəb üsul və qaydalar sadə qiymətləndirmə
qaydaları əlverişsiz olduqda tətbiq edilir.
İstehlak mallarının istehsalının ümumi texniki səviyyəsi yüksəldikcə onların
keyfiyyətində estetik faktorların rolu da artır. Bu isə öz növbəsində gələcəkdə
insanın yaratdığı məmulatların estetik qiymətləndirilməsi üçün daha dəqiq və
etibarlı metodların işlənməsini tələb edir.
6. Keyfiyyətin qiymətləndirilməsinin ekspert metodunun
xüsusiyyətləri
Keyfiyyətin qiymətləndirilməsinin ekspert metodu məhsulun keyfiyyətinin
qiymətləndirilməsində müxtəlif tələblərin ödənilməsini təmin edən, metrologiyada
istifadə olunan bir çox böyük əmək tutumlu ölçmələri əvəz edəcək qədər
dəqiqliyə malik bir metoddur. Ekspert metodu bilavasitə ölçülməsi qeyri-
mümkün olan, lakin faydalılıq, əlverişlilik, insanların zövqünü oxşama kimi
mühüm istehlak xassələrini xarakterizə edən bir çox göstəricilərin
qiymətləndirilməsində əvəzedilməzdir.
Qeyd olunduğu kimi keyfiyyətin qiymətləndirilməsində ekspert metodu
geniş tətbiq olunur, ancaq onun əsas qaydalarının tam işlənməsi hələlik lazımi
səviyyədə deyildir. Onun kifayət qədər qüsursuz yerinə yetirilməməsinə səbəb
Dostları ilə paylaş: |