100
imzalamışdır. Bu qanunverici sənəd Azərbaycanın penitensiar sistemində aparılan
islahatların hüquqi bazasını daha da möhkəmləndirmiş və cəzaçəkmə yerlərinin
fəaliyyətinin təkmilləşdirilməsi üçün əlverişli zəmin yaratmışdır. Bu fərmanla
Azərbaycan Respublikasının Prezidenti yanında Dövlət Komissiyası yaradılmışdır.
Komissiyaya
islah-əmək
müəssisələrində və istintaq təcridxanalarında
qanunvericilik, təşkilati və digər məsələləri nəzərdə tutan tədbirlər proqramı
hazırlamaq, cəzaçəkmə yerlərinin beynəlxalq standartlara uyğun təşkili və
fəaliyyətinin
təmin
edilməsi
üçün
onların
maddi-texniki
bazasının
möhkəmləndirilməsi, müasir nəzarət, mühafizə, mühəndis-texniki qurğularla və
digər xüsusi vasitələrlə təchiz olunması üçün zəruri tədbirlər görmək, penitensiar
müəssisələrin əməkdaşlarının sosial-müdafiəsinin yaxşılaşdırılması, onların
əmək haqqının artırılması, cəzaçəkmə yerlərində məhkumların saxlanılması
şəraitinin daha da yaxşılaşdırılması sahəsində tədbirləri davam etdirmək
tapşırılmışdır. Dövlət komissiyası ölkə başçısının fərmanına əsasən tədbirlər
proqramı hazırlamış və proqram təsdiq edilmişdir. Bu proqramda Azərbaycanın
penitensiar sistemi qarşısında duran bir çox vacib problemlər öz həllini tapmışdır.
2000-ci il oktyabr ayının 9-da Azərbaycan Respublikasının Prezidenti
tərəfindən imzalanan iki fərman da penitensiar sistem üçün böyük əhəmiyyət kəsb
edir. Belə ki, ölkəmizdə vahid penitensiar siyasəti həyata keçirmək və istintaq
təcridxanalarının fəaliyyətini Avropa Şurasının standartlarına uyğunlaşdırmaq
məqsədilə Azərbaycan Respublikasının Daxili İşlər Nazirliyinin nəzdində olan üç
istintaq təcridxanası Ədliyyə Nazirliyinin tərkibinə verilmişdir.
İkinci fərman isə dövlətimizin penitensiar sistemində həyata keçirilən
islahatların
gücləndirilməsinə,
islah-əmək
müəssisələrinin
və
istintaq
təcridxanalarının işinin daha da yaxşılaşmasına yönəldilmişdir. Fərmanda islah-
əmək müəssisələrinin və istintaq təcridxanalarının işinin təkmilləşdirilməsi, qarışıq
rejimli islah-əmək müəssisələrinin yaradılması, məhbus və məhkumların
saxlanılma şəraitinin və onlara göstərilən tibbi xidmətin yaxşılaşdırılması üçün
qanunvericilik, təşkilati və digər tədbirlərin həyata keçirilməsi nəzərdə
tutulmuşdur.
IV.b. İşgəncələrin və digər qəddar, qeyri-insani hərəkətlərin, yaxud ləyaqəti
alçaldan rəftarın qarşısının alınması üçün beynəlxalq təşkilatlar tərəfindən təklif
edilmiş tövsiyələrin Azərbaycan Respublikası tərəfindən yerinə yetirilməsi üçün
konkret tədbirlər görülmüşdür. Belə ki, qəbul edilmiş yeni Cinayət Məcəlləsinə
işgəncəyə görə cinayət məsuliyyəti nəzərdə tutan 132 və 133-cü maddələr daxil
edilmişdir. Həmin maddələrə əsasən, şəxsdən məlumat almaq və ya onu etirafa
məcbur etmək, yaxud törətdiyi və törədilməsində şübhə doğurduğu əmələ görə
həmin şəxsi cəzalandırmaq məqsədilə öz qulluq mövqeyindən istifadə etməklə
vəzifəli şəxs tərəfindən və ya onun təhriki ilə şəxsə işgəncə vermə, yəni, onu
mütəmadi olaraq döymə və ya psixi iztirablar vermə cinayət məsuliyyətinə səbəb
olur və beş ildən on ilədək müddətə azadlıqdan məhrum etmə növündə cəza
müəyyən edilir.
