114
Hazırkı yazılı deklarasiya yalnız imza atmış şəxslər tərəfindən təsdiq
edilmişdir.
Genosid Azərbaycan tarixinin ayrılmaz bir hissəsi oldu və bu, 1813-cü ildə
Gülüstan, 1828-ci ildə isə Türkmənçay müqavilələrinin imzalanması və bununla
ərazilərin parçalanmasından baş götürür.
1905-1907-ci illərdə ermənilər "Böyük Ermənistan" dövlətini qurmaq
məqsədilə azərbaycanlılara qarşı vəhşi və dəhşətli qırğınlar törətdilər. 1918-ci ilin
mart ayında ermənilər azərbaycanlıları Bakı, Şamaxı, Quba, Qarabağ, Zəngəzur,
Naxçıvan, Lənkəran və Azərbaycanın başqa regionlarından qovmuşdular.
Sovet rejiminin köməyi ilə Ermənistan 1920-ci ildə Zəngəzur və başqa
Azərbaycan torpaqlarını özünə birləşdirdi. 1948-1953-cü illərdə kommunist rejimi
azərbaycanlı əhalini onların Ermənistanda olan doğma torpaqlarından Azərbaycana
göndərdi.
1988-ci ildə Dağlıq Qarabağ münaqişəsinin başlanmasında yüz minlərlə
azərbaycanlı öz tarixi torpaqlarından sürgün olundu.
26 fevral 1992-ci il tarixində ermənilər Xocalı şəhərinin bütün əhalisini
vəhşicəsinə qırıb şəhəri bütövlüklə darmadağın etdilər.
Dağlıq Qarabağda erməni separatizmi və hazırkı Azərbaycan torpaqlarının
20 faizini işğal etməsi minlərlə ölümə və milyondan çox qaçqının yaranmasına
səbəb oldu.
Aşağıda imza edən assambleya üzvləri Parlament Assambleyasının bütün
üzvlərinə müraciət edərək xahiş edir ki, assambleya XIX əsrdən bəri ermənilər
tərəfindən Azərbaycan xalqına qarşı törədilmiş genosidin etirafı üçün müvafiq
addımlar atsın.
İmzalayanlar — 30 nəfər.
III. Ermənistanın Azərbaycanın ərazi bütövlüyünü tanıması
Sənəd 9140
Nazirlər Komitəsinə müraciət olunmuş sual n-396 Hacıyeva xanımları
tərəfindən
Nazirlər Kabinetinin 10 və 11 may 2001-ci il tarixlərində keçirilmiş 108-ci
iclasında Balkan və Qafqazda vəziyyətlə bağlı məsələlər müzakirə olunmuşdu.
Görüş zamanı Ermənistan Respublikasının xarici işlər naziri V.Oskanyan cənabları
bəyan etdi ki, Ermənistan Azərbaycanın ərazi bütövlüyünü Dağlıq Qarabağ
münaqişəsi həll olunmayana qədər qəbul etmir və etməyəcək.
Aşağıdakıları nəzərə alaq ki,
həm Azərbaycan, həm də Ermənistan Avropa Şurasının tamhüquqlu
üzvləridir;
Azərbaycan Respublikasının ərazi bütövlüyü bütün beynəlxalq təşkilatlar,
BMT, ATƏT, Avropa Şurası daxil olmaqla və bütün dünya dövlətləri tərəfindən
qəbul edilir;
115
Yeganə Avropa Şurasının üzvü — Ermənistan o biri üzvün —
Azərbaycanın ərazi bütövlüyünü qəbul etmir;
Ermənistan Azərbaycanın 20 faiz ərazilərini işğal etmiş və bu, kütləvi insan
hüquqları normalarının pozulmasına səbəb olmuşdur.
C.Hacıyeva Nazirlər Komitəsinə müraciət edir ki, o, Ermənistan
Respublikasını aşağıdakıları yerinə yetirməyə çağırsın:
Beynəlxalq hüquqi dövlətlərin ərazi bütövlüyü və müstəqilliyi prinsipinə
riayət etsin və Azərbaycanın ərazi bütövlüyünü qəbul etsin.
IV. Azərbaycan mədəni irsinin dağıdılması və ələ keçirilməsi barədə
Sənəd 9147
Azərbaycan Respublikasına qarşı törədilmiş erməni təcavüzünün faciəvi
nəticələrindən biri ölkə ərazisinin 20 faizinin işğal edilməsindən başqa,
Azərbaycanın milli və mədəni irsinin dağıdılması və ələ keçirilməsidir. Beynəlxalq
təşkilatların bir çox çağırışlarına baxmayaraq, Ermənistan Azərbaycanın işğal
edilmiş regionlarda qalmış mədəni sərvətinin təhlükəsizliyinin təmin edilməsi
sahəsində heç bir konstruktiv addım atmamışdır.
500 tarixi memarlıq abidəsi və 100-dən çox arxeoloji abidə, 22 muzey, 4
incəsənət qalereyası, 927 kitabxana, 85 musiqi məktəbi, 4 dövlət teatrı
Azərbaycanın işğal edilmiş ərazilərində qalmışdır.
Hərbi əməliyyatların nəticəsi olaraq Kəlbəcər və Laçında olan Tarix və
Regional Tədqiqat muzeyləri, Şuşa və Qarabağın tarixi muzeyləri, Zəngilanda olan
Daş Abidələr muzeyləri və həmçinin, bir çox digərləri oğurlanmış və dağıdılmışdır.
İşğal nəticəsində Bürünc dövrünün təkrarsız abidələri, təxminən 100 qəbir
təpəciklərindən ibarət olan Xocalı kurqan sahəsi yerlə yeksan edilmişdir.
