395
kəndlilərə böyük xəsarət dəyir. Bu isə bizim səlahimiz deyildir. Biz deyirik əsgər müddəti çox olar isə onları
istibdad altına almaq olar.
Sədr - Söz Səməd ağa Ağamalı oğlunundur.
Səməd ağa - Burada bir balaca ayrı cür danışdılar. Belə çıxdı ki, bir tərəf istəyir sübut etsinki əsgər lazım
deyil. Bizə əsgər də lazımdır. Çünki onlarsız ötüşə bilmərik. İş orada deyil. İş burdadır, biz deyirik Azərbaycan
adamlarından bir ildə yaxşı əsgər yaratmaq olar. Elə əsgər yaratmaq olar ki, öyrəndiyini 50 il də yadından
çıxarmasın. Burada Rusiyanı misal gətirdilər. Rusiya və Avropa ayrı cür yaşamışdır. Onlara həqiqətən lazımdır
bir iki il əsgərlik öyrənsinlər. Amma bizim kəndlilərdən hansı birini götürsəniz, görərsiniz ki, onlar yaxşı
atıcıdırlar. Yaxşı quş vururlar. Şamxor fəqərəsi yadınızdadır. (Səslər: Şamaxı! Şamaxı!).
(Səslər soldan "İsmail xan idi!")
Birisi mənim özüm lap pisi ki, yaxşı nişanə vururam. Ona görə biz deyirik ki, bir il bəsdir. Bu bir. İkinci biz
bir şeyə də inanırıq və bundan möhkəm davam edirik ki, kazarma günü, kazarma diriliyi insanı xasiyyətdən
salar, onu qeyri işlərə vadar edər. Kazarma həyatı bir növ örtülülükdür. Örtülü şıkalalar hətta insanı çox işlərə
salar, bacarıqdan salar. Bizim kəndçilərimiz ki, onların işi əkindir, biçindir, qoyun-quzu saxlamaqdır, bunlardan
çox müddət uzaq olsa, onu unudar. Bizə lazımdır ki, bu şeylər unudulmasın. Bir də o yerlərdəki çox qoşuluq
olur, orada müftəxorluq artıq olur. İşçilər işdən düşür. Bu davada Çernov və bir neçələrinin rəyi bu idi ki, nə
tövr oldu bu qoşun birdən birə pozuldu. Onlar deyirlər ki, əkinçiləri yığıb doldurdular kazarmalara, onlar da
peşələrini unutdular. Sonralar onlar üçün iş tapmaq çətin oldu. Bu adamlar Revolyusiyaya qarışdı, odur ki,
revolyusiyanın sifəti bəd çıxdı. Bəlkə yaxşı çıxa idi. Bu tarixi bir şeydir. Bir natiq dedi ki, əsgərlik müddəti
yeddi il də ola bilər. Bu kişi bədbəxtlik sözü dedi. Bu lap bədbəxtlikdir. İrəlidə Rusiyada bir vaxt əsgərlik
müddəti 30-35 il idi. Hələ Rusiyada bu vaxtlarda bir fikir var idi ki, indiki əsgərlik müddətini də azaltsınlar. Biz
yaxşı bilirik İngiltərədə çox da əsgərlik
[903 - 904]
yoxdur. Bunlar 6-7 ayda öylə bir hərəkət elədilər ki,
zavodları da işlədi. İşləri də düz qaydası ilə getdi. Aləmi də basdılar. İndi də hər yerdə ağalıq edirlər.
Almaniyada isə əsgərlik var idi. İşlərinin axırı nə oldu. Əsl hesab bir millətin ruhunun yüksəkliyindədir. Belə
millətdən az zamanda nə istəsən yapa bilərsən. Habelə, Amerika qoşunsuz idi. Camaətdə davam artıq olduğu
üçün bu gün lazım olarsa soldat gedər, sabah yenə professordur, fəhlədir, əkinçidir. Onlar qədimi kimi soldat
saxlamayacaq. Bundan əlavə əgər tarixə baxarsaq görərik ki, zalımlar böyümüş, qoşunlar qoçaq hərəkət göstərə
bilməyiblər. Ruhları nur olmuşdur.
Bizim yaxşı yadımızdadır ki, Fransiya birinci inqilabını öldürmək istədilər. Yevropa general Şovinqin
komandası altında qoşun göndərdi. Parisin qabağını kəsdilər. Xalq onlara tabe olmadı. Xalqda qvardiya yığdılar
Baron Şovinqi döydülər. Firəng qoşunları arxalarında kağız yapışdırdılar ki, hər yerdə gərək ədalət imarətləri
tikilsin. Bu hava dünyanı basdı. Belə hərəkətlərdən axırda Napalyonlar çıxdı. Özünüz yaxşı bilirsiniz ki, burada,
İranda cəmaət nə cür yaşayır. Bu yaşamaq əsgərlik hərəkətini qabağa salır. Bunu Şam-xor hadisəsi göstərdi.
Cəmaət qəzəbə gələndə 5-10 nəfər 5-10 yox, bir-iki mindən artıq Şamxorda vurub, illər ilə öyrənmiş qoşunları
partlatdılar, getdi işinə. Sözümün qurtaracağı budur, biz yəqin inanıb deyirik ki, bir il bəsdir. Biz onu ondan ötrü
deyirik ki, bu asma cəmaətə xoş gəlsin, neçeqo podobnoqo! Biz buna inanıb deyirik ki, əsgərlik üçün uzun
müddət cəmaət üçün ziyandan savayı nəf verməz. Bir il bizim Azərbaycan cəmaətindən ötrü soverşenno
dostatoçno! (Alqış).
Sədr - Əsədulla Əhmədov.
Əsədulla Əhmədov - Əfəndilər! Bu məsələ barəsində danışıqdan qabaq istərəm bir qaç söz söyləyim. Çox
gözəl amallar, çox gözəl ideyalar. Amma yerində lazımdır. Biz də arzu edərdik ki, millətlər arasında heç dava
olmaya idi və qan tökülməyə idi. Amma siz bilirsiniz ki, əsgəri müdafiədən ötəri biz istəyirik. Hücum etməyi
heç bir vaxt xəyal etməyirik. Biz öz məmləkətimizdə rahat əyləşə bilməliyik, özümüzə kələn bəlanın qabağını
saxlamalıyıq. Biz gərək bəndin qabağını saxlayaq. Bəndi möhkəm edək, möhkəm etməsək sel onu bərbad edər.
Qoşun
[904 - 905]
istəyirsən olsun. Fəqət unutmamalıdır ki, əsgər sözü ləfz də deyil əməldədir. Şamxor
hadisəsində vaqon kələndə səngərdən atırdılar. O dava deyil, davada ələ tüfəng alanda qorxmamalı, qorxdu evi
yıxıldı. 47 əsgər səkkiz min adamın qabağına qaxmışdı. Amma küçələrdən yığılan əsgər, müntəzəm əsgərin
qabağında davam edə bilməz. Bu cür məsələlər müzakirə edilərkən onların barəsində yaxşı düşünülməlidir. Bir
il tərbiyə görmək, bir il əmrə baxmaq özü də təlimdir. Təlim və tərbiyyə-əsgəriyyə bir ayda, altı ayda, bir ildə
olan deyildir. Yaxşı nizam görmüş qırx nəfər əsgər icabında bir qələyə bədəldir. Amma nizamsız əsgər, küçədən
yığılanlar, tüfəngləri yerə tökürlər. İnad lazım deyil. Yalnız o fikri müdafiə edənlər, əsgərlik görməyən və
bilməyənlərdir.
Mən dörd il əsgərlik müddəti olmasını istərdim. Fəqət indiki zamanı nəzərə alaraq komisyonun rəyinə mən
də şərikəm. Əsgərlik müddəti iki il olsun. Madam ki, məmləkətimizi müdafiə etmək istəyirik; madam ki, qara
qüvvələrin qarşısını saxlamaq istəyirik; o zaman müdafiə lazımdır. Müdafiə də əsgər ilə olur. Martdan qabaq və
sentyabrda bizə təcrübə göstərdi ki, küçədən tutulub cəbhəyə göndərilənlər iki saatdan sonra qaçırdı. Tacir,
bəzzaz, əsnaf, kim olursa olsun təlim görməsə heç bir şey edə bilməz. İştə hərbşünaslar düşünərək iki il təyin
etmişlərdır. Mən də, öz firqəmiz tərəfindən müddəti - əsgəriyyənin iki il olmasını təklif edərəm.