19
etdilər və onlara sərbəstlik verdilər. Bu vaxtdan Azərbaycanın Çuxursəd diyarında
yerləşən Üçkilsə bütün ermənilərin dini mərkəzinə çevrildi.
Qaraqoyunlulardan sonra Ağqoyunlulara. sığınan Üçkilsə katolikoslarının
mövqeyi daha da möhkəmləndi. Beləliklə, Azərbaycan ərazisində Çuxursəd
diyarında Azərbaycan Qaraqoyunlu. Ağqoyunlu hökmdarlarının icazəsi ilə erməni
kilsələri tikildi.
XVI əsrin əvvəlində mərkəzi Təbriz şəhəri olan mərkəzləşdirilmiş
Azərbaycan Səfəvi dövləti yarandı. Azərbaycanın başqa bölgələri kimi, Çuxursəd
də Səfəvi dövlətinin tərkibinə daxil oldu [[bax: bölmənin sonu, şəkil: 6, 7, 8, 9].
XVI əsrin 30-cu illərində Azərbaycan Səfəvi dövlətinin ərazisi inzibati cəhətdən 13
vilayətə -bəylərbəyiliyə bölündü. Bunlardan biri də mərkəzi İrəvan (Rəvan) qalası
olan Çuxursəd bəylərbəyiliyi idi.
Çuxursəd bəylərbəyiliyinə Maku, Sədərək, Naxçıvan (XVII əsrin
əvvəllərindən) vilayətləri, Zaruzbilə, Bayazid qalası, Şadılı tayfasına məxsus
torpaqlar, Osmanlı fəthləri zamanı bu bölgələrə köçürülmüş Dümbuli kürdlərinin
yaşadıqları torpaqlar və Mağazberd daxil idi [174, 14]. Çuxursəd bəylərbəyiliyini
Səfəvi şahlarının təyin etdikləri iki Azərbaycan tayfasının — ustaclı və rumlu
tayfalarının nümayəndələri idarə edirdi.
Çuxursəd bəylərbəyiliyini Osmanlı imperatorluğu ilə həmsərhəd olduğu
üçün həmişə tanınmış Azərbaycan türk sərkərdələri idarə etmişlər. Belə ki,
Çuxursəd bəylərbəyiliyinin Həsən bəy Rumlunun "Əhsən-üt təvarix" əsərində
1538-ci ildə xatırlanan ilk bəylərbəyi Bədir xan Ustaclı olmuşdu. Sonra onu
Şahqulu Sultan Ustach əvəz etmişdi. 1554-cü ildə Sultan Süleyman Qanuni İrəvana
yürüş edərkən Çuxursəd bəylərbəyi Hüseyn xan Rumlu idi. Ondan sonra həmin
vəzifəyə Şahqulu Sultan Ustaclı təyin olunmuşdu. Daha sonra onu Məhəmməd xan
Toxmaq Ustaclı və başqaları əvəz etmişlər [174, 121 -122; 170,52-53].
XVI əsrin əvvəllərindən başlayaraq Səfəvi — Osmanlı sərhədində yerləşən
Çuxursəd bəylərbəyiliyinin tarixində ən ağır dövr başlandı. Bəylərbəyiliyin ərazisi
və onun mərkəzi olan İrəvan qalası öz aralarında qanlı müharibələr aparan iki
qardaş türk imperiyaları olan Səfəvilərlə Osmanhlar arasında müharibə meydanına
çevrildi, dəfələrlə əldən-ələ keçdi. 1590-cı il İstanbul sülh müqaviləsinə əsasən,
Çuxursəd bəylərbəyiliyi Osmanlı idarəçiliyinə keçdi, bu zaman bəylərbəyiliyin
inzibati-ərazi quruluşu dövrün mənbəsində — 1590-cı il tarixli "Müfəssəl dəftər"ə
görə aşağıdakı kimi təqdim olunur: Çuxursəd bəylərbəyliyinin ərazisi iki livaya —
İrəvan və Naxçıvan livalarına bölünmüşdü. İrəvan livasına 10 nahiyə daxil idi:
Çuxursəd bəylərbəyliyi ərazisində məskunlaşdırılan kürd tayfaları bu yerlərə Osmanlı sultanları
tərəfindən XVI əsrin sonlarında Diyarbəkr və Dəclə çayı sahillərindən köçürülmüşdü. Osmanlı
sultanları kürdləri sünni olduqları üçün Səfəvi — Osmanlı müharibələri zamanı buradan köçməyə
məcbur olmuş şiə məzhəbli Azərbaycan türklərinin — qızılbaşların torpaqlarında yerləşdirdilər.
"Diyarbəkrdən və s. yerlərdən sünni məzhəbli "Kurmanc" adlanan Dəclə kürdləri ... Maku, İrəvan və
Naxçıvan bölgələrinə gətirilərək buradan köçmüş Qızılbaş-türkmənlərdən və Oyrat xalqından boşalan
kənd və qəsəbələrə yerləşdirildi" [bax: 17; 192, 437-438].
