AZƏRBAYCANDA İPOTEKA SİSTEMİ
REAL VƏZİYYƏTİN TƏHLİLİ VƏ TƏKMİLLƏŞDİRİLMƏSİ
İSTİQAMƏTLƏRİ
Rəşad Həsənov, MA,
Gülnar İsmayılova, MSc,
Fərhad Bayramov
Səhifə 71 / 91
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
sənədlərin sayının azaldılması vacibdir. Çünki, bir çox hallarda
vətəndaşlar bu maneələrdən keçə bilmir.
-İpoteka faizləri yüksəkdir
Yuxarıda ipoteka kreditlərinin verilməsində beynəlxalq təcrübəyə
diqqət etdik. Normal və daha çox sosial əhəmiyyətli ipoteka siyasəti
həyata keçirilən ölkələrdə ipoteka faizləri 2.8%-4.5% arasında olduğu
halda Azərbaycanda dövlət maliyyəsi hesabına verilən kreditlərin
faizinin 8%, özəl banklar tərəfindən təklif olunan kommersiya
ipotekasının faizləri isə 10%-12% arasında olması heç də normal hal
deyil. Belə ki, 8%-lə 25 illik müddətə 50 min manat ipoteka götürən
vətəndaş aylıq 386 manat olmaqla banka təxminən 115 min manat və
yaxud da 65 min manat əlavə pul ödəməlidir. Göründüyü kimi, kreditin
faizi əsas məbləğin 130%-nə bərabərdir. Əgər nəzərə alsaq ki,
ölkəmizdə ipotekaya müraciət edən vətəndaşların böyük bir qismi az
gəlirli ailələrdir və bu yolla həyatını qaydasına salmaq istəyir, krediti
götürdükdən sonra alınan faiz vətəndaşın ömrünün 12-15 ilinə başa
gəlir. Başqa sözlə orta aylıq əməkhaqqı 400 manat olan azərbaycanlı
ömrünün 1/5-ni (orta ömür nəzərdə tutulur) və ya 13.5 ilini tələb edilən
faizin məbləğini ödəmək üçün işləməlidir. Belə olduqda ipoteka
siyasətinin ədalətliliyindən danışmaq olarmı?
AZƏRBAYCANDA İPOTEKA SİSTEMİ
REAL VƏZİYYƏTİN TƏHLİLİ VƏ TƏKMİLLƏŞDİRİLMƏSİ
İSTİQAMƏTLƏRİ
Rəşad Həsənov, MA,
Gülnar İsmayılova, MSc,
Fərhad Bayramov
Səhifə 72 / 91
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
Digər tərəfdəndə sadə bir hesablama aparsaq görərik ki, adi ipoteka
kreditlərində aylıq ödəniş məbləğinin 166 manatı əsas borcdan silindiyi
halda 220 manatı faizlərin ödənilməsinə sərf edilir.
Qeyd etdiyimiz kimi, 400 manat orta aylıq əmək haqqı olan ölkədə 220
manat məbləğində ipoteka faiz xərci kifayət qədər böyük rəqəmdir.
-Aylıq annuitet ödəniş məbləği çoxdur
İpoteka şərtlərinə uyğun olaraq 25 il müddətində adi ipoteka krediti
götürən şəxsin aylıq ödənişi 386 manat, 30 illik güzəştli ipoteka krediti
götürən şəxsin aylıq ödənişi isə 188 manat olur. Aylıq 386 manat
məbləğində kredit ödənişi ölkə əhalisinin real gəlirləri ilə uyğun deyil.
Əlbəttə ki, bu zaman vəziyyəti çətinləşdirən digər məqam müddətin
uzun olmasıdır. Yəni vətəndaş 25 il müddətində daimi olaraq bu
məbləği ödəməlidir. Bir sözlə mənzil problemini həll etmək istəyən
vətəndaş uzunmüddətli problemin içinə yuvarlanır. Bu isə ipoteka
kreditinin əsas fəlsəfəsini təşkil edən “aztəminatlı ailələrin sosial
şəraitinin yaxşılaşdırılması” ideyasına ziddir.
-İlkin ödəniş məbləği çoxdur
Qeyd etdiyimiz kimi ipoteka krediti verilən zaman “Azərbaycan
Respublikasının Mərkəzi Bankı nəzdində Azərbaycan İpoteka
Fondunun vəsaiti hesabına ipoteka kreditlərinin verilməsi Qaydaları”-na
uyğun olaraq alınan əmlakın dəyərinin 20% (adi ipoteka) və ya 15%
(güzəştli ipoteka)-ni vətəndaş ödəməlidir. Vətəndaş tərəfindən yerinə
AZƏRBAYCANDA İPOTEKA SİSTEMİ
REAL VƏZİYYƏTİN TƏHLİLİ VƏ TƏKMİLLƏŞDİRİLMƏSİ
İSTİQAMƏTLƏRİ
Rəşad Həsənov, MA,
Gülnar İsmayılova, MSc,
Fərhad Bayramov
Səhifə 73 / 91
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
yetirilən bu ödəniş “ilkin ödəniş” adlandırılır və əmlak satıcısının
hesabına köçürülür. İpoteka prosesi zamanı yaranan digər xərcləri də
nəzərə aldıqda vətəndaş 50 min manat məbləğində kredit götürdükdə
təxminən 10-12 min manat ilkin ödəniş etməlidir. Onu da qeyd etmək
lazımdır ki, qanunvericiliyə uyğun olaraq ilkin ödəniş faizini müəyyən
edilməsi haqqı müvəkkil banklara verilib. Məhz bu səbəbdəndir ki, bir
çox hallarda banklar ilkin ödəniş məbləğini əmlakın 25%-i dəyərində
müəyyən edir. Bu isə 50 min manatlıq ipoteka krediti üçün ödənilməli
olan ilkin ödəniş məbləğinin 15-17 min manata qədər artmasına səbəb
olur. İlkin ödəniş məbləğinin daha çox tələb edilməsinin əsas səbəbi
bankların öz fəaliyyətlərini sığortalamaq cəhdi kimi qiymətləndirilir.
Nəticədə yeni qurulan gənc ailələr və yaxud da aztəminatlı ailələr bu
qədər vəsaiti tapmaqda çətinlik çəkir. Reallıq isə ondan ibarətdir ki,
ailənin bu qədər vəsaiti varsa əgər o, həmin məbləğə hazırkı qiymətlərlə
3 otaqlı təxminən 80 kv.metrlik fərdi yaşayış sahəsi inşa edə bilər və
25-30 il müddətində banklara faiz ödəmiş olmaz. İlkin ödənişin tələb
edilməsi yalnız Azərbaycanda deyil əksər ölkələrdə var. Lakin, dövlətin
maliyyə imkanlarını nəzərə aldıqda vətəndaşların rifahı naminə bu
məbləği kifayət qədər azaltmaq olar. Bu zaman mümkündür ki, Türkiyə
təcrübəsində olduğu kimi, əhali müxtəlif kateqoriyalara bölünsün və bu
zaman 5%-10%-15% və 20%-lik ilkin ödəniş məbləğləri müəyyən
edilsin. Yeri gəlmişkən onu da qeyd etmək lazımdır ki, bir çox neftlə
Dostları ilə paylaş: |