Assambleya qiymətli abidə sayılan, insan sivilizasiyasının ən qədim
yerlərindən olan Azıx mağarasının səhra silah anbarına çevrilməsindən dərin təşviş
hissi keçirir.
İncəsənət və ədəbiyyat sahəsində Azərbaycana məxsus işlərin qanunsuz
olaraq ermənilər tərəfindən bir sıra zəbtedilmə halları Azərbaycan Respublikasının
Müəlliflik Hüququnun Müdafiə edilməsi Agentliyi tərəfindən yoxlanılaraq təsdiq
edilmiş və bütün bunlar Azərbaycan xalqının ciddi narahatlığına səbəb olmuşdur.
Bir çox əsrlər boyu yaradılmış olan mədəni irsin ayrıca götürülmüş millətə
və ya ölkəyə mənsub olması ilə bərabər, həmçinin bütün dünya mədəniyyətinin
tərkib hissəsi olduğunu nəzərə almaqla, Parlament Assambleyası Nazirlər
Komitəsinə müraciət edir ki, Azərbaycanın mədəni irsinin dağıdılması və qanunsuz
olaraq mənimsənilməsini dayandırmaq üçün zəruri olan addımlar atsınlar.
İmzalayanlar — 18 nəfər.
V. Azərbaycan Respublikasında (Dağlıq Qarabağ, Şuşa, Laçın, Qubadlı,
Zəngilan, Kəlbəcər, Ağdam, Füzuli, Cəbrayıl) ekoloji vəziyyət
Sənəd 9148
116
Ekoloji problemlərin müasir dünyada qlobal mühümlüyünü nəzərə alaraq,
Avropa Şurasını Azərbaycan Respublikasında (Dağlıq Qarabağ, Şuşa, Laçın,
Qubadlı, Zəngilan, Kəlbəcər, Ağdam, Füzuli, Cəbrayıl) müşahidə edilən indiki
ekoloji vəziyyət narahat edir. Yuxarıda qeyd olunmuş Azərbaycan ərazilərində
iki milli qoruq (Qarabağ və Bəsitçay) və dörd müvəqqəti qoruq (Laçın, Qubadlı,
Arazkənarı və Damaltı) yerləşir. Özünəməxsus unikal təbiət landşaftı, faunası və
florası olan milli qoruqlara Azərbaycan tərəfindən heç bir surətdə nəzarət edilmir
və məlumatlara görə, onlar sistematik olaraq talan edilir.
Yuxarıda qeyd olunmuş ərazilərdə yerləşən meşələrin ümumi sahəsi 264
000 hektardır. Hazırda qeyd olunmuş sahədə bütün nadir ağacların növləri kəsilib
və heyvanlar, demək olar ki, tamamilə yox olublar. Nəticə olaraq, təbii
komplekslər arasında olan ən mühüm bioloji əlaqələr pozulub və ekoloji böhran
baş verib. Araz çayında olan suyun, Kür çayının ən uzun qolunun, Azərbaycanın
ən mühüm su arteriyasının kimyəvi analizləri göstərir ki, suyun çirklənmə
səviyyəsi mümkün normadan dəfələrlə artıqdır. Araz çayının əsas qollarının
(Oxçuçay, Razdan, Arpaçay) Ermənistan ərazisindən keçdiyini və Ermənistan
Respublikası tərəfindən Sərhədkeçən su arteriyalarının və beynəlxalq göllərin
mühafizəsi və istifadəsi Konvensiyasının (Helsinki, 2000-ci il) təsdiqlənməməsini
nəzərə alaraq assambleya hazırkı vəziyyətlə əlaqədar öz narahatlığını bildirir.
Bütöv Qafqaz regionunun yüksək seysmoloji səviyyəyə malik olduğunu nəzərə
alaraq (Spitakdakı zəlzələ 1988-ci ildə, Bakıda — 2000-ci ildə), Ermənistan
Respublikasında atom stansiyasının mövcud olması yalnız Qafqaz regionunda yox,
həmçinin bütün Qərbi Avropa və Mərkəzi Asiya regionunda insan həyatına böyük
potensial təhlükə yaradan bir mənbə kimi qiymətləndirilə bilər.
2001-ci il fevral ayında Azərbaycan Respublikası tərəfindən təsdiq edilmiş
Baş Konvensiyanın təhlükəli tullantıların sərhəd sularından keçmə nəzarəti
Əsasnaməsi və yuxarıda qeyd edilmiş ərazilər tamamilə nəzarət olunmaması
faktını nəzərə alaraq assambleya Ermənistan Atom Stansiyasının Azərbaycan
ərazilərinə nüvə tullantılarını atmaq mümkünlüyünə dair öz narahatlığını bildirir.
Yuxarıdakıları nəzərə alaraq, assambleya Nazirlər Komitəsinə müvafiq addım
atmaq xahişi ilə müraciət edir ki, Avropa Kontinentinin unikal və işğal altında olan
hissəsində ekoloji fəlakət baş verməsin.
İmzalayanlar — 16 nəfər.
VI. Azərbaycanda qaçqın və məcburi köçkünlərin Avropada təhsil
sahəsində gələcək inkişaf proqramı çərçivəsində təhsil almaq hüququ
Sənəd 9237
Azərbaycanın 10 il bundan əvvəl qazanılmış müstəqilliyi Avropa və
beynəlxalq standartların yerinə yetirilməsi və Avropanın inkişaf etmiş təhsil
mərkəzləri ilə fəal əməkdaşlığın yaradılması baxımından təhsil sahəsində əsaslı
imkanlar yaratmışdır. Lakin son on iki ildə baş vermiş müharibə və işğal
Azərbaycanda təhsil sisteminin inkişafına mane olmuşdur.
Dostları ilə paylaş: |