101
"BMT-nin İşgəncələrə Qarşı Komitəsinin və Beynəlxalq Amnistiya
Təşkilatının Azərbaycana dair hesabatı ilə əlaqədar tədbirlər haqqında" Azərbaycan
Respublikasının Prezidenti Sərəncam imzalamış və hesabatda göstərilən faktların
yoxlanılması və tədbir görülməsi, bu sahədə insan hüquqlarının müdafiəsi ilə
məşğul olan beynəlxalq təşkilatlarla işin səmərəli təşkil olunması məqsədilə işçi
qrupu yaradılmış və respublikanın hüquq-mühafizə orqanları tərəfindən müvafiq
tədbirlər planının hazırlanıb həyata keçirilməsi tapşırılmışdır. Azərbaycan
Respublikası Ali Məhkəməsi Plenumunun qərarı ilə müəyyən edilmişdir ki,
təhqiqat, ibtidai istintaq dövründə və ya cəza çəkilərkən, habelə hərbi xidmət
dövründə vəzifəli şəxslər tərəfindən vətəndaşların və ya həqiqi hərbi xidmətə
çağırılmış gənc əsgərlərin işgəncələrə və ləyaqəti alçaldan, qeyri-insani rəftar və
cəza növlərinə məruz qalmaları cinayət qaydasında cəzalandırılmalı əməllərdir və
belə məlumatlara məhkəmə bütün hallarda münasibətini bildirməlidir. Azərbaycan
Respublikası Baş prokurorunun əmri ilə təhqiqat və ibtidai istintaq zamanı işgəncə
və digər qanunsuz metodların tətbiq olunması hallarının qarşısının alınması və belə
hallara yol verən əməkdaşlar barəsində qanunun bütün gücündən istifadə
edilməsi və vətəndaşların pozulmuş hüquqlarının bərpa edilməsi üçün prokuror
nəzarətinin həyata keçirilməsinin təmin edilməsi nəzərdə tutulmuşdur.
Başqa dövlətə təslim edilən şəxsə qarşı bu dövlətdə Beynəlxalq
Amnistiyanın tövsiyələrində nəzərdə tutulmuş işgəncələr verilməsini ehtimal
etməyə ciddi əsaslar olduqda, onun təslim edilməsinə dair İşgəncələrə dair
Konvensiyanın 3-cü maddəsinin tələbləri yeni Cinayət Məcəlləsində öz təsbitini
tapmışdır.
IV.c. 1999-cu il dekabrın 7-də Azərbaycan Respublikasında fikir və söz
azadlığını, mətbuat və jurnalistlərin müstəqilliyini təmin edən, xüsusilə mətbuat
azadlığını məhdudlaşdıran inzibati tədbirlərdən istifadəni istisna edən "Kütləvi
informasiya vasitələri haqqında" Azərbaycan Respublikasının Qanunu qəbul
edilmişdir. Qanunla kütləvi informasiya vasitələri üzərində dövlət senzurasına yol
verilmir, vəzifələr və məsuliyyət doğuran məlumat almaq və ya yaymaq
azadlıqlarının müdafiəsi haqqında Avropa Konvensiyasının 10-cu maddəsinin 2-ci
bəndinə müvafiq olaraq demokratik cəmiyyətdə zəruri olan rəsmiyyətlərə və ya
cərimə sanksiyalarına məruz qala bilər. Qanuna əsasən, kütləvi informasiya
vasitələrinin istehsalı və yayımı təsisçinin və ya məhkəmənin qərarı ilə müvəqqəti
dayandırıla, yaxud ona xitam verilə bilər və vəzifəli şəxslər tərəfindən hər hansı
müdaxilə, o cümlədən senzura tətbiq etmə, peşə müstəqilliyini pozma, kütləvi
informasiya vasitələrinin istehsalını və yayımını dayandırma, tirajı müsadirə etmə
və digər hüquqların pozulması Azərbaycan Respublikasının qanunvericiliyinə
müvafiq olaraq mülki, inzibati, cinayət və digər məsuliyyətə səbəb olur.
Mətbuat haqqında qanunvericiliyin İnsan hüquqlarının və əsas
azadlıqlarının müdafiəsi haqqında Avropa Konvensiyasına tam uyğunluğunun
təmin edilməsi üçün müvafiq qanuna dəyişikliklər və əlavələr edilmişdir.
Dostları ilə paylaş: |