96
Bu xidmətin nəzarət-təftiş funksiyaları şəffafdır, o, vasitəçidir, müstəqil
tədqiqatçıdır.
Ombudsman — formal prosessual tələblərdən azad və konkret hüquqi
çərçivə ilə məhdudlaşmayan hüquqi yardım növüdür.
Müasir dünyada ombudsman inandırmaq institutudur. Onun silahı aşkarlıq,
tənqid və inandırmaqla, göstərməklə işləyir. O, qərəzsiz və müstəqil araşdırıcı rolu
oynayır.
Müvəkkil təsisatının yaradılmasının konstitusiya xarakterli bir məsələ
olduğunu və insan hüquqları üzrə müvəkkilin özünün dövlətin siyasi-hüquqi
sisteminin vacib bir komponenti olduğunu nəzərə alaraq, bu qanunvericilik aktı
məhz Konstitusiya qanunu kimi, Konstitusiyaya əlavə kimi qəbul olunur.
Ombudsman xidmətinin təsisi bugünkü gerçəkliyin mühüm tələbatı olmaqla
yanaşı, bu təsisatın yaradılması nəinki hüquq müdafiə strukturları sistemini
tamamlayır, həm də mövcud olan hüquqi boşluqları doldurur, vətəndaşların hüquq
və azadlıqlarının müdafiəsi mexanizmində qüsurları aradan qaldırır.
İnsan hüquqları üzrə müvəkkil (ombudsman) əməli hüquq müdafiə
fəaliyyəti göstərməklə vətəndaşların real problemləri ilə yaxından tanış olur. O öz
əməli fəaliyyətinin nəticələrini sistemləşdirib təhlil etməklə qanunvericiliyin
yeniləşməsinə də kömək edir.
Ombudsman təsisatı cəmiyyətin birləşməsinə yönəlmişdir. Müvəkkil təsisatı
səriştəsiz idarəetmə və hakimiyyətdən sui-istifadə məsələlərini qaldırmaqla dövlət
orqanları və onların vəzifəli şəxslərinə verilmiş hakimiyyət hüduduna riayət
edilməsinin təminatçısı xidmətini göstərir. Bu təsisat vətəndaş və dövlət arasında
münasibətləri daha yüksək dərəcəyə qaldırır, ikitərəfli etimadın yaranması
prosesinə kömək edir ki, bu da daxili siyasi gərginliyi xeyli dərəcədə azaldır və
dövlətçiliyə inamı möhkəmləndirir. Beləliklə, ombudsman birbaşa əhalinin
maraqlarına xidmət edir.
IV. Avropa Şurasının tövsiyələrinə uyğun olaraq "Beynəlxalq Qızıl Xaç
Komitəsinin azadlıqdan məhrumetmə yerlərində səlahiyyətlərinin həyata
keçirilməsinin təmin edilməsi barədə" Azərbaycan Respublikası hökuməti və
Beynəlxalq Qızıl Xaç Komitəsi arasında 2000-ci il iyunun 1-də saziş
imzalanmışdır. Bu saziş Beynəlxalq Qızıl Xaç Komitəsi nümayəndələri tərəfindən
azadlıqdan məhrumetmə yerlərində zəruri olan daxili intizam və əsas təhlükəsizlik
qaydalarına riayət edilərək həbs edilmiş, saxlanılmış və ya başqa üsullarla
azadlıqdan məhrum edilmiş şəxslərə, məhkumlara, habelə məhkum olunmamış
şəxslərə, onların həbsdə olduqları bütün mərhələlərdə başçəkilmə prosedurlarının
həyata keçirilməsini tənzimləyir.
Penitensiar
müəssisələrin
fəaliyyətinin
beynəlxalq
standartlara
uyğunlaşdırılması üçün 2000-ci ildə Cəzaların İcrası Məcəlləsi qəbul olunmuşdur.
Bu qanun hazırlanarkən BMT-nin 1955-ci il "Məhkumların davranış
qaydalarının minimum standartları", Avropa Şurası tərəfindən qəbul olunmuş
97
"Avropa penitensiar qaydaları" və digər beynəlxalq konvensiya və aktlar nəzərə
alınmışdır.
Yeni qanunvericiliklə məhbuslara şəxsi təhlükəsizlik, vicdan və din
azadlığı, telefon danışıqlarından istifadə hüququ, məzuniyyət və digər hüquqlar
verilmiş, növbəti bağlama və sovqat alınmasında, məktub və teleqram
göndərilməsində nəzərdə tutulmuş məhdudiyyətlər aradan qaldırılmış, onlara bir
sıra yeni imtiyazlar verilmişdir.
Bu məcəllə ilə məhbusların saxlanılması şəraiti yaxşılaşdırılmış, onların
hüquqları genişləndirilmiş, penitensiar sistemdə dərin islahatların əsası
qoyulmuşdur.
Həmin qanunun əsas məqsədi məhkumları islah etmək, yeni cinayətlərin
qarşısını almış, məhkumların hüquqlarını və qanuni mənafelərini qorumaq,
cəzaların icrası və çəkilməsi qaydalarını və şərtlərini tənzimləməkdən ibarətdir.
Qanun şəxsin vəkillə senzura olmadan yazışmasına və görüşməsinə, istirahət
hüququna, dini etiqad azadlığına təminat verir, həmçinin qohumlarla qısa və
uzunmüddətli görüşlərin vaxtının uzadılmasını nəzərdə tutur.
IV.a. Məhbuslara münasibətdə Azərbaycan dövləti öz üzərinə götürdüyü
öhdəliklərə hörmətlə yanaşır və onların yerinə yetirilməsi üçün mühüm işlər görür.
Belə ki, ilk növbədə Azərbaycanda ölüm cəzasının ləğvi və cəza siyasətinin
humanistləşməsi ölkəmizin Avropa ailəsinə qoşulmasını təmin edən mühüm
amillərdən biri olmuşdur. Bir çox Avropa dövlətləri ölüm cəzasını ləğv edənə
qədər uzun illər bu məsələni araşdırmış və çox zaman da qəti qərar verməkdə
çətinlik çəkmişlər. Təsəvvür edin ki, 1950-ci ildə qəbul edilmiş İnsan hüquqlarına
dair Avropa Konvensiyasında yaşamaq hüququ maddəsində ölüm cəzasının
mövcudluğu qeyd olunmuşdur. Ancaq 1983-cü ildə Avropa Şurası tərəfindən qəbul
edilmiş bu konvensiyanın 6 saylı əlavə Protokolunda ölüm cəzası ləğv
olunmuşdur.
Göründüyü kimi, ölüm cəzasını ləğv etmək üçün Avropa dövlətlərinə uzun
illər lazım olmuşdur. Ümummilli lider Heydər Əliyevin hakimiyyətə gəldikdən
sonra ilk qərarlarından biri ölüm cəzasına moratorium qoyulması oldu. Bundan
sonra ölüm cəzasının ləğv olunması yolunda bir neçə siyasi addım atıldı. Prezident
Heydər Əliyev ölüm cəzasının ləğvi ilə bağlı qəti qərar verməzdən əvvəl bu məsələ
ictimaiyyət tərəfindən müzakirə olundu. Müzakirələrdən sonra ölkə Prezidenti
qətiyyətli və humanist bir addım ataraq Şərqdə ilk dəfə ölüm cəzasının ləğv
olunması ilə bağlı qərar qəbul etdi.
1995-ci ildə qəbul olunmuş yeni Konstitusiyada ölüm cəzası tam ləğv
edilənədək yalnız dövlətə, insan həyatına və sağlamlığına qarşı xüsusilə ağır
cinayətlərə görə müstəsna cəza tədbiri kimi göstərildi və artıq daimi cəza növü
kimi nəzərdə tutulmadı.
Bundan sonra 1996-cı ilin may ayında Azərbaycan Prezidentinin
qanunvericilik təşəbbüsünü parlament dəstəklədi və yaşı 65-dən yuxarı kişilərin
ölüm cəzasından azad olunması haqda qərar qəbul edildi. Eyni zamanda, ölüm
Dostları ilə paylaş: |