20
İrəvan, Qərbi, Gərni, Vedi, Aralıq, Talın, Ərmus, Abnik, Abaran, Şərabxana.
Naxçıvan livası isə 16 nahiyədən (Ağcaqala, Məvaziyi-Xatun, Mülki-Arslanlı,
Qarabağ, Dərəşam, Dərəşahbuz, Bazarçayı, Şərur, Zar, Zəbil, Əlincə, Sisyan,
Azadciran, Ordubad) və 1 qəzadan — Naxçıvan qəzasından (sancağından) ibarət
idi [6; 8-9]. 100 ildən çox davam edən Səfəvi-Osmanlı müharibələri 1639-cu ildə
Qəsri-Şirin müqaviləsi ilə başa çatdı. İki imperiya arasında 1723-cü ilə kimi davam
edən uzunmüddətli sülh dövrü başlandı. Yaranmış əmin-amanlıq Çuxursəddə
sosial-iqtisadi inkişafa müsbət təsir göstərdi.
Çuxursəd bəylərbəyiliyini əvvəlki kimi yenə Səfəvi hökmdarlarının təyin
etdikləri hakimlər idarə edirdi. Bölgəni osmanlılardan azad edən I Şah Abbas
(1587-1629) bu döyüşlərdə göstərdiyi igidliyə görə "Sarı Aslan" ləqəbini almış
Əmirgünə xan Qacarı
*
Çuxursəd (İrəvan) bəylərbəyi təyin etdi. 1625-ci ildə
Əmirgünə xanın ölümündən sonra bu vəzifəyə onun oğlu, I Şah Abbasın ən
tanınmış sərkərdəsi Təhmasibqulu bəy Qacar təyin edildi [105,155-156; 174,125].
Bütün XVII əsr ərzində bu bölgənin idarəçiliyi Azərbaycanın qədim tayfası olan
Ağcaqoyunlu Qacarların əlində qaldı.
1663-cü ildə II Şah Abbas (1642-1666) keçmiş Çuxursəd hakimi
Əmirgünə xanın oğlu Abbasqulu xanı İrəvana hakim təyin etdi. O, Çuxursəd
bəylərbəyiliyini XVII əsrin 70-ci illərinin əvvəlinə kimi idarə etdi. Onu bu vəzifədə
islamı qəbul etmiş gürcü əsilli Səfı xan əvəz etdi. Səfı xanın ölümündən sonra
Çuxursəd bəylərbəyiləri Səfiqulu xan Alxas Mirzə oğlu və Səfiqulu xan Rüstəm
oğlu oldular [bax: 104,100-101; 105,156; 164,111; bax: bölmənin sonu, əlavə: 1].
Bu iki bəylərbəyinin zamanında əhalinin vəziyyəti xeyli ağırlaşdı. Nəticədə iki il
məvacibsiz qalan Qacar və Bayat tayfalarından olan döyüşçülər 1677-ci ildə
Səfiqulu xana qarşı üsyana qalxdılar [181,195-196]. Vəziyyəti nəzərə alan Şah II
Səfi (Süleyman) (1666-1694) Çuxursəd bəylərbəyiliyinə özünün etibarlı
adamlarından biri olan Zal xanı təyin etdi. Onun hakimiyyəti illərində XVII əsrin
son rübündə bütün Yaxın Şərq ölkələri kimi, Səfəvi dövləti də dərin tənəzzül
dövrünü yaşayırdı. Bu, Çuxursəd bəylərbəyiliyi üçün də təsirsiz qalmadı. Bununla
belə, Azərbaycanın bir çox yerlərində olduğu kimi, Çuxursəddə də ənənəvi iqtisadi
həyat davam etməkdə idi. Vilayətin mərkəzi İrəvan şəhəri Osmanlı imperiyasının
ticarət mərkəzlərini Tiflis, Gəncə, Şamaxı və İsfahan şəhərləri ilə əlaqələndirən
ticarət yollarının qovşağında yerləşirdi [187,28]. İrəvan digər Azərbaycan şəhərləri
ilə daha geniş ticarət əlaqəsi saxlayırdı. "İrəvana hər yerdən tacirlər gəlir,
istədiklərini alıb aparırdılar..." [187,28].
Səfəvi Osmanlı müharibələri nəticəsində Çuxursədin tarixi sərhədlərində
ciddi dəyişiklik baş verdi. 1635-1639-cu illər Səfəvi - Osmanlı müharibələri
nəticəsində Çuxursəd bəylərbəyiliyi öz ərazisinin təqribən yarısını itirdi. XIV-XVI
əsrlərdə ona məxsus ərazilərdən yalnız İrəvan və Şərqi Şörəyel bəylərbəyiliyin
*
Əmirgünə xan Azərbaycanın qədim Ağcaqoyunlu Qacar tayfasından idi [bax: 174,125; 196,186